容記小菜王

營業中

休息中

食物：少糖少鹽？？？招牌小炒皇偏咸都算！西蘭花最咸！攞鹽水浸完再攞鹽水煮。珊瑚蚌又係咸。薑蔥桶蠔，咸到苦。一行十三人，我地夜到。但我地有book枱架，唔想做可以唔接架嘛。1015坐低，經理話1030廚房要收工。咁我地叫哂所有野食。期間除左上菜姐姐有笑容，叫得郁之外，兩個男經理叫乜都要叫好耐，加水加汽水，乜都要叫兩次以上。仲要叫我地好一次過叫哂所有野。十一點攞張單過黎。飲品都唔可以加單。大佬你d野咸，但又唔俾我地再叫野飲。大家都知12點限聚，我地都冇諗住磨爛蓆，同我地講11點9要走。但11點熄電視，1130熄冷氣。我地都好識做，即刻走，1140去哂廁所攞哂袋，個個已經企哂係lift口，但經理歸心似箭，冇理過有冇客人，全場熄哂燈！！！係熄哂！得返神枱盞紅燈咋！我地13個客係未走囉！係咪之前做到懶哂，慣左要早收工？講好12點收工。1145要離場，但1130就趕客走？其實由細食到大，由大排檔開始幫襯，好真心講句，唔理有冇轉手，老闆廚房係點都中唔理，食物同服務都係咁嘅質素，總之下次唔駛再黎，寧願去樓下陵發。

之前成日行開太子，都見到呢間野大大個招牌，又大大個廣告寫住米芝連燒肉，今次一於的起心肝去試下掂唔掂！d待應好快手，都有禮貌！原來重可以訂枱！今晚同太太2人叫左燒肉-細，中式牛柳，加上例牌燒鵝，再加碗白飯🤪茶錢10蚊位花生15蚊必比不過花生好正，同普通果d有唔同！香好多！中式煎牛柳，一般，同普通茶記差唔多，不過食落覺無落鬆肉粉，不過就真係大份、量多！之後燒肉，堅正！睇樣就好似大家樂果d普通料，不過食落就知大分別！半肥瘦既燒肉，完全唔肥膩，柔軟有肉汁！必試！例牌燒鵝！2-4人份量，如果2人食會有d多，肥瘦適中，多肉少脂肪，油而不膩，原價108，優惠58真係抵食！我已經諗到下次去食咩！牛就唔叫啦。。我會試個花甲龍躉煲，外加洗衣機蒜香骨！當然繼續一個燒肉😋

隨著疫情放緩，香港人又再出動周圍食，周圍買，放題，韓燒，buffet, 打邊爐，係星期五晚都差不多全院滿座，放工時係想食餐好，但又怕搵位煩，於是就去左太子呢間颇有名氣的港式酒樓，因為上年同家人做節時食過，食物質素高。黎到都要等一陣，大約15分鐘。酒樓經理好好招呼，俾卡片，帶我地去魚缸㨂，推介招牌菜，更換茶芥(我地唔食酸菜，佢幫我地轉花生) 。本身超想食拉斯維加斯蟹，但得2丁友，所以選擇了double龍蝦伊麵( 1份$188, double了份量，$376), 金銀蛋豆苗，洗衣機蒜香骨，超飽肚，大滿足。龍蝦伊麵出面市價差異很大，見過有外賣的$128都有，但質素唔ok,肉質好鬆，食不到鮮味，今次就唔同，因為係游水龍蝦，肉質厚實，鮮味十足，麵底吸收了龍蝦及上湯的味道，本身進行緊減醣飲食都忍唔住食左1細碗。金銀蛋豆苗，正路，4至6人份量，價錢108, 而家食菜係好貴，但比起一份菜心都要8x, 豆苗108都算性價比高。蒜香骨$98, 有大約8至10條, 適合4人食, 骨同肉一咬就會分離，唔使用力扯，但係咪真係用洗衣機整就唔知，但味道唔錯。埋單約6百幾，如果多人食會平d同平d,食物質素唔錯，好坐，

去開太子都會比尼間餐館矚目既招牌吸引尼日尼到太子實在諗唔到食乜就決定去一試尼間地鐵站一出尼遠眺已經超搶眼既餐館一試餐廳位於一樓 要搭電梯上去係樓下大堂等lift個陣先驚覺原來餐館曾經勇奪米芝蓮真係有眼不識泰山令我更加期待試試餐館既架勢餐館內部本來以為係行茶記露線點知原來係偏向茶樓多啲 需要比茶位同花生錢但唔緊要既 如果真係有米芝蓮級數就抵番曬啦睇完menu 同男友最後決定拍板兩個小菜分別係沙拉骨 同 金沙脆蝦球是緣男友特別中意食煎炸食物而我就中意啖啖免剝蝦肉餐館上菜好快 份量都大大份沙拉骨外脆內軟 上枱熱辣辣 入面仍然保有啖啖肉汁 面頭既沙律蛋黃醬唔會太多 味道亦剛好唔會太喧賓奪主 整體都唔會話太令人食兩舊就飽滯 不俗而我自己超推介既就係佢既金沙脆蝦球咸蛋黃炒到起沙 均勻咁包覆住大大粒既鮮脆蝦球 同時又唔會炒得太乾身 蝦肉仲係相當juicy調味亦非常恰到好處 唔會偏咸但每啖咬落去都會感受到係濃郁既咸香係口腔蔓延既感覺雖然好邪惡 但真係好味到爆曬燈！不愧係米芝蓮水準 下次如果再幫襯 一定係我encore既不二之選推薦比大家！！

約左友人食飯，毫無頭緒下發現呢間店。大概網上查看後，評語也不錯👍🏻就一於試試位於太子道西馬路旁，太子站c2出口直行就找到，光亮招牌更加容易發現。時間尙早，安排我們坐較闊落既位子，魚缸開放式設計，讓客人挑選甚少餐館仍提供餐前小食，所以感到懷舊感覺，亦感到欣賞。在等朋友或餸菜中，有野咬下係開心d今日同友人主要叫左4款小菜，以下逐一介紹燒鵝王(例牌$58): 優惠小菜之一，根據不同人數而決左你既份量。 原價$108，依加真係好抵食，微溫上菜，肉質較嫩，皮脆口。最欣賞是充滿汁，不會令人感覺很柴招牌沙拉骨 ($98): 酸酸甜甜的味道，骨肉比例平衡，好送得飯下。 個人認為再多一點沙拉更加惹味容記第一嘴 ($88): 炸墨魚嘴炸得相當脆之餘，墨魚嘴新鮮有咬口，唔會梅梅地。 配酒更加一絕鮮竹銀杏浸時蔬 （$88）有多款菜自行選擇，店員會為你介紹。 絕對有驚喜，份量相當之大，湯頭好鮮甜，銀杏大大粒不會苦以下仲有部分菜單，發現大部分食客主要叫海鮮，燒肉，啤酒，可惜我同友人一般。應該係不錯既聚腳點

今日又去食新餐廳喇又係中菜🤤🤤六點半上到去都已經坐左唔少檯 之後一路不斷陸續有人入 我就知一定係好野🤪今次真係無令我失望 真係好值得一讚首先座位好舒適 我地被編排坐卡位 當然好鬆動啦兩個人叫左三個餸例牌燒鵝 油鹽水浸蜆 同埋洗衣機蒜香骨仲叫多枝啤酒嘆下先講燒鵝 一上檯就見到佢賣相真係好得 試左就覺得真係好正 啲皮好脆 啲肉好鬆化 完全唔會話好「鞋」或者靭 火候控制得好好 真係擺左入口之後會心心眼 仲要做緊特價 58咋 真係好抵食 勁推介😍第二道菜油鹽水浸蜆 特登叫佢因為唔想成日比豉椒搶哂啲味 結果清清地 食得出蜆肉嘅鮮甜味 冇沙架 又多又大隻 啲湯落左胡椒粉 少少辣辣地 再配埋芹菜僻左啲腥味 粉絲就索哂啲湯嘅精華 好好食 又係另一大推介！最後係蒜香骨 可能因為頭兩味太好 所以呢道菜我就覺得平平無奇 不過老公就大讚呀 話覺得佢炸得啱啱好 啲肉仲有汁同軟淋淋 各有所好啦！其實佢種類係非常多 不過兩個人試唔到咁多咋最後要讚埋啲員工 佢好細心 會主動換我啲碟 又會適時換水 好好服務啊！總括而言 今餐我畀95分！一定會encore! 試埋其他餸😚

餐廳環境像酒樓，圓桌方便人多一起吃飯，桌與桌之間距離幾遠，坐得舒服。燒鵝:例牌份量是2-4人份，對我們2人來說燒鵝份量真的很多，皮有脆脆的感覺，多肉少脂肪，油而不膩。沙拉骨:味道酸酸甜甜，非常開胃，肉和骨的比例很好，肉很容易咬出來，肉質帶有口感，有點像是豬頸肉的質感，好吃到很容易愈吃愈多。麵醬茄子四季豆:中式麵醬是咸咸甜甜的味道，最好配上白飯一起吃，可以吃幾碗，茄子和四季豆都非常爽口，有鑊氣，茄子顏色鮮艷令人更加有食慾。

路過太子既時候都一定會見到「容記小菜王」，大大盞燈、大大隻字，聽人講都開左好多年，而且不錯。今日慶祝朋友考試合格，突登黎呢到賀一賀佢！入面係茶樓格局，但中意既話都有啲卡位座。呢到好多特色小菜，又有米芝蓮推荐名菜，睇到都想食！今日係朋友既大日子，緊係要大魚大肉！茶樓慶祝叫返半隻乳豬係基本啦，平時乳豬都要預，或者要等好耐，但呢到我地即叫即製都好快手。乳豬一放低個下已經聞到好大陣豬香味，皮好香脆，肉質亦唔會烤到好乾，不過隻豬仔就肥左少少。例牌燒鵝大大份都只係58蚊，夠晒入味，基本上放得上碟全部都係啖啖肉，唔會話得返啲皮同骨咁呃秤。當然我地食到一件都無剩啦！薯仔牛柳粒，薯仔夠淋，而且索到有少少牛肉，調味亦好足，夠晒咸，唔會食到中間啲澱粉無晒味。牛柳粒都好軟身，入口唔會似香口膠咬極都唔爛，不錯！今次同朋友慶祝啖啖都係肉，好滿足！下次一定會再黎！

想搵間有質素既中菜，朋友介紹呢間試過唔錯。揚名國際燒肉 細 ($98)知道呢度招牌菜係燒肉，老實講睇賣相就冇咩驚為天人，估唔到入口有驚喜。 燒肉半肥瘦，入口完全唔會肥膩，甘香軟糯有肉汁，亦好夠脆，難怪係米芝蓮。蜜椒薯角牛柳粒 ($168)開頭嫌有少少貴，原來牛柳粒用料好靚，有平時西餐牛扒既水準，重點薯仔粒輕輕炸過，香口惹味。芝士波士頓龍蝦伊麵 ($188 + $20)我封佢為性價比之王。 本身鐘意食龍蝦，只係諗住食個酒樓質素過下口癮，估唔到龍蝦十分之新鮮，熟度岩岩好，彈牙鮮甜。 芝士汁調味亦相當唔錯，拍得住鯉魚門既水平。黃金鮮魷 ($108)咸蛋黃味道香濃，鮮魷大件爽脆。平日夜晚都好多客，想試幾道菜都賣哂，下次要再早D黎。

呢次同朋友聚舊，揀左呢間位於太子既容記小菜王，太子站落車行幾分鐘就到，真係好方便。 揚名國際燒肉燒肉皮脆，肉質嫩，無豬肉腥味，醃得入味之餘亦唔會太鹹。一切都唔多亦唔少，全部啱啱好，啱曬口味。招牌沙拉骨排骨骨中帶肉既特質，通常都令人食髓知味，整沙拉骨真係最啱。除左醬汁甜甜酸酸非常醒胃之外，排骨肉掛汁後既脆脆口感更係令人讚不絕口。配以沙拉醬點綴，餸飯一流。濃湯海鮮雜菜煲煲中既濃湯有齊海鮮既鮮味，以及田園雜菜既清甜，兩者互為補足，一解前兩道菜既油膩感。值得一讚既係佢用料十足，有齊大粒帶子、鮮蝦、珊瑚蚌等海鮮，蔬菜亦非常新鮮。總括而言，呢間小菜館食物真係水準好高，如果想緬懷廣府粵菜韻味，但又食厭出面連鎖粗製濫造既酒樓，容記小菜王絕對值得一試。

Lechon , Cebu Lechon, Philippines' Lechon... We miss You. 嗰日行過太子舉頭一望見到容記， 一廂情願覺得係以前深水埗嗰間， 喺門口見到佢有米芝蓮燒肉， 唔理三七二十一就衝咗入去試一試。我係一心希望食到Lechon 唔係廣東燒肉. 雖然有啲失望, 但係呢個廣東style 都ok.粉絲煲都幾乾身， 街坊小廚算係咁啦

今晚要番學放得夜，夜麻麻肚餓見到容記小菜王既霓虹燈招牌就好似漆黑中既螢火蟲，就係咁吸引左我入去食米芝蓮推介既中菜啦～9點後入座重有8折，岩晒夜貓一族～手拍青瓜海蜇 $48第一道菜梗係要揀啲涼野～青瓜清甜爽脆而海蜇都好爽口小小辣，實在是醒胃之選鼓椒炒蜆 $88今次叫左炒蜆試吓，估唔到有驚喜，平時都係得細細隻既BB蜆炒埋一碟，估唔到今次每一隻都大大件又啖啖肉吾會得個殼，鼓椒味同洋蔥都入晒味，以呢個價錢黎講真係值得推介抵食有流。拔絲鳳梨咕嚕肉 $88牛一向吾易易煮，要好味而且軟腍有難度。但呢度就將呢道家常菜炒得好有鑊氣而且吾硬入晒味，重有好多青椒呀洋蔥伴碟，吾會得牛一個口感太悶～重叫左一碗飯同兩罐Jolly Sandy $16.8，埋單300蚊吾洗，抵食啦米芝蓮！

在太子容記 LUNCH,  必定要食燒腩肉, 而我order 了燒腩肉飯, hk$ 48, 很多燒腩肉, 份量很大,  燒腩肉真係好脆口, 脆到入口一嚼, 便有好響好響的卜卜聲直入耳內, 肉地又軟又滑,  只可惜飯不夠熱,  可能如果飯熱蒸汽會使燒腩肉唔夠脆, anyway, 完美是分開上, 不要把燒腩肉放在飯面。 而點心方面反而好夠熱, 價錢合理, 加上環境使人坐得舒服, 足夠自然光。茶錢每位只收hk$ 8, 超值。

今晚想食中菜，同朋友去呢間有米芝蓮推介嘅中菜館，容記，就係街口位置，好顯眼。格局係中菜酒樓格局，樓面一兩個侍應。我地一坐低就比餐牌上嘅$58燒鵝吸引，好抵食。黎到都幾大碟，有一隻燒鵝髀添，皮又甜又脆。另外揀左炸蝦餅（$98），四大塊，新鮮炸出黎，好脆身，入面嘅蝦膠都幾厚身架。主食揀左海皇粉絲煲（$88），有蝦球切粒，炒得好香，好惹味，都幾想encore哈哈。本身呢度前菜加兩位茶錢$35。最後連加一，每位$150左右。

今日想食中菜黎到太子既容記小菜王聽聞佢地係米芝蓮推介的餐廳侍應熱情招呼我地見我地隻碟有骨 都會殷勤幫我地換碟座位都好寬敞,周圍環境都好衛生兩個人坐低有茶飲慢慢食好舒服食材同煮法都有不少選擇前菜會提供花生小食金沙脆蝦球金黃既蝦球大大粒 蝦肉彈牙有薄薄既粉漿沾滿綿密咸香既咸蛋黃再鋪上小小黑芝麻十分香口紅燒脆皮乳鴿平時唔係成日食中菜見到有燒乳鴿 真係雙眼發光🤩外表脆 肉夠嫩海皇撈粉絲最為惹味的一個菜用砂鍋盛載 上菜時候咋咋聲自己翻炒一下 香味撲鼻☺️材料除左主角粉絲外仲有蝦、蛋絲、菜絲粉絲夠乾身又唔油 條條分明所有野都入哂味 送飯一流份量都唔少 兩人食到好滿足價錢亦都合理下次會返黎試下佢馳名既燒鵝同堆容記第一嘴😊