容記小菜王

營業中

休息中

香港地食中菜真係令人有好放鬆既感覺。中菜有親切感, 地方大又可以放懷傾計。因疫情關係真係有好耐冇上過酒樓。今晚難得約到朋友黎食出名既容記, 真係不一般的感受。放工黎到, 未係好多人。 見佢地既防疫工作做得幾足, 一入門口要探熱, 侍應都欣勤比我地清潔碗筷。我地坐底點左佢地既招牌燒煵仔，黃金鮮魷，濃湯手打魚腐勝瓜，再唔少得一支啤酒, 慶祝大家久未見既飯聚。招牌燒煵仔真係唔係講少, 果然係米之蓮美食, 真係好好味。 皮好脆，肉質真係見到分左3層, 好嫩滑, 亦唔會太硬太稔太咸既現象。 值得食。佢同黃金鮮魷送啤酒真係一洗。 好鮮味。 黃金鮮魷好香咸蛋味, 仲食到少少咸蛋口感, 唔會炒得好乾, 食完亦唔會好口渴, 好美味。 而個濃湯魚腐勝瓜係用黎中和下既, 都好好味, 魚腐同勝瓜剛剛好吸收晒濃湯味。真係一餐盡興既中餐。

好耐冇食中菜，就同朋友去左呢間有米芝連推介既餐廳，未去到餐廳，離遠已經見到佢醒目既招山！呢度入面既環境好大好闊落，又夠光猛，無論係一家大細定同朋友過黎食野都好舒服。打開餐牌，見到呢度有勁多好吸引既小菜，好似有呢啲煲仔菜咁！仲有生猛海鮮，望落好吸引！一啲有鑊氣既小炒。我地唔算好肚餓，所以淨係點左兩樣野再加一碗白飯，佢呢度啲野食份量都唔少，所以都食到幾飽。首先，我地點左一碟好惹味既菜式，就係黃金鮮魷，黃金鮮魷係一道冇得輸既菜式，鹹香既蛋黃醬加埋新鮮既魷魚，送飯一流！另外，我地仲點左一碟菜，就係呢個健康既紅燒北菇豆腐，佢呢碟菜都幾豐富，除左有北菇同豆腐之外，仲有青菜，豆腐煮得好嫩滑，所有材料都配搭得好好！

和朋友吃飯，找了一間環境較舒服的中菜館。座位闊落舒適，格局比較像是酒樓，小菜白飯配清茶最合香港人口味。選了手拍青瓜海蜇前菜，味道清新醒胃，酸酸甜甜又爽脆。當然要點推介菜式蠔皇鮑魚扣鵝掌，和一份例牌燒鵝。原隻鮑魚鵝掌賣相吸引，質素有驚喜，每位$48性價比高。鮑魚有口感又炆得入味，鵝掌煮得夠腍肉汁也能封住，以此價錢可一嘗名貴菜式絕對滿意。燒鵝皮有光澤，皮薄酥脆，沾上醱梅醬讓人胃口大開。燒鵝肉嫩多汁，香氣四溢，$58這個價錢實在超值。蒜香骨份量多，配上大量炸蒜，視覺上更能帶來衝擊，而且送飯一流。外皮炸至脆身，熱辣辣，咬開肉質鬆化，味道也夠濃味，帶一點點肥肉口感更佳。

夏日炎炎！🌞如果大家想有個舒服環境食一餐有大排檔風味嘅飯就唔好錯過接下落黎介紹嘅呢間啦！🤓 今日同一個好耐無見嘅朋友見面，咁啱大家都想食小炒，但又唔想三十幾度熱辣辣坐大排檔，好彩係鬧市中搵到呢間餐廳。呢間餐廳甚至有菜色係米芝蓮指南推介名菜—燒肉🤩 不過我同朋友想食下海鮮，最尾就無嗌到佢，嗌左三個菜：黃金鮮魷，鮮蝦餅同埋一碟炒菜。蝦餅彈牙即炸熱辣辣👍🏻 黃金鮮魷送飯一流，既有鹹蛋嘅香味亦有炸鮮魷嘅脆口！🤩 最尾想讚下餐廳環境服務方面，由於餐廳係樓上一樓嘅，咁我地要搭𨋢上去啦。一出𨋢就已經見到有笑容可掬嘅店員歡迎我地。入口亦都有部探熱機確保食客嘅健康先比入去用膳。可能由於疫情關係，兩個人都可以坐梳化，坐得好舒服，整體用餐體驗好好👍🏻👍🏻

限聚令放寬到10點，終於可以坐低慢慢食個晚餐。今次揀左太子容記食小菜！港鐵太子站c2出口行大約3分鐘就到，離遠就見到個霓虹燈大招牌！入到去直接搭𨋢上一樓就會有侍應招呼。星期一夜晚大約七點鐘唔使等位，雖然入座時唔算多人，但到食完嘅時候都差唔多八成坐滿。相信星期六日應該都幾旺場。一行二人，食左四個餸，全部都不錯，夠晒鑊氣，份量合理，最重要係食完唔會口乾！📍紅燒脆皮乳鴿 $48Size唔算大，但勝在脆卜卜，熱辣辣，送啤酒送飯一流！📍咕嚕肉 $88甜酸適中，咕嚕肉唔乾唔多粉，配埋菠蘿三色椒，好味！📍豉椒炒大蜆 $88通常叫炒大蜆都唔會用「大」蜆，但今次真係名副其實，蜆肉大大粒，抵食！📍椒絲腐乳炒通菜 $78即叫即整，大大碟，好有鍋氣！現場見好多人叫佢地嘅招牌燒肉，下次再黎就要試下！😊

之前經過太子容記見到都幾近地鐵站幾方便，而家人都講過這間不錯今日就和朋友來吃，上到二樓都已經不少人食緊，來到仲有電視位十分好，餐牌選擇不少，而且仲有晚市推介，見到人們吃乳鴿就看看價錢都十分，就叫了一隻來吃，皮十分脆口肉又嫩不錯。國際燒肉有大小二款，份量都不少，最後二人仲要吃不完，皮仲十分脆口而肉帶溫度不會太咸剛好，比較特別有乳豬醬和芥末醬幾惹味。七味脆豆腐來到一碟滿十分開心，不太熱皮薄又脆口，豆腐的豆味十足，七味粉不會太多但都十分好味道。最後來的是小炒皇，材料十分足料而且好香，最後忍不住叫了一個白飯一起吃，送飯一流。待應都不錯，見到碟多骨都自動換同加水。

感到身心俱疲時候，最直接方法用食物來減減壓就最為不過啦，今天約友人到榮獲米芝蓮的《容記小菜王》👭點了抵食の選，吸引眼球就是脆皮燒鵝皇 - 堂食價 HKD 58 最為激動全是脾位LOL色。香。味俱全！ 色澤光亮，皮脆但不失又嫩又滑口感🤩 吃著熱騰騰鵝肉真會感到溶化了😂 那份油香味留在口腔內久久不散更令我回味無窮！ 原隻上湯焗波士頓龍蝦 HKD 188 伊麵底 令加 HKD 20 有芝士 大廳魚缸內有生猛龍蝦！ 頓時回憶擁現小時候一家人最愛的其中一道菜！😎芝士、海鮮腔必點！芝士打得濃郁又企身，完全可掛在龍蝦、伊麵上😍🥳🥳龍蝦肉鮮甜美味，肉質彈牙，特別沾上了濃烈焗芝士更增添層次！ 唯一伊麵份量較為適合女士😂服務態度由部長以致上菜姐姐有禮貌、動作也很快，職員也有正確的帶口罩。 總結來說：環境燈火通明、整潔度如坐位、地下、碗筷 及 最緊要沒有異味益出。 整體很滿意！一食難忘，除了出色燒味、小炒外，海鮮同樣處理得宜 —— 值得再回頭 ！ 茶介 HKD 10 / 位； 小食 HKD 15 碟

未有晚市禁食前都仲有出街食下晚餐。當日二人行去左有米知連推介嘅一間酒家食。本身諗住閒日酒家應該冇咩人，點知食食下愈來愈多人，好似星期日飲早茶甘多人😂😂 想食真係要早啲到。唔知星期六日會係點呢😂😂我叫左容記第一嘴（ 88元）,海鮮濃湯雜菜煲（ 108蚊）, 燒鵝拼盤 （唔記得幾錢，不過記忁好抵。容記第一嘴不愧為第一嘴，好好食，個炸皮1啲都唔厚，好蘇脆。面頭有啲椒鹽，好香口。入面嘅墨魚嘴好彈牙新鮮。比100分佢😂海鮮濃湯雜菜煲性價比高，好多種類嘅菜，仲有粉絲。湯底清甜，撈飯食正。呢度送平衡返食第一嘴嘅熱氣感。最後燒鵝拼盤有鵝比，好大碟，個皮同個調味都好正。我記得係好抵食嫁！總括，呢間餐廳質素高，價錢非常合理。如果我住嗰頭嘅話， 夜晚唔想煮飯嘅話，呢度做我個飯堂都係一個唔錯嘅選擇！下次會再嚟呀！

知道容記小炒係數一數二出名既小菜館, 好耐年前係深水埗食過, 今日係太子重新開張後第一次泥食, 上到去先發現原來仲有米芝蓮美食推介。有茶芥花生, 睇下佢MENU, 小菜平均都係$68至$168, 價錢好合理。海皇撈粉絲沙煲上枱可以保持熱辣辣既溫度, 粉絲夠乾身食落唔覺好油膩, 又唔會乾到一餅野咁, 加左蛋落去一齊炒變得更加香, 成個味道咸咸香香, 好惹味!招牌沙拉骨好耐冇食過大排檔名物沙拉骨! 外面醬汁香甜可口,  骨與肉一咬就分離, 有咬口又入味, 香口!有米芝蓮後都KEEP住平民價錢, 而且食物味道真係有水準,  果然係小菜王

不枉等咗咁耐都要等😂😂😂今次2個女仔嚟食，都試唔得多嘢但每樣都無令人失望黃金蝦蝦大隻彈牙，黃金份量超級多！所以食到尾會有啲飽滯海鮮濃湯雜菜煲不過不失，濃湯味唔算太濃，但都幾好飲會令人想不停地飲但味精應該都唔少，因為食完呢餐飯之後好頸渴😅海鮮種類都算多，而且大粒，唔錯豉椒炒蜆好夠鑊氣，蜆無乜沙但有4-5隻打唔開，其實都算多唔知係咪因為我哋夜去，所以啲海鮮相對上無咁新鮮海皇撈粉絲食第一啖已經有Amazing嘅感覺好！好！味！好有鑊氣，粉絲乾濕程度適中唔會太硬，調味都好好，唔會太咸或者太淡岀色下次多人啲可以試多啲嘢相信呢度啲小炒都會好OK

今日去左太子容記小菜王，听就听得多，咁大個女都未食過。兩個人食夜晚飯時間，門面好光鮮，入面座位都好闊落，都八成滿座，好好生意！泥度點少得叫招牌例牌燒鵝，份量岩哂二人食。重點以為米芝連一定高價，但容記價錢唔算貴，特價先$58, 絕對物有所值！燒鵝肥瘦適中，個皮仲好脆，隻燒鵝啖啖肉，加埋酸梅醬，好開胃一流，食多都唔膩！仲叫左個小炒王，配埋啤酒啤一啤，送飯一流。再叫左個海鮮什菜煲，入面有粉絲，配埋白飯變湯飯，食落唔會好味精，感覺好健康，職員服務仲好好，果然米芝連係名不虛傳！下次多人可以再聚，推介燒鵝！

收工約咗男友係太子食飯，試下有過米芝連推薦嘅容記小菜王🤩，我哋6點半入座，都已經full full地，我諗想試嘅朋友最好book定位。我哋總共嗌咗3個小菜，連我男友都食到好飽😆😆😆首先當然有推薦嘅脆平燒肉，果然名不虛傳，而且配嘅醬汁唔係一般嘅黃芥末醬，而係青色嘅wasabi醬🤣之後就有容記小炒王，韮黃炒蝦米和腰果，但我最欣賞係入面脆卜卜嘅豬油渣，好香口呀😋最後有海鮮粉絲煲，好大煲好抵食，海鮮都算新鮮，而且煲底嘅粉絲有少少脆，做到啱啱好。三個小菜都好惹味，配白飯真係一流👍🏻座位都幾寬敞，兩個人慢慢食都幾舒服。成班人食都唔錯，又可以試得多啲野。整體來講，我覺得唔錯，下次帶屋企人嚟試試先～

現時香港既港式小菜好多都粗製濫造，一係大集團經營以致間間餐廳都一式一樣，了無新意，一係就成名後難以維持水準。幸好今次遇到呢間仍然具有昔日香港高質既中菜館，成名多年後水準仍得以保持，實在難能可貴。今次由於只得我同老婆撐檯腳，所以我地只係叫左兩味餸：招牌沙拉骨同埋濃湯手打魚腐浸勝瓜。招牌沙拉骨呢款城中酒樓必有既小菜，整得好食既真係所剩無幾。而容記既招牌沙拉骨，可以話係相當高水準，可能係因為師傅盡得沙拉骨創始人容哥真傳之故吧。人地話沙拉骨重點係沙律醬，其實絕對唔係。重點真係離不開外脆內嫩既排骨。而容記既沙拉骨，絕對做到呢一點，加埋出面份量適中既沙律醬作點綴，酸酸甜甜，令人食指大動。咁先係香港中式餐館應有既質素。濃湯手打魚腐浸勝瓜看似平平無奇既呢款家常順德菜，其實都可以顯露出師傅準備充足。濃湯係咪足料香濃，真係一試就知，而呢度既湯頭絕對算得上高水準之作。濃湯同魚腐，兩者相輔相成，兩者都係魚味香濃，鮮而不腥，有咁既效果，薑既作用相信應該居功至偉。加埋新鮮勝瓜，吸收濃湯精華，軟身之餘，亦保留著新鮮勝瓜既微微脆口。加埋香芹作伴，令整道家常菜從此變得不再平凡。值得一提係呢度既絲苗香米。 如果絲苗米唔香

好想食小炒突然 朋友介紹容記咁岩起太子就去試下啦地點方便 一出mtr行幾分鐘就到啦👍🏻🥢極品燒鵝皇 例牌係我由細到大既最愛 幻想有日可以拎成隻鵝去扯開黎食🤣🤣哩到既燒鵝好抵食!!!!!!!有晒鵝髀 & 胸肉 茶餐廳都比唔到咁多呀哩個價錢58蚊🤩鵝厚肉 皮算燒得不錯 一咬落去鵝肉既油脂 真係正😋😋😋🥢黃金鮮魷 108HKD鹹蛋鋪滿每件魷魚 件件都大舊鹹蛋味濃 魷魚爽滑彈牙 好食😋食得多椒鹽鮮魷 食下用鹹蛋都不錯一食就停唔到口呀😎😎😎😎🥢海鮮濃湯雜菜煲108HKD叫番個菜中和先 感覺無咁肥膩有不同款式既菜係入面 海鮮有蝦 帶子 蚌 🤩🤩🤩🤩下次再食埋其他小菜先當日平日都差唔多full booking👍🏻

蜜汁叉燒 $128叉燒燒得夠鬆軟，我諗佢應該係用梅頭瘦肉來栲的， 叉燒一半系肥肉，一半系瘦肉，肥瘦比例係適中。 呢碟叉燒份量都唔少，舊舊都大大舊，好多肉。鮮竹銀杏浸時菜 $88白菜仔煮得夠淋，易入口。另外佢嗰個湯底，因為有鮮竹和銀杏， 所以特別清甜嘅， 啲湯底可以用來撈飯食。 呢碟餸啱曬我呢啲比較鍾意食健康食物嘅人。由於我六點半左右嚟到，人唔算太多，我可以坐張卡位， 卡位隔離就係大大個窗口，可以望出街外面嘅風景，環境唔錯。