宏 (已搬遷) 新店位置

宏的Matcho Roll Cake是我喜歡的綠茶食品中排在前三名, 蛋糕質感細軟綿密, 味度不甜, 可以感覺到綠茶的清香, 而中間忌廉不是實實的那款,似是綿花般輕軟, 味道口感香濃軟滑, 綠茶味濃, 甜度適中, 高水準之作。

難得放半天假，喺the one 商場搵左間日本餐廳食lunch，門口旁雪櫃擺放不同口味既蛋糕、蛋卷、馬卡龍等甜品，相當之吸引。餐廳內天花上色彩繽紛既燈箱，寬敞既座位及一些日式既擺設，令人很舒服。我點了一份日本產溫泉蛋海藻烏冬餐 ，配抺茶蛋卷及草莓香紅茶。日本產溫泉蛋海藻烏冬，湯底十分清甜，不油膩，最重要烏冬係用日本小麥粉造的，有豐富的食物纖維、多酚、海藻纖維質，對身體很有益，而且入口爽口彈牙，很滑，不過看上來很像蕎麥麵原來仲配有兩件加州卷同沙津做前菜，認真開胃。抺茶蛋卷，由面層抺茶粉，蛋糕到cream都係抺茶，食落很有抺茶香味，香濃得來不苦澀，仲係100%日本材料做黑芝麻蛋卷，很香濃芝麻味，可以養顏補肝。草莓香紅茶未飲已經聞到陣陣草莓香味，入口sweet又怡神食完依個set 已經幾飽，但愛吃甜品既我怎會錯過餐後甜品，最後再點了京都宇治抺茶軟雪糕芭菲，單看賣相已經很漂亮吸引。抺茶軟雪糕入口抺茶味很香濃不苦，好滑，.而且甜味剛剛好。配料方面有好煙韌的小丸子，香甜紅豆，好香脆的蛋白餅，驚喜既係或底層有杏仁片及蛋糕仔多重口感，食完好滿足呢

o係The One行開街，經過見到呢間日式甜品好似幾吸引，就入咗嚟食tea。叫咗一件原味cheesecake同一杯伯爵茶，一個抹茶芭菲。Cheesecake有好濃厚芝士味，可惜口感實篤篤，一d都唔滑，唔飲茶實在無辦法食得晒。抹茶芭菲味道可以，丸子同脆脆nuts幾好食。不過以質素嚟講，就真係唔值呢個價錢（一個食正餐嘅價錢，食味道一般嘅甜品）。而且服務認真一般，店員對客無咩禮貌，只係叫3樣嘢有一樣嘢差d漏單。下次都唔知仲嚟唔嚟試佢個抹茶卷蛋好

日本食物總是健康，簡單調味簡單食材，吃出原汁原味。溫泉玉子海藻湯烏冬。烏冬加上日本海藻，入口味道清甜帶輕輕咸味，湯底清甜沒有味精的感覺，溫泉玉子入口蛋味濃郁突出非常滑溜，綿綿的玉子味道出色。旁邊的沙律用上柚子汁調味，入口爽甜開胃。

由小宏吃至大宏, 想當日店子小小的座落佐敦橫街, 到今天在The ONE裏面。 照燒雞飯+海藻烏冬+甜品+斯里蘭卡紅茶套餐 $140幸好每款都是小小的一碗, 照燒雞飯選用秋田米, 飯粒分明, 香軟爽口, 照燒雞扒切開五件, 雞皮有點脆雞肉全熟, 淋下的照燒汁好下飯；海藻烏冬根本吃不出有海藻味道, 還以為會似海帶、海草般帶有海水鹹鮮味, 入口是爽滑清新的。 抹茶小蛋卷是「宏」裏必吃的甜點, 抹茶蛋糕味道香濃, 口感軟綿, 中間的抹茶忌廉頗輕盈, 甘甜不苦澀。 斯里蘭卡紅茶中我點了伯爵茶, 喜歡它淡淡的佛手柑芬芳, 入口圓潤平順。味道 4環境 3服務 3衛生 4抵食 3.5

以前行過佐敦總店一直沒有試過，直至近期發現已在尖沙咀開了2間分店，便來一試！本來想食抺茶軟雪糕芭菲，但友人想試試這柸分量比較多料的抺茶芭菲再一齊Share， 但原來最低消費要每位$60，所以我地叫多兩件小蛋卷外帶～芭菲面層有好多粒軟棉棉既綠茶mochi ，淡淡清新綠茶味少甜讚，下層係豪不論惜既輕身忌廉芝士，再下層是綠茶啫喱，再食落去竟然有小蛋糕之後就是最低層粟米片啦！講真兩個女仔食已經好飽，外帶的兩件小蛋卷，唯有要放雪櫃明早享用啦！～ 以為雪過夜件蛋卷會乾真真但第二蕉食，蛋卷仍比坊間的蛋卷濕潤個人比較喜歡香草蛋卷蛋卷身是加入了天然既云尼那籽製作，卷身已做得香氣迫人再加上日本比較輕身忌廉，雲尼那及奶香味迅速在口中爆發抺茶蛋卷同樣做得出色，抺茶卷身及抺茶忌廉配對得而，我很推介大家試試這裡的蛋卷不過要食甜點10pm 前好入去嘞！因為10.45pm 已差不多收舖了～（K-11分店未到10PM已收了）

話説之前去開尖沙咀已經係距個度試過一次high tea，叫左抹茶同紅茶卷，一路食已經一路講左幾次點解個蛋糕咁軟咁滑今日竟然成個抹茶蛋糕放左係我屋企個雪櫃，我二話不説理得係邊個都好，切左黎食先講，嗯😋嗯嗯，又係一路食一路好滿足咁嗯嗯嗯，不過我比較鐘意食紅茶味，因為茶香更濃郁又特別，同埋吾知係咪一個買同係餐廳食一件件吾同，感覺無我上次係餐廳食咁鬼滑同軟身😂，不過都係好好味，一個人食左一大半都吾會漏，滿足灑。之後發現原來係老公去開尖沙咀買俾我，哈哈，下次買紅茶味丫Ma

難得地星期一可以放假 , 當然要出去行下喇 但偏偏遇上打風日 ! 但無礙我地的興緻去左The One ... 小丸子我黎喇 ! (後面有小丸子相)影完相玩完完當然要醫醫肚仔上左5樓的宏 , 一開始係比佢門口的甜品櫃吸引住而其實佢除左甜品仲主打住烏冬 2 個女仔 , 2個烏冬又好似多左啲,結果我地叫左個烏冬 同 一個甜品B2. 野菜天婦羅冷烏冬 $89 追加 加洲卷 $28原來Hiroshi 的烏冬講到明係用日本海藻烏冬用日本小麥粉做 ,加上海藻, 豐富的食物纖維 , 連維生素都高啲不過除左健康之如 , 味道當然一樣重要喇 佢比起平時的烏冬幼身好多, 但就好彈牙~~~我地叫的冷烏冬仲絕對唔馬虎佢會用冰先墊底 , 等你一路食都可以一路KEEP 住個溫度夏天簡直爽吖!加上佢個汁好濃, 十分之香而佢個野菜天婦羅同加洲卷雖然唔係特別好好食但勝左夠新鮮 , 即叫即做, 天婦羅又夠熱又夠脆食食下野我都叫左杯宇治抺茶奶 $40依道的抺茶真係要試下 ! 有日本的味道！除左好濃的抺茶味之餘 , 難得地成杯抺茶都好平均唔洗一路飲一路攪, (平時果啲飲到尾變左苦)而甜品方面叫左個 抺茶窩芙 $68 必點之選

​就黎打風又點吖？！ 即係未打喇 咁一樣馬照跑舞照跳 不過落雨都係去返室內地方比較多 黎到the one 兜左兩個圈，決定係Hiroshi道落腳 肚仔餓，叫左個烏冬 山芋溫泉蛋撈烏冬 $120 好好食 我都係跟自己口味叫啫 山芋我都係第一次聽，因為咁而叫左佢 上到黎要試下個山芋先 個感覺似係新鮮准山的朋友再磨蓉 有啲滑潺潺咁（的確流潺潺嘅野係好多人都唔啱） 但我好中意食准山粥，所以我覺得唔錯 加上山芋單食係無味架 所以，如果你想食山芋烏冬一定係點有蛋果個撈埋啲凍凍地嘅烏冬好爽 個烏冬幼身但係超彈牙！ 加上山芋可以幫我連埋啲蛋一齊掛晒係啲烏冬上面 超正！ 撈烏冬的味道比冷烏冬較淡 烏冬係一樣的，主要係個汁唔同 講真我好耐無係街食到啲咁清的感覺 我真係好滿足 但如果你係食煙喝酒開嘅，我唔建議你食 你地唔中意滑潺潺嘅感覺，都唔建議你食 一個人食唔到咁多，下次我要試下啲甜品先

前排睇左篇報紙講「抹茶同綠茶究竟有咩分別」，就咁聽當然好似抹茶高級d，咁但係點解呢？1/抹茶係春茶經過覆蓋蒸青的過程再輾磨成粉；一般既綠茶是經過炒青而非蒸青的過程2/抹茶的粉末極為之細，可懸浮在熱水中，不沈澱;綠茶會帶苦澀味3/抹茶種植要求較高；綠茶係未經發酵而成的茶葉所以今日我要黎宏試清楚!鋪面設計新穎，頭頂彩色圓形燈好搶眼.坐低sofa位置，頭頂掛住一件超大超靚紫色花花和服，加上其他日式公仔，增添和風氣氛！晚餐時段有dinner set選擇，價錢都係$99-130，我覺得好抵食，包左沙律、主食、甜品、飲品(茶，特飲另加錢)。叫左個咖哩豬排飯同日本野菜天婦羅冷烏冬咖哩豬排飯正正常常啦，無咩特別，都係好似咖哩磚做咁既。豬排炸得剛好，唔會太乾。呢個冷烏冬好特別，係鋪頭日本入貨架，加入左海藻，所以帶d綠色點點咁！張經理仲話養顏高纖，女仔恩物添呀！冷鳥冬特別岩夏天食，而且又開胃！烏冬面條好滑，食起上黎好煙un，有種清新既感覺。配埋由薯仔、番薯等雜菜製成既炸餅好夾，一脆一軟、一熱一冷，成就味道口感既交響樂！抹菜控就叫曬兩款signature desserts抹茶軟雪糕芭菲and抹茶芭菲第一款賣

今日就又同朋友黎到尖沙咀睇戲，之前黎到尖沙咀都知道呢度有好多唔同既野食，而the one就更加多，不過好似有啲高級咁，唔緊要依家暑假緊係食翻餐好既啦！日本草莓沙冰($89)呢個沙冰唔算好甜飲落發現係真係用果肉黎整既，唔係加水加色素個啲而且沙冰都唔會好易溶雖然個價錢係有少少貴既燒鱈魚飯套餐($140)呢個套餐就有飯有烏冬有沙津燒鱈魚既汁好啱撈埋啲飯食魚肉都好“淋”，仲有啲芝麻帶味不過塊魚就細左啲而烏冬都唔似平時個啲，係較為幼身既加埋啲昆布都唔會覺得單調咖哩叉燒飯($89)黎到都要試埋呢度既日式咖哩！叉燒係好似叉燒拉麵個隻咁不過就好似冇乜點既整既主要係咖哩，咖哩都有幾多配料下呢隻咖哩就唔辣既，都幾香甜甜地既呢個係燒鱈魚飯套餐既芝麻卷抹茶甜品set a($160)最後係抹茶甜品，佢每一樣都好有抹茶味蛋捲係最令我回味既，佢既抹茶唔係苦個隻，食落都好易入口不過本身以為中間果杯係要黎飲既，點知係湯丸黎！呢個就真係飲落好濃，都可以接受！

晚上的尖沙咀人山人海，平日經過宏，看到人客非常多，今日難得不用排隊就吃個日式晚餐。非常超值的晚市套餐。英國紅茶。草莓皇室紅茶，用上英國皇室極品，茶味濃香，甜甜的莓香非常清新。野菜天婦羅冷烏冬。海藻烏冬入口彈牙，冷醬汁加上日式芥末味道清香解熱，烏冬沾上冷醬汁，掛汁力非常高，味道清香清新，非常適合夏天食用。野菜天婦羅薄薄炸粉，炸得香脆香口，完全不油膩，野菜清香炸得不乾身。抹茶卷蛋。套餐包上人氣抹茶卷蛋，抹茶味道清香清甜，忌廉奶滑茶味濃郁突出，卷蛋鬆軟軟綿，入口清甜不膩。

飯後甜品好細小的蛋糕，但好重朱古力味一D都5甜，男生好岩食食個陣真心要好小心，佢好容易掉係枱mochi 5好食好軟。green tea ice cream 好好味窩芙意外地好食，加埋焦糖同ice cream 一同食

One 的宏食嘢.店內裝修以白色為主色, 而天花板卻放了不同顏色的燈罩, 俾人簡約中帶點特式的感覺.這裡的烏冬是得獎麵, 所以要一試, 我選了山芋温泉蛋烏冬.烏冬個湯底看似清,入口卻夠鮮甜, 原來用上鰹魚煮八小時而成. 而且烏冬的外表與平日食的完全不相同, 顏色是啡色, 有點似蕎麥麵, 而且是幼身, 入口時麵質質感軟硬適中.温泉蛋好流心, 一整開, 蛋黃一湧而出, 非常好味.山芋本身無乜味道,可以混入紫菜和麵一齊食.愛食甜品的我, 一口氣點了數款甜品, 包括日式草莓蛋糕, 朱古力蛋糕, 鹽味焦糖和櫻花杏仁蛋白餅.日式草莓蛋糕. 蛋糕質感鬆軟, 濃濃的蛋香味道, 忌廉夠滑身, 但多些忌廉會更加好味. 而草莓甜中帶酸, 幾醒胃.這裡的蛋白餅款式也有不少, 我選了鹽味焦糖和櫻花杏仁蛋白餅.左邊為鹽味焦糖蛋白餅, 右邊為櫻花杏仁蛋白餅.這裡的蛋白餅質感是脆身, 無平日食的咁甜. 而鹽味焦糖蛋白餅餡是牛油, 櫻花杏仁蛋白餅餡為棉花糖,所以兩者口感有所不同.朱古力蛋糕看似好普通, 但是用上70%的Varlhona, 這是吸引我點的原因.朱古力味道夠香濃, 入口夠幼滑, 而甜度又適中, 愛食朱古力的

步出element電影院肚子就餓了要找吃的，element也有好多好選擇不過我片刻都不想再待在呢個商場裡！因為呢度完全是一個雪房！冷氣太凍啦！再待不住在這裡吃晚餐。出外逛逛找吃的，不知不覺就走到這裡the one! 趕快找吃的。行到這間門口裝潢不錯，價錢ok，難得人不多(過哂食飯時間啦)，就呢間啦！ Dinner set - 日本野菜天婦羅冷烏冬 $99配甜品芝麻蛋卷剛剛去完日本回來吃這個，和日本的完全沒法比。不過要公道點，這裡是香港，這樣的標準下這裡的蕎麥麵算是好吃。不夠彈牙但至少不會一砣的糊在一堆。天婦羅就麻麻地，完全食不出是什麼蔬菜。跟餐的芝麻蛋卷也是普通。自覺得隨便一間xx餅店的還好吃。 咖哩雞排飯 $108這是朋友點的，試了試，炸雞排皮太厚了，雞肉是嫩的，不過炸皮太厚影響口感。 再點了一個綠茶紅豆丸子雪糕 $88推介這個甜品！這篇的OK也是for this dessert! 一上桌已很吸睛！綠茶雪糕在今個夏季依然大行其道，而我仍未吃厭，每次去有綠茶甜品的地方依然會點一款！今次這個外型討好，透過高身的玻璃杯看到誘人的綠茶雪糕配上紅豆，正！丸子煙煙 很有嚼勁。吃著吃著底下還