容記小菜王

營業中

休息中

在太子路經這家容記小菜王，進店後發現原來是頗著名的中菜，更是米芝連推薦過！😳看過餐牌覺得價錢合理便決定進店一嚐。餐廳在一樓，比想像中乾淨企理👍🏻 食物：4.5/5▪️避風塘炒蟹避風塘最重要是炸蒜，要炸得香但沒有油溢味，容記就做到👍🏻炸蒜香口惹味到我忍不住要用來伴白飯吃🤤辣度不算高，適合一家大小。肉蟹多肉鮮甜，泡過油但肉質仍鮮嫩，不會乾身！吃得十分滋味🤤▪️脆炸乳鴿乳鴿入味有肉汁😋 外表香脆度適中不會太乾👍🏻容記有很多招牌菜，特別想試炸墨魚咀和鐵板茄子！🤩 店員亦推介多款特價菜式，燒鵝例牌只需$58😳 可惜我今晚一人獨吃，胃口不夠大、實在裝不下🙈 下次再來嚐嚐！

之前已經聽過容記小菜王嘅大名，佢拎過米芝連推介，今次一於試下！店面就係一般酒樓嘅樣，但係牆紙都幾搞笑，寫有願你我不忘初心、最初的約定、偶遇吧等字句，浪漫得嚟又有啲害羞😂😂😂睇得岀老闆係性情中人。燒味就係米芝連推介名菜，不過今次無嗌到，下次先！未上小菜前，先送上口立濕一碟！先嚟個拔絲鳳梨咕嚕肉，夾起嗰下真係有拉絲㗎！舊舊肉都痴左糖漿，咬入口外脆內軟，唯一可以好點嘅係粉有點厚！之後有海鮮濃湯雜菜煲，平時啲海鮮雜菜煲，得魷魚魚腐再加一兩種菜，呢煲有帶子、魷魚、珊瑚蚌、蝦，大白菜、西蘭花、菜心同菇，貨真價實！入口都好鮮甜，清清地等呢餐不用太熱氣！最後一味餸係容記第一咀，即墨魚咀，個名咁威梗係要點！炸得好靚，鑊氣十足，入口好煙韌爽口，正！

去花園街買嘢，之後搵地方食晚飯，鳳城已經冇左(轉左名)，咁就去咗呢間小菜王食小炒嘢啦！入到去原來要搭𨋢上一層樓先至係食堂，都唔駛等位就已經可以有位坐，地方比想像中乾淨企理，見到個大魚缸冇乜污糟，我諗呢間嘢應該係幾注重乾淨！睇完餐牌就叫咗小炒皇(98)，同埋海皇撈粉絲($88)。小炒皇喺我鐘意嗰隻，用蒜心炒，而唔係我麻麻哋鍾意，用西芹炒嗰隻，所以食得好開心😃。海皇撈粉絲用沙㷛上枱，可以保持溫度，good👍，而且發覺呢度炒呢款菜都幾好食，唔會好油淋淋咁，相反，炒得夠乾身，食完之後個沙㷛底喺冇油份留番喺度嘅，唔單止咁，因為夠乾身，所以粉絲仲可以有少少焦嘅效果，入口就變得更加嘢味，呢個菜有意外驚喜!

下午2:00前蝦餃$9.8，鮮蝦🦐足料，抵食😋點心整體唔錯👍🏻但鮑汁什菌炆伊麵🍲就濕咗啲，不過味道可以嘅！如果想抵食啲就下午2:00後下午茶時段，不過蝦餃就正價$2x。

昨天中午去吃，叫了燒鵝瀨食到一半 發現個瀨粉有一隻小小強然後通知主管 佢行到黎 同佢講有小強佢吾信 話系啲骨碎黎嫁姐我答佢 吾系喎有兩隻抓系到喎之後佢系個麵到拎隻小小強出黎捽之後先同我講：同你取消佢啦之後行埋黎話 取消左啦我答佢 有無搞錯 甘都得既佢答我：你都食飽啦 甘講野 好似講到我黎食霸王餐咁 好似屈我貪食佢個麵咁

較早前在Youtube看了一篇有關容記老闆的人生高低起伏所感動，所以今天約了一班好友來太子容記試試，換來畢生溶記的經驗，今天我們一行9位老友順著小弟介紹來到容記一試小菜，因為今天book了房間，所以姐姐一再提醒我該房的低銷(由$3300皇恩浩蕩至$2800)，自問心裡有數，飲酒的我們定必過額，所以放心點菜，但朋友點菜時面色一沉而引起我的注意，所謂的經理大佬一來便和我朋友說我們點太多小菜，利申是價廉物美的小菜，怕我們應該不了今晚的低銷，於是硬要介紹我們要點海鮮吃，試問小弟一心來容記是品嚐小菜，為何硬要試hi先，我笑著回應經理不用擔心抵銷問題，但經理豪不客氣的應對我們所點的菜，說這樣沒有，哪樣沒有，一再刁難我們，於是我亦不客氣回答我們的小小小菜要求，經理才不情願的離開，快樂不知時，短短3小時，小弟一行9友小菜埋單$3700，我不吝嗇的邀請經理入來深入探討為何硬要老點hi先的由來，經理最後無言離開，其實太子容記的其他員工服務態度是值得推介給大家的，但我絕對不希望經理的硬銷手法而導致大家不愉快，容記變溶記，祝福大家

他家最經典的洗衣機排骨，又酥又脆一級棒，魷魚嘴也是，一口一個，沾著醋很好吃！還有一些素炒，比如廣粵菜的小炒皇也是值得一試！人多還可以點一個燒豬肉，酥脆的外皮口感很多層！

好少一間食肆，我全家都話好味，尤其我的麻煩老豆阿媽、嘴饞細佬、有要求嘅舅父仔，點咗8個餸都好有水準，一魚兩食、海皇羹、蟹粉絲煲、上湯龍蝦伊麵，價錢唔貴自然份量唔多，不過咁我返而覺得可以食多兩款

容記曾經在深水埗風光一時，其燒肉簡直讓人回味無窮。若干年後，終於在太子重出江湖，近年因外地朋友回港，他熱愛燒味，為了吃得舒適，也坐得舒適，新的容記小炒王，便是最合適的地方。朋友來自南洋，南洋因衛生檢疫問題或是各種原因，一直都沒有機會食到鵝。故除了容記最著名的燒肉外，也立刻點了一個燒鵝例牌，讓他可以一解思鵝之苦。這裡的鵝肉實皮厚，喜愛吃鵝的朋友不得錯過。主力吃的燒肉也是保持多年前吃過的水準，但當然如果你是怕肥的，那我會建議這碟菜不要點了！反正你享受不了皮脆肥嫩的樂趣。這裡的燒味用的芥辣是青綠色的，味道也沒有黃色的搶口，使肉的味道沒有被調味過份搶去。同日點了一個黃金炒蝦球，用來送酒一流！容記相對太子一帶的其他小菜館是比較昂貴，但勝在小菜穩陣，燒味出色，如是宴客朋友或是想求坐得舒服，涼著冷氣，這裡似乎是一個合適的選擇！

今日同想食中菜，所以搵吓OpenRice有咩推薦，就嚟咗呢間度試吓係咪真係咁好食。我哋一去到都仲未滿座嘅好彩早咗啲去到，因為之後都真係幾多人。我見OpenRice嗰度呢就推薦左呢個嘅天下第一嘴同埋天下第一雞，咁我就叫左呢兩個啦，另外就加咗芝士龍蝦伊面。第一道餸就係嚟咗個第一嘴先，其實即係(椒鹽墨魚嘴，佢一嚟到就已經係熱辣辣，而且聞落去都好香，食落去呢個皮好薄而且入邊仲會爆汁，非常爽口。第二道餸就係天下第一雞，佢係用嘉美活雞去整嘅，一食落去好香雞味啦而且仲好嫩滑，好有雞，配埋個沙薑醬非常好食。去到第三道餸就係芝士龍蝦伊麵，由於之前嗰兩度餸都非常出色所以顯得呢度餸好一般，但係佢都好好食，龍蝦好新鮮同埋芝士同埋啲伊面啱啱好唔會滯，份量都好多。下次一定會再嚟而且以上咁多度送個份量都好充足基本上兩個人嘅話其實兩度餸加個白飯就已經可以食飽。題外話如果一大班人可以試多啲嘢，因為佢個餐牌其實都好多嘢都好好食。

大堂明亮,二樓飯堂環境唔錯,一行四人叫左幾倘小菜,野食都OK,而且佢地近期做緊推廣,每人可以送一隻貴妃蚌(呢個認真幾好味)😋😋😋!不過服務果方面既效率尚有進步空間, 前日上去食父親節飯黎,我地食到中途叫人黎加水,有人黎應左,但等左好耐都無人黎加水😠😠😠!可能太忙啦,因為果陣樓面都已經爆曬!不過員工既態度都尚算幾好既!果晚每人大概二百蚊到落樓,以"容記"呢個招牌,加上食物質數有番一定水準, 晚市黎講, 都算抵食,唔錯!

父親節聚會。進去後並不是飯堂，是要乘電梯上一層的；環境：感覺不錯，挺整潔的，晚上人幾乎都滿了，可能迎父親節吧(我們有預先訂位置)，但走路也不會太擠迫，所以樓面給個合格分多一分，四分；食物：之前早已聽聞這間是獲取米芝蓮餐廳了，看到眾多評論，也是揚挫皆佔半，是以也來嘗一下；它們比較著名的「燒味類」，我們點了個燒肉跟白切雞，咬下去挺香的，再深入我也不會分，但也不像評論說的一會是處，個對比上價錢，個人覺得，還是值得一嘗的；所以這裡給合格分四分；態度：不過不失，也沒什麼好評論的，合格分三分吧；這間還是可以一嘗的。

由於九時後入座會有八折，所以我們早已預留了位置。人少少，我地就決定散叫左幾個小菜，七味脆豆腐，天下第一雞，揚名國際燒肉XD，同埋一個花甲蟹煲。花甲蟹食落有少少辣，但勝左夠味道，而且花甲同蟹肉份量都夠，$368一個OK的；七味脆豆腐，炸到脆卜卜香噴噴，$78一份，雖然周圍都有呢味菜，但呢間個量都算多，而且個味都唔錯，推薦叫；揚名國際燒肉，$98一碟，名字有趣，食落同我想像中既差不多，惹味，肉質嫩，都OK(由於呢款係米芝蓮推介，所以本身對佢既期望就比其他野高)！最後天下第一雞，$338/隻，雞肉肉質鮮嫩，咬落有口感，入味而且不油膩！值得一試。

之前係廣告都見過好幾次呢間,每次上到黎openrice睇,都有讚有彈,所以果時望過就算數,不過前果排我約班fd出黎食晚果陣,有好落力咁推介呢間容記,於是我地一行4個就訂好位,上黎試下;入到去大堂,要坐電梯去2樓,飯堂燈光明亮,環境都唔錯;個侍應帶我地到卡位落座,感覺四周圍都幾乾淨,可以比4分(5分滿);然後食物方面,我地叫左幾個小菜,包括有佢地出名既燒味,其中令我印象最深刻,就係個”鮮蝦餅”,蝦味十足,炸得惹味之餘,而且咬落口感真係好,食得出係有落足料;到最尾埋單果陣,每人都係二百蚊有找,食物同環境都對得住個價錢,食左無後悔!

恨之入骨,叫咗冬瓜盅又冇。訂咗又冇話:「忘了。」。劣評！劣評！Dislike。上次有非常好味,不過今次好鬼差。兩次都冇。容記小菜王好似好正,點知佢原來麻麻地,不算好。