宏 (已搬遷) 新店位置

今日黎tst行完the one~行到攰攰地果時見到有間主打日式甜品既餐廳，就想入去潤一潤，估唔到咁都有驚喜~天婦羅飯套餐配海藻烏冬及沙律， 天婦羅炸到啱啱好，就算鋪喺啲飯面蒸一蒸都依然咁脆， 海藻烏東配上淡淡嘅醬汁淡淡地亦別有一番風味~沙律菜亦相當新鮮~跟餐甜品，芝麻小蛋糕，好香好幼滑呀~黎到甜品鋪當然就要試多啲呢度出名嘅甜品啦，於是就額外叫咗個抹茶窩夫，果然冇令人失望，waffle有抹茶餡，再加上抹茶雪糕真係令人欲罷不能~

抹茶嘅味道唔知點解有一種神秘嘅魔力，令到人一試難忘，一試就著迷。自從七八年前試過一口抹茶味嘅飲品之後，凡見到抹茶之物，我就會忍唔住去試。到宏Hiroshi一試，亦是如此。下午茶時間光顧，店內空位處處，隔窗可眺望尖沙咀街景，非常寫意。今日試咗兩樣嘢：抹茶卷同抹茶巴菲。呢個抹茶卷，睇落平凡不過，一貫吸引人嘅綠色，但係內有乾坤。送上枱之時被膠套包裝，一解封，一股濃厚嘅抹茶香已經撲鼻而至。嘩！有冇咁誇張！真係未動叉先興奮！個蛋卷嘅蛋糕層充滿咗帶住少少苦澀嘅抹茶味，配上苦味較輕嘅軟身抹茶糕層，口感一流。成個抹茶卷可以話係色香味俱全。食完抹茶卷，有少少擔心，因為佢set咗一個咁高嘅standard，一陣個巴菲會唔會跟唔上而令我失望？諗諗下，個巴菲已經殺到嚟。唔駛講，淨係個賣相已經令人食慾大振。抹茶軟雪糕，再加上抹茶粉，側配甜餅一片，沿杯有紅豆、芋圓、抹茶糕點，而底下仲有楓糖杏仁搭配兩片小蛋糕。不用多言，呢杯嘢嘅口感同味道都極為多元。抹茶雪糕偏苦，正合我意。但係其他配料都有一定甜度，所以完全中和番。甜餅配苦茶、紅豆加抹茶，唔駛講係絕配；紅豆芋圓加抹業雪糕，一粉一韌一軟而入口即溶，非常有層次；加埋下面

今天放工後便我的女友一起手牽手去尖沙咀閒逛，逛商場逛到肚餓了，便到這間日本料理餐廳內坐下休息和吃頓晚餐。找到位置坐下後，店員細心的介紹了我們知道什麼是這裡的主打，我們也都決定到要吃什麼了！先先來到的就是我們點的飲料: 宇治抹茶牛奶和初茶(熱), 跟餐的話價錢會比較便宜啊！宇治抹茶牛奶色澤漂亮，入口偏甜，綠茶味不足。初茶配上精緻的茶壺茶杯，感覺精緻度高，喝下去時感到和宇治抹茶牛奶比較出色，有淡淡的茶葉香味。不錯不錯！主菜先來的是和風海鮮海藻炒意粉，麵條感覺實淨有咬勁，炒過的海藻意粉味道香香的令人不停地吃。海鮮分別有2條蝦和一顆香煎過的帶子。海鮮的味道不太足，可能是少落味精的關係吧^_^然後來到就是和風牛肉飯配上海藻烏冬。牛肉飯感覺一般。海藻烏冬是偏清淡向，吃下去時口感不錯，湯的味道也都不過不失。吃過主菜後才進入今天的主角, 就是甜品了。抹茶軟雪糕芭菲。軟雪糕冰冰涼涼的令這炎夏降溫不少，配上威化餅，小丸子和蛋糕底等配料，驚喜不已。還有日本草莓小蛋卷和抹茶蛋卷，感覺都不過不失！吃飽飽我們便再去逛逛了！值得一讚的是食物的份量控制得好，不會過飽。^ _ ^

第一次寫食評，係因為真係唔好食所以一定要話俾大家知。主食方面，今次食左冷烏冬，口感彈牙，咬落去無好粉狀或糊狀漿口既感覺，有驚喜既不過食完之後好口渴唔知係咪烏冬汁內有太多味精呢？不滿係價錢略貴，味道品質同價錢不成正比。依個價錢可以提供較好少少既食材俾消費者。甜品方面，食大家推薦既抹茶蛋卷。抹茶味太淡，蛋卷可以再鬆軟啲。今次係第一次食佢，但我完全無意欲再次幫親。1. 味道一般，無大家講到咁好食2. 價錢略高3. 侍應服務態度不太良好

今日訓醒已經12點！約左出尖沙咀下午同媽咪食lunch!好耐之前都試過食過佢地既抹茶窩夫甜品！真係唔錯！而又睇過佢地既定食都好吸引！決定同媽咪黎食！2點黎到！都無咩人！唔洗等位！直接入去坐！同媽咪一樣都叫左鯖魚定食！我自己個餐就另加$10！有件細細件抹茶卷！鯖魚定食都幾大份！有飯有麵有沙律！但鯖魚係好香！但過入咸！一定要配一大口飯先中和返！同埋太油了！至於個抹茶卷真係好好味！一d都唔會太甜！都好好食！

一直都好中意抹茶既野食 上openrice搵尖沙咀就見都呢間餐廳都算係比較前 加埋比個抹茶吸引左 所以就去左試下呢個係我叫既 本身佢前面有個套餐係99蚊但係我就心思思想一次擁有埋烏冬同飯所以就叫左呢個餐 130蚊開頭佢個餐一上既時候 見到啲野食好似好細兜但其實我淨係食左個飯就已經feel到飽個飯既味道就不過不失啦 我個人覺得同吉野家好似無咩分別個烏冬就比飯出色 起碼算係好味。飲埋啲湯呢個係我個fd叫既鯖魚 我食左舊 燒到幾好味起碼好過我自己叫果個重頭戲泥啦！抹茶蛋捲！我自己就好憎果啲得個甜字既抹茶甜品呢個蛋捲有比到小驚喜我 個蛋糕好鬆軟 之後入面啲cream係一入口就好香抹茶味 先甜左之後再帶返少少茶既甘同埋苦成個餐最滿意既部分雖然係飽到喊 但要我食多十個都願意大既呢件當然係我咖啦不過呢個餐轉大件要加十蚊總體泥講 個飯麻麻地 烏冬都ok 抹茶蛋捲就滿意不過應該都吾會再去食多次 我會寧願試其他餐廳除非食到無野好食haha另外佢個餐有杯紅茶 好濃雖然平時我好中意飲茶 但佢真係不是我杯茶 第一次寫評 寫得吾夠好 會繼續努力係甘先啦

作為抹茶控，一直都好想食宏因爲佢d甜品都好出色！今日終於同朋友嚟到，決定叫翻幾款抹茶甜點醫下肚。先嗌左個抹茶waffle,呢個好有驚喜！成舊以抹茶制作，好濃好香抹茶味，配上雪糕同粟子蓉食可以中和苦澀味，抹茶控必食抹茶蛋捲超好食，d cream好有抹茶味，又唔會好heavy!! 輕鬆就食完一件另外仲叫左個抹茶芭菲，個size好大一個！勁吸晶！唔會好甜，配上d topping食口感更豐富~(≧▽≦)/~ 抹茶味又好夠，正！

同老公去The One 約會，搵下有咩岩食，見到我至愛既抺茶甜品，即時心心眼入左黎試。一黎就俾佢本甜品menu 吸引住，有好多平時出面食唔到既甜品呢度都有，例如抺茶Jelly，抺茶雪糕拿破倫，大蛋卷等等，聽到都流晒口水。正餐叫左雜錦天婦羅飯套餐，有好多野，有沙律，紫菜烏冬，1件蛋卷同飲品。老公叫左燒鯖魚飯套餐，一樣有齊咁多樣野。杯飲品都好正，岩晒咁熱既天氣！雖然食完正餐已經差唔多，但係甜品係有另一個胃仲食得落！叫左甜品B餐，想試下佢個抺茶Jelly，果然無令我失望，好滑好好食！真係多多都食得晒。。。最後飲返杯熱初茶消消濟。好滿足！下次會黎試埋個waffle~ BTW, 呢落環境唔錯，適合同朋友坐一個下午。

與同事於尖沙咀午餐，今日想搵個靜少少坐得舒服又傾到計的地方食飯，就黎左位於the one五樓的日本餐廳「宏」。set lunch 的選擇不少，有海澡烏冬、飯類及咖哩飯等。我叫左個味噌海澡烏冬面套餐，叉燒好淋滑，湯底不會太咸（因我好怕食湯底好咸的日本拉麵）朋友點的燒鱈魚飯套餐，鱈魚好入味好滑，再配上個海澡烏冬，好豐富套餐除左餐飲仲會配埋餐廳至出名的卷蛋糕，我地分別叫左抹茶蛋糕同士多啤梨蛋糕，兩款都好好味，食完呢餐真係大大滿足呢

其實如果做日本餐廳o黎,可以先訓練好員工質素先?昨晚8點幾入去,檯都未執好就帶位,又到又指o黎指去都唔知究竟係帶我地去坐邊張檯。坐低後,點左兩個燒魚set dinner,等左2,3個字,有位女侍應行o黎同我地講無晒飯,叫我地轉麵。我地都有問,係一d白飯都無?如果可以我地轉一個麵一個飯,個女侍應就答我,一d飯都無。個問題係我睇左meun咁耐,見到meun 上 d 麵都已經唔想食,最後我地問佢cancel張單得唔得,女侍應話得再問我地係轉第二個餐係到食定走?我地同佢講我地會選擇其他地方食,個女侍應即刻黑面,唔出聲,黑住面收野走。仲要行到去最後同其他女侍應說三道四,比晒面色我地睇。第一: 一間餐廳賣晒d野無問題,但點解樓面同房係落單前唔知,仲要落單後等咁耐先話我地知?第二: 作為一個客人,間餐廳無我想order既野,我當然係有權選擇離開,我唔知點解果個妹妹可以黑面。搞到好似我地唔跟你地要球轉餐係我地錯咁。依間餐廳真係係香港唯一一間我未食,而經過今次因員工態度問題我已經Black List左佢,佢地個服務同食物質素係唔值依個價錢。

酷熱天氣警告又高高掛，悶熱天氣真的熱到，真的見到熱食都搖搖頭，走入商場歎冷氣是常識吧！去到The One的宏，被美味的蛋卷吸引，所以決定入去飲杯凍飲歎返件靚蛋卷侍應生帶位後遞上菜單， 圖文並茂的菜單，發現原來有99蚊的套餐已經包熱/冷烏冬+蛋卷/馬卡龍+一杯高級紅茶，如果唔想飲紅茶都可以另點沙冰/咖啡為了滿足消暑的目標，當然另點沙冰啦！點菜不久，冷烏冬就上枱啦！先來個眼睛涼快先，見到冷麵放在一大堆冰面，感覺涼快將含有海藻的冷麵加上醬油，wasabi, 蔥花，冰凍的麵條軟硬適中、彈牙，並帶點醬油鹹香、wasabi嘅嗆鼻、紫菜絲的脆同蔥花香， 口感複雜但好味，真的暑氣消減一半沙律菜爽脆，不是用日式芝麻沙律醬，而是用了和風醋，酸酸的很開胃嗰套餐真的非常豐富，有一大舊野菜天婦羅，炸醬唔厚，但d野菜（蕃薯絲、紅蘿蔔絲）一點都唔乾，外脆內軟，還有兩件加州卷嗰套餐包抹茶/黑芝麻蛋卷，“宏”的蛋卷出名好味，就係人都知，所以點了佢地最出名的抹茶蛋糕，最愛它的蛋味濃而蛋糕鬆軟，綠茶味甘甜，唔會太苦，再配上頂級京都宇治抹茶粉灑左蛋卷上面，綠茶味更濃 其實已經好滿足，不過美味嘅蛋卷喚醒了甜品胃，所以左點多杯抹

作為抹茶控，終於有時間嚟食下出名嘅宏晚餐有幾款套餐，首先叫左個温泉蛋海藻意粉，第一次食海藻意粉感覺好新奇！意粉好彈牙，撈埋蛋食口感更滑順豐富配菜沙律冇dressing好好，健康d💁🏻 另外叫左鱈魚飯餐，鱈魚都幾細舊，味道剛好，香風style,偏甜嘅餐跟小蛋卷，抹茶味好出色，夠苦得嚟唔會漏再追加左個焦糖布丁芭菲同抹茶waffle. 芭菲有好多脆脆，上面個雪糕係vanilla比較甜Waffle做得好出色，成舊都係抹茶做，好有誠意，雪糕又夠味！另外叫左strawberry smoothies,冇乜士多啤梨味反而抹茶奶幾重味，推薦！

食左兩個套餐 第一個係抄意粉 ，但其實是蕎麥麵，原本諗住冇咩味，但意外地有味。仲食左一個豚肉飯，仲有一碗蕎麥湯麵。兩個主菜都ok但冇驚喜。至於，黑芝麻和抹茶蛋糕就好好味。尤其是抹茶味，好想再去食。

尖沙咀「金巴利道」附近，最近竟然成為了新穎熱門食店集中地，包括了三間在開飯網最佳食店選舉中，贏得最佳食店獎項的知名食店，包括新興起日本廣島拉麵店「霸X拉麵」、日本京都老牌抹茶焙茶甜品名店「中X藤吉」。還有位於商場「The ONE」五樓，新興日式抹茶芭菲甜品店，店名只是區區一個很簡單的單字，叫「宏」。「宏」的門面的最大賣點就是沒有店門，雖然食店樓面是一般餐廳規格，但是偏偏入口沒有裝上大門。「宏」似乎想刻意營造出，日本洋派輕便甜食風格，店內氣氛頗為輕鬆，由店舖都店內侍應、店員，到廚房員工，都沒有給人很大壓力的感覺。店內樓面有一座很大的落地玻璃窗，從玻璃窗向外一望，可以看到尖沙咀一帶的鬧市景象。而「宏」亦另外有，專門提供外賣自取的抹茶糕點服務，我以前在「The One」逛街時，無疑地曾經有過一絲的念頭，在「宏」的外賣櫃檯，付款買個抹茶蛋卷回家，結果我還是決定，留在「宏」堂食抹茶雪糕芭菲算了。不過，「宏」的確給了我一個很鮮明，而且很開揚的感覺，就連外賣部的雪櫃也很長很大，大概就是因為沒有入口那道大門的關係吧。進入了「宏」的樓面，落地玻璃把街外的陽光直接照射入來，有了這些天然的照明系統。「宏」樓

尖沙咀the one的「宏」是我一直想試的餐廳 因為聽說這裡有好好味的卷蛋😋今日終於可以試下喇！😬😬餐廳門口放滿了大小不同味道的蛋卷 好吸引丫！！堂食設有蛋糕茶套餐/烏冬/飯套餐單件蛋糕只可以外賣喔！因為同行朋友肚餓，我們便點了飯麵甜品餐顧名思義就是有飯+麵+甜品 啱哂我地，唔洗諗🙈照燒雞飯套餐包括有照燒雞飯、海藻烏冬、、沙律、小蛋卷、飲品一份咁豐富既大餐都只係$140😵😵雞肉頗嫩滑、個汁都好好味烏冬幾彈牙，份量仲好多添！抹茶蛋卷蛋卷還可以揀香草/黑芝麻味我地加左$10轉大蛋卷忌廉比例都好多、抹茶味好濃 但不會太苦澀蛋糕鬆軟又濕潤 正正就係我想要既蛋卷宇治抹茶奶加錢轉的餐飲，香濃！絕對會再來的餐廳！