孖寶車仔麵

營業中

休息中

最近通常都係屋企食，因為係街食嘢第一危險，第二冇乜位。今次就叫咗個好豐富嘅車仔麵，依家孖寶車仔麵其實喺葵涌廣場開咗好耐，不過一直都好少叫嚟食，今次lunch就叫啲攞返office食啦！佢除咗車仔麵之外有飯，不過最出名就係車仔麵，選擇多多，如果額外再加嘅話每個餸加多$8。我嗰個車仔麵就揀咗秘製醬汁，裏面揀咗一啲辣辣地嘅配料包括咖喱魷魚，辣魚蛋，豬紅，再叫多一個豬油渣。佢個秘製醬汁都幾好食，而且裏面啲材料因為有啲辣味，所以個湯底都變辣咗！魚蛋，陳皮香味，咖喱魷魚口感爽口很好，豬紅彈性十足，仲有肥肥地感覺嘅豬油渣，非常經典！本身已經包飲品，加多$3仲可以轉凍飲或者豆漿，呢個豆漿都幾高質，飲完真係飽到不得了-

雖然已好聽話多Stay at home, 但有必要時都要出下去，如買定幾日餸菜，還有一星期一次睇中醫，仲要千里迢迢去到葵芳，雖不太想，但又必要，有時都幾掙扎。這位中醫都幾旺，預約了時間還要等，至於等幾耐就…睇下好唔好彩啦! 今日就…差不多攪到6:00pm多，所以決意不回家煮。葵芳食肆雲集，不知是否公眾假期，人流都唔少，雖然這店地方闊落，而每枱的距離都甚遠，但一見到外賣區，就把心一橫，還是外賣回家安心一點。很欣賞店子劃分了一個外賣專區，客人唔駛聚集一齊，清清楚楚。看看餐簿，真係整到秘笈咁，有趣!分別有麵套餐、飲品、推介、糖水、多款小食、飯餐、香港特色、特色麵和滷水系列等，另有張外賣專用單餐紙。揀了一份3餸麵套餐送熱餐飲($46)，另加多一款配料($8/一款)。套餐的主食除了可揀粉麵飯外，還有腸粉，正合我心意。配料有很多選擇，足足有五十多款，今日選了腸粉配滷水蛋、滷水豆腐和蘿蔔($46)，再加魚肉春卷(+$8)，而飲品就要凍豆漿(+$3)，當然要加多客蔬菜。腸粉必定要混醬先好食，所以很喜歡嗰外賣盒分了兩格，一格放腸粉，一格放配料，咁啲醬汁和滷水汁就唔會撈埋，讚!。腸粉滑嘟嘟，配上甜醬、麻醬

每次想食車仔麵，就諗起葵芳嘅呢間孖寶車仔麵，因為除咗佢哋嘅麵好食，其他小食我都非常鍾意。今日朋友話想食，就一於帶佢嚟試吓！因為舖頭嘅菜單實在有太多選擇，所以我哋叫咗幾樣野一齊share 😋滷水拼盤 $49 (有雞翼、鳳爪、雞腎、雞蛋、翼尖、豆腐）非常豐富！墨魚條碗仔翅 $24 三餸麵套餐 $46我最鍾意嘅齋麵筋 $10/份辣魚蛋 $10/ 份爽滑腸粉 $10/ 四條雖然舖頭喺葵涌廣場，但係環境同衛生都唔錯 👌🏻 值得讚許！

由於武漢疫情關係最近少咗出街食 通常都改為外賣喺葵芳附近放工 就揀咗孖寶車仔麵作為今晚嘅晚餐餐廳特設一個外賣專區買滿外賣$100每張單即送酒精搓手液一支👍🏻👍🏻👍🏻我最後叫咗一個車仔麵一份雞翼同埋一個生菜魚肉湯車仔麵方面 叫咗五香豬頸肉 菜肉雲吞 麻吉燒 同埋魚肉春卷面底揀咗粗面菜肉雲吞比想像中大隻偏向似菜肉餃子味道唔錯 橄欖汁加上微辣既菜譜幾野味因為外賣嘅關係 餐廳可以分湯上啲面就唔會淋哂👍🏻滷水雞翼亦都做得出色雞翼好入味生菜魚肉方面魚肉爽口彈牙唔錯！

車仔麵又名為嗱喳麵，因為以前的車仔麵都是小販把廉價的食物放在木頭車中在街邊出售，衛生程度低而命名的。點車仔麵的時候，不論由麵條、配料、湯底和醬料，都可由客人按自己的口味來選擇，不受任何限制。喜歡車仔麵的你就要繼續留意下文啦～-◾孖寶招牌麵 💰 HKD $46「識食一定食招牌」﹗配料共有五種，分別有陳皮魚蛋、蘿蔔、豬皮、豬紅和豬腸。加了他們秘製汁的湯底濃而不咸；而麵條則選了油麵，軟硬適中，沒有鹼水味。配料味道方面，當中以蘿蔔和陳皮魚蛋的表現最好。蘿蔔淋而無渣；陳皮魚蛋口感彈牙。豬皮表現也不俗，口感爽得來又不會太硬，但略厭有點不夠入味。豬腸雖則有點肥膩和油，但勝在滷得入味。滷水雞翼和豬紅的表現就一般，與其他的車仔麵店的無異。整體表現尚算良好。-◾ 3餸套餐＋熱餐飲 💰 HKD $46這碗麵則選擇了咖哩魷魚、牛柏葉及滷水雞翼；搭配了秘製汁、腩汁及咖哩汁（來自咖哩魷魚）。混合了三種口味的醬汁令到整個湯底都變得很重口，味道濃郁，我超喜歡這個味道﹗麵也是油麵，軟硬適中。三者中牛柏葉最為好吃，爽彈可口，咬時有口感。咖哩魷魚表現則參差，大部分都是爽口的，惟咖哩味不夠，不知是否因咖哩汁已混進

真係好耐好耐冇食車仔麵，今日難得經過葵芳，見到網上成日有好評嘅孖寶車仔麵，忍唔住想試吓！雖然最近疫情嚴峻，餐廳都好似好好生意，好多人幫襯，所以決定買返屋企同媽咪一齊食。等左唔使10分鐘，職員就包好兩大袋食物，仲要包得非常穩陣 太多選擇，眼花撩亂！最後叫左個三餸麵套餐 $45（菜肉雲吞+滷水豆腐+金菇），辣魚蛋 $10，腸粉 $10，同牛腩 $10再加個足料糯米雞$18簡簡單單又一餐，非常滿足  

今個禮拜疫情越嚟越嚴重，開始唔敢出街食嘢，連薪餐廳都唔敢啦。如果出街，大家都係搵啲乾淨嘅外賣食下好啦。 今個禮拜五放工，去咗一田掃貨買嘢食遲啲返屋企煮。一田人頭湧湧，買嘢排隊都用咗成個鐘，買完已經好肚餓，所以就喺葵廣買外賣返屋企食。孖寶車仔麵就喺葵廣地下，我見佢有指定嘅衛生指引比員工跟隨，而且我睇住佢哋整嘢食，個衛生都唔錯，於是就吸引左我去買佢嘅外賣啦。佢門口有個外賣處俾人哋寫嘢，同埋等外賣。佢嘅主打係車仔麵，有好多唔同嘅餸， $46有三個餸，價錢都好合理。我叫咗冬菇+生菜+菜肉餃子配秘製汁米線，叫多個碗仔翅($20)， 燒賣($10)。等左五至10分鐘左右，個外賣就OK，之後我用左半個鐘返屋企，唔知個外賣嘅condition係點呢。。。。答案係都唔錯喎，講車仔麵先，雖然個面冇分到湯，但係我叫嘅米線浸左半個鐘都無發脹，返屋企加少少水就可以還原。佢嘅車仔麵嘅面底都幾多，米線浸左好耐都冇乜發脹，外賣來講幾好。秘製汁湯底幾好食，幾惹味。冬菇淋得黎好入味，生菜同菜肉餃子正常，份量好足夠。碗仔翅係非常之好食，佢入面啲冬菇好大隻好足料。佢嘅碗仔翅比較杰，味道較濃，$20一碗，果然一分錢一分貨。最尾

疫情期間，很多食肆都作衛生分流，呢間車仔麵檔都唔例外，今次我們一行二人點了一個秘製汁魷魚，滷水雞髀，兩碗車仔麵。第一碗叫咗咖喱汁魚蛋，菜肉雲吞，蘿蔔，出前一丁麵。咖喱汁魚蛋辣味重，我仲食到有少少陳皮味，唔錯，菜肉雲吞就正常不過不失，蘿蔔浸左秘製醬汁麵嘅味道，超級入味，我認為蘿蔔係成碗面嘅靈魂，下次再食都一定會叫番蘿蔔。滷水雞髀就入味，肉質都唔錯。秘製汁魷魚，魷魚本身係滾熟咗，上面再配秘製汁，幾好味爽口食到索索聲。

其實我好鍾意食麵，中學嘅時候差唔多日日都係食車仔麵，出咗嚟做嘢呢就多數去食米線，呢一日心血來潮突然好掛住好想食車仔麵🤤🤤葵芳呢一間孖寶車仔麵已經唔記得咗有幾多年前已經喺度，我由中學食到而家，附近幾間舖位都係佢既堂食位~好想讚下疫情期間佢嘅防疫工作亦都做得好足！👍🏻👍🏻枱與枱之間嘅距離相隔好遠，盡量都唔會叫人去搭枱，用餐時都會有一個盤擒住食物👏🏻我都食得好放心☺️差唔多個個人都係叫佢嘅三餸麵，因為價錢實惠又好味， $45三個餸仲送熱飲😍😍而且佢啲餸都好大份，我叫咗豬油渣、牛腩、生菜、墨魚條，豬油渣而家已經好少車仔麵檔有，而且佢嘅份量仲有超級多舊，好大舊🤤浸左湯都可以保持外軟內脆🤩連我叫咗手打麵，有啲似烏冬，但比較紮實，而湯底就叫咗腩汁，加埋佢哋秘製嘅辣菜甫真係不得了🥳強烈推介大家可以叫外賣拎返屋企慢慢食🥰🥰我哋再另外叫咗滷水雞髀($19)同埋水魷魚($10)做小食，🍗雞髀大大隻好邪惡啊，滷水汁都好入味，姐姐好好人仲請咗雞翼俾我哋食🙊🙊水魷魚好爽口，加埋秘製醬汁好惹味，份量都唔少，下次行過可以就咁買做小食掃街添🤣🤣

鍾意車仔麵不妨試吓，好多人都好推介呢間！佢就喺葵涌廣場地下，都好容易搵，入到去基本上直行就見到，仲有個外賣專區，有酒精搓手液等，非常衛生安全！有一張填寫嘅外賣紙都幾方便，上面有齊基本所需資料，一眼可以睇晒有邊啲野可以揀或者幾多錢。叫咗兩個面嘅外賣牛腩&豬紅&豬大腸&粗面$46+秘製汁雞腎&沙嗲牛肉&辣魚蛋&米線$50+孖寶辣汁其實佢哋嗰個秘製醬汁同埋辣汁都好食，只係睇下你鍾唔鍾意食辣，或者唔想食辣就可以揀佢嗰隻秘製汁味道香濃而且堅係正！面方面就冇咩特別，都係嗰啲粗麵同埋米線，冇話特別好唔好食，如果餸菜來講就比較推介豬紅同埋沙嗲牛肉，兩個都真係幾香，不過沙嗲牛肉就要另外加錢！下次可以試吓其他， 40幾蚊仲有買飲品，凍飲例如好似呢啲一支支嘅豆漿就+$3！

依家葵涌廣場有好多餐廳都做唔住已經執咗，留低嘅某程度上都係強者，至少佢哋嘅營業額係負擔到佢哋嘅開支成本，所以呢個時間去食嘅餐廳都係比較高質素。呢間車仔麵之前成日都經過，但係就好少去食，今次就試吓叫個三餸粉面打包攞返屋企食。雞腎沙嗲牛肉辣魚蛋米線$50孖寶辣汁+$2其實佢個辣汁真係幾香，幾吸引，不過米線如果太耐嘅話其實都會發晒水，如果怕佢太林嘅話可能就揀其他粉面會比較好，佢個沙嗲牛肉味道都幾響，辣魚蛋亦都有啲陳皮香味～整體都幾唔錯！包心蟹籽丸豬頸肉豬酒渣米粉 $50 腩汁屋企人就鍾意食腩汁，佢個汁比較清甜fresh少少，我自己個人就鍾意重口味嘅辣汁。幾種配料最特別最好食係豬油渣，口感比較脆而且有D油香！如果響葵芳嗰邊做嘢或者住，不妨過嚟試吓啲車仔麵的確係唔錯，難怪都依然屹立不倒！

葵廣地下長期爆滿的車仔麵，今朝心血來潮想試下，weekend就當係早餐食啦😂 原來$46已經有三餸連熱飲，剩係揀食咩都心大心細有點少見的餸例如麻吉燒、魚肉春卷、豆卜釀豚肉、回鍋肉等等，實在太多野想試，經過一番爭扎的我，最終點了麻吉燒、魚肉春卷和蘿蔔，腩汁粗麵。店員將車仔麵蓋著拿到客人面前才打開，令疫情下用餐的客人都比較安心麻吉燒外層彈牙，中間煙韌的麻薯已是半融化的狀態😋魚肉春卷有預先煎過的，但可能浸在湯內就不脆了，不過魚肉味濃，有吃魚滑的口感，蘿蔔十分清甜，沒有根，喝一口腩汁湯底，很正🥰桌上還有菜甫可選辣或不辣，我試了辣菜甫，很好吃但不夠辣呢！偷吃了朋友點的咖喱魷魚🦑，咖喱汁有別於平常吃的味道，帶點香料味又不太辣，很好餸麵😂吃完麵還可嘆一杯咖啡醒醒神，這款舊式茶杯愈來愈少見了😌 最重要的是咖啡不酸的👍🏻👍🏻

很久沒有品嚐車仔麵這香港特色美食, 是日與朋友有約, 血拼後便到孖寶買一碗多餸車仔麵回家醫醫肚! 牛肚, 咖喱魷魚, 菜肉雲吞, 沙嗲牛肉, 雞腎, 五香豬頸肉 ~ 不經不覺原來是一客六餸的組合! 牛肚非常出色, 淋滑而味道豐富!  店家推介咖喱魷魚,  入味而爽口! 雲吞餡料豐富, 皮滑! 沙嗲牛肉並無使用鬆肉粉, 滿有牛肉味! 雞腎爽脆, 豬頸肉夠香口亦不油膩, 整體偏味濃, 在這沉悶的天氣正合適! 腩汁湯油麵, 油麵爽滑彈牙, 因湯汁分開上, 所以絲豪沒有影響麵的質素! 店家在麵上加上菜甫, 可選辣或不辣, 店家見我如此欣賞其菜甫, 便多給我一些, 味道非凡! 在等候其間多要一串燒賣, 是有質感的燒賣, 可幸! 

喺附近做完嘢, 太攰唔想四圍去, 買個外賣車仔麵返屋企慢慢嘆! 因為唔係住附近, 所以要個撈麵好似方便啲! 麻吉燒 , 豬腸, 牛腩, 魚肉春卷, 雞翼, 豬油渣 (+$3)! 好貪心! 豬油渣好值得加, 平常食豬油渣都係粒粒, 但呢度係一大片, 好有咬口, 好有質感, 脆口唔硬, 唔肥唔羶, 好好好好食! 牛腩夠淋, 雞翼肥美飽滿, 入味唔咸!魚肉春卷同比平常食到的更大塊, 無魚腥味!  麻吉燒好得意, 麻薯好煙靭豬腸好乾淨, 入味之餘夠淋又不失咬口普遍來說食物質素平均! 撈公仔麵夠爽身, 足足大半小時才食都唔會漲, 雖然秘製汁食唔出係咩味, 總之係好味就可以啦! 有飲品, 來一杯凍檸茶, 茶味香濃唔苦, 有點喜出望外! 

葵廣真係好多好野食,今次夜晚黎到食個晩餐,無理由食小食當一餐,一於黎食個車仔麵因為枱ge位置比較疏,所似範圍都幾大,店員都好細心走好遠黎幫手量體溫保障大家食物種類都幾多,$46三餸麵真係好抵,之前食過米線覺得幾好味,今次試下腸粉餐三個餸就揀左冬菇+滷水豆腐+蘿蔔,三餸中最鐘意食ge係蘿蔔,夠入味又唔太咸,口感唔會太淋,好正!冬菇ge調味同口感都唔錯,滷水豆腐就咸左少少,配無醬料ge主食會比較好腸粉都相當好!有咬口,夠熱,簡單配埋傳統醬料已經好好食!