容記小菜王

營業中

休息中

聽日突然間心血來潮好想食中式小菜整咗呢間位於太子嘅容記小菜王原來佢喺2018年米芝蓮餐廳推薦上到去嘅格局就好似中式茶樓咁但係我竟然出奇就係如多後生都喺度食飯，睇來食小菜並唔係上咗年紀嘅人嘅專利餐廳菜式都好多元化部分小炒價錢亦都非常之大眾化但就建議一大班人食會好啲因為可以叫多幾個餸食叫左個天下第一雞Menu 寫到明係農場雞所以都對雞嘅肉質有好大嘅期望果然肉質嫩滑，雞皮脂肪適中，唔會太肥半隻嘅分量都幾多配埋個沙薑醬送飯食一流另外叫左個海鮮雜菜煲海鮮食得出係冰鮮不過以佢嘅價錢$108我都覺得好合理海鮮份量都幾多下另外仲會陪左個粉絲做底菜就有小白菜西蘭花芥蘭感覺成個煲都好足料非常抵食兩個人埋單$350左右勝在可以慢慢坐慢慢食如果多啲人嚟食就會相對再抵啲

容記小菜王位於太子，聽就聽得多佢地個大名，有米芝蓮推介，卻從未去過幫襯，趁著近月疫情穩定下來，同老公二人好似大解放甘，四處週圍搵野食，今次就搵到黎昵度試下先。菜館不近旺角/太子港鐡站，出站後大約需要步行八至十分鐘到，不過都好易搵，剛剛在十字路口。遠處已經見到佢地既大招牌轉個彎就會見到佢地既大門口，一進內先需要乘坐電梯上一層，一進店內，已有人上前熱情招呼，今晚有幸被安排坐靠近窗邊既卡枱，可看見街上車來車往既景象 翻開餐牌，以叫小菜為主，選擇種類好多，價錢亦算親民 見到有個招牌燒鵝特價（$58）先叫左個例牌試試先，份量唔少，可足夠二至四人食，燒鵝汁好juice豉椒炒蜆（$88）原本以為係沙蜆，上到黎見到原來係花甲，隻隻都好大隻肥美😍海鮮濃湯雜菜煲（$108），本人highly recommend👍🏻😋, 因為佢地真係俾到D新鮮靚海鮮你食㗎! 煲內有鮮魷魚，帶子，珊瑚蚝，大蝦等靚靚海鮮叫支啤酒啤啤佢先，特價（$14.8）大支樽靚仔一碗🤣

掦名國際燒肉❤️❤️皮香脆，不硬。青芥辣特別，與黃芥辣相比不會搶味。整體略咸，要配飯。容記第一嘴，炸皮薄，墨魚嘴鮮美，大粒。有特色☺️☺️☺️☺️招牌沙拉骨😊😊肉與骨之間的筋別有風味。脆皮5厚，肉入味，外面醬汁香甜可口。😍😍😍瑤柱花膠浸莧菜☺️☺️☺️上湯濃郁鮮味。莧菜翠綠嫩滑。有瑤柱，冬菇，鮑片，配料豐富。花膠多及完整，整體分量十足😆😆😆😆菜式選擇多，整體味道出眾。環境舒適，充足冷氣。座位於上層，有卡位。有足夠服務員，有推介菜式。中菜晚餐價錢算是十分抵食。地理位置亦非常方便❤️❤️❤️❤️❤️

未食過都已經聽過容記小菜王呢個名!! 今日去開附近交收, 順便同男朋友食埋飯!餐廳好易搵, 離遠已經見到大招牌, 上到去都幾多人食喎!見到燒鵝例牌都係$58, 真係好抵食!!!仲要幾大碟下, 我地都鐘意食胸, 呢碟又唔算肥, 鵝油都好香, 淡淡肉, 仲要個皮仲脆架,超抵食!另外叫左蒜香骨, 都幾大碟, 而且新鮮炸起, 入面JUICY, 無翻炸幾十次既感覺,😂😂😂炸蒜好香, 好味到用黎送飯不過真係好大碟, $98都抵食, 2個人都食唔晒要打包!最後覺得太多肉, 叫左碟菜, 都一樣大大份, 雖然比較油, 不過蒜泥味都好香, 所以令碟菜都好甜好好食!2個人埋單3百幾蚊, 呢個份量, 仲要食埋燒鵝, 抵食選擇!!👍🏿👍🏿👍🏿

好似好耐冇食小菜，諗住喺深水埗行去太子附近睇下有冇什麼小菜店好食， 跟住就 發現咗這一間容記小菜王咁喺門口個招牌見到話有米芝蓮堆介美食 同埋燒鵝做緊特價， 所以我哋 入去一試 上到去 ，之後發現差不多爆場， 冇諗嗰間小菜店在這位置都這麼爆，我諗d質數應該很不錯。甘叫左個前菜 涼拌手撕雞 ，例牌燒鵝 ，同埋 洗衣機蒜香骨。 等咗大啲十分鐘第一道菜終於都上啦，涼拌手撕雞， 涼拌手撕雞有我最鍾意食嘅海蜇 裏面仲有甘筍， 但雞肉份量不算多而且 雞肉比較鞋， 應該係雞胸的位置， 第二個菜上嘅係洗衣機蒜香骨， 點解會嗌呢度菜呢個原因就係因為佢咗洗衣機 呢三個字吸引咗我 其實佢似係避風塘炒但係冇咗避風塘嘅辣味 解釋樂香脆可口而且份量足夠都比較大碟， 最後上嘅係例牌燒鵝 但最估唔到既係例牌竟然有燒鵝髀，正，雖然有d偏肥，但 燒鵝皮 依然香脆。 整體這家小菜店 都不錯 。雖然佢米芝蓮推介嘅係燒肉 但我哋最終都冇叫到燒肉 咁留返下一次再黎過。

平日晚上係太子呢區，晚餐想食中菜，都有好多小菜館。行過見到<容記小菜王>個勁大既發光招牌，立即令人諗起佢哋既米芝蓮鑊氣小菜，二話不說便上去開餐。晚上8時左右，已經有一半客人入座，8時半後，更加越夜越旺，應該係再有更多優惠拆扣吧!~不過睇完餐牌，其實以小菜來講，都係一百元左右已經有交易，真心抵食吖!!~<極品燒鵝皇 例牌 $58>58蚊就食到燒鵝皇，仲要有燒鵝髀同鵝胸肉比到你，真係連燒味茶餐廳都做吾到啦!!~仲要<容記>既燒鵝係高質既，燒鵝皮烤得又脆又薄，鵝肉夠厚身，入口啖啖肉，又冇乜肥膏脂肪，真係必食之選。<拔絲鳳梨咕嚕肉 $88>咕嚕肉炸得幾香脆，重點係個鳳梨汁酸甜度適中，味道頗為開胃。<黃金鮮魷 $108>呢個黃金鮮魷，每件魷魚都好大件，外表金黃，咬落去外層似係想化開既金沙咸蛋黃，咸蛋黃味濃郁，極為惹味，再咬第二啖就食到爽滑彈牙既鮮魷，非常好食，大讚吖!!<鮑汁花膠撈粗麵 $118>呢個鮑汁花膠撈粗麵份量不少，相信4人分享都可以。花膠同蔥段切成一絲絲甘，撈埋濃郁既鮑汁一齊食，味道不錯，大

這晚放工後我們二人到太子容記小菜王晚餐餐牌內很多餸菜也非常吸引，但係我哋只得兩個人，點兩項也夠飽了。決定點 海鮮濃湯雜菜煲 和 燒肉首先上枱嘅係燒肉，排列得整齊，一口一舊燒肉大細啱啱好。燒肉外皮趣卜卜，不會太肥，有層次，好香口如配上乳豬醬食甜甜地，鹹鹹甜甜嘅感覺別有一番風味；或者點中式芥末食會有燒滯嘅感覺， 各有特色。雜菜煲份量好多，好足料。湯底香濃，絕對是健康之選。蔬菜類別包括白菜仔、菜心：菇菌類有雲耳、雞髀菇。海鮮方面，鮮蝦幾爽口，帶子都幾鮮甜。特別喜愛雜菜煲當中的粉絲，連埋湯一齊食好入味。容記小菜王仲有好多菜式都很吸引同埋好出名，希望下次可以約埋屋企人或者朋友，多人嘅時候可以點多啲唔同嘅餸菜，試多啲唔同嘅菜式

容記小炒王，位於離地鐵站都幾遠既地方，不過間舖都算幾大間，幾岩一家大細黎開張圓枱食飯，傳統中式酒樓菜式喇，有小炒，蒸魚，炒魚，燒味，岩曬一家大細，有老有嫩，特別係老人家就最鐘意食喇。環境方面，都係d正常酒樓格局，都算幾乾淨，起碼枱布都唔會話見到有污糟野，同埋夠白白淨淨。食物方面，叫左個避風糖炒茄子黎試下佢個炒功，睇到都炒得幾乾身，上碟一d油/水都無，做得唔錯，配料夠豐富，食落幾有鍋氣同香氣。色澤方面，夠曬金黃色，又唔係過火，味道方面，好夠咸香，送飯就一流。茄子內部都仲係好juicy，睇得出廚師控制火喉有一定水準。燒味方面，就叫左個燒鵝，唔好太瘦or太肥，食落肉質都算幾嫩，仲有唔少肉汁，性錢黎講就係無得彈，性價比幾高。

因為疫情關係都好耐冇出街食飯，最近疫情緩和，就走出黎搵野食😎係太子站行幾分鐘就見到呢間食小菜都幾抵就入去試下💕7點左右坐低，叫完野食半個鐘左右就全部坐滿晒人，所以想黎食應該要早啲訂位上菜速度都幾快，見到我哋嗰碟有骨同殼仲會主動換👍🏻服務態度好，位置都好闊落晚飯有幾樣特價菜，我哋叫咗其中一個例牌燒鵝鵝皮香脆，肥瘦都均勻，肉質嫩滑都唔會乾，都幾juicy😽仲有加埋我最鍾意嘅酸梅醬，酸得黎幾清新，中和肥膩感，鵝汁會有少少🤏鹹，但整體都係幾出色，而且都抵食洗衣機蒜香骨見到都幾多人叫，所以都想試吓，佢每一件都係啖啖肉，雖然係炸，但完全唔會油，好香口，瘦中略帶點肥，肉上都堆滿黃金蒜，送飯一流👏🏻翡翠花枝珊瑚蚌-有菇、魷魚片爽滑彈牙，西蘭花配咗個茨汁，清新爽脆，珊瑚蚌都好新鮮甜美，有水準既小菜上湯波士頓龍蝦伊麵- 麵底有鮮味，吸收龍蝦的精華，龍蝦又啖啖肉，龍蝦肉質鮮甜彈牙 ，$188既價錢食到都幾新鮮同埋多肉嘅龍蝦，價錢都幾抵☺️👍🏻

在太子路經這家容記小菜王，進店後發現原來是頗著名的中菜，更是米芝連推薦過！😳看過餐牌覺得價錢合理便決定進店一嚐。餐廳在一樓，比想像中乾淨企理👍🏻 食物：4.5/5▪️避風塘炒蟹避風塘最重要是炸蒜，要炸得香但沒有油溢味，容記就做到👍🏻炸蒜香口惹味到我忍不住要用來伴白飯吃🤤辣度不算高，適合一家大小。肉蟹多肉鮮甜，泡過油但肉質仍鮮嫩，不會乾身！吃得十分滋味🤤▪️脆炸乳鴿乳鴿入味有肉汁😋 外表香脆度適中不會太乾👍🏻容記有很多招牌菜，特別想試炸墨魚咀和鐵板茄子！🤩 店員亦推介多款特價菜式，燒鵝例牌只需$58😳 可惜我今晚一人獨吃，胃口不夠大、實在裝不下🙈 下次再來嚐嚐！

之前已經聽過容記小菜王嘅大名，佢拎過米芝連推介，今次一於試下！店面就係一般酒樓嘅樣，但係牆紙都幾搞笑，寫有願你我不忘初心、最初的約定、偶遇吧等字句，浪漫得嚟又有啲害羞😂😂😂睇得岀老闆係性情中人。燒味就係米芝連推介名菜，不過今次無嗌到，下次先！未上小菜前，先送上口立濕一碟！先嚟個拔絲鳳梨咕嚕肉，夾起嗰下真係有拉絲㗎！舊舊肉都痴左糖漿，咬入口外脆內軟，唯一可以好點嘅係粉有點厚！之後有海鮮濃湯雜菜煲，平時啲海鮮雜菜煲，得魷魚魚腐再加一兩種菜，呢煲有帶子、魷魚、珊瑚蚌、蝦，大白菜、西蘭花、菜心同菇，貨真價實！入口都好鮮甜，清清地等呢餐不用太熱氣！最後一味餸係容記第一咀，即墨魚咀，個名咁威梗係要點！炸得好靚，鑊氣十足，入口好煙韌爽口，正！

去花園街買嘢，之後搵地方食晚飯，鳳城已經冇左(轉左名)，咁就去咗呢間小菜王食小炒嘢啦！入到去原來要搭𨋢上一層樓先至係食堂，都唔駛等位就已經可以有位坐，地方比想像中乾淨企理，見到個大魚缸冇乜污糟，我諗呢間嘢應該係幾注重乾淨！睇完餐牌就叫咗小炒皇(98)，同埋海皇撈粉絲($88)。小炒皇喺我鐘意嗰隻，用蒜心炒，而唔係我麻麻哋鍾意，用西芹炒嗰隻，所以食得好開心😃。海皇撈粉絲用沙㷛上枱，可以保持溫度，good👍，而且發覺呢度炒呢款菜都幾好食，唔會好油淋淋咁，相反，炒得夠乾身，食完之後個沙㷛底喺冇油份留番喺度嘅，唔單止咁，因為夠乾身，所以粉絲仲可以有少少焦嘅效果，入口就變得更加嘢味，呢個菜有意外驚喜!

下午2:00前蝦餃$9.8，鮮蝦🦐足料，抵食😋點心整體唔錯👍🏻但鮑汁什菌炆伊麵🍲就濕咗啲，不過味道可以嘅！如果想抵食啲就下午2:00後下午茶時段，不過蝦餃就正價$2x。

昨天中午去吃，叫了燒鵝瀨食到一半 發現個瀨粉有一隻小小強然後通知主管 佢行到黎 同佢講有小強佢吾信 話系啲骨碎黎嫁姐我答佢 吾系喎有兩隻抓系到喎之後佢系個麵到拎隻小小強出黎捽之後先同我講：同你取消佢啦之後行埋黎話 取消左啦我答佢 有無搞錯 甘都得既佢答我：你都食飽啦 甘講野 好似講到我黎食霸王餐咁 好似屈我貪食佢個麵咁

較早前在Youtube看了一篇有關容記老闆的人生高低起伏所感動，所以今天約了一班好友來太子容記試試，換來畢生溶記的經驗，今天我們一行9位老友順著小弟介紹來到容記一試小菜，因為今天book了房間，所以姐姐一再提醒我該房的低銷(由$3300皇恩浩蕩至$2800)，自問心裡有數，飲酒的我們定必過額，所以放心點菜，但朋友點菜時面色一沉而引起我的注意，所謂的經理大佬一來便和我朋友說我們點太多小菜，利申是價廉物美的小菜，怕我們應該不了今晚的低銷，於是硬要介紹我們要點海鮮吃，試問小弟一心來容記是品嚐小菜，為何硬要試hi先，我笑著回應經理不用擔心抵銷問題，但經理豪不客氣的應對我們所點的菜，說這樣沒有，哪樣沒有，一再刁難我們，於是我亦不客氣回答我們的小小小菜要求，經理才不情願的離開，快樂不知時，短短3小時，小弟一行9友小菜埋單$3700，我不吝嗇的邀請經理入來深入探討為何硬要老點hi先的由來，經理最後無言離開，其實太子容記的其他員工服務態度是值得推介給大家的，但我絕對不希望經理的硬銷手法而導致大家不愉快，容記變溶記，祝福大家