富久保手打烏冬 (已結業)

翻修後再來，原定的schedule非這裡，foodcourt的好處是沒時間的同時可任由同事自由發揮，自己可抽身點個烏冬去。看著師傅將麵糰拉起然後推鬆，此情此景，自手打烏冬屋結業後，要看，就只有這裡。冷烏冬，依舊的不夠濕不夠凍，不少心的將配料全倒入木魚汁中，結果是全程淨吃烏冬，軟熟而煙韌，如舊的水準。烏冬之後，清理掉關東煮，同事指著不知明物說是芋頭或魚蛋嗎？笑說是日本料理中最無性格最唔吸味之物，蒟蒻。

有日行開,見評價唔錯,又唔貴,當然要試啦叫一客烏冬+什么滑蛋牛肉飯.一食烏冬,嘩嘩~好好味呀>_<雖然只有烏冬同湯,但好好味,烏冬好彈牙,d湯又清,讚!!其食完烏冬都飽嫁啦,但仲有滑蛋牛肉飯,又好好味,雖然一路食一路飽,但都食得曬^^在美食廣場食,環境,服務,清潔都知唔會好好嫁啦.但都接受到.但偶然食平平地又咁好味的晚餐,好好呀^^

6/1(六) 2pm長假期後的首個週末,荷包重創是後遺症之一;跟男友於海港城會合,順勢於其food court覓食,舒緩另一後遺症-肚滿腸肥.見此烏冬店人山人海,自己也湊湊熱鬧.到此店買了$48的八爪魚丸烏冬套餐.湯烏冬--此處以師傅即席手打的烏冬打招徠,扁身烏冬口感挺滑溜,而且帶麵粉香,雖不及冷烏冬般超有咬口,但配以稍清淡的醬油湯底同吃亦不錯!附送的竹輪及炸魚卷則給比下去!八爪魚丸--一客3粒,八爪魚丸外型飽滿,內裏的八爪魚粒富彈牙口感;舖上活潑的木魚絲,蘸上甜酸交疊的醬汁,水準之作!漬蘿蔔--3-4件的漬蘿蔔質地較腍身,入口清甜無渣,味道完全對辦!於food court內能覓到一家出品有板有眼的店子,可說是有點意料之外的收穫!

係網上面見到好多網友對富久保既手打烏久有好多好評...我決定係裝修後去試左一次...係2007年1月20日同友人係富久保叫左個關東煮烏冬餐...一開始當然先食烏冬先...點知一口咬落去...以為d烏冬未煮熟...好硬...唔只我果碗...我友人果碗都係...真係好失望...唔只個烏冬唔得...連個餐附送既飯團同腐皮壽司都唔係好得...先講個飯團...d飯好乾...裡面有d似雪菜既餡...得有餡既部份先有味...腐皮壽司既腐皮就一般...但d飯同飯團d飯的確不相白仲....難食!!值得一讚既係佢地個關東煮...佢地既關東煮有蛋...白蘿蔔...薯仔...蒟蒻...同一條類似獅子狗既物體...白蘿蔔同薯仔勁入味...白蘿蔔仲要冇渣...配合有WASAB既miso醬...正丫...蒟蒻同蛋都係一般...不過果條類似獅子狗既物體真係只溶係口唔溶係手...有d霉既感覺...總結就係：呢度既烏冬我唔會再黎...希望佢既關東煮可以散賣就好....

係Citysuper 有咁傳統日本食店是非常難, 烏東及八爪魚丸都非常好味，值得推介一下。

來買玩具之夜,先吃點東西.老公食韓國鍋飯,我食烏冬.因不太餓,只點了個:海帶烏冬- 烏冬食落其實份量幾多.失望是口感好實,並不像煙韌的手打烏冬!可能我等了一會才吃,烏冬有點乾,好易斷呢.幸好海帶幾多,食得出是靚貨..湯底亦清得來好濃..(好難形容)總言而之,湯幾好味啦!吃後,覺得烏冬好重麵粉...好飽呀!! 38,都不知其實值不值..? 下次和老公試試他們的定食先...個個都是叫這些,可能會抵一點!

昨晚和簡生到海港城選購朋友結婚禮物, 順便在這裹Foodcourt晚餐, 選了Triple-O和富久保手打烏冬, 則邊有個師傅在現塲打烏冬,我order了烏冬咖喱飯套餐, 有一碗清湯烏冬,湯底幾清甜清香,唔油,烏冬真係好滑好彈牙..但個咖喱飯就好唔得,咖喱汁,飯和上面四小件炸豬扒,是微暖的,個汁唔香,豬扒好似炸咗放係渡成日咁,又乾又凍好難食...我見佢有燒丸子賣,但個樣唔係幾好,相信亦不是他的專長,下次還是剩烏冬算啦!

前幾日同個fd黎試下呢度既手打烏冬, 一食之下真係唔錯!烏冬煙un, 又唔係好似'遊'果邊d烏冬咁硬, 同埋個湯底飲落去有好香既木魚味!不過果度既八爪魚丸就真係一殷, 太多粉啦>.<

去到先至知，原來就係八爪魚丸那一間，之前吃過兩次八爪魚丸，都唔知有烏冬食，今次就係睇完開飯喇，特地去找它，今次去到當然點了烏冬，但都有食我很愛吃的八爪魚丸先講烏冬，我就覺得言過其實，唔夠彈，不過吃過兩口之後想到，應該是師傅煮得過火，因為外面太淋，但中間還有些咬勁，所以我想不是面本身的問題，但係就要勁彈個八爪魚丸，燒出來的粉團ｏｋ，醬汁都ｏｋ，但點可能１０粒丸，有８粒唔係用ｓｏ而係用個頭（唔係ｓｏ我就覺得係頭），一ｄ都唔彈牙，我真係未食過八爪魚丸會係咁，之前佢唔係咁，好失望

昨日mami提議到tst食lunch此店好評如潮,又怎能不來探探虛實呢?記得眾食友對該店的冷烏冬讚不絕口,不試實在對不起自己,而mami則叫了一客雞蛋烏冬冷烏冬的醬汁亦比較咸了點兒,問題不大跟餐的3顆takoyaki是母親大人想要食的自己只食了一個,覺得所路上賣的沒什麼特別沒有專程來試的必要總括來說,這兒的手打烏冬非常的彈牙,但冷食的話略嫌比較硬身相比之下,mami要的雞蛋烏冬比較"淋"身,加上有蛋汁的扶持,令烏冬散發著淡淡的蛋香,口感亦因此而變得更滑,是絕對的美味這次的笑面是給mami的雞蛋烏冬的有機會會再來,但來的話也是點熱食的湯烏冬了

烏冬對偶來說有一分情意結，在OR之初，是透過烏冬建立起關係的，對此物無疑是有著一份執著。記得第二篇食評時記烏冬，之後間唔中都會來試試，兩年多了，水準或浮或沉，有驚亦有喜，是日與同事來試試，介紹出色的烏冬給他。叫了冷烏冬，而同事亦一樣，見他望著配料不明所以，然後倒在烏冬上又將汁倒到烏冬上，來個日式撈烏冬，竹蓆上又是醬汁又是配料，好不壯觀。問他好吃嗎，他道「I think is ok」，心想若你平日「食」（真的是吃呀！）少些煙草，應該唔止ok。是日的烏冬，軟熟而充滿著麥味，是水準之作，只嫌不夠濕及冷，沒有加醬汁，齋吃著清爽的烏冬，已心滿意足。因為烏冬，而走上飲食之途。

琴日去海港城食富久保手打烏冬，買左一個滑蛋豬扒烏冬餐\，55蚊好多野食呀，好抵。一個細碗的滑蛋豬扒飯，一個烏冬，一杯日本茶。首先講個烏冬，不愧\係用手打烏冬來作主打，口感極好，彈牙得黎硬度o岩o岩好。湯底清清地，但絕不是清得無味o個种，反而同個烏冬配合得好好。雖然係foot court, 但我就覺得水準仲高過一d食烏冬的鋪頭。滑蛋豬扒飯味道較普通，但都唔算差。下次經過citysuper一定要再食~~~~

Compare with the one at Fortress Hill, this shop can be said OK. But one day, around 3 mths ago, I had lunch at city supper with my colleague.Both of us alsoo had Udon. But that afternoon, our stomach didn't feel well.I like to eat Udon so much, but if I can, i like to go to the Fortress Hill one more.

6/10/2006 (星期六)真係好好食趁要0係附近上seminar﹐所以之前就plan定dinner break0黎試試凍食烏冬。當晚阿sir臨時決定個break只得25分鐘﹐因為這樣可以早些放我地走。無所謂啦﹐反正係凍食﹐25分鐘都應該夠時間﹐上次食過上湯烏冬﹐我嫌個湯比較鹹。今次個凍食烏冬比上湯烏冬還要好食﹐可能係無放湯的關係(定係心裡因素?)﹐烏東本身食落比上次的更煙韌﹐勁有口感。我覺得這個烏冬0係夏天食絕對係一個非常好的選擇。墨魚丸都OK﹐感覺唔錯。遺憾0既係只有太少時間﹐未能好好享受整個過程﹐好快地食完就要走﹐不過好肯定0既係....I'll be back...

(30/5)逛街後，想起這裡，要試試，因本人喜歡烏冬多過拉麵很多倍，還要是手打貨，沒有可能錯過。叫了個冷烏東餐，腐皮壽司只是本人鬥氣試試，相信下次還是叫章魚燒，一般貨色；配料葱、薑、芝麻，混合烏東醬汁，很香很濃味，不過朋友說略咸，清點也可以；烏冬入口，整條長度比兒時吃的鞋帶糖更長，與街貨有極大差別，既軟亦實，入口有些實質但有彈力的感覺，而每咬一口，沒有那種一口粉，整條是平均實實的，相信是有功夫才能成之。而四方柱體的烏冬，手切實在是不容易，切得平均實在難得。很快便完餐，因真的欲罷不能，沒有想過Food court可以吃到這等貨色。真的如某食友提及，絕對有想試足各款味道的感覺，而我下次試試清湯烏冬也不錯。