孖寶車仔麵

營業中

休息中

呢間黃店💛「三餸麵套餐🥢($46)」車仔麵嘅餸同個pat大大pat嘅秘製汁(pic2)係精粹！餸方面推薦鹵得入味有幾大舊嘅鹵水豆腐、超香濃超嫩嘅牛肚、少有嘅流心煎蛋(video)🍳、同埋好入味好淋嘅鳳爪！🐓⚠️：湯麵🍜比撈麵出色/送熱飲☕️-「noodles with three ingredients 🥢($46)」is delicious! The special sauce(pic2) is savoury and it is the highlight of the noodles! I recommend the stewed tofu, beef belly, sunny sided egg🍳 (video) and stewed chicken feet🐓.⚠️：stirred noodles is better than soup noodles/ served with a hot drink-💰：$46📍：G/F, Kwai Chung Plaza, Kwai Fong/ Tsuen Wan性價比CP value：🤤🤤🤤🤤⚪️飽肚fullness：🤤🤤🤤🤤⚪️味道taste：

好耐未去過葵芳，假期專登去逛逛。葵芳廣場內跟以往一樣人山人海，地下有間人氣旺嘅「孖寶車仔麵」，鋪面算大，不過附近都有不少食肆，競爭激烈。人流快都算易搵位，$45三餸麵餐送熱飲，葵芳區唔算便宜，叫左牛丸、豬皮、咖喱魷魚，仲有滷水豆腐、豬腸、白蘿蔔..牛丸：好味，唔係平價貨所以得兩粒白蘿蔔豬皮豬腸：印象唔深刻，普通都算合格滷水豆腐：入味但豆腐唔夠滑（忘記拍照）咖喱魷魚：用另外一個碗盛載上枱，入味又彈牙，令人回味無窮！

葵廣多餐廳係人都知,平時我去係去掃街多.今次係第一次真真正正咁坐底食lunch,行行下街見到地下呢間孖寶車仔麵特別多人食都估到應該係可以一戰😋就決定拉埋朋友入去試下.份餐牌寫住孖寶秘笈又整到好古式中國風咁幾有新意.同朋友分別點左2份$46三餸車仔麵色一杯熱飲同一份墨魚條碗仔翅試下.自家製菜甫切得細細粒,爽脆又夠香辣.我點左手打麵做底.加上魚肉春卷,滷水豆腐同麻吉燒配秘製汁.手打麵食落似烏冬同上海麵既混合體,入口唔會糊都幾彈而且都幾吸味,吸左帶少少咖哩味既秘製汁好香.滷水豆腐滷彴夠入味,估唔到車仔麵都有麻吉燒食,外層爽彈內裏軟綿煙韌.朋友點既沙嗲汁辣魚蛋,蟹柳蘿蔔河粉.河粉質地夠滑得黎又唔會一夾就斷開.辣魚蛋夠晒辣,用上陳皮魚蛋口感更彈牙.蘿蔔甜得黎又無渣.墨魚條碗仔翅個底夠晒雞絲,冬菇同木耳而芡汁打得夠均勻唔會飲落一舊舊,內裏本身都好香麻油味.唔用傳統既魚肉換上墨魚條配搭幾新鮮.

放假黎葵廣行街，雖然呢幾年新開左好多小食店但有時唔想邊行邊食，買黎買去通常都會黎呢到食港式小食，又可以坐低慢慢食第一次黎幫襯係因為出面既滷味望落好吸引好入味今次突然想食車仔麵同埋生菜🥬魚肉個啲黎到都幾爆，姐姐會即刻帶位，仲講聲車仔麵畫紙，其他同佢叫老實說，食港式茶餐廳之類既都唔會expect有服務，但呢到啲姐姐幾Nice👍🏻餐牌設計到成本祕笈咁幾得意食物選擇都幾多，淨係生菜魚肉同碗仔翅都幾個組合仲有好多餸揀既車仔麵，燒賣腸粉魚旦，滷蛋滷髀滷豆腐 同 牛雜等等我地叫左滷雞髀🍗都幾大隻滷汁唔錯好夠味，香料味好突出，尤其八角味落得夠👍🏻肉質唔會鞋，幾滑嫩，雞皮非常入味，皮下脂肪唔算多，所以唔會油，連皮食晒食成隻雞髀都好正😋車仔麵跟既野飲我地叫左杯凍檸蜜🍋蜜糖好夠唔會淡茂茂，而且唔會有出面飲到廉價菜蜜味車仔麵叫左蘿蔔、燒麻吉丸、魚肉春卷我地叫腩汁但黎到望落好清，但飲落個湯好夠味夠咸但唔會成日味精粗麵正常，麵質爽少少會好啲麻吉丸正常，蘿蔔非常清甜👍🏻👍🏻配埋咸清好好食最值得一提係魚肉春卷，呢隻舊式魚肉春卷真係買少見少細個好鐘意食，食家已經搵唔到車仔麵都幾大碗，一個人食一碗夠飽我地兩個人share

早前做節同聖誕食左好多唔同嘅嘢，今日食返個簡單d既午餐等腸胃抖下😀喺新都會睇戲前揀左喺葵廣支持下小店😉揀左呢間孖寶車仔麵，因為檔口佈置夠香港情懷，車仔麵送都有好多款揀，$45有3個送仲送個熱飲👍🏻小妹叫左個生菜花枝丸魚肉春卷米線，加個祕製醬汁😋祕製醬汁無令人失望😋😋

放假去左行葵涌廣場，行到攰另一半想食嘢，我地就入左呢間孖寶車仔麵坐低食野。呢一間每次經過都見到好多人食。好肚餓既關係，兩個人都叫左好多野食😂😂😂首先叫咗一個三餸套餐車仔麵、一串辣魚蛋、一碗韭菜大腸豬紅湯、一碗墨魚條碗仔翅！三餸車仔麵揀咗水魷魚🦑、香煎午餐肉、雞中翼😋、麵同汁就揀咗沙嗲汁撈粗麵😋😋水魷魚超級爽口、雞中翼超級入味😋😋沙嗲汁都好出色！韭菜大腸豬紅湯個湯好好味，好似胡椒豬肚湯，蘿蔔煮得超級林，大腸好乾淨👍🏿👍🏿👍🏿辣魚蛋夠彈牙，辣汁夠辣👍🏿👍🏿墨魚條碗仔翅勁多墨魚條、溝埋碗仔翅食，再落少少醋同胡椒粉👍🏿👍🏿👍🏿👍🏿好味指數爆燈

💁🏻‍♀️ 孖寶車仔麵 (葵芳)🍝-葵廣多好西食就眾所皆知，原來唔單知小食好味，呢到D 車仔麵都唔錯der~ 中午時間都幾好生意，本身驚冇位，但原來佢個舖面都幾大，所以唔洗點等就坐得！四餸車仔麵（豬紅、龍蝦丸、鹵水豆腐、生菜+秘製汁，手打麵）$55超！大！碗！唔洗驚唔夠飽，豬紅同豆腐都好入味，但唔會太鹹，秘製汁甜甜地辣辣地，應該係沙嗲汁D friend，手打麵食落係上海粗麵，同樣入味，唔錯唔錯～墨魚條碗仔翅（$24）必食！本身驚唔夠飽所以叫多個同朋友一齊食，點知原來又係大大碗。墨魚條勁彈牙，絕對唔係hea你又淋又梅果D，幾有驚喜，碗仔翅好足料，勁多冬菇啊肉絲果啲，味道好惹味，絕非7仔貨色，高質啊喂～-📍 孖寶車仔麵 (葵芳)#葵芳 葵富路7號葵涌廣場地下A15號舖#小丸子搵食記 #小丸子葵芳-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #薯條

呢日同呀媽嚟開葵廣行街同掃街前，都搵返碗麵食下填一填個肚先。如果唔係會無力作戰，葵廣除咗小食店之外，地下個層都好多食肆，不過都唔係好餐廳舖頭嗰種，比較freestyle🤣。轉咗彎入去後，見到有檔好旺場咁，原來係賣車仔麵的，呀媽就話想食，仲糾正我呢啲係叫嗱喳麵呀。食低後，就即刻睇下有乜食，我諗大部份人應該都係要佢個$45三餸麵餐，因為仲包杯熱飲。我同呀媽會share啲餸食，所以叫咗6款唔同。由於天寒地凍嘅關係，我哋仲加咗碗碗仔翅。btw餐牌封面叫孖寶秘笈，好型😎。墨魚條碗仔翅($24)，熱辣辣送上，啱哂呢個天時食。張相睇落好大碗咁，其實錯覺嚟，係普通飯碗啦，份量係正常的。碗仔翅上面有6條墨魚條，無咁單調，而且湯裡面好多雞絲🐔，都幾食。我嗰碗要咗雞翼、豬頸肉同豬油渣(+$4)，配米粉底同秘製汁。本身想試下手工麵㗎，但佢話未返貨😣，唯有要米粉啦，不過我都鍾意食，索湯一流！我要咗秘製汁，雖然唔係好食得出乜味，但都唔錯，而且係唔辣的。雞翼有2隻，豬頸肉就有唔少片，2樣都幾好，正正常常，抵讚係豬頸肉唔算好肥。至於豬油渣就係呀媽點名叫嘅，我從來都未食過，唔知咩樣，原來係炸到一條條的，有少少脆，都幾得

嗰日喺葵芳睇完醫生覺得冇乜力。於是專登去食車仔麵。發覺呢間餐廳有好多餸可以揀，而且，湯底好夠入味。而且唔會太鹹。值得留意嘅係佢有菜莆畀你添，而且有好多唔同嘅飲品畀大家揀。例如可樂咖啡奶茶。仲有豆漿。食品有好多選擇。有牛肚燒賣魚蛋雞翼。此外仲有雞腎鳳爪牛腩牛筋。我同媽咪比較鍾意食牛丸墨魚丸同埋花枝丸。爸爸鍾意食冬菇魚蛋牛百葉。加埋個凍飲都係幾十文一個人。我自己分外喜歡咖喱魷魚同埋炸雞髀。過年再嚟食。😊

這間車仔麵非常實惠，$45有三餸，還免費跟熱飲呢！餸的選擇又五花八門。我因為在附近上班，都常來光顧。今天叫了油麵配牛腩、豬頸肉和生菜，湯底有幾款，個人偏好辣，故點了牛腩汁加孖寶辣汁，建議愛辣的人要試試特製醬汁，辣得很過癮呢。車仔麵和餸的份量皆充足，牛腩和豬頸肉都不錯呀。朋友點了手打麵配鹵水豆腐、豬紅和龍蝦丸。兩人再share雞腿（$18），大大隻，鹵水味很香濃，雞肉嫩滑，推介！雖然是小店，環境固然沒有那麼舒服，但食物經濟美味，值得支持！

今日約左表姐去葵涌廣場Shopping, 因為都係星期一收工時間, 想多D時間行街, 但一定要食左野先有力氣架, 所以我地就去左葵涌廣場地下的孖寶車仔麵, 食個快靚正車仔麵, 我平時路過孖寶車仔麵永遠都係咁多人, 不過大家都係快來快去, 所以我地一來到就有位啦, 我同表姐就每人叫左碗車仔麵, 我叫左菜肉雲吞、魚蛋(陳皮魚蛋)、魚肉春卷配米粉加小小辣, 正, 來親我都一定叫小小辣, 加左成個麵就會提升左勁多, 仲有個魚肉春卷真心好好味, 我唔食過好似對唔住自己咁,另外, 表姐就係食皇牌滷水湯米粉, 每樣滷水都有D, 樣樣都好入味, 好正, 我地快快吃完就出發Shopping, 下次過來一定要食下個生菜魚肉先, 見到好多人叫, 我都好想食

葵涌廣場出晒名多嘢食，不過都係小食為主。今日午飯時間係附近做完嘢搵地方食晏，就試吓呢間嘅車仔麵見佢招牌以只有車仔麵，原來有好多地道港式小食，我見到附近有人叫碗仔翅好吸引，不過可惜我只有一個人，唯有獨食碗車仔麵算數。車仔麵的餸種類都算好多，除咗一般車仔餸，最特別係佢有港式小食嘅餸，咁我可以試多幾款，唔洗額外再叫小食，抵讚！我揀咗水魷魚、牛雜、咖喱魚旦同埋牛栢葉，全部都係我平時掃街最鍾意食嘅小食。連埋麵底都只係$48，幾抵食。平時係旺角要兩串牛雜都20幾啦。重點推介牛雜！雖然要加$4但好足料。每一嚿雜都好有濃花椒八角味，勁香口！就連我平時唔食嘅牛腸佢都煮得好淋好入味，忍唔住食晒！水魷魚都好正，夠彈牙又夠大隻！咖喱魚蛋有成6粒，粒粒都爽口的，不錯！牛栢葉相比下就無乜特別。每碗車仔麵都會跟少少菜，呢一點好抵讚。不過唯一敗筆就係個粗麵煮得好琳，過咗火冇乜口感，好彩味道搭救。汁底我揀咗秘制汁，個名好神秘😂原來係辣汁，但又唔係一般麻辣又唔係一般辣醬，辣得嚟好香口，必試！凍檸檬茶少甜係真的小甜，甜度剛剛好，亦飲得出有茶味。值得一提嘅係，枱面有菜譜免費提供，有辣有唔辣。辣菜甫好香口，唔算好辣，唔食辣嘅都

「孖寶車仔麵」屹立葵涌廣場多年，筆者卻從未光顧，每次都過門不入。今天得同行朋友提議，終於決定要入門試一碗。正值午巿，食客不絕如輪轉。所幸「孖寶」租了幾個舖位，不用花太多時間等候。廚房位置放滿各種各樣的配餸食材，看得人飢腸轆轆。$45的車仔麵餐，附送熱飲，今時今日來說可以話抵食！無論湯底、麵底抑或是配餸，都是選擇良多。手工麵：吃多了米粉河粉，試試它的手工麵。麵質感覺像烏冬，粗身煙韌。湯底有幾款口味，無辣不歡的筆者當然試了秘製的孖寶辣汁。香辣味吃得更惹味過癮。蘿蔔：份量蠻多的，入口粉腍沒有根，毫無苦澀味之餘更十分清甜。豬大腸：處理得蠻乾淨，滷水滷得入味。麻吉燒：平時吃車仔麵很少見到的配餸，所以立刻點了。魚腐的外殻包著煙韌麻糬，口感特別。五香豬頸肉：豬頸肉炆得蠻腍身，不過可能浸在湯內，五香味道不明顯。魚肉春卷：春卷腐皮煎香，包著鯪魚肉，蠻惹味的。加$3點了凍奶茶，偏重奶味。

葵廣覓食篇之獨家滷水麵餐，食番一個豐富和你lunch醫下個肚，以往每次早上經過孖寶，都忍不住叫個腸粉燒賣做早餐，今日超級餓底來到孖寶午餐，自由選擇就是皇道。皇牌滷水湯麵堅係全滷水湯麵，滷水蛋，滷水豆腐，滷水鳳爪，滷水雞翼，滷水翼尖，滷水肺片，完全滿足那種滷水盛宴的食慾，加埋老闆介紹的秘製辣汁，再配上秘製辣菜甫，就形成一個自家味道的粗麵了。滷水盛宴六款配菜好像少了個主角，主角壓軸出場，孖寶皇牌小食，滷水雞脾。大大隻雞脾吸收哂入味的滷水，餐廳提供膠手套方便進食，建議食法當然就是將雞件拆肉，吸盡滷水的精華味道。生薑果纖蜜，秋冬佳品，食完辣野飲下暖野，除左掃街之外，孖寶絕對是親民貼地的自由之選。

諗唔到食咩就喺葵廣求其呢間買個車仔麵返去食算估唔到孖寶都係良心店嚟車仔麵餸款式幾多想食咩餸基本上都有買車仔麵最緊要係快好快買完就走叫咗外賣，無嗌分湯佢好細心幫我分開湯同餸+粉裝唔使返到去啲粉索晒啲湯黃店啲人其實係咪真係唔同啲雖然我覺得車仔麵餸嚟講呢間有啲貴不過味道好過隔離嗰間豬紅蘿蔔係我必叫嘅車仔餸蘿蔔勁索湯，而且軟淋淋，又無渣豬紅雞翼尖亦都係值得叫嘅車仔餸