容記小菜王

營業中

休息中

坐低見到餐牌，有個米芝蓮公仔，諗住無死一定唔會奶嘢，點知奶到應一應：手撕雞，雞絲好少，紅蘿白條好多，粗過雞絲，雞絲係胸肉，好鞋兼無乜味；紅燒乳鴿，奀挑鬼命，好似營養不良，又乾又燶；豉椒炒蜆得15隻， 大殻肉好細，大半是臭的，好唔新鮮；鐵板牛扒上的配菜是蘿蔔和薯仔，是用水烚的，牛就「那」到無晒味，刀义欠奉，用筷子食牛扒係呢変先做得出；鹵水掌翼D皮有黑色一撻撻，懷疑洗得唔乾淨。今次係第一次幫襯，亦係呢生最後一次幫襯

港鐵太子站 C2 出口, 步行約3分鐘。容記小炒王作為米芝蓮，一向都咁忙！幾時都咁旺。食物質素梗係有返咁上下啦，叫返枝啤酒消暑，啤啤佢都絕對吾貴。今次叫左容記小炒皇，有蝦、有腰果，非常重料。同埋呢個中式牛柳試下。兩樣都好有水準，而且非常有鑊氣。次次經過太子都會去咁濟。野食夠熱、夠新鮮，即整即製冷氣又夠凍。大熱天時，點都會去食一食，人多又夠熱鬧，絕對適合一家大細，食物又吾會太咸，味道適中，係有質素既中菜👍🏻👍🏻👍🏻👍🏻👍🏻👍🏻見到好多人食冬瓜盅，大大分而且材料多，下次再嚟嘅時候一定要試。燒肉亦燒得十分好食，起碼夠熱，外脆內軟。👍🏻👍🏻👍🏻👍🏻👍🏻👍🏻👍🏻

好耐冇食過小菜，今日突然間好口痕，所以就同個friend兩條友撐枱腳去左食小菜!————————正呀兩個人坐勁大張枱，鍾意叫多d都唔驚冇位擺🤣🤣不過講野就要大聲d先聽到🤣🤣仲有酸菜食，甜甜酸酸咁好正，好耐冇食過啦，好開胃😍😍🔸海皇撈粉絲 $88好好食🤩 個粉炒得岩岩好，唔太乾唔太濕，食落勁香！如果唔係食得太飽，我一定encore😂評分：🌕🌕🌕🌕🌕-🔸豉椒炒蜆 $88本身以為係細細隻個d蜆，點知係花甲size。蜆好大隻，炒得又香👍🏻評分：🌕🌕🌕🌕🌑-🔸容記第一咀 $88其實即係炸墨魚咀，份量好多，外層炸得好脆，墨魚咀食落好爽好彈牙🤓評分：🌕🌕🌕🌖🌑

今日放工突然好想食小菜，就同友人上網搵下太子旺角有咩好既小菜館，一搵就彈左容記出黎。外面既招牌好大，老遠都會搵到佢！ 上到去佢同一般酒樓一樣，有小食同茶飲，menu選擇好多，揀都揀左3個字最後我地揀左2個煲，因為見其他人食既煲個個都砂煲咁大！ 呢個海鮮雜菜煲真係有好多海鮮，帶子，鮮蝦，魷魚等都有！ 湯底好鮮甜，配上粉絲一流！ 呢外友人好喜歡尋求刺激，呢個水煮牛就真係一百分剌激！ 辣度十足，花椒夠多麻味夠出，除左牛肉之外仲有薯粉皮，十分入味！ 兩個餸加白飯一個已經好夠食，碟頭大味道好！ 正再黎！

諗起都已經大半年無食過大排檔，但係又驚熱，所以就嚟咗呢間米芝蓮嘅容記試吓佢地嘅小菜係咪真係咁有鑊氣！嚟到嘅時間已經7:30，嚟遲少少嘅話都要等位！雖然舖位唔係話超級大，但係都幾闊落。一張二人枱都咁闊落！一啲都唔會迫我哋就叫咗普洱茶，都幾濃，同埋都有好香嘅味道酸菜都幾好食，又開胃。呢碟豉椒炒蜆好夠鑊氣！送到上嚟仲係熱辣辣！而且啲蜆都好大隻，都洗得好乾淨，食落又juicy呢個海皇撈粉絲簡直係一流！！好耐無食過啲咁好味嘅粉絲。食落唔油，而家有好重嘅海鮮鮮甜味！軟硬適中，又好足料，回味無窮嚟到必點！之後仲有呢個容記第一咀叫得呢個菜式名，我諗嚟到點都要叫嘅。食落都炸得幾好，點埋醬汁食都好不錯而且舊舊都有大大粒嘅料滿足！

之前去開太子成日都會經過呢間容記小菜王，一直想試好耐，決定今日放工後和老公黎試試！太子地鐵站一出行5分鐘就到， 離遠已經見到個招牌 雖然今日係星期一，但全場爆滿，應該出品唔錯先會咁多人黎食👍🏻👍🏻有好多生猛海鮮🦞🦐🦀🐟容記晚飯推介，有燒鵝皇，鵝掌和東星斑🤤🤤🤤仲有好出名嘅燒肉👍🏻👍🏻晚市都有唔少特價小菜， 好多選擇鹹魚蓉煎肉餅$95，份量一d都唔少，共有8 塊，豬肉肉質唔錯，離遠都聞到陣陣鹹魚嘅香味，煎到金黃色，可以加少少喼汁一齊食，增加肉質層次感，呢個餸送飯食簡直一流容記小炒王$98有蒜芯，蝦乾，魷魚🦑，腰果，魚乾，炒得好有鑊氣，好好味😋燒鵝皇，例牌$58，呢碟燒鵝超抵食，有好多件燒鵝，皮又金香鬆脆，鵝肉肉質好juicy 總結：呢度嘅小菜唔錯，性價比高，抵食👍🏻👍🏻

聽日突然間心血來潮好想食中式小菜整咗呢間位於太子嘅容記小菜王原來佢喺2018年米芝蓮餐廳推薦上到去嘅格局就好似中式茶樓咁但係我竟然出奇就係如多後生都喺度食飯，睇來食小菜並唔係上咗年紀嘅人嘅專利餐廳菜式都好多元化部分小炒價錢亦都非常之大眾化但就建議一大班人食會好啲因為可以叫多幾個餸食叫左個天下第一雞Menu 寫到明係農場雞所以都對雞嘅肉質有好大嘅期望果然肉質嫩滑，雞皮脂肪適中，唔會太肥半隻嘅分量都幾多配埋個沙薑醬送飯食一流另外叫左個海鮮雜菜煲海鮮食得出係冰鮮不過以佢嘅價錢$108我都覺得好合理海鮮份量都幾多下另外仲會陪左個粉絲做底菜就有小白菜西蘭花芥蘭感覺成個煲都好足料非常抵食兩個人埋單$350左右勝在可以慢慢坐慢慢食如果多啲人嚟食就會相對再抵啲

容記小菜王位於太子，聽就聽得多佢地個大名，有米芝蓮推介，卻從未去過幫襯，趁著近月疫情穩定下來，同老公二人好似大解放甘，四處週圍搵野食，今次就搵到黎昵度試下先。菜館不近旺角/太子港鐡站，出站後大約需要步行八至十分鐘到，不過都好易搵，剛剛在十字路口。遠處已經見到佢地既大招牌轉個彎就會見到佢地既大門口，一進內先需要乘坐電梯上一層，一進店內，已有人上前熱情招呼，今晚有幸被安排坐靠近窗邊既卡枱，可看見街上車來車往既景象 翻開餐牌，以叫小菜為主，選擇種類好多，價錢亦算親民 見到有個招牌燒鵝特價（$58）先叫左個例牌試試先，份量唔少，可足夠二至四人食，燒鵝汁好juice豉椒炒蜆（$88）原本以為係沙蜆，上到黎見到原來係花甲，隻隻都好大隻肥美😍海鮮濃湯雜菜煲（$108），本人highly recommend👍🏻😋, 因為佢地真係俾到D新鮮靚海鮮你食㗎! 煲內有鮮魷魚，帶子，珊瑚蚝，大蝦等靚靚海鮮叫支啤酒啤啤佢先，特價（$14.8）大支樽靚仔一碗🤣

掦名國際燒肉❤️❤️皮香脆，不硬。青芥辣特別，與黃芥辣相比不會搶味。整體略咸，要配飯。容記第一嘴，炸皮薄，墨魚嘴鮮美，大粒。有特色☺️☺️☺️☺️招牌沙拉骨😊😊肉與骨之間的筋別有風味。脆皮5厚，肉入味，外面醬汁香甜可口。😍😍😍瑤柱花膠浸莧菜☺️☺️☺️上湯濃郁鮮味。莧菜翠綠嫩滑。有瑤柱，冬菇，鮑片，配料豐富。花膠多及完整，整體分量十足😆😆😆😆菜式選擇多，整體味道出眾。環境舒適，充足冷氣。座位於上層，有卡位。有足夠服務員，有推介菜式。中菜晚餐價錢算是十分抵食。地理位置亦非常方便❤️❤️❤️❤️❤️

未食過都已經聽過容記小菜王呢個名!! 今日去開附近交收, 順便同男朋友食埋飯!餐廳好易搵, 離遠已經見到大招牌, 上到去都幾多人食喎!見到燒鵝例牌都係$58, 真係好抵食!!!仲要幾大碟下, 我地都鐘意食胸, 呢碟又唔算肥, 鵝油都好香, 淡淡肉, 仲要個皮仲脆架,超抵食!另外叫左蒜香骨, 都幾大碟, 而且新鮮炸起, 入面JUICY, 無翻炸幾十次既感覺,😂😂😂炸蒜好香, 好味到用黎送飯不過真係好大碟, $98都抵食, 2個人都食唔晒要打包!最後覺得太多肉, 叫左碟菜, 都一樣大大份, 雖然比較油, 不過蒜泥味都好香, 所以令碟菜都好甜好好食!2個人埋單3百幾蚊, 呢個份量, 仲要食埋燒鵝, 抵食選擇!!👍🏿👍🏿👍🏿

好似好耐冇食小菜，諗住喺深水埗行去太子附近睇下有冇什麼小菜店好食， 跟住就 發現咗這一間容記小菜王咁喺門口個招牌見到話有米芝蓮堆介美食 同埋燒鵝做緊特價， 所以我哋 入去一試 上到去 ，之後發現差不多爆場， 冇諗嗰間小菜店在這位置都這麼爆，我諗d質數應該很不錯。甘叫左個前菜 涼拌手撕雞 ，例牌燒鵝 ，同埋 洗衣機蒜香骨。 等咗大啲十分鐘第一道菜終於都上啦，涼拌手撕雞， 涼拌手撕雞有我最鍾意食嘅海蜇 裏面仲有甘筍， 但雞肉份量不算多而且 雞肉比較鞋， 應該係雞胸的位置， 第二個菜上嘅係洗衣機蒜香骨， 點解會嗌呢度菜呢個原因就係因為佢咗洗衣機 呢三個字吸引咗我 其實佢似係避風塘炒但係冇咗避風塘嘅辣味 解釋樂香脆可口而且份量足夠都比較大碟， 最後上嘅係例牌燒鵝 但最估唔到既係例牌竟然有燒鵝髀，正，雖然有d偏肥，但 燒鵝皮 依然香脆。 整體這家小菜店 都不錯 。雖然佢米芝蓮推介嘅係燒肉 但我哋最終都冇叫到燒肉 咁留返下一次再黎過。

平日晚上係太子呢區，晚餐想食中菜，都有好多小菜館。行過見到<容記小菜王>個勁大既發光招牌，立即令人諗起佢哋既米芝蓮鑊氣小菜，二話不說便上去開餐。晚上8時左右，已經有一半客人入座，8時半後，更加越夜越旺，應該係再有更多優惠拆扣吧!~不過睇完餐牌，其實以小菜來講，都係一百元左右已經有交易，真心抵食吖!!~<極品燒鵝皇 例牌 $58>58蚊就食到燒鵝皇，仲要有燒鵝髀同鵝胸肉比到你，真係連燒味茶餐廳都做吾到啦!!~仲要<容記>既燒鵝係高質既，燒鵝皮烤得又脆又薄，鵝肉夠厚身，入口啖啖肉，又冇乜肥膏脂肪，真係必食之選。<拔絲鳳梨咕嚕肉 $88>咕嚕肉炸得幾香脆，重點係個鳳梨汁酸甜度適中，味道頗為開胃。<黃金鮮魷 $108>呢個黃金鮮魷，每件魷魚都好大件，外表金黃，咬落去外層似係想化開既金沙咸蛋黃，咸蛋黃味濃郁，極為惹味，再咬第二啖就食到爽滑彈牙既鮮魷，非常好食，大讚吖!!<鮑汁花膠撈粗麵 $118>呢個鮑汁花膠撈粗麵份量不少，相信4人分享都可以。花膠同蔥段切成一絲絲甘，撈埋濃郁既鮑汁一齊食，味道不錯，大

這晚放工後我們二人到太子容記小菜王晚餐餐牌內很多餸菜也非常吸引，但係我哋只得兩個人，點兩項也夠飽了。決定點 海鮮濃湯雜菜煲 和 燒肉首先上枱嘅係燒肉，排列得整齊，一口一舊燒肉大細啱啱好。燒肉外皮趣卜卜，不會太肥，有層次，好香口如配上乳豬醬食甜甜地，鹹鹹甜甜嘅感覺別有一番風味；或者點中式芥末食會有燒滯嘅感覺， 各有特色。雜菜煲份量好多，好足料。湯底香濃，絕對是健康之選。蔬菜類別包括白菜仔、菜心：菇菌類有雲耳、雞髀菇。海鮮方面，鮮蝦幾爽口，帶子都幾鮮甜。特別喜愛雜菜煲當中的粉絲，連埋湯一齊食好入味。容記小菜王仲有好多菜式都很吸引同埋好出名，希望下次可以約埋屋企人或者朋友，多人嘅時候可以點多啲唔同嘅餸菜，試多啲唔同嘅菜式

容記小炒王，位於離地鐵站都幾遠既地方，不過間舖都算幾大間，幾岩一家大細黎開張圓枱食飯，傳統中式酒樓菜式喇，有小炒，蒸魚，炒魚，燒味，岩曬一家大細，有老有嫩，特別係老人家就最鐘意食喇。環境方面，都係d正常酒樓格局，都算幾乾淨，起碼枱布都唔會話見到有污糟野，同埋夠白白淨淨。食物方面，叫左個避風糖炒茄子黎試下佢個炒功，睇到都炒得幾乾身，上碟一d油/水都無，做得唔錯，配料夠豐富，食落幾有鍋氣同香氣。色澤方面，夠曬金黃色，又唔係過火，味道方面，好夠咸香，送飯就一流。茄子內部都仲係好juicy，睇得出廚師控制火喉有一定水準。燒味方面，就叫左個燒鵝，唔好太瘦or太肥，食落肉質都算幾嫩，仲有唔少肉汁，性錢黎講就係無得彈，性價比幾高。

因為疫情關係都好耐冇出街食飯，最近疫情緩和，就走出黎搵野食😎係太子站行幾分鐘就見到呢間食小菜都幾抵就入去試下💕7點左右坐低，叫完野食半個鐘左右就全部坐滿晒人，所以想黎食應該要早啲訂位上菜速度都幾快，見到我哋嗰碟有骨同殼仲會主動換👍🏻服務態度好，位置都好闊落晚飯有幾樣特價菜，我哋叫咗其中一個例牌燒鵝鵝皮香脆，肥瘦都均勻，肉質嫩滑都唔會乾，都幾juicy😽仲有加埋我最鍾意嘅酸梅醬，酸得黎幾清新，中和肥膩感，鵝汁會有少少🤏鹹，但整體都係幾出色，而且都抵食洗衣機蒜香骨見到都幾多人叫，所以都想試吓，佢每一件都係啖啖肉，雖然係炸，但完全唔會油，好香口，瘦中略帶點肥，肉上都堆滿黃金蒜，送飯一流👏🏻翡翠花枝珊瑚蚌-有菇、魷魚片爽滑彈牙，西蘭花配咗個茨汁，清新爽脆，珊瑚蚌都好新鮮甜美，有水準既小菜上湯波士頓龍蝦伊麵- 麵底有鮮味，吸收龍蝦的精華，龍蝦又啖啖肉，龍蝦肉質鮮甜彈牙 ，$188既價錢食到都幾新鮮同埋多肉嘅龍蝦，價錢都幾抵☺️👍🏻