寶哥火鍋 (已結業)

係波鞋街行街經過見到廣告牌寫住$198有七款海鮮，八款升級配料同同丸類蔬菜任食，都幾抵咪又試下。湯底叫咗猴頭菇鯊魚骨湯，都好足料，滿滿骨膠原。首先出場嘅有海鮮拼盤，非常吸睛，有龍躉肉、海蝦、活花甲、紐西蘭活刀貝、廣島生蠔、蟶子、鮑魚。樣樣野都非常新鮮，自己最推介嘅係鮑魚，爽口彈牙。升級配料個人最推介嘅係牛小排、響鈴、手打丸。牛小排入口即溶，肉質嫩滑，完全唔un，油脂分布平均，打邊爐首選。響鈴即叫即炸，小見。手打丸新鮮，最鍾意墨魚丸，真係有粒粒墨魚喺入面，其餘兩款丸調味都唔錯。另外黑柏葉都屬於少見，你普通白色嘅牛柏葉更加爽口。食到呢度都飽左七成，另外仲可以叫番啲蔬菜中和返。