富久保手打烏冬 (已結業)

我只會食呢間既八爪魚丸而唔會食佢d手打烏冬佢d八爪魚丸真係好好味d八爪魚又大粒，汁又濃可惜係廿幾蚊先得果5粒......

叫左蛋撈烏冬:好味,d蛋汁甜甜地,烏冬煙煙'un''un',都好彈牙,不過四十蚊都幾貴,份量又過少。烏冬闊度不一,唔知咁係正唔正宗?5粒八爪魚丸:都好大粒,熱辣辣,好香,d汁好濃,每粒都有一至兩粒八爪魚肉,好味。一隻天婦羅炸蝦:最唔得,d粉漿林o西....

烏冬好諗身, 完全唔彈牙, 湯底唔特別而且嫌佢唔夠熱.個豬扒飯太家樂好食過佢多多聲..

手打乜鬼,D烏冬又唔彈牙又唔滑,連個湯都水皮到死,成三四十蚊,O係韓國舖買個十零蚊既即食烏冬自己返屋企煮都好十幾廿倍!

同女朋友係元宵試下手打烏冬，點知被騙。叫了一個富久保(天婦羅)套餐,個SAMPLE果樣幾討好,跟一個飯團和一杯茶,點知因為天婦羅放在熱湯烏冬上,上枱的時侯已經淋哂,個湯底又好味精喎,幸好個烏冬都算是幾ok,但女朋友就嫌d烏冬硬o左少少,個飯團好似剛剛係雪櫃攞出黎,無鹽無味,杯茶竟然係一杯普通不過的"中國茶",唉,實在失望.我同女朋友食完個餐,作出了一致的裁決:永不錄用~!

見到呢度咁多人讚D烏冬好食，就年初四o既時候o黎o左試，就發現D烏冬浸o係湯度已經開始面層"滑潺潺"，仲好冇口感，一D都唔彈牙，湯就唔夠清甜，似加o左味精，就同一般食店o既烏冬一樣，非常普通。都係北角o既"手打烏冬店"o既烏冬好食得多了。

上星期去City Super食lunch, 揀咗呢間, 我叫咗個什菜天婦羅烏冬再加八爪魚丸, 個天婦羅係即做即炸, 都ok, 個烏冬就麻麻地, 滑得嚟唔夠煙韌! 我覺得以咁嘅價錢唔係好抵食!

今日終於試了這個富久保的烏冬~~~ 食左上湯烏冬, 係套餐來的, 有3粒八爪魚丸同埋3舊甜蘿蔔~~~ 仲有一杯茶! 八爪魚丸外皮脆, 入面係流質的~~~ 味道不俗, 但係本人覺得日之船的比較好食!!! 烏冬.... 本人覺得都幾彈牙既, 不過又未算好彈牙果種~! 可能要冷食先至比較彈牙d 呱????? 如果同美杉比的話, 我覺得美杉的冷面好食d 囉!!! anyway..冇想像中咁好食~~~ (可能自己唔識食啦~!!!^^)　不過都算唔錯~~

今個星期六去到尖沙咀,揀唔到地方食野,所以去cook deli算數。今次試左富久保既定食,見到有飯又有烏冬,以為會食唔晒,但係又ok喎!因為烏冬只係有一片魚片同一d炸粉做配菜,都算好味,只係d炸粉質素唔太好,唔知點解有少少腥味!?至於碗飯就好好味!係有蛋又有豬扒!豬扒炸得脆而皮唔厚,唯一係我覺得汁多左少少(雖然味道其實很好),因為好味,食下食下就好易食晒!

周未晚上和太座沒有太大胃口, 簡單的來一客烏冬晚餐, 點了一客牛肉飯套餐, 其中已包括一碗牛肉飯, 一個碗烏冬, 一杯茶和汽水; 牛肉和汁料味道適中, 略嚴飯粒水氣過重; 烏冬保持水準, 粗身有口感; 再加一客燒墨魚丸, 汁料味道香濃而墨魚丸中心溫度很高, 一不留神很容易會被燙傷. 晚餐後再逛逛citysuper, 又過了一個晚上.

有師傅現場手打烏東，感覺十分新鮮。我叫了冷烏東，味道淡淡的，但烏東就幾彈牙，ok啦。八爪魚球很貴呀！$40十粒。八爪魚球加上木魚碎和沙律醬，幾滋味，但質感太軟，八爪魚又不是太新鮮，所以我都是喜歡銅鑼灣citysuper 的八爪魚球多d。

星期天的早上, 難得一個人可以清閒的在尖沙咀遊盪一下, 一個人用膳比起和朋友一起更加困難, 不想虧待自己, 亦不想亂花金錢; 想起幾近一年多沒有嚐試富久保的手打烏冬, 正好來一客之後再順道去屈臣士酒窖看看洋酒.富久保鋪面正好有一烏冬師傅在表演製造烏冬, 看他正在一枝圓棒在壓麵粉團, 技巧純熟. 看了半分鐘示範套餐, 才選定了"富久保套餐", 同樣用烏冬湯底加上數件炸物, 炸物包括了墨魚, 蔬菜和薯餅等等, 味道香口, 但主角當然是烏冬, 烏冬粗身口感彈牙, 吃起來比炸物更吸引, 湯底味道則重了一點, 喝後有點口干.除了烏冬本身, 還跟有三片蘿蔔和一個飯團, 蘿蔔香甜無根, 飯團加上了味菜, 口感有點近似上海菜館的痴飯一般. 食完了套餐, 東逛逛, 西逛逛的遊蕩了一整個下午.

昨晚又到city super個food court 醫肚，試了聞名已久o既烏冬，個set有三粒八爪魚燒，蘿蔔關東煮和一碗清湯烏冬。O的麵真係幾彈牙，個湯真係好清好鮮美，蘿蔔無渣清甜，但太腍了，最不滿個八爪魚燒，一pat粉咁，仲差過o係旺角街頭o個o的。

行到去city super 見到師傅係度切切下D烏冬......好鬼得意....自己想食清D...於是叫左一個滑蛋烏冬...$40....但係...點解份量少得咁可憐既???得三份一碗.....於是再買多盒三文魚壽司....個滑蛋烏冬乜料都冇...只有蛋汁+烏冬....但係味道比我想像中好.....個烏冬好煙靱......軟硬O岩O岩好....初時以為佢份量少啦...但原來都好夠飽.....可憐我仲係食烏冬前O趙左三件三文魚壽司....

多項計畫出了岔子, 看來要找點好吃的來自我安慰一下, 路經尖咀想起了富久保還未吃過, 便決定一嚐, 要了個富久保餐, 是一麵豉湯底, 有三件例牌炸物加炸魚塊一件的湯烏冬, 還有一件過甜腐皮壽司再加清茶一杯, 付款後回來取貨時巳見炸物滲得走了樣, 怎好吃的也要扣分, 雖則如此, 烏冬又確實是個人較喜愛的那種煙韌口感, 除此之外, 其他也不太可取。