宏 (已搬遷) 新店位置

男友放假到尖沙咀食lunch 之後去The One 濕平，行到累去搵間野食甜品，見到門口擺放左勁多蛋糕望落好鬼吸引，即刻拉左佢入去坐低。今天扮下女王飲個皇室特級紅茶一聽就知幾咁貴族，茶味可口濃厚，茶香獨特，突然覺得自己優雅大方左。Lunch finishededed 之後，我揀個朱古力卷(細)好了，簡單的長長圓條蛋糕，個朱古力卷中間嘅忌廉質地較"傑"，帶有濃厚朱古力味和奶味，甜味層次更豐富好滿足。男友最鬼鍾意食所有朱古力嘅嘢，叫咗個巧克力蛋糕，沒有華麗裝飾，靠的是濃郁巧克力香和扎實口感

其實開業時，從不同雜誌媒體得知尖沙咀the one的甜品店，由於經常排隊而未能一試，今日尖沙咀食完飯心血來潮走上the one 5樓碰碰運氣，門口玻璃櫃內的蛋糕賣相十分吸引，不用排隊的情況下，選擇了一個舒適位置，天花的裝修時尚活潑，牆上掛著漂亮傳統日本和服，顯得更高貴優雅，簡單有氣派，大片落地玻璃眺望外間景觀，增送夜景更迷人。嘻嘻，今日一定要食個抹茶軟雪糕芭菲🍨𥚃面有抹茶雪糕，抹茶糯米糍抹茶味過重有點甘苦，紅豆蓉不覺甜膩，香脆的杏仁餅乾，小丸子軟糯有咬口，集香甜軟滑煙韌於一身，冰凍滋味，另外抹茶軟雪糕軟滑，抹茶味尚算突出肥就肥吧！再來一個抹茶雪芳，上層同旁邊都有一層甘香抹茶mix 淡淡的忌廉，抹茶蛋糕比較實淨，不過忌廉做得香滑味美，有點失望。

本來約咗朋友M食飯，朋友M嘅兩位朋友加入一齊食，無所謂啦！人多熱鬧又識多兩個朋友，一行四人大約8:20到，唔洗等即時有位店內掛咗件和服，個色同pattern都好靚我哋點咗4個餐，先嚟杯斯里蘭卡紅茶，好香莓果味跟著嘢食陸續上枱和風溫泉玉子海藻麵意粉$99～涼拌意粉都好味豚生姜燒飯套餐$130燒鱈魚飯餐$140～鱈魚比較甜味噌海藻烏冬麵餐$99～叉燒軟綿好好味餐跟嘅甜品，飯餐跟細蛋卷，麵餐跟大卷不過店員落錯咗抹茶味，雖然我哋全部都唔好抹茶，不過費時換就試吓，又👌喎唔係好濃茶味，所以我哋唔好嘅都接受到，黑芝麻味就好味啦，香草雖然冇乜香草味但係蛋卷質感好好

大熱天時行街當然要行商場啦~同朋友黎到尖沙咀想食日本野,就試下呢間宏啦~呢間餐廳入到去有兩邊,D店員都幾有禮貌~我地兩個人叫左兩個set~ 第一個係味噌海藻烏冬。佢個湯有好香濃既海藻同埋魚味,烏冬既掛湯程度都好高,又幾彈牙,仲索哂D湯既味阿! 同埋佢個唐心旦真係有唐心既效果,唔會煮得太老~佢呢個set仲有跟埋野飲同埋甜品macaron~野飲我地叫左日本初茶~而第二個set就係鱈魚飯~個鱈魚表面炸過,之後有個汁煮過既。個汁好香濃,魚肉好滑,一D都唔腥。可惜得兩舊,如果多D就更好啦!!而個面既掛湯程度依然都好高!個野飲就叫左抹茶奶,佢有好香既抹茶味,最緊要係唔太甜~跟餐甜品macaron同埋抹茶旦卷~最後仲追加左個抹茶軟雪糕芭菲~個雪糕好軟滑又重綠茶味!配料就煙煙韌韌 好有咬口~兩個人合共食左400蚊~

今日約左朋友係The One戲院睇19:55, 收工後各自出發先到先去宏攞定位。我地18:45已到齊, 雖然係星期五晚, 不過都冇預期中咁多人, 唔需要等位。內部裝修簡潔光亮, 店員唔係好足夠, 點菜都要等一等。餐牌好有造型。我地三人一人點左一個餐, 不過熟食質素普通, 烏冬算比較出色。烏冬夠彈牙, 湯底清甜美味。👍跟餐有一件小蛋卷, 抹茶味濃又唔會過甜, 跟餐蛋卷size比大附卷細好多。跟餐會有一杯紅茶。$130一人餐有飯, 細烏冬, 小蛋卷, 沙律同紅茶, 價錢唔貴。

呢間位於THE ONE既宏,係一間幾出名既日本餐廳。佢地既主打就個烏冬同埋抹茶味既甜品,今次食完真係好滿意。我嗌左一個SET,係鱈魚飯加烏冬,一次過滿足晒我兩個又食飯又食烏冬既願望呀。呢個套餐仲可以試埋個蛋卷TIM,岩晒我,店員都係推介抹茶味蛋卷。同埋店員同我地講個烏冬係同我地平時食既好唔同,營養價值高好多,我食完之後都覺得好有咬口,同平時既唔同,同埋好爽口咁。我好鍾意個烏冬,大推呀!!!而個飯份量對女仔黎講係夠既(仲有烏冬呀嘛),鱈魚好香好脆,用黎送飯一流呀,仲有D蔬菜,都幾FRESH。跟住就食個小蛋卷,細細舊咁好可愛,同埋抹茶味好濃好香,抹茶控一定好鍾意哈哈。後來,都係覺得唔夠喉,女仔對甜品真係有另一個胃呀,我地後來仲叫左個抹茶巴菲,個雪糕係好軟好CREAMY果D雪糕,真係好滑,仲有抹茶味。除左雪糕,仲有D脆脆地既杏仁底,撈埋雪糕食,口感好豐富呀。同埋仲有D小丸子,好有咬口,同個雪糕真係好夾。

經過尖沙咀THEＯＮＥ，想食綠茶同日本野，就入左去坐下啦　午餐有好多套餐選擇！最平果ｄ１００蚊已經包左個飯同甜品仲有野飲　入去見到好多OL係度食野！地方都好大下　好岩慢慢吹水ＨＥＡ下又一日我點左個溫泉蛋海藻烏冬　係招牌菜之一！！套餐有兩塊壽司，沙律同面，份量吾算好大！　溫泉蛋搞碎左之後同面食，　個面簡直係靈魂所在，好彈牙！！每一條都好幼滑！可以選蛋捲（黑芝麻／士多啤梨／綠茶）或者馬卡龍,配斯里蘭卡紅茶. 蛋捲我點左黑芝麻味,好濃味道!!!!但份量都只岩1個人!另外,我地再點左個綠茶芭菲!!入面有脆餅!有小丸子!有決餅!雪糕好濃好軟身同其他材料好夾! 食完所有野再同朋友share岩岩好

又一間想食好耐嘅餐廳,閒日放假終於得閑同朋友來試吓。有set lunch，部分set包一件細蛋捲同紅茶,都幾抵食。朋友叫了1分醬油海藻烏冬餐$99必須一讚叉燒極之好食！肉質鬆而不漏，好有咬口。湯底鹹甜適中，海藻烏冬口感幼滑！套餐仲配有加州卷同沙律！沙律菜新鮮爽甜，配上燒汁，更為惹味。加州卷即叫即做，飯粒軟韌😙我點了燒鱈魚飯套餐$120（另加了＄10追加小卷蛋）日本米無得輸吧😗鱈魚剛熟，味道鮮甜，燒汁不是一味死鹹，拌飯一流。餐飲是斯里蘭卡紅茶入口芳香，不會苦澀，非常舒服。和朋友一人要了一件小蛋捲，分別是香草味及抹茶味。忌廉極為幼滑，不會有肥膩感，連平日不愛吃忌廉的我，都把它吃清光了！香草味蛋捲充滿蛋香，而抹茶口味則十分香濃，確是水準之作！我和朋友都是愛吃甜品之人！早已為今餐做好準備，要盡情試該店的甜品😝食完野傾多陣計,胃口又返返嚟,可以食甜品啦!😗所以又點了一份抹茶甜品set。$160拿破崙超好食！完全係新鮮出爐架😍😍😍😍非常鬆化！配上香濃嘅綠茶雪糕，超滿足！😌紅豆奶凍好滑，散發着香濃嘅牛奶味😌紅豆蓉有口感，又唔會太甜。Green tea latte 一樣好有綠茶味，但個人就覺得甜左少少

忙左成個星期，今天比較清閒，立刻找前人氣餐廳食下。這餐廳位於the one 五樓，午市時段，人客只有五六成滿，坐得舒服。午餐定價由$78-$390， 有飯和麵同旦糕set等選擇,感覺十分豐富。坐著良久，已經二十五分鐘，遲遲未見餐飲同餐點。舉目四望，每一個人都在坐著等，怪不得客人唔多。海藻烏冬配甜點特價餐$99醬油海藻烏冬餸有叉燒及曰式魚片。叉燒有兩片，肉質是瘦的但唔韌，可是沒有叉燒的味道，感覺是瘦肉而己；曰式魚片：好淡，味道唔突出；海藻烏冬：烏冬很滑溜，烏冬上有著一點點的海藻，而質地方面十分軟稔，似麵缐多於有口感的烏冬。味道沒有想像的好，只是普普通通。加州卷細細件，有玉子、蟹柳，食落有鮮甜味，加埋沙律醬又幾好味噃黑芝麻卷旦黑芝麻味幾濃，旦糕質地濕潤而鬆軟，而卷旦的忌廉十分滑溜又輕身，食囇成件都唔膩，正！斯里蘭卡紅茶食落幾香又順喉，無鞋脷的感覺食完又真喺幾飽，食D麵可以填飽個肚，但唔多滿足，反而覺得卷旦才是正餐。

同朋友叫左2個lunch set，食完hea左陣就再叫2個甜品，飽到上心口。😂⭕️燒鱈魚飯套餐 $140套餐包沙律，燒鱈魚飯，烏東，蛋卷同飲品。沙律係柚子醬，夠fresh。燒鱈魚燒得脆口，魚肉勁滑，但醬汁偏濃味，一定要配飯食！烏東同平時食既唔同，呢度既偏扁身，有咬口，好好味！⭕️雜綿天婦羅套餐 $170朋友叫的，天婦羅份量唔算多，個汁偏濃味。朋友俾左件茄子我食，炸粉薄，都幾好味。⭕️抹茶蛋卷 $0好濃抹茶味，都幾大件，推薦！⭕️芝麻蛋卷 $0平時出面好少見到有，食落甘甘地芝麻，好香好特別，一定要試下！但個size好似細過抹茶個個😂😂⭕️熱抹茶牛奶 +$20有d細杯，唔算太甜，下次會試跟餐紅茶😂⭕️抹茶軟雪糕芭菲 $88個雪糕有d抹茶粉係上面，食落好甘好正！配料有紅豆，丸子，餅，焦糖杏仁片，抹茶啫喱，同蛋糕，配料好豐富全部都同雪糕好夾。最夾係焦糖杏仁片，份量又多又香口，正！⭕️抹茶雪糕拿破侖 $98雪糕冇芭菲個個甘苦，拿破侖有焦糖味，配雪糕食都幾特別，口感冰涼同平時個d好唔同，值得一試！

雜錦天婦羅冷烏冬 $172 佢嘅烏冬唔係普通嘅白色烏冬，食落好有麥味，以麵身軟硬都適中，而且好夠凍，不過一拎上黎嘅時候就一Pat野咁，痴住唔係好方便。冷麵嗰個汁味道唔會話太鹹，沾落去啱啱好，配埋Wasabi食，個味道都幾衝擊，夏天食咁凍嘅麵真係好爽。而雜錦天婦羅嘅份量比較少，未到就普普通通，過得去。  鹽味海藻烏冬 $78 配料都OK多，有紫菜、叉燒、筍等等，叉燒食落較為瘦，但又未至於乾身，調味都OK。而湯底比較普通，小小鹹味，冇咩特別。面咬落就比較有口感，好有彈性，唔會話過林。 蛋糕卷:草莓＄60，抹茶同香草各＄30，咖啡同朱古力各＄40 草莓價錢比較貴，因為入邊有新鮮嘅草莓果肉，但食落比較酸，加埋忌廉食就啱啱好。其他味道都幾好食，唔會話有藥水味，甜度都適中唔會驚太甜太heavy。蛋糕食落質地比較軟身，唔知係咪因為擺得落雪櫃耐，軟得黎帶有少少濕濕地。

行完街，5點幾 諗住食個tea，原本想2個人叫個set再加杯野飲，但同個可以甜品當正餐的女人出街，就隱唔住想試多d。海鮮海藻意粉:  海藻意粉係特色，不是一般小麥製的意粉，是西式煮法的日本麵條。跟餐配沙津。香草蛋卷: 好好味。抹茶窩夫: 很豐富，除了窩夫配抹茶雪糕，還有栗蓉配抹茶曲奇，好好味。抹茶蛋卷: 濃厚抹茶香，好好味。檸檬撻: 酸酸的，坦白說，若一個人只吃這撻一定吃不下。但二人吃，加上吃了其仔甜點，可以中和一下。熱抹茶奶: 香濃抹茶香，正。

宏，是其中一間一直都想試食的食店之一 ，所以今日就同我的愛人去賞試下，本身想食煙三文烏冬，但見隔離枱的人有order ,賣相又好似幾得，所以就order這個。 我個人認為食烏冬要品嚐到原味一定要食冷烏冬，宏的冷烏冬幾爽口，天婦羅的味首亦幾香口，在尖沙咀用99元就可以食到，絶對抵玩。跟餐附送的蛋卷，有香草，芝麻，同抹茶，在宏食當野要試下招牌之一的抹茶蛋卷。甜度適中，有抹茶味，幾好食，芝麻味就差一些。抵玩指數：4/5

同朋友一行6人食飯，未試過食日本野個服務可以咁差！！整個服務流程好似茶餐咁。1. 首先俾侍應話我地拎左佢張櫈放袋，搞到隔離枱少左張櫈。咁我地都唔好意思知道後還返。但其實周圍最少有三張吉枱。由食到離開都冇人坐。2. 叫完野食個menu 離侍應有兩個身位，個侍應話你拎返俾我呀！(老馮既態度）其實佢行2步自己都可以收返個menu....我朋友好人俾返佢。3. 侍應將甜品連托盤放係枱面，之後行開左。要我幫手傳遞同分餐具。依家我係侍應定你係侍應？4. 叫左斟水3次冇人理，到第三次有個年輕侍應回應後黑面同反眼，到年輕侍應斟水時我問斟水好難咩。個侍應回應"睇熱呀"(串咀mode)同黑面。大家知道日本講求服務，點解呢間日本野可以咁差。食飯同甜品為左開心，呢度食野係受氣。明白百幾蚊唔可以要求有酒店質素，但係都唔係茶仔咁囉。個加一服務費唔知俾黎做乜。俾完仲要受氣！終於明白附近餐廳要等10張枱，呢間晚飯時間吉到。。。冇下次！

Being a big fan of matcha food, I'm always looking for a place with nice matcha dessert.Today we were shopping in The One shopping mall and came across this really nice Japanese restaurant.I had the Fish (mackerel) set with Udon and my friend got the cod fish set.The set came with a Small roll cake. We got the matcha and sesame flavour, both are very nice .For drinks, We had the Japanese strawberry smoothie and Matcha smoothie with matcha soft ice cream