宏 (已搬遷) 新店位置

2017年11月16日 (星期四) 12:00pm 由於早上 10:00am 在 The One 商場拍攝『 輕鬆小熊 甜蜜小鎮 』的聖誕節場景，加上此日式餐廳頗出名，所以挑選這裡用餐，順道提前慶祝聖誕節。 環境光亮整潔，餐具乾淨。 全部侍應生都欠缺笑容，表情木訥，服務態度差。本人是第一台食客，廚師竟然說太多單，所以遺漏了我家人的套餐，我立即感到荒謬和匪夷所思。另外，等餐時間長，坐了好一會才奉上第一份餐。此餐廳對食客加收 1% 服務費，以這等服務而論，絕對不值得收取！在尖沙咀的旅遊區來說，服務態度和水準的確需要提升。 人數：2人 HK$218 不用等位 和風海鮮海藻麵意粉 - 蝦肉新鮮，沒有臊味，帶子大大粒，軟腍美味。意大利麵混合了海藻，呈墨綠色，賣相並非吸引，但想不到味道卻出奇地好，且份量很多，吃來吃去都好像吃不完般。 蔬菜沙律 - 酸酸甜甜，清涼爽口，開胃之選。【推介之選】❤❤❤ 加州卷 - 本人至愛。壽司軟綿，青瓜粒爽口，蛋甜蟹柳滑。只限星期一至五贈送，且送完即止。 抹茶蛋卷 - 雖然抹茶屬於寒涼食物，但是這口味的蛋卷遠近馳名，故此必須吃它一吓。蛋卷質感鬆軟綿密，抹茶忌廉滑溜，

約左舊同事食晚飯，係The One行左一陣就決定入呢間餐廳。本身店員話要要人齊先入座，同埋要限時，但佢見我地係門口等得耐，最後都俾我地入去坐住等，又唔計時，很好✌🏼✌🏼食物方面都有好多選擇，烏冬、蕎麥面、咖喱飯等等，仲有佢最出名嘅蛋卷😍 我地睇左menu好耐，都係覺得佢個招牌set最抵- 有沙律，主食，同一件蛋糕，加一杯斯里蘭卡紅茶🌟 啱晒三心兩意、樣樣都想試下既我😝首先黎左沙律同蕎麥面。沙律正常啦。湯面我一開始覺得佢個湯底係鹹左d既，但蕎麥面幾清，所以食落都好味😌 佢份量唔算太多，我女仔食就啱啱好，男仔可能唔夠🤔好彩最後一人一件cake! 由於呢度係出名抹茶蛋卷，所以我地都係叫同一款🙈 味道唔錯既，但冇想像中咁吸引😂值得一提，杯茶係茶包上既，可以叫店員加熱水，咁就可以同朋友慢慢飲茶同吹下水😄

向尖咀搵食, 唔知食乜又上OPENRICE八下見到呢度係開飯熱店, 又未試過, 馬上就去試試~平日黎唔洗等位, 店內亦唔係好多人, 說實話帶點冷清, 在尖咀難得的清靜用餐環境店內有多款套餐, 每款都一定跟一份出名的蛋卷~點了R1 生姜豬肉飯, 配烏冬, 沙律, 熱紅茶 (冇凍的!)雖然有飯有烏冬, 但真心份量唔多, 適合正常食量的女生~男生應該唔會夠飽反而見隔離枱叫的飯套餐 (沒烏冬) 就大SIZE 好多烏冬湯底夠熱, 味道唔錯, 唔會過濃豬肉飯都好食來到主角蛋卷了~ 同朋友點了芝麻及綠茶各一件試試朋友點的套餐不同, 所以卷蛋的SIZE也不同2款都好軟熟, 好好味! 綠茶是帶苦甘味, 唔會過甜!~呢度食完都唔會趕人走, 可以慢慢吹水, 又可以一站式食埋晚飯&甜品每人唔洗150蚊向尖沙咀食到餐飯算係抵了!

木嘴一向無乜食甜品既習慣，因為食野從來既作用只係維持生命，食甜品又貴又唔飽肚，木嘴又分唔到d甜品有幾咁巴閉，每每見d friend喺fb ig影d甜品出黎扮chill都r爆頭。不過講還講，早兩日木嘴同朋友出開尖沙咀既時候佢突然話口痕，由於未到正餐時間，於是決定黎呢間鋪搵d甜品黎食下。時間係下午三點仲要係閒日，理所當然無乜人。望望menu，原來呢間野唔係淨係食甜品既，仲有大量日式正餐，不過果刻真係食唔落所以無特別留意有咩食。木嘴朋友未等我話想食乜已火速嗌左一個抹茶甜品set B加一件cake set。由於驚雪糕好快溶，所以食左雪糕先。木嘴一食就食得出佢係用北海道果隻牛乳黎整既，幾好食。之後見到右下角抹茶水晶糕賣相咁肉酸，決定盡快ko。食左四份一就俾左朋友食，呢種texture同木嘴個嘴真係有d相剋…之後再食左上角抹茶布甸，入口即溶，同食風感覺差唔多，五秒食完，但其實幾好食既。右上角抹茶蛋糕同左下角抹茶曲奇味道正常。之後到食cake set，有一件cake加一杯花茶。件cake係士多啤梨味，其實我鐘意呢件多過綠茶果件，味道好似香d出d。至於杯花茶，我真係對佢好好奇。味道唔差既，但飲完之後個

一直聽身邊同事講呢間餐廳好味，特別係甜品。雖然我少食甜品，但間中都帶女朋友去食，加上佢既主餐都好吸引，今日放工就去試一試。佢地既食材好多都拎曬獎項嫁，都係日本食材，零舍好味。超濃綠茶味，又香滑，必試之選。唔太飲熱野既我就叫左個沙冰，唔太甜幾好飲。到主食啦，炸物係即炸，脆而不油，食材新鮮，沙律既菜都好鮮甜。呢個照燒雞係必試，雞味濃，又香口，重點係個汁都好好味。呢個都好好味，非常彈牙，採用日本食材係唔同d,同我係日本食既味道一模一樣，清甜既感覺。到我女朋友最愛既甜品啦，食完真係連我唔食甜品都覺得好好味，因為唔係得個甜字，真係好濃綠茶味同芝麻味。一定要再番去食，而且我係尖沙咀番工，女朋友都間中要我買呢個卷比佢食

想食抹茶野食 現時選擇實在太多好多日式過江龍黎香港都好hit 但追溯返最早期既應該呢間THE ONE既宏算係代表者之一記得之前黎呢到既蛋糕同窩夫留下深刻印象今次再黎一戰 試唔同野食之前黎食幾次都係食佢個海澡烏冬set 好爽今次揀左燒鱈魚set其實選擇都好多 又照燒雞又天婦羅等等一set包括左鱈魚飯 海澡湯烏冬同埋和風沙律沙律有生菜 粟米 蕃茄仔 開胃清新 尤其是個沙律醋好夠味主角鱈魚表面滿佈左濃濃既醬汁 超級甜同埋惹味!應該係炸過? 所以表面脆皮D醬汁用黎撈飯更加停唔到口隔離有西蘭花同甘荀仔中和返個濃味個海澡湯烏冬D湯幾清甜 不過最特出都係佢個麵個彈韌口感另外點既咖哩天婦羅蝦飯咖哩有得揀辣定甜 揀左甜咖哩汁同飯都好多 汁更加多過飯添仲有唔少薯仔粒不過天婦羅蝦得三隻 多D就好!!黎依到梗係食甜品加餐送既迷你卷蛋當然要升級啦抹茶味依然突出 蛋糕體幾軟身CREAM同蛋糕既比例平均芝麻味亦係我encore 既味道之一芝麻幼粒肉眼可見 滿佈cream入面所以味道自然咁濃郁！ 甜品系列真係多到揀唔到 又窩夫又芭芙 蛋糕都已經兩頁 最後揀左窩夫因為之前食過抹茶令我好難忘！有焦糖香蕉 杏仁碎片脆

日式的香酥雞就是與別不同，外層脆得來軟軟的，內裡的肉質也嫩滑，並有肉汁。味道不錯，口感也不俗。加配一杯正宗的錫蘭紅茶，味香且甘。吃了香酥的雞肉後來喝，中和一下，感覺很好。

走在尖沙咀街頭，行人熙來攘往，太陽曬得地面滾燙。又渴又餓，躲進The one抖下凉及覓食。最後揀左呢間東瀛餐廳-宏。裝修簡約，舒適。首先黎杯冰凍飲品，佛手甘沙冰，清清爽爽，將成個人都refresh左。牛肉咖哩烏冬，日式咖哩甜甜地，汁多到見唔到底，撈埋烏冬一齊食，不消一會兒已經食左一大半。可能係因為我揀唔辣嘅咖哩，所以咖哩香味都相對减左。餐後甜品，雜果窩夫，外層酥脆，奶香濃郁。雜果十分新鮮。無論加埋雲呢拿雪糕定係就咁食，都好好味。

假日的下午和朋友在尖沙咀逛街，行到有點累，就去The One找點吃的，作下午茶。想吃宏已有一段時間了，今天難得相約了抹茶控的朋友，決定來吃抹茶甜點！點了個抹茶甜品拼盤，拼盤內一共有五款甜品！可以一齊過試哂五款！包括了抹菜卷蛋、抹茶凍、抹茶布丁，還有抹茶曲奇。抹茶卷蛋質感超綿，而內面的抹茶忌廉也很細滑，重點是抹茶味都很濃郁，絕對是質素頗高的抹茶甜品。另外抹茶曲奇也相當好吃，曲奇的抹茶味很香，很濃味，吃下還有回甘的味道，實在不錯。另外點了個waffle，配上雪糕同吃，waffle香口，外脆內軟，還有忌廉香蕉和煉奶加在一起，味道相當夾。

今日同男朋友去咗試下呢一間，the one好多嘢食都好貴，呢間都唔算平，我地一人揀左一個餐，差唔多$100/set lunch，不過質素真係唔錯~一入到去，有專人介紹食物問我哋係咪第一次嚟，跟住就介紹咗我地食烏冬， 佢話烏冬係手打之餘，仲加咗海藻落去，所以同出面食嘅，好唔同好有特色，但係我哋唔想兩個都嗌烏冬，所以我就嗌咗咖哩飯。男朋友叫咗跟餐，所以有早餐紅茶，醬油叉燒烏冬同甜品，係蘋果同蜜瓜馬卡龍。 有兩件加州卷 跟餐附送，質數正常，不過不失。主角烏冬真係最好食， 叉燒都唔錯，不過烏冬真係搶曬佢風頭， 因為佢有加入到海藻，所以除咗食落真係有海藻味之外，令到烏冬嘅質地好滑。 所以睇落佢係有啲綠色一粒粒喺烏冬入面。 就算食完一碗都唔會覺得好滯。 湯底都好清好好飲。唔明點解每次佢揀嘅食物都格比起我揀嘅好味好多其實我揀嘅咖哩豬扒飯都唔錯，佢勝在豬排夠大份豬排，手掌咁大。聽人講日本咖哩係有加入果汁或者蘋果汁去煮，所以食落其實唔辣，反而係甜甜地，我食落真係有少少果味，感覺上係好正宗嘅日式咖哩。 至於炸豬扒都唔錯，唔會炸到好乾身，咬落去會有肉汁。不過冷氣有啲凍，所以我食個飯好快凍咗，反而係烏冬一路食

今日即興約左朋友係尖沙咀食晚飯，想搵個好D既地方傾到計，係門口見入面好似裝置幾舒服就選擇左呢間「宏」。 入面都幾光淨企理，都算坐得舒服，我地坐係最邊既地方，雖然佢係用籬笆唔係用實牆間開餐廳同商場出面，但因為係the one 5樓始終人唔多，反而冇困住d聲覺得冇咁嘈可以傾到計。 我2個朋友點左R8天婦羅套餐，我自己好想食魚所以試左R7燒雪魚扒飯。 個餐仲有包埋杯茶同呢度最出名既CAKE，雖然碗飯講真唔算大碗，但見佢個餐有5樣野，有飲有食咁，都OK抵食既… 佢呢度賣點係用新潟米，當然第一時間試左個飯先，魚扒有2塊口感都唔錯，但照燒汁就多左少少，有少少蓋左魚既味道，個飯口感唔錯，標準日本米幾好食，所以係食哂既。 橋麥麵D麵都幾爽口，不過食完個飯已經有D飽食唔哂，因為仲要留肚食CAKE。個沙律配菜黎講正正常常既新鮮生菜一碟，冇咩特別。杯茶係斯里蘭卡紅茶，有果香，但飲落係冇咩甜味，都好，起碼唔洗同個CAKE個甜味撞到啪啪聲，只係得茶香，都幾特別。 最後當然就係甜品，一共有3隻味(綠茶/云尼那/黑芝麻)，我地3個岩岩好可以叫哂3隻開心share。我自己就叫左黑芝麻味，但試埋朋友個2隻味之後，我覺得

又係一條友放假去獨食，今日去開尖沙咀買嘢，順便去呢到食佢個咖喱炸豬扒飯，上次食佢抹茶甜品時已想試呢個，可惜當日胃口不大只好試一款青蘋果沙冰$52先來一杯小清新，青蘋果味都出，幾新甜帶果香，夠哂透心涼咖喱炸豬扒飯$108今次終於試了想食好耐嘅呢個飯，日式咖喱汁都好多下，而且個汁好濃厚又夠香，食落甜甜地唔會辣嘅，濃杰適中，配飯好快就食鬼哂，而塊炸豬扒炸得剛好外層香口，而入面仲好嫩滑唔會鞋口，整體不錯喔，可惜又飽了，唔係好想食抹茶耶

今晚和朋友在TST 開飯，決定來試下位於The one 的宏，主打日式甜品和烏冬的餐廳。店內環境舒適，不擠迫，適合朋友聚會閒談。打開餐牌，有很多選擇，因為不想苦惱組合，所以選了套餐。聽說這𥚃出名海藻烏冬，所以一定要試下個烏冬啦！天婦羅套餐配海藻烏冬，沙律，小蛋卷和紅茶$170天婦羅有秋葵，海蝦、南瓜等，炸粉剛剛包著食物，不會太厚。海藻烏冬味道清淡，口感煙韌爽口，都幾特別。抹茶蛋卷口感鬆軟，抹茶味雖不是非常濃郁，但有茶香味又不會太甜，好味配上斯里蘭卡紅茶，整個套餐很清新的感覺。

小弟本身對抹茶只是一般般(如果有其他選擇也不會擇)今次是陪同喜愛抹茶的友人來一個飯後甜品我們一行四人叫了四款不同類型的抹茶甜品抹茶窩夫抹茶軟雪糕芭菲抹茶雪芳抹茶卷4款都好好味,連我都喜歡上,絕對值回票價,抹茶fans一定要去而我個人就最喜愛抹茶軟雪糕芭菲

當時我等老婆接佢走之制，橫惦都係等不如search下尖沙咀有咩甜品食啦,之後search到【宏】佢地既關門時間係11pm，而我到達店既時間係10pm。一入到門口，有個侍應已經用非常差既語氣話: 而家得返甜品食咋喎！咁我都係黎食甜品者，佢帶到我去個位後，又講左句: 我地十點九收舖！個下即係心諗: 咁唔想就咪叫我地入黎啦，直頭話已過last order咪得囉！好啦，叫甜品先，我就想叫抹茶雪芳蛋糕，點知原來有最低消費，係我唔記得左，但侍應既樣係好厭惡，我又唔係食一件蛋糕坐成日果Ｄ人，又不斷催促我落其他甜品啦⋯之後我叫左個抹茶雪糕巴菲杯，淨係個賣相都尚可。抹茶雪糕偏苦，正合我意，但係其他配料都有一定甜度，所以完全中和番。但到最後態度差既舖頭我一定以後唔會再入去。