小時光 (已結業)

去開觀塘梗係要試下啲工廈餐廳啦😋一直都聽好多人推介小時光話啲野幾好食同環境幾好，就同朋友去試下啦位置都幾偏遠，有少少難搵。不過好在等位都係等一陣，坐樓上就有啲唔方便，點餐拎野食要行上行落。我同朋友一人叫咗一樣share食，分別係魯肉飯同雞絲拌麵（辣）魯肉飯會跟滷水小食拼盤，入面有豬耳，豆腐，蛋等。不過本身魯肉飯份量就飯多，肉太少，啲肉好快食晒。味道方面，同普通台式便當差不多，滷耐啲會更入味！另外雞絲拌麵份量都好多，食落有少少麻麻地辣辣地！雞絲幾入味，不過食耐咗覺得有啲咸，整體而言都ok🙈