宏 (已搬遷) 新店位置

上星期同朋友喺the one行街，因為過咗聖誕，間間舖都大減價，我同朋友買衫買得超開心，都忘記了已經到了晚餐時間，行吓行吓行到5樓，突然覺得很肚餓，就入咗這間叫'宏'嘅日式餐廳試吓！我們點了兩個飯麵套餐，因為又想食飯又想食海藻烏冬。套餐還有沙律和抹茶小蛋卷,配上斯里蘭卡的紅茶。燒鰻魚飯套餐套餐包沙律，燒鳗魚飯，烏東，抹茶蛋卷同飲品。沙律係柚子醬，夠fresh。燒鰻魚燒得脆口，魚肉勁滑，但醬汁偏濃味，一定要配飯食！烏東同平時食既唔同，呢度既偏扁身，有咬口，好好味！野菜天婦羅冷烏冬套餐 呢個套餐都有幾多野！ 個天婦羅飯D蔬菜用嘅炸粉岩岩好，唔會炸到好厚！除咗個天婦羅仲有一盆好出名嘅海藻烏冬！條條烏冬都加咗好有營養嘅海藻，烏冬食落好彈牙，唔錯！ 個套餐都幾豐富，因為佢有前菜沙律，仲有抹茶小蛋糕做甜品！同朋友叫左2個set，食完加埋2個抹茶小蛋糕做甜品，飽到上心口。

同媽媽行完街就去the one覓食上到5樓見到有間日本野有啲靚蛋糕好似幾正就入左去叫左個大鰻魚飯 鰻魚燒得好juicy 又夠肥美！配個烏冬都好正架 聽講間野最岀名烏冬 都真係幾爽口彈牙然後又叫左個白鰻魚set 比較多骨 但佢比左4種醬客人自己點 都幾好食架！Set配埋個細蛋糕 係綠茶味黎 都幾好食架 又夠軟熟！然後甜品方面叫左香蕉焦糖雲尼拿雪糕waffle超推介大家食呢個！！！！個waffle勁香焦糖味！雪糕都超好食勁creamy勁重牛奶味再叫多左個芭菲 佢個小丸子勁令人喜岀望外！勁煙韌勁好食！

平時大家聽到宏最出名既緊係抹茶蛋卷但其實佢既主餐都唔錯架午餐有set食架海藻烏冬係呢度既招牌唔講唔知海藻有好豐富既食物纖維同維生素對身體好好架因為想食飯又想食烏冬所以就叫左日本白燒鰻魚定食同雜錦天婦羅飯套餐呢隻鰻魚係無加蒲燒汁架就咁白燒但出奇地完全無腥味但鮮味十足而且仲有4款調味比你自己選擇有柚子醬油 鹽 芥末同鰻魚汁個人鍾意配柚子醬油跟餐既仲有海藻烏冬烏冬中一粒粒既就係海藻微微既海藻味 配上鰹魚汁正另外天婦羅都炸得好脆粉唔會過厚有蕃薯 茄子 秋葵同蝦分量十足飲品方面就叫左抹茶奶同焙茶奶兩樣既茶味都好香濃跟餐既仲有配小蛋卷抹茶味一如既往好香濃Cream好滑另一個士多啤梨蛋卷既蛋味十分香蛋卷鬆軟香草牛奶軟雪糕芭菲軟雪糕帶好香既奶味配上焦糖香蕉各種水果而且芭菲下有大量既杏仁片焦糖布甸芭菲有一大個布甸🍮係上面打卡最岩鋪上肉桂粉 士多啤梨 同雪糕味道多層次除左甜品大家可以黎試下呢度既主食呀品質都幾高

琴晚去了呢間叫「宏」的日式餐廳晚飯，主打日式海藻烏冬、抹茶蛋糕同各式各樣甜品。價錢唔貴質素卻好高，所以決定寫一篇食評讚一下！同伴食：味噌湯海藻烏冬麵，配日式叉燒。前菜有醒胃沙律，我忍唔住兩樣都試一啖！先講湯底，濃而不鹹，正宗味噌的滋味。烏冬麵係加入海藻製成的，其他地方食唔到咁特別的烏冬麵底，而又滑溜彈牙👍🏻份量足夠也唔怕太多，非常好因為好戲在後頭！我點的係「純日本白燒鰻魚定食」。豐富程度從睇相已經令人吞晒口水，食落更加欣賞整個定食的烹調製作！首先個鰻魚以白燒方式，毫無多餘調味，可以試到鰻魚本身的鮮味之餘仲唔怕好似以往燒鰻魚咁被d濃味燒汁完全覆蓋！我中意第一件點少少鰻魚汁、之後的點下海鹽、或者芥末加醬油，各種味道均帶來不同滋味跟餐的迷你海藻烏冬，和我朋友的味噌醬湯各有特色，我覺得食過清湯烏冬，最後點少少鰻魚燒汁，另有一番特色！跟餐附送的甜品我們選擇了抹茶蛋卷、日本草莓小蛋卷。咪睇少小小一間蛋卷，呢個可算店內必食甜品。抹茶蛋卷毛巾蛋糕鬆軟綿密，帶清淡抹茶味。夾心更加重抹茶味，而且甜而不膩！日本草莓小蛋卷亦相當精緻，中間夾著半粒鮮🍓，清新可愛！好戲當然最後先上！抹茶窩夫，配栗子蓉+抹茶雪糕+

唔係friend介紹都唔知the one有間咁正既日本野！一個鰻魚餐200蚊有找 但有齊鰻魚飯 烏冬 蛋糕仔同餐飲 都算幾抵食而且食物質素都好好！特別係個鰻魚勁肥美 又入味好推介！

終於同到閏蜜放同一日假了，可喜可賀同閏蜜放假當然要去瘋狂shopping啦。咁你知女人行街等於上一次喜馬拉亞山咁攰，所以，食都要食餐好既！呢間我家姐推介過好多次，但礙於我唔好抹茶所以好多時都過門不入，今日就的起心肝試下先店內寬敞，座位舒服，傾計一流。都有好多選擇，甜品都唔一定得抹茶，好彩啫日本青森蘋果汁 $40超新鮮清甜炸豬扒飯+麵套餐 $130麵條彈牙，豬扒香脆juicy,不過多啲汁撈飯就好了日本白燒鰻魚定食 $210第一次試白燒，完全唔會腥鰻魚鮮甜肥美，唔沾醬都食到魚既鮮味香蕉焦糖窩夫 條蕉超好味！窩夫外脆內軟。香草雪糕見到一粒粒香草籽係入面，香滑味濃。點睛位係杏仁片，脆卜卜仲配埋焦糖跟餐送個小蛋卷。蛋卷超級軟綿，非常濕潤，cream唔會過甜焦糖布甸芭菲 $88外面係玉桂crumbs,裡面係粟米片，仲有個球我最喜愛既香草雪糕加吉士醬，呢餐真心大滿足了

而家女大女世界，想當年一到聖誕節🎅就係兩個女👧👱‍♀️放假唔使趕功課👨‍👩‍👧‍👧又可以抖下relax下嘅時候😻但係宜家啲女大個咗🤷‍♀️剩返我哋兩個老嘢💑所以都要搵返啲好嘢填補心靈嘅空虛！同老公去行尖沙咀睇下燈飾，經過The One不然間好想食甜品🍮又想食日本🇯🇵菜！見到呢間餐廳～～宏～～喺店內見到啲甜品好吸引💁‍♀️所以就試吓啦！日本🇯🇵白燒鰻魚定食＄210🎊🎊原價＄298依家特價只係＄210純白鰻魚我都係第一次食，入口甘香鮮甜，附上四種醬汁：👉日本芥末和醬油👉日本柚子醬油 👉鹽 👉鰻魚醬汁以我個人就比較鍾意日本柚子醬油味，因為可以帶出鰻魚本身嘅鮮味😍佢嘅米飯仲係由日本運到👍，海藻烏冬個湯底充滿海藻嘅香味四溢！仲有沙律🥗小抺茶蛋捲、錫蘭紅茶添☕️和風牛肉飯麵餐＄130飯面鋪滿多汁嘅牛肉和洋蔥惹味十足，附送海藻烏冬丶小蛋捲可選擇芝麻丶香草🌿、抹茶口味😍煙三文魚水耕菜沙律🥗＄85煙三文魚厚切有三件，非常鮮甜美味！選用天然有機水耕種植方法，天然優質，沙律菜爽脆鮮甜，準有兩種醬汁供選擇👉柚子味或芥末味👍咖啡冰沙+軟雪糕🍦咖啡味十足加埋日本🇯🇵嘅雪糕🍦雙重滋味👍日本草莓🍓冰沙充滿士多啤梨🍓香味🍧非常

難得約齊人食飯，今次重準時到齊餐廳，早食完晚飯，時間重好早。唔食過甜品硬係爭咁D野咁，一大班人借食甜品，搵過地方傾計，甜品胃又要出動。栗子味既好好味，有買三送一，重要多人食就一次過試曬咁多隻味。

好耐無食過宏，今晚經過店外，見到佢個新menu好吸引，又去食下先😍今次再去，店員依舊服務態度十分友善，有禮貌👍👍店員仲細心詳細介紹食品，值得一讚😍😍今次叫咗佢嘅新出品，純日本白鰻魚定食，白鰻魚配上3種不同醬料及1種燒鰻魚醬汁，白鰻魚燒得好有鰻魚鮮味，十分特別，仲配上日本米飯，夠晒配合，而且仲配上沙律及海澡烏冬，又好食又健康👍😍另外，仲叫埋大鰻魚飯套餐，亦都配上沙律及海澡烏冬，傳統燒鰻魚好好味，配埋日本米飯，份量十足😍👍兩款定食都配上佢地最出名卷蛋，我哋叫咗一件香濃嘅抺茶卷蛋，另一件叫咗香濃嘅芝麻卷蛋，兩件都如往日一樣水準👍😋最後當然叫埋佢哋最出名嘅抺茶雪糕芭菲😋及抺茶軟雪糕芭菲😋最鍾意佢哋嘅抺茶甜品落足料，抺茶雪糕同軟雪糕都帶有甘甘的抺茶味道，回甘味都不錯，以本地店鋪能做到如日本抺茶店一樣嘅質素，真係要值得一讚👍😋👍😋芭菲材料亦不簡單，有抺茶mochi、抺茶啫喱、杏仁脆餅、鬆軟蛋糕等，落足晒材料😍👍最欣賞呢間餐廳選用好食材，用心製作，食物水準一如以往般好，啱晒我呢個抺茶迷，又可以食咸食又可以食埋甜食，一次過滿足晒抺茶迷嘅口福🍵😍🍵😍

今日夜晚約左一班姐妹食飯上openrice search到呢間舖頭，開頭以為只係有甜品食，原來都有熟食，所以就黎試下。唔記得實際叫咩名，有魚，一碗飯，一碗麵同沙律。好豐富！拉麵餐，幾好食，最有驚喜係送的紅茶，味道清香撲鼻，唔會太濃，好飲！仲叫了沙律，略嫌醬汁唔夠多重頭戲，綠茶捲蛋，綠茶味好香，cream好軟滑，唔會太漏，唔錯！

由於要減肥 出街盡量想吃清淡一點 不想吃太多肉呢間既海藻冷麵 入口好清涼 配埋個醬同wasabi 勁好食 面個沙拉🥗好好味 個沙拉醋唔會過酸 平時好怕食太酸既野 呢隻好岩我口味而同行朋友吃了熱食 熱的海藻麵原來熱食也有驚喜 味道很出眾下次一定會再食而跟餐送甜品 今次叫了綠茶卷蛋味道很好 唔算太甜 減肥中也忍不到口要吃

逛街累了，即時想到這間日式食店。其實已經試過這裡的午餐和下午茶餐，她吸引之處是不會很full，walk in不用等位，而價錢亦不高，最適合飲杯tea~ take 個 break如常點了蛋糕套餐，香港的抹茶甜品多的是，那卷蛋算不上最top，抹茶味不是很濃，但蛋糕質感細滑，性價比高! 宇治抹茶的茶和奶比例調得不錯，但份量略小……

今晚想食日本野，見到呢間甘多好評，同朋友提議想去試下，點知。。。中伏？！大概七點半去到，以為會好多人要等位，點知好在吾駛等，一來就入得我叫左個味噌烏冬set,朋友叫左個煙三文魚冷烏冬set... 我個烏冬自覺其實味道都ok,湯咸淡適中又夠熱，叉燒有兩塊，要沙津有沙津，烏冬都食得出吾係普通烏冬，可惜烏冬份量比較少，太肚餓或男士都會吾夠食朋友評語：煙三文魚吾夠煙味，魚係有筋部份，烏冬有咬口 ，應該係特登煮成甘，可惜佢預期個烏冬係乾撈既，但最後原來係凍湯吾太岩佢心水成個set既驚喜位在於佢送既個杯紅茶，有士多啤梨香同入口有少少酸味，我同朋友都一樣覺得飲完一杯會想續杯，飲落去有舒服既感覺最後當然要講佢件cake,我地選左抹茶同士多啤梨卷，兩件都整得夠濕潤同cream都超滑，但因為士多啤梨個個出到來原來係細size，我朋友覺得有d 吾抵服務生除左一個相信係日本人既Manager 既服務同笑容夠親切外，其他都。。。相信吾係日本人，哈哈總括來講。。。如果你係到睇到甘多好評而想試呢間野，而甘岩又睇到我呢篇而十五十六既話，我建議你去馬，食完返來寫返篇比我中肯一百倍既食評，因為食野呢家野有時真係好主觀既，

食完晚飯，時間尚早，諗住食個甜品先。門口個日本經理都好有禮貌，點知入到去就中曬伏。當時唔係peak嘅時間，大嘅得一半枱有客，個侍應本身已經黑口黑面，要我地搭枱，我地話可唔可以唔搭，因為真係有好多空枱，同埋我地食完就走，唔係食個甜品坐成晚，因為之後會睇戲。點知個侍應勁粗魯又無禮貌咁話: 一定要搭枱! 我真係o左咀…好似俾人恐緊咁…我黎食野啫，唔係黎俾錢受氣。其實搭枱係無所謂，你有禮貌啲我都ok, 只不過佢真係勁惡同勁黑面，野食再好味都無曬心機食啦，咩個餐廳真係想佢啲客人去完佢度勁唔開心咁走咩？咁嘅服務，無下次囉…

-------------✏️抹茶蛋卷$30香草蛋卷$30好食指數: 7/10記得對上一次食已經係佐敦本店食 當時仲未有the one 店 以前第一次食既果一份驚喜 而家已經失去了蛋卷做得依舊鬆軟 不會覺得乾 保持到濕潤的口感 忌廉亦打得幼滑 而且份量都好多 滿滿包住蛋糕部分香草味比較甜 食落我覺得同我係日本食既堂島屋不相伯仲抹茶方面 我認為抹茶味唔夠濃 亦做唔到回甘 比較普通----------------📍宏 hiroshi尖沙咀彌敦道100號The ONE 5樓502