富久保手打烏冬 (已結業)

2006/05/31 端午節(星期三)0係gym玩0左一堂bodypump + 一堂單車﹐夾埋差唔多兩個鐘﹐夠晒皮!可能之前感冒+胃病﹐個人未完全recover晒﹐所以做完運動後成個人散晒....超級....又非常肚餓﹐又想食得light0的﹐想起未試過手打烏冬﹐就一於試0下!其實gym同富久保只係樓上樓下﹐但係一直無引起我注意﹐直至上openrice聽得多﹐先至有想去食0既念頭。叫0左個最簡單的"上湯烏冬"﹐真係好清。除了烏冬﹐就只得一小片魚片。我本身對烏冬無什研究﹐所以都唔0係度比較手打同一般烏冬的分別。無論如何﹐我都覺得這個手打的唔錯﹐滑滑同煙煙韌韌的﹐幾有"嚼勁"(從飲食節目的字幕學番0黎的﹐唔知0甘樣形容有無錯呢?)。個湯雖然好清﹐不過我嫌鹹了一些。總括來講﹐感覺OK﹐遲些應該會試埋其他款式。

睇食評對此店烏冬讚不絕口試過後覺得味道及煙un度只屬一般但淨計人手打都算係抵食跟餐的三粒墨魚丸並無大家所講咁驚為天人只是一般貨色平平地又要食手打烏冬都是不錯選擇

一直對炮台山上的手打烏冬小店,惦念非常.可惜地點唔多就腳,已經多年無光顧.日前放假要出老尖辦點事,醒起City super food court內有間開宗明義標榜手打烏冬"富久保".聽過朋友品題過有不俗評價.見廣場直行直入大把位.在Counter先落order,後比錢.正所謂天氣凍凍地最好食臘味,四月尾天氣悶熱,來一個冷食烏冬,實在深慶得人.手打烏冬外觀四四方方,無稻庭般幼細.比較粗身,口感煙韌彈牙,非常有水準.醬汁並沒有KC兄講得咁咸,香味就真係無乜.在呢個天氣,有一客這般醒胃的冷食烏冬.其他少少缺點,已經可以包容.附送的三粒墨魚丸,呢味基本上無論係街邊同日式超市food court,水準都係一樣接近麥記.一式一樣.求其三粒到肚就算.寫就寫唔出有甚麼特別.手打貨色,同普通現成貨色.兩者一比,高下立見.一食就食得出,孰優孰劣,由你決定.但當你吃過出自師傅,用力打真軍做出來的烏冬,咁你仲會唔會去吃一些軟淋淋,乏而無味的飛機貨?

這間店的烏東好煙韌,再加上天婦罹碎,一流.一個套餐約$55-65.有烏東有個飯,夠飽飽.如加$10有3粒章魚丸.

同朋友去文化中心睇"我們倆"，之後去近近地既city super food court 醫肚，一心就打算黎幫襯呢度既烏冬，之後行行下見到隔離既拉麵都唔錯，所以每度叫一set。叫左烏冬+ 雞肉蛋飯餐($55) 同埋隔離既拉麵+ 餃子餐。先食呢度既烏冬，長短粗幼不一，明顯是手打。又滑又"煙un"。唯獨是個湯，很淡。最後食既就係呢個雞肉蛋飯，本身對佢唔係咁有寄望，但其實又唔錯喎。d 雞肉好入味，個醬汁唔錯，蛋飯都ok。不過太飽，食唔晒。仲跟左杯熱麥茶，味道唔多掂，不過係送的。

看見日本師傅在檔口內將一大團麵粉搓呀搓，手法熟練，忍不住要一試他的「手勢」。手打麵粗粗的，橫切面四四方方，很有質感似的。麵算不上煙韌彈牙但有咬口，個人頗喜歡這類有咬口的東西，因此這裡的烏冬頗合我的口味。至於製作需時十五分鐘的八爪魚丸，大大粒，入口熱烘烘，八爪魚鬚彈牙，但醬汁太濃，酸羌太多，個人prefer吃烏冬多些。

24/12 3pm去citysuper's 買材料預備今晚晚餐前,系度叫左個是日烏冬定食$50-- 4-5件tempura(南瓜,鯖魚,茄子,蕃薯),tempura放系烏冬湯上浸淋左,味道扣分!醬油湯底清清地,烏冬吾算十分彈牙.漬物系白蘿蔔,3-4件,味道清甜!另有1件雪菜飯團及腐皮飯團,味道一般!但份量都頗多,我地2個人食都夠飽!

早兩個星期晚，去開老尖，突然醒起呢度想試好耐既店，不過就有少少失望喇。兩個人要左一個凍烏冬($38) 、一個牛肉烏冬($48) 、一份八粒八爪魚丸($30) 。烏冬都幾彈牙，不過個凍烏冬面頭有少少滑潺，所以就麻麻地；至於牛肉湯烏冬，湯亦都係普通，而且份量都幾少，基本上唔多夠飽，價錢亦都比較貴。不過，八爪魚丸都唔錯，雖然汁就略咸但勝在幾新鮮！

6月19日早上飲茶完畢之後,一直沒有再食野喇,不過一到五點幾開始,三個小時內食左三餐,什麼也補回啦,真係想唔肥都幾難囉!因為要留空間,以便打後的時間去吃超級甜點,所以來了這個美食廣場找點小吃,本來想試下流動櫃位的什麼法式薄餅,不過做事的員工太少,要吃的人實在太多,也不知要等多久,看見附近的富久保之隔壁,有一間專買章魚小丸子的,就買了八粒來吃了,買時店員已說要等十分鐘左右,無計,唯有等下啦!話就話十分鐘,但好似不需要等太久就有得食了,剛剛做好,吃時真的要小心點,真的很燙的啊!粉漿不算太厚,椰菜都算多,亦帶點爽脆,中間的墨魚粒同食開既差不多大小啦!至於在丸上的醬汁,與出面的不相伯仲啦!三十多元一客,絕對不是便宜,如果一個人獨享,應該可以當一個午餐去吃,不過當下是有友人共享,所以對我來說,只是份量很少之小吃吧!

一個人去港威辦點事，趕頭趕命食飯，去foodcourt就至適合。要快，正諗緊食拉麵好定食印度野好，最後是吃了烏冬，因為見個日本頭仲在打烏冬，加上天時悶熱，吃冷烏冬就正合時，就叫了個冷烏冬套餐。比左錢就等叫號碼，好快有得食。烏冬汁下一些炸脆漿，加入薑蓉、芝麻及蔥花，就可以拿烏冬去醮來吃。粗粗四方的烏冬，仍然彈牙，吃落煙韌亦有咬口，始終是手打，有番咁上下水準。是日一吃，覺得水準是比北角的手打烏冬店好一點；麵汁略嫌鹹了一點，缺乏一點香味。其實已加入芝麻及薑蓉，始終堅持，其實不用這麼濃味也可以的，可能要遷就本地市場，無計。美中不足，是冷烏冬不太夠「冷」，只能做到室溫，始終香港環境所限，沒辦法。還記得吃過最出色的月見冷烏冬，是在初秋的溪邊吃的。套餐另外有一碗水準一般的沙律，同埋章魚燒三粒。都說過章魚燒，是三種從來不懂得欣賞的日本料理的其中一種，所以吃了一粒，剩低兩粒，都叫做熱辣辣的。埋單48蚊，份量而言，對我來說是相當足夠。手打烏冬，在香港是沒有幾家，所以這裡是值得一吃的~當然是對喜歡及識食手打日式烏冬的朋友而言。

我最鍾意食手打0既麵，佢地既生蛋烏冬係我0既至愛。雖然要三十幾蚊，乜餸都無，但就可以食到烏冬彈牙口感。好好食。旦都係日本旦0黎0家。不過每次食都等餐死。

燒八爪魚拉麵$48 唔包湯同野飲, 梗正係貴貴貴! 下次都未必食了~但見到佢係真係請左果日本"師傅" 係度"猜" 麵粉. 好似幾PRO 咁!

如題. 我最鍾意係必等十五分鐘的八爪魚丸. 熱辣辣. 脆卜卜. 八爪魚鬚大粒彈牙. 醬汁香濃. 正呀. 如果要我揀烏冬的話. 推介腐皮熱湯烏冬.湯底香甜. 此店的烏冬熱食正D. 而冷食口感實在太硬了~

回港威中心收拾東西後，跟同儕到這兒飲杯野吹吹水。近近地落這個food court ，好讓她待會兒再返上去公司OT 。傍晚五點九，介乎午茶和晚餐之間，有不少穿校服的中學生在這兒聯誼。忽然想食有水準的章魚燒，遂買了盒。（$23/六粒）等了十分鐘，新鮮熱辣，香氣四散。每粒都飽滿漂亮，真正「色、香、味」美！廿三蚊六粒，唔平，但有水準。好過那些「章魚小丸x」多多聲！

見好似好出名咁, 又係公司下面, 咁就放工同男高音去試下拉, 我見到個師父係咁摓舊面粉, 好似好好功架咁.....但係食落去又唔係彈咋喎......^^", 我覺得'遊'好食D, 雖然貴少少同遠少少....