宏 (已搬遷) 新店位置

是日又到尖沙咀覓食睇門口menu見到套餐幾吸引,有沙律,飯,麵,加埋甜品,所以就決定一試叫左個炸豬扒飯套餐.包一個沙律,豬扒飯,鳥冬,小蛋糕同紅茶每樣份量唔算多,所以唔洗怕食唔曬豬扒炸得比較乾身,唔厚粉,都算鬆脆,而個烏冬就無咩配料,但個海藻湯底同烏冬幾夾,清清地既味道套餐包個小蛋糕,會係你食完主食送上,有3款選擇,香草,抺茶同黑芝麻我就選擇左黑芝麻,好濃郁黑芝麻味,蛋糕就硬身,唔會鬆散成間餐廳環境光猛舒適,亦無出現趕你走既情況適合一班朋友相聚

行行下街好想食甜品，經過呢間綠茶甜品店，未朝拜過又肥大到唔洗等位，於是入黎試下😍呢到有主食（麵或者飯）同甜品，其實都好吸引，不過因為食左Lunch，所以只係叫左甜品。綠茶窩夫😋其實都好飽下，有四塊窩夫，個窩夫好實同脆口，配埋紅豆同雪糕好好味！如果自己一個人食應該食唔曬😅即係經左陣先食，個窩夫都無好易「淋」曬，唔錯的綠茶芭菲🍦食食下發覺呢個同綠茶窩夫既配搭同味道好好似，都係個D配料😂，不過呢個底層多左少少脆脆，都好味，特別係我鍾意食小丸子🍡不過建議下次可以叫唔同配搭，試多D唔同野開心D

叫左個$99午餐！有齊意粉甜品同餐茶！經理介紹話茶係特別靚個種！同英國皇室飲緊同一牌子！依個係草莓香紅茶！ 聞落勁香草莓味！ 好refresh 啊！個set都幾豐富！有埋沙律同壽司！沙律菜夠哂新鮮！壽司都唔錯！主角係海鮮海藻意粉！有蝦同帶子！佢用海藻烏冬代替意粉！個海藻烏冬勁香啊！而且好扎實彈牙！個烏冬仲有陣好似麥味既香味！好好食！我最期待既甜品終於到！係好出名既綠茶蛋卷！個蛋卷軟林！又細緻口感！最正係個綠茶味唔係得個甜字！香甜又有回甘！好好食！個蛋卷太正所以我又叫多個綠茶甜品試下！就叫左個京都宇治抹茶軟雪糕芭菲！雪糕個抹茶味好正！綠茶凍勁彈！超純綠茶味！底的杏仁餅超正！好脆好香！同成個雪糕好夾啊！

我同朋友去尖沙咀一帶行街，比餐廳的外觀吸引，餐廳名是 "宏 日本甜品店"，店內又有充滿日式裝修，原來叉燒烏冬，抹茶、甜品等等... 都買相好正，要叫多些食晚餐先。醬油海藻烏冬套餐，叉燒好有肉質鮮美，一面食又一面試湯，湯是醬油做成，感覺好食得健康，真是見到食物好有質素。店員介紹海藻烏冬是日本出產小麥做的，香港人特別喜樂日本原食材，真是食得出特別唔同。紅茶有的是斯里蘭卡、官廷用的...有各式甜品真叫人食多兩款。

朋友帶左我去一間位於尖沙咀的餐廳食晚餐，餐廳名叫 "宏 日本甜品店"，以燒鱈魚、雜錦、天婦羅、海藻鳥冬、抹茶、紅茶、甜品....等等最出名。燒鱈魚飯套餐，燒鱈魚是鮮滑，醬汁是調得很好，是令人對鱈魚有好感，醬料不濃味，食得像在大自然開餐般美味。海藻鳥冬是日本出產小麥做的，香草及抹茶 黑芝麻小蛋券是套餐的甜品，相當好食。紅茶好出名是官廷用的，甜品叫了抹茶窩夫的日本抹茶雪榚，美到不搭得食。 京都宇治抹茶芭菲，有好香的抹茶。

以吃飯後甜品心態進去，除左甜品仲有其他正餐或set。叫了抹茶卷蛋+茶set，茶有三款可選擇，淡/中等或濃。蛋卷抹茶味重，入面d cream都係抹茶味。茶我揀了淡茶，焗一陣先飲會入味好多。

貓貓今日食到個高質既味道。好耐冇試過咁樣去品嚐一個食物。話說貓貓係餐廳叫左個午餐set。貓貓好肚餓，於是order左個燒鱈魚飯套餐。套餐有包好多野。鱈魚用甜汁粒整，甜汁同飯既份量搭配啱啱好，唔會太多，亦唔會搶走新宿米本身既香味。好食既珍珠米係特別香，而且有水份，係呢度慢慢品嚐呢個香味，好好食。鱈魚整得有水份，口感好，甜汁同鱈魚夾得好，整個鱈魚飯都好香，但又唔會重口味。貓貓既套餐有碗海藻烏冬，聽聞呢度出名烏冬，所以貓貓二話不說，一定要食烏冬。清淡既烏冬看似普通，但好令貓貓驚訝。海藻烏冬既口感滑，而且煙韌，係勁爽口，貓貓濕左個嘴啦已經。加左海藻既烏冬，如果細心品嚐，可以食到烏冬淡淡既海藻味，係好特別既烏冬。湯底係清湯，但飲落味道係甜，而且飲完有真香濃味係口度，個種味道係貓貓飲過好多既日本湯冇既味道，所以貓貓真係唔可以唔俾狗大大既讚！真係好好味。貓貓食完套餐，仲有個芝麻蛋糕食，芝麻蛋糕唔甜，味道夠真，口感鬆軟，又唔會痴牙。好幼既蛋糕，口感味道都係佳，貓貓會俾8.5分！因為芝麻蛋捲食落係好有芝麻香，甜味啱啱好，唔會有濟既感覺。難怪呢度出名甜品，品質係有保障的！邊食甜品，邊飲呢杯斯里蘭卡紅茶，味

來之前，早聽聞尖沙咀The One「宏」的抹茶甜品的好評，其中的綠茶蛋卷尤其出色。是晚與男友在「宏」的約會，自然滿心期待著能在未來的一小時内，一時牽掛，甘苦與共，甜蜜相伴。 品嘗抹茶，如紅酒和咖啡，有一定的學問和要求；愛好抹茶者，多必對其味、來源異常執著和講究。自問本身不是抹茶控，因此對抹茶甜品的點評只是以初學者的味覺出發，蜻蜓點水。 坐下後翻開餐牌，晚市套餐較散點優惠：晚市套餐主食送細蛋捲和飲品，能滿足對綠茶甜品的渴望，也能飽肚。飲品加錢換成宇治抹茶奶和初茶。點餐以後，在等待食物的20分鐘内，打量了一下周圍的裝修。 宏的内裝修，色彩繽紛的圈圈是主題，簡單，走大衆化路線；沒有太多的日式元素，中間一張長桌子排開，有缺私隱度，間隔更像高檔茶餐廳，心裏不免納悶，真的有好吃的抹茶甜品嗎？ 既然來這裏的原意是以抹茶初哥的味蕾品味，就先評論抹茶甜品吧！ 初茶，茶香清淡；宇治抹茶奶濃鬱奶味，稍甜。  後上的綠茶蛋卷，蛋糕實身、中間的綠茶慕斯有淡淡綠茶香。以抹茶初哥來説，如果抹茶的苦澀度與黑朱古力相同，這個應該是黑朱古力的40-50%純度吧。面撒綠茶粉，口感挺濕潤，此時，呷一口初茶，感覺能把回甘稍稍

曾經滄海難為水吃過宏綠茶雪糕就難吃其他人的綠茶可能我人比較勢利吃日本料理也愈發招積遠在宏未獲開飯- 得獎飯店前已吃宏的綠茶和雪糕我很難服侍不吃雪糕只好芝麻綠茶兩樣後來綠茶宏得獎了而午餐更降價143～減至99$讚而且他們的鰻魚飯是原純日本鰻魚標籤大令我感到相當專業興奮不已⋯⋯後來再發現午餐有平一點選擇鰻魚飯餐送高級斯里蘭卡紅茶加上東瀛聲色品味人生！喜歡和服的講究東瀛文化的細膩吉列朱新潟米飯配海藻幼烏冬 菜沙拉130$鱈魚飯set 送斯里蘭卡紅茶店長推薦英國皇室女皇最愛 斯里蘭卡和茶內有萬壽菊錫蘭紅茶紅玫瑰花藍錦葵我至推薦88$綠茶軟雪糕含小丸子紅豆糖餞杏仁脆

呢個係抹茶控必到既地方，太多正既抹茶產品啦！話說我地本身入黎係諗住食正餐既，點知食下食下就食埋個甜品正餐今次返去真係要勁做‘運動先得！佢有好精緻既display, 當你見到5顏6色既甜品係你眼前，真係好難控制自己架！我叫左個拉麵。佢d麵同平時食既拉麵好唔同，反而有d似喬麥麵，但又無喬麥麵咁幼同埋咁易斷。都仲係有煙煙韌韌既感覺。但就唔會太粗太硬。我好喜歡呀！入面2舊叉燒肉質都好實淨。其實因爲佢d麵都幾多，如果可以多舊叉燒就perfect啦！朋友叫左個豬軟骨飯烏冬。哈哈，其實又飯又烏冬咁，真係唔係太睇得慣。不過就讓人有精緻既感覺。豬軟骨燒得好香。 d米都好香。 沙律菜好清爽， 酸酸地好開胃！每個餐都跟個小蛋捲。我就揀咗士多啤梨小蛋捲，朋友就揀咗黑芝麻蛋捲，兩樣都好好食！蛋糕好鬆軟，芝麻味好香！我的另外叫咗呢個抹茶拼盤，上面有抹茶蛋捲，抹茶雪糕，抹茶曲奇，抹茶糕，抹茶布甸！ 絕對係抹茶控一定要嚟嘅地方！ 食完真係會令人覺得好滿足！ 特别要讚下個抹茶雪糕！唔會太甜，好夠凍，個質感好好，入口即溶，唔會有渣。呢個係日本初茶。其實我覺得有啲貴，但佢又真係好清！而且飲呢個茶係有特別技巧，好彩menu有

Openrice 咁多好評，以後無死啦。叫了個豚肉燒定食 （連麵）首先豚肉的份量少得可憐，應該得3/4片，其他全是洋蔥。所謂既新潟米，唔知佢係咪買最低rank 個種，完全一點日本珍珠米應有的甘甜味都無。個蕎麦麵都普通到唔普通，湯底是好清的昆布水only. 甜品是抹茶卷/芝麻卷，比較正常，抹茶有少少甘苦的茶味芝麻卷的黑芝麻味也算突出，值得一讚是cream 好滑而又有茶/芝麻的味。甜品合格但未至於超好食如果要排隊一定唔塊呢間食。

尖沙咀睇戲前，經過“宏'，望到自然光透入餐廳內，好舒服吖。仲有我最愛的window seat. Lunch set 幾抵食喎，海藻烏冬套餐$99 一碗烏冬+一件蛋糕+一杯斯里蘭卡嘅紅茶呢個價錢真係好抵食，又有靚景！烏冬好味吖，原來由日本出產嘅小麥粉加海藻制成， 所以烏冬嘅顏色唔係一般嘅白色，而係淺啡色，有豐富嘅食物纖維之餘， 仲彈牙。夏天食一個煙三文魚冷烏冬真係暑氣全消。另外，叉燒烏冬的叉燒好有質感又彈牙。湯底好濃郁，朋友讚不絕口。朋友揀左咖啡，佢話入口幼滑，after taste 唔強，不過咖啡豆好新鮮。店員話咖啡係一秒一滴，一小時先有一公升，滴滴都珍貴。雪糕上灑上綠茶粉令味道添了層次感，味道好濃郁，賣相精緻。令人立即勾起在京都品嚐宇治綠茶甜品的回憶。綠茶啫喱口感Q彈，丸子甜度適中，增加左脆脆令雪糕口感更有層次。呢餐飯真係食得好開心，值得推介。

今日同男朋友大人行完 the one，就揀左呢間睇落幾精緻既甜品店到食野小歇一下我揀左個和風溫泉玉子海藻麵意粉套餐 ($99)個餐既內容十分豐富呢！海藻麵意粉我揀左凍既，食起黎十分消暑，雖然只係配上淡淡既醬油、溫泉蛋同香葉，但唔會覺得單調之餘，反而感覺好清新，絲毫油膩感都無！個溫泉蛋十分柔軟滑溜個餐包左小份沙律，貫徹清新之感。沙律菜十分新鮮，蕃茄仔鮮甜多汁跟餐既加洲卷質素出乎意料地好跟餐有杯斯里蘭卡紅茶，每日餐廳都會供應唔同選擇，而今日嗰款就係English breakfast tea。茶香清新，茶味濃郁，紅茶黎講質素唔錯個餐仲未完架！仲有個抹茶蛋捲（大）抹茶係呢間店嘅成名作，好多人都慕名而來，一試發現果然係實至名歸。海綿蛋糕十分鬆軟，抹茶忌廉既抹茶味雖然不算太濃，但有抹茶的回甘既然呢間店既抹茶咁出名，當然要再試試佢主打既抹茶甜品啦～叫左個抹茶軟雪糕芭菲($88)用料非常豐富，每一啖抹茶雪糕都可以配上不同餡料，例如係白玉， 抹茶啫喱，日本紅豆等等。每一個組合都令人耳目一新，但各自都同個抹茶雪糕好匹配，成個甜品嘅口感十分之豐富！咁多款餡料中，我最鐘意雪糕底部既香甜脆片呢總括嚟講，呢一間

忙左成日諗住放工食番餐好，喺尖沙咀K11諗住唔會差得去邊，點知一人嗌一個餐，其實個餐一啲都唔算平，唔平如果好食都話姐，原來係咁難食碗牛肉飯，得幾片牛肉，俾啲洋蔥鋪滿就算先不計份量，諗住無咁肥，加一半佢加上嘅牛肉汁，無味，加晒先話好小小，其實食吉野家都好似仲好過食佢哩度，起碼合理價錢，有番小小質素嘅食物。認真，我唔知食緊啲咩，成碗麵一啲味都無我個餐未黎前食過哩個，我諗我叫嘅麵都未必會好食哩個溫泉蛋烏冬，我真係唔知自己食緊啲咩無味，一啲味都無，真係好失望，仲要成$99個set啲烏冬懶特別咁，但係成碗嘢一啲味都無，幾特別都無用其實食蛋卷嘅唯一重點要連皮食，哩個膠紙係慢慢咁拆都係會甩左個皮，食落真係5係嗰回事...一啲都唔好味...我都係經介紹話哩度嘅蛋卷出名佢連出名嘅嘢食都整唔好，我唔知點解哩間餐廳點樣做到得獎熱店...哩間嘢出名綠茶食品，係唔錯嘅，不過覺得名過其實，都係普普通通一件有cream有綠茶味嘅蛋糕，唔明重點喺邊加上哩度服務好惡劣，點餐嘅時候話要小小時間揀邊幫甜品，想話叫佢落左主菜先，佢唔肯，一定要迫人揀一啲都唔平仲要咁嘅服務，永無下次！

尖沙咀開左間麵包超人店呀，同朋友去完再到樓上食綠茶甜品掛起件和服好靚呀，當堂令成間餐廳環境日本feel多左點左兩個套餐，兩杯餐飲另加二十轉綠茶牛奶。綠茶味濃，入口暖暖，唔錯沙律菜爽脆，粟米甜，配上和風醋汁 ，好開胃味噌湯海藻烏冬: 聽店員介紹店入面嘅烏冬係由日本出產既小麥粉同埋海藻而成。所以麵身係淺啡色，麵質感滑身彈牙。另外叉燒唔太硬身，湯底清甜。燒鱈魚飯套餐: 用既係日本米，鱈魚肉滑身。另外再配烏冬，沙律，好大份甜品: 士多啤梨蛋卷，中間舊cream好香但唔膩，個蛋卷好香蛋味。另一款芝麻味蛋卷，芝麻味好突出，唔知係味炒過先整呢抹茶雪糕芭菲: 除咗軟雪糕，仲有塊餅，紅豆，湯圓， 綠茶啫喱，杏仁塔，仲有蛋糕墊底。綠茶雪糕加左綠茶粉，唔太甜。再配埋其他配料一齊食，冇得彈香草牛奶軟雪糕芭菲: 牛奶軟雪糕好滑， 配上加咗焦糖嘅燒香蕉，同埋唔同既生果，感覺好似食緊香蕉船，好特別呢間甜品舖嘅甜品好出名，下次淨係食甜品食多啲款式先