容記小菜王

營業中

休息中

容記小菜王由深水埗老店開始幫襯，太子店都食過好幾次，全因小炒、海鮮等夠鑊氣之餘，仲非常抵食，最鍾意當然係「揚名國際燒肉」、「容記第一咀」、「容記小炒王」等等名菜，如果第一次你嘅朋友唔知食咩唔使擔心，有容記「必食十大推介」10款人氣美食，一定有幾款啱晒你口味🫰▪️揚名國際燒肉燒腩仔真係必食推介，燒肉皮脆肉質鬆化，而且半肥瘦狀態，肉質和肥膏比例平均、調味剛好，一口咬下去香脆、油香和肉質鮮味集於一身▪️容記第一咀即是酥炸墨魚咀，外皮酥脆厚薄適中，包住超巨型又彈牙的的墨魚嘴，味道充滿椒鹽香，完全不油膩，超級惹味送洒一流▪️椒腐通菜牛肉最傳統的中式小炒，炒得夠晒鑊氣，通菜爽口牛肉軟腍鮮嫩，椒絲腐乳調味帶點微辣香口▪️咸魚雞粒炒飯呢個炒飯真係不得了，炒得乾身粒粒分明，配上雞粒肉、鹹魚、雞蛋、蔬菜粒和香蔥爆炒，有鑊氣之餘味道適中，充滿鹹魚的天然鹹香，份量頗大但我哋兩個人食到一粒都冇剩✨特別推廣優惠凡晚市追蹤+ Like 容記小菜王的 社交平台，即可獲贈容記楊枝甘露一客

食了這間酒樓的東西後發現中菜真的好考廚藝，當日點了數道小菜，包括椒鹽脆皮鮮淮山，水煮牛肉，容記第一嘴，拔絲鳳梨咕嚕肉及楊枝甘露。每道菜都足料而且好食，特別想強調一下炸物方面簡直無得彈，從素食椒鹽脆皮淮山及第一嘴已經可見廚藝功駕十足，粉漿鬆脆而內裏餡料質素上盛新鮮，准山咬下的黏滑感與鬆脆炸皮非常匹配。而第一嘴方面，肉質非常彈牙有口感，墨魚肉能有這樣的彈性必須要有足夠新鮮及厚肉才能在炸起時保持爽彈！而水煮牛肉及咕嚕肉亦是非常鑊氣感，水煮牛肉非常辣，大約是地獄等級的香~最後的甜品楊枝甘露，真的是怕辣的一個救贖，沙田柚肉一梳梳的，奶香濃郁感覺好快樂的一餐！

容記小菜王，真係細細個就聽過呢個名，係深水埗區屹立近30載嘅出名食肆。而家餐廳位於太子道西，太子地鐵站附近。想黎食嘢嘅朋友記住要book位呀，好full呀！仲有好多年輕人，估唔到喎~今日靚姐推介優惠套餐，澳洲龍蝦伊麵底加埋招牌燒腩仔例牌，都只係$298。- 🦞龍蝦大隻又肉厚，伊麵彈牙又索晒湯汁，好食！- 🍗燒腩仔皮脆肉香，真係名不虛傳！🥘容記小炒王 $138- 足料大大碟，蝦乾銀魚仔腰果鮮魷，仲有菜脯炒韭菜花，好惹味！啱晒飲番兩杯添呀！🥧蓮蓉西米焗布甸 $28- 呢個真係傳統甜品，唔係到到有㗎！蓮蓉好香混埋西米布甸好棉滑，食完一啖又一啖~😋同埋餐廳而家宵夜8:30pm仲有八折,大家唔好錯過啊!

放工去咗試呢間小菜館，平日都有唔少客人。兩個人叫咗四款菜，份量真係超多，最後食唔哂🤣容哥第一咀- 酥炸超大粒墨魚咀，外皮脆香加點調味粉，肉質配軟身，都幾惹味～ 脆皮燒腩仔- 塊皮好脆～😆肉同脂肪分佈好均勻，口感豐富，佢個芥辣醬係綠色的，偏向似日式 紅燒乳鴿- 肉質鮮嫩入味，都幾多汁～有油香唔會死咸鮑汁金菰炆伊麵- 麵條吸滿鮑汁精華，配搭多種菇類，呢個份量超大😂食到一半要打包 見佢餐牌仲有其他海鮮小炒，之後如果多啲朋友可以約埋一齊試下😆

👧🏻😋👅🍽✨老字號酒家-🥢 老字號酒樓有多款招牌美食，樓上雅座座位闊落，店員親切-▪️ 滷水豬仔腳 $88🐷 豬仔腳滷得夠腍，鹹中帶甜唔太重口味▫揚名國際燒肉 $138🐖 兩排十幾件價錢頗進取，但係腩肉夠肥皮超脆，都俾得順氣▪️小炒皇 $138🧆 韭菜、蝦乾、白飯魚乾等等有鑊氣，夠鹹香，又唔會太油膩做得唔錯▫鴻圖窩伊麵 $148🍜 用蟹膏蟹肉同蛋黃煮個醬鋪上上湯伊麵，浸咗賣相冇咁靚，亦略嫌浪費咗鮮甜醬料，但要一讚伊麵彈牙份量足▪️芝麻卷 $28🎞️ 竟然係即叫即蒸！熱辣辣芝麻味好香濃又唔會太甜，但要食就提早叫，以為雪櫃即刻拎出嚟最後先叫，等咗差唔多半個鐘😂▫楊枝甘露 贈送🥭 Follow+Like 社交平台即送，芒果好甜，比傳統楊枝甘露多咗陣雲呢拿味

「容記小菜王」是太子的老字號，最為街坊熟悉的就是容記的鑊氣廣東小菜~ 今次yo嚐了3款店內熱門菜式後，想要分享分享呀~ ♦ 容記第一咀 $98店員推薦的佐酒菜式，是墨魚咀炸物墨魚咀新鮮彈牙，而且大大粒薄薄一層炸粉香脆不油膩鮮香惹味的味道的確好適合佐酒於是叫了支手工麥啤來助興~♦ 揚名國際燒肉 $138/細好巴閉的菜名(✯◡✯) 必須要嚐嚐~其貌不揚但味道不錯燒肉肥瘦相隔，入口香而不柴燒肉皮脆到chop chop聲👍♦ 濃湯海鮮什菜煲 $138這海鮮菜煲絕對是性價比最高海鮮有珊瑚蚌、蝦、帶子配搭菜心、椰菜、西蘭花、菇菌等奶白色湯底份外鮮香清甜，好好飲！♦ 精釀啤酒 $29/支帶點麥香味，比Apple Cider更好飲~ 晚市茶位 $15/位小食酸菜 $15/碟

容記係位於太子嘅老字號小炒餐廳，主打夠鑊氣，性價比高嘅惹味小炒，係朋友聚會聚餐嘅好地方😁😁😁🥳⭐招牌小炒王配料好豐富，有鮮綠翠嫩嘅韭菜花，爽彈魷魚，鮮蝦，蝦乾，菜甫，炸白飯魚等等，份量十足。呢碟餸好有鑊氣，睇落簡單，實質好考師傅功力⭐鮑汁雜菌自家製豆腐自家製嘅豆腐好嫩滑，食到有香濃嘅蛋味，有啲似玉子豆腐。鮑汁雜菌醬汁香甜鮮味，為豆腐更添層次⭐紅燒乳鴿即點即炸嘅香脆乳鴿，火喉控制準確，上枱時熱辣辣，仲食到有肉汁，有驚喜呢容記小菜王太子太子道西123號地舖

去太子米芝連級數嘅酒樓食返餐好啲，食飽上路聽朝又開工墨魚嘴係呢間嘅招牌之一，冇諗過可以咁大粒，一碟有好多粒嘴酥脆之中，有好彈牙嘅墨魚嘴肉，點啲醬食更加滋味本以為薯仔牛柳粒係深水埗名物，呢間原來都有呢味餸，牛柳充滿黑椒香，又嫩口香濃，連薯角都入晒味其中一個大廚推介，就係呢份蠔餅，大份到眼都凸有勁多蠔肉喺裡面，炸到勁卜卜脆，點魚露食鮮味爆發呢間嘅燒味都係撚手菜，好彩叉燒仲未賣晒，一碟滿佈蜜汁閃光嘅叉燒，令人垂涎欲滴肉質香綿，仲有蜜汁拌松子做伴菜，夠晒誠意見有免費楊枝甘露，唔係普通嘅紅豆就算，就follow同like佢社交平台，食完飯食碗冰涼甜品，又唔會太甜，仲幾消暑晚市都有茶飲，嗌壺香片幾甘香消滯，飲多幾杯口都唔澀茶芥仲有花生送吓，食住等上菜，又可以吹吓水

今日帶家姐仔👧🏻、二哥👦🏻出旺角買校服、買書問2位老細想食咩～ 一個話要食點心、一個話想食小炒🔥～ 咁就一於去 #容記小炒王 啦#容記 喺旺角街坊熱店💥晚晚爆場！主打抵食大碟+鑊氣小炒仲有早午巿嘅創意點心啱晒我哋呢啲「一個要蒸一個要炸」嘅麻煩家族😂～今次我哋order咗🍽️小籠包夾起唔穿底✅皮薄到透光💡！咬開「啵」聲噴雞湯💦 肉餡手打超彈牙🍽️豬仔流沙包超Cute！一搣開鹹蛋黃漿湧出嚟🤤奶香撞鹹蛋超邪惡🍽️XO醬蘿蔔糕必點❗️外脆內軟🦐蝦米同辣醬香到癲～ 內裡軟滑到似豆腐😱！辣香衝鼻👃好味到家姐仔👧🏻成碟食😋🍽️桂花蟹肉新竹炒米粉大推❗️一上枱蟹肉多到瀉雪坡❄️！米粉乾爽唔油👏鑊氣鎖實每條絲～🍽️鹵水掌翼掌翼軟到「一啜甩骨」👄滷汁清甜🌿🦴劉媽👩🏻啜到”滋滋聲“😆🍽️容記第一咀容記招牌菜之一 #酥炸墨魚咀外脆內彈牙🐙 炸粉薄脆似天婦羅🍤 點喼汁食——鹹香×海味×彈牙三重暴擊💢

今日就同朋友去左容記小菜王食飯餐廳有好多鑊氣小菜選擇，環境舒適拔絲鳳梨咭嚕肉咕嚕肉外層金黃酥脆，裹住一層拔絲糖漿，晶瑩剔透，豬肉外酥內嫩，肥瘦適中，配上酸甜開胃既鳳梨，甜而不膩揚州炒飯炒飯份量超大，鑊氣十足，飯粒粒粒分明，配料豐富，蝦仁爽口彈牙，叉燒粒甘香，加埋金黃蛋絲，炒到好乾身容記小炒皇食材種類繁多，包括爽脆腰果、魷魚、韮菜同蝦仁等，醬汁調味得宜，火候掌握得恰到好處，令每種食材保持最佳口感，食落鹹香惹味

想食小炒中菜必到容記小菜王 位於太子的老字號！主打鑊氣小炒～菜式款式多小炒、煲仔茶、燒味、海鮮都有得食今晚同埋家人來食晚餐～座位闊落舒適店員服務周到～不時換碟加茶！叫左以下幾款食物👍🏻紅燒乳鴿❗️即叫即製皮脆肉嫩勁滋味👍🏻洗衣機蒜香骨❗️蒜香十足排骨夠酥脆👍🏻魚香肉鬆茄子煲❗️鑊氣十足～咸香味濃👍🏻鮮蝦星洲炒米❗️用料講究使用新鮮蝦仁口感紮實容記小菜王 (太子)📍太子太子道西123號地舖

今日同屋企人去咗容記小炒王，氛圍熱鬧，啱晒家庭聚餐。一坐低就叫咗三款精選小炒：- 🦀蒜蓉炒蟹：香噴噴，蒜蓉炒得夠香又不搶蟹味，蟹肉鮮甜，啖啖都係肉肉， 真係好美味。- 半隻雞：皮脆肉嫩，鹹香味適中， 重要 咬落去唔會太煙韌， 滑滑雞超愛- 雜菜粉絲煲：份量足，粉絲吸晒湯汁精華，搭配爽口雜菜，好有家常味。整體來講菜式火喉足，味道夠地道，價錢合理。環境唔算華麗但好有街坊感，令人食得安心舒適。#容記小炒王 #街坊小炒 #家庭聚餐推介

傳統酒家有一種親切感，可能係懷舊裝修 ，同親和的服務態度有關。旺角E間小菜館就有以上幾點啦~~陳皮蒜香骨香脆肉嫩，配酒一流 $108~（例)極品燒鵝皇燒香撲鼻，肉汁滿滿$138~鮑汁什菌自家制豆腐$98豆腐配上紫菜，煎香再淋上鮑汁，健康之選 ~椒腐通菜牛肉傳統小菜，必點組合 $108~(例) 砂窩砵酒脆鱔球香濃砵酒加上惹味脆鱔，回味無窮 $148~晚_茶/位 $45~碟 酸菜 $15~絲苗白飯 $15~優純生青島2支 $28，買一送一勁抵!

作為街坊小炒店,太子呢間酒家份量大，價錢貼地，確實性價不錯！而且每段時間都有不同優惠同套餐非常適合三五成群聚餐晚飯.加上酒家為少鹽少糖食店，老實說味道剛好不會太重，同時亦唔會過於清淡.就算大吃大喝都冇太大負擔.加上整體地方乾淨，服務員服務細心有禮，值得一讚！陳皮蒜香骨($108)最鍾意依個蒜香骨！炸得香脆，大大份.充滿蒜香味道，而且當中帶出淡淡陳皮味，香脆可口，必叫！▪️鮑汁什菌自家制豆腐($98) ▪️椒腐通菜牛肉($108)前者豆腐滑溜，外皮加入海苔，賣相又靚又清新，配搭蔬菜下，醬汁唔鹹剛剛好；後者通菜大大碟，而且炒得香口又唔會太油▪️砂窩砵酒脆鱔球($148)鱔球份量多，厚肉新鮮.但如果炸得再香脆一d，後再上醬汁就更惹味啦～但整體份量都算抵食！▪️極品燒鵝皇$138▪️絲苗白飯$15/碗▪️優純生青島2支$28.8燒鵝上枱賣相吸引，對比其他餸菜鹹味會較重，送啤酒就啱晒！而且啤酒非常之抵！$28.8有兩支，真心仲抵過叫白飯😂😂

放工同屋企人食飯,想搵間岩佢口味又坐得舒服d既地方食,經過呢間出名食中菜同鑊氣小炒既餐廳睇落唔錯,所以就入去試下呢度分左上下兩層,地下係接待處,樓上係食飯既地方,有電梯可以搭,上到去環境好闊落,放到好多張枱,枱同枱之間唔會好迫,仲有卡位,呢度有一排既窗,可以睇住出面既景色食野真係唔錯餐牌既小菜超多款式,搞到我選擇困難症又發作最後點左3個餸2個白飯開胃小食係醋醃蘿蔔,酸酸地好爽口☆ 拔絲鳳梨咕嚕肉每舊既咕嚕肉都大大件,炸到金黃色,外層同樣都包住金黃色既糖漿,咬落去外層硬硬地好香脆,內裡既肉好嫩滑,趁熱夾起時仲會有拉絲效果,加埋燒過既菠蘿一齊食,同埋青紅椒洋蔥做配菜,酸酸甜甜好開胃☆ 椒鹽鮮魷魷魚爽口彈牙,外皮炸到金黃色好酥脆,唔會好厚粉,灑上椒鹽炒夠哂鑊氣又唔油膩,如果配埋啤酒一邊食一邊飲就更正☆ 濃湯海鮮雜菜煲一大鍋熱辣辣上枱,內裡放左大量海鮮同蔬菜,鮮甜既濃湯湯汁滲入每樣食材,有爽口既珊瑚蚌,彈牙既大蝦,鮮甜既帶子,仲有菜心,小棠菜,菇菌,粉絲等等,好豐富好好食