容記小菜王

營業中

休息中

母親節，同屋企人嚟容記食個晚飯。叫得做小菜王，仲要米晒芝蓮咁款，都有啲期望咁啦。餐廳環境嚟講，不過不失啦，都算乾淨嘅。好，上菜。先嚟一味招牌沙拉骨先！嘩！啲肉唔知雪藏咗幾多年呢？😗 好，再嚟個乳鴿。呢個又唔錯喎，肉質算嫩，仲有啲肉汁添。最怕食到啲乾爭爭嘅乳鴿，呢味又算有啲驚喜。其餘嘅餸，分別係鼓椒炒蜆、金銀蛋菠菜、好架勢嘅龍躉尾煲，都只可以用一個字形容：咸！咸到母親大人要用水同啲餸沖一沖涼先食😂連我呢個年年廿五嘅後生仔都頂唔住啲鹽分嘅衝擊，要飲返壺普洱定定驚....所以話呢，米芝蓮喎，唔好吹咁大呀嘛⋯⋯

前幾日同媽媽去太子行街，經過呢間容記見到d海報入邊d菜款都幾吸引，然後入到去餐廳，環境都唔錯，好似酒樓咁，樓面都幾高，座位好闊落，然後d餐牌都幾多款色，照片都好吸引，跟住我地就叫左個鐵板原條茄子，味道都唔錯，不會好油，出邊果d餐廳係煮的特別多油，然後就係海膽醬脆蝦球，濃郁的海膽醬配上爽脆的蝦球，真係好好味，椒鹽脆皮鮮淮山，入口外酥里嫩，食過一啖又想食多一啖，呢間餐廳真係唔錯，價錢又合理，會在幫襯。

前日係朋友介紹之下，訂左位同屋企人夜晚入黎食飯。首先講下個餐廳環境，入去係仲要坐Lip上多層，樓上大廳都干淨的，唔似一般茶記或酒樓咁亂，而且一家4口坐係窗旁，幾好feel。再講下食物，野食味道普遍唔錯，魚蓉煎肉餅$85，煮得香口，食落味道值8.5分。拔絲咕嚕肉，用既汁濃，咬落肉質豐滿，口感足。9分推薦。呢間係晚上9點後入黎食，2百蚊內落到樓，而個價錢同埋食品都可以成到正比，值得我地下次都再黎試下幾他餸。

專誠來到太子的米芝蓮容記小菜王食午飯貪佢午飯有些送個燉湯便要了一碟义燒併燒鵝飯燉湯超級正撈起湯料：有蟲草花多條鮮雞一大件煲湯瘦豬肉大大舊可能我是early bird早鳥有好野食又酸讚自己超精明雖然隻燉碗大大個崩口好唔米芝蓮但湯一丁點都唔油很配合我這優雅女食客舊雞雖燉透仍發出好雞味俾我食晒瘦肉完全出晒味就算了主角出現可惜根本未合格义燒很實甜但肉質太硬很多不過唔好食得個甜燒鵝不明點解有蘇味可能近尾段全部最好係個送的燉湯同埋我坐左個無敵好景位單價57元茶每個6$加一服務費變左69元

今日約了朋友們出來敘敍舊，她們提議到呢間容記小菜王。今次我係是第一次黎。朋友就提早到去攞了位，因為佢地之前已經黎過好多次，所以佢地就推介左佢地覺得好食既菜款，椒鹽脆皮鮮淮山，我食落就覺得外酥裡嫩，好好味。 海膽醬脆蝦球，粒粒爽脆多汁，食完一啖又想食第二啖，施明陳醋骨，酸酸甜甜，開胃之餘可以在食多一碗飯。最後我覺得最好味即係家鄉秘製扣肉，超級送飯，超級好味！最後我地係全部人都食到超級飽咁埋單。總結就係，呢間餐廳入左我心目中前十名啦，會在幫襯，聽講係米芝蓮推介餐廳，咁呢個價錢算係好平了。大家可以參考下。

一年一度的母親節就相約在呢間容記小菜王，呢間餐廳係米芝蓮推薦餐廳，不用多介紹。店內環境開揚，枱與枱之間濶落，令人坐得非常舒適。而且上菜速度不太快，啱晒我哋想坐得耐，一路食一路傾計的人。推介1即燒脆皮皇子乳豬，皮脆內嫩，唔油膩，而且無豬騷味。推介2極品脆皮燒鵝皇，皮脆之餘，D肉不會太乾，而且多汁。推介3鹵水掌翼，我最鐘意的，每次都會點的菜之一。係爽口既不會軟淋淋。推介4翡翠花姿珊瑚蚌，係我媽咪最愛的，佢就話好好食，不過我就覺得正常，無咩特別，不過呢D就個人口味啦，以上推介係我地每次幫襯必定要叫既餸，大家可以試下，本人就覺得都唔錯，會一直幫襯落去。

突然想食中菜，朋友同我講呢間係米芝蓮推介餐廳，所以黎試下啦。揚名國際燒肉 (細） *忘了價錢見到米芝蓮推介，所以我朋友就話好似好出名，一定要試下，但我見到個菜名咁浮誇，真係有點擔心，最後冇白費我既擔心，因為十分一般，可能我食過好好食既燒腩仔啦，有左比較了。而乳豬醬同燒肉唔太夾，綠色既芥辣醬看不習慣🙈容哥第一嘴 *忘了價錢應該是墨魚咀來的，我朋友說😂 外層炸粉唔夠脆，但都簿身，唔會成口都食炸粉。但啡黃色的賣相就很一般了。薑蔥焗美國桶蠔 $168味道太農，所以蠔既鮮味唔突出，或者本身隻蠔冇乜味啦，而且好細隻唔肥美，同埋份量好少，冇數但懷疑只有 6~8隻。本來被安排坐到最入，好焗唔通風仲聞到少少異味，所以我忍受唔到，見到卡位冇人坐所以要求坐卡位（我們有3個人），行去到就有職員放左個有人訂位既牌，但我就話："其其實我都訂左位，咁我坐唔坐得？" 擾攘左一陣，終於成功坐到，坐得舒服好多。所以環境同服務都唔係太好，而且帶著米芝蓮既朵我既要求當然會提高，食物質數又一般，價錢又不便宜，唔會有下次了。

之前老細生日，午市嚟咗依間度食，一早打電話預約，點知去到俾咗張細枱我地，我哋一行14人，根本坐唔落，同佢嘈左一陣，先俾咗張大啲嘅枱我哋，不過位置認真嫲嫲，前後俾人夾攻，坐得一啲都唔舒服。我哋嗌左個精選套餐，每位$298，有雞有扇貝有乳鴿，炒飯等等，質素麻麻，上菜速度唔算快，不過食到中段已經飽晒，佢啲侍應態度唔惦，催佢出餸，佢一定會話上緊菜，之後等返佢10分鐘左右啦，先有得食。午市唔算多人，未見過佢full

昨晚一行12人食晚飯，埋單時，看到一條數「中式牛仔柳」收我$864元！估不到電腦單都可以改價錢！各位！小心這間餐廳！自己説明碼實價，但一不小心比佢過關！昨晚碰沒有加大D餸！

家人於兩星期前預訂位子，所以可以準時有位我地book左晚上7點食飯，就算未齊人/未過半數都俾入座不過家人大概1915都已經到齊位置方便，其實很近太子地鐵站，不過燈位實在太多明明一出地鐵都見到容記小菜王燈牌，但都有5,6個紅綠燈要過一坐落，侍應不斷叫我地嗌套餐但套餐未必岩全部人食，所以想散叫，而且同行親戚有人是食素的我地嗌左8個餸，有兩個全素菜，其中有孖寶，但其他餸都上齊後才告訴我地孖寶中的燒鵝已沽清，必須轉雞，但都沒有辦法啦其中上湯龍蝦伊麵及南瓜芋頭煲都幾好味。廁所衛生程度有待改善。

我自己就第一次食容記嘅食物, 屋企人就經常幫襯西灣河嗰邊嗰間, 話好好食。大家都係第一次來太子這一間, 所以期待中帶一點疑惑。之前一早訂咗位, 並且點選咗其中一個三千蚊內嘅冬至菜單。 (預早付訂金減400)<香草大蝦球伊麵> 我個人覺得伊麵煮得太淋, 唔係咁好食。個汁都麻麻哋, 有一浸奶粉味。蝦好大大隻, 但經過一個脆漿炸過(應該係學人上漿走一走油), 個取脆皮質感麻麻地, 我認為唔炸好過炸。<即燒脆皮乳豬> 味道可以, 皮亦炸得香脆。 可惜隻豬都略嫌比較肥, 應該係bb乳豬, 太細隻, 冇乜肉。<富貴花姿鳳片> 呢個炒得好味, 啲花姿片好彈牙, 好新鮮, 有鑊氣。<容記彈牙蝦餅> 呢個係招牌菜, 好味到無話可說, 無械可擊。彈牙之餘, 特點係裏面有汁嘅, 趁熱時食要小心。<紅燒海味燴魚翅> 都ok好味, 大酒家水準, 多材料, 貨真價實, 都有好多一梳一梳嘅魚翅。味道適中。<清蒸沙巴龍躉> 我個人覺得唔錯, 魚新鮮, 肉嫩。只係豉油略嫌淡口咗啲。<蠔皇金錢鮑螺片> 呢個都好

以前容哥從深水埗出來，自己開店，容哥剛剛在太子開店，好吃的，當時也拿到米芝蓮推介。現在食品水準已經降了，餐牌上的米芝蓮公仔卡通造型卻放大了（已經沒有了米芝蓮車胎人推介）

老朋友聚舊食晚飯,有人提議依間太子店(後來到咗先聽佢講話攪錯咗;原本想去"新小xx"喎一早訂咗五位6:45pm, 6:30pm到咗已經勁多人食緊坐落對正果個大魚缸,睇住咁多海鮮游來游去零舍醒胃等朋友嚟到之後就各自點一個餸燒腩仔最先上檯,睇落唔錯但入口比較肥膩咗啲,皮亦做唔到香脆感覺。較為可取就係醬油有青芥辣/蠔油兩款蒜粉絲蒸元貝係上網facebook like咗及打卡之後嘅贈品,味道平平。陳醋骨嘅肉質入口OK,調味都到位;咀嚼到有香脆感覺餐前小食嘅鹵水掌翼不過不失,唔會太咸招牌小炒皇用料有韮菜花,腰果,炸魚乾。算係做得好嘅一個菜式,香口餸得飯金銀蛋菠菜,非常唔得。超級咸,朋友要用滾水沖淡佢先食得;唔想多講喇手打魚付浸勝瓜都係偏咸,刀章又比較粗;全部都係(大大塊)終於大姐大話要加餸叫多兩隻紅燒乳鴿,咁咪叫囉好彩又算幾得喎做得都算乾身,香口入味但始終都係食飽晒(一肚氣),所以大姐打包返成隻攞走埋單其實又唔可以話貴嘅,但係食味就認真xxxxxxxx

幾個囡囡去食晚飯，都幾多人下，好在book左位，一去就可以坐底，感覺似家庭式餐廳，酒樓布局，播住三色台餸飯，，叫左推介晚燒肉，唔係太喜歡，覺得皮太硬，超越左脆既階段，，同埋都幾油，，而椒鹽鮮尤粉太多，都係一般般，，無搶住黎食薑汁芥蘭同牛柳就幾好味，，牛柳底下既洋蔥都好好味，餸飯幾好，幾開胃，最喜歡既係個湯，好甜又唔覺得多味精，飲完無勁口渴，係幾好既選擇，餐廳既侍應都好忙，但係服務態度都好好，值得讚讚！😊

今年老豆生日，一早問定佢想食咩，佢就話之前食過呢間小菜幾好，想返返尼呢間食。咁佢話唔洗book 位，我地7點半過D尼到都唔洗等既。我地坐近Lift 口位置，枱之間都幾鬆動，唔會凳背撞凳背。望入去環境都幾大我地得三個人，所以選擇散叫燒腩仔聽講就係米芝蓮獲獎菜式，肥瘦均勻，皮夠脆可惜鹹左少少。龍蝦湯伊麵，伊麵湯夠味，麵質滑，龍蝦肉都OK。避風塘炸豆腐，豆腐好滑，炸完唔會好油膩，點喼汁食好味。蒜蓉炒白菜，即炒熱辣辣既，係價錢貴左少少。叫左壽包比老豆，味道幾好，係外皮粉紅色有D多。整體尼講唔錯既，價錢同八月居等等差唔多。