508
36
12
開飯介紹
屹立於葵廣內的車仔麵檔，配料選擇多，抵食、地道。沙嗲辣汁及秘製醬汁乃其麵食之靈魂。
繼續閱讀
營業時間
今日營業
06:00 - 00:00
星期一至日
06:00 - 00:00
以上資料只供參考, 請與餐廳確認詳情
食家推介
以前喺葵芳返工嗰陣，每日早上都會嚟呢度買腸粉、魚蛋、燒賣、或炒麵做早餐，每次都要排隊買，除咗份量多，味道都好正！平時都係買外賣，今日就試吓佢啲車仔麵同試吓堂食晚餐🥢。餸有好多款式揀，可以配搭自己喜歡嘅醬汁。🍽️3餸麵套餐$48送熱餐飲🐂 牛腩 -份量好多、啖啖肉🐖 五香豬頸肉 - 同平時食開嘅豬頸肉有啲唔同，佢係口感比較淋，而且好入味🦑咖喱魷魚 - 好爽口，有咖哩的香味，不算辣。揀左粗麵配秘製汁，比想像中淡味，不過都算香口！睇嚟重口味嘅我下次要試吓加$3嘅沙嗲汁或者孖寶辣汁。🍽️滷水拼盤$52網上見到呢個滷水拼盤有好多好評，而實物同相片一樣好吸引😍。拼盤有齊雞翼、鳳爪、雞腎、雞蛋、雞翼尖同豆腐。每樣都滷得好入味🤩，特別係雞腎、豆腐、鳳爪👍👍👍堅正💯💯💯金牌碗仔翅$20作為碗仔翅控，當然要叫番碗試下！未食已經聞到好香麻油味😋😋，成碗好多料，有冬菇絲、粉絲、雞肉絲、木耳等做配料，加埋免費任食嘅辣菜脯，口感更佳🤩埋單$120，人均$60食到飽飽，真係快靚正😚📍 孖寶車仔麵 (葵芳)葵芳葵富路7號葵涌廣場地下A15號舖🔍#nseat_葵芳 目前只有葵芳店！#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #yummy #食好西 #香港美食 #相機食先 #吃貨 #食評 #美食推薦 #葵芳 #葵涌廣場美食 #葵芳美食 #車仔麵 #碗仔趐 #滷水拼盤
繼續閱讀
每次想食車仔麵都會諗起孖寶車仔麵!!呢間車仔麵係由細食到大~ ˃̶͈ ˂̶͈ 味道依然都係咁好!!而且份量大好抵食!!係葵涌廣場地下，每次係上面行完街，肚餓唔想掃街搵位坐，就食孖寶!! •̀ᴗ•́☁️三餸車仔麵 ($48送熱餐飲)湯底選了秘製汁~加了孖寶辣汁($3)辣汁好出色!!偏辣，唔會麻!!啱晒我呢啲無辣不歡嘅人士◔.̮◔✧油麵煮得啱啱好!!! 一咬就斷~偏靭身，唔會有煮耐咗嘅感覺灬̤̬▫️牛腩五大舊!!肉係粉紅色好鮮嫩，唔會乾柴!!絕對唔會好似出面啲店咁食到好乾唔係攝晒牙嗰種~ •̀ᴗ•́啖啖肉好滿足▫️水魷魚好鍾意食車仔麵時加水魷魚˃̶͈ ˂̶͈因為本身車仔麵好濃味，而魷魚本身冇乜味道，但係質感好爽脆!!兩樣嘢配合一齊就好好食又可以飲到車仔麵嘅湯底~▫️豬紅四大舊!!一啲都唔臭，食落煙煙韌韌~有條生菜應該係送嘅!!淥得啱啱好，保留菜應該要有嘅口感孖寶嘅菜甫一定要試!!重口味嘅我每次都落好多˙Ⱉ˙每張枱都有一兜!!!自己隨意選擇加唔加~好爽脆!!放落湯度同埋面一齊食增加口感
繼續閱讀
孖寶車仔麵今晚屋企無煮飯，走去食孖寶！孖寶可以話喺葵涌廣場好悠久嘅車仔麵鋪頭，我住葵芳咁耐就見佢開咁耐，應該開咗都有廿幾年啦，到依家依然keep到水準，依然咁好味！1.三餸車仔麵$48+$4牛雜，送熱咖啡（8/10）我揀咗包心蟹籽丸、黑椒牛丸同牛雜，麵揀粗麵，湯底揀腩汁。包心蟹籽丸有2粒，黑椒牛丸都有2粒，牛雜洗得好乾淨，牛腸唔臭！p.s：記得落辣菜脯，佢哋個辣菜脯非常惹味，將成碗麵昇華咗！2.墨魚條碗仔翅$25（8/10）呢碗碗仔翅好足料，墨魚翹起碼有大約十條，非常彈牙！3. 足料糯米雞$20（8/10）足料糯米雞入面有一條細臘腸、豬頸肉同埋一隻雞翼，好多鋪頭好少放雞翼，大多數放肉碎，呢度就有放雞翼喺入面啦，大大隻真心足料！4. 滷水雞脾$20（8/10）雞髀非常大隻，滷得好入味，老闆一見到我就記得幫我剪開雞脾，方便我食！2人總共價錢$117個人口味總評分：8/10@marble.cart.noodles地址：葵芳葵富路7號葵涌廣場地下A15號舖#車仔麵 #孖寶車仔麵 #黃店 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
本來見到間野有500個好評 以為間野應好能好食 但真係好普通 唔知佢係咪請槍 第一碗3餸麵 叫咗幼麵 但佢個麵底真係唔得 一啲都唔彈牙 食落口鞋鞋哋 同米粉口感差不多 個人唔太鐘意 但佢腩汁湯底好飲 有少少中藥材味咁 愈飲會愈好飲 餸方面個份量真心普通 唔會好似其他食評寫咁有好多 但有正常份量 牛腩同牛肚味道可以 豬大腸冇咩油 個人覺得味道上就差啲 但整體上係有合格水準 另外一碗都係叫咗幼麵 麵底講咗就唔再講 湯底揀咗清湯 都係有味嘅 唔係真係清湯寡水咁 但同腩汁比就冇咩特色 餸嘅話豬紅係幾入味 呢點係大加分位 豬皮唔太吸汁 食落冇爆汁嘅感覺 都係好普通 牛柏葉就正常 同出面小食店食嘅一樣 冇咩特別總結嚟講就還好 未到唔好食 但一定唔值500個好評 十分普通嘅水準
繼續閱讀
葵廣比人嘅感覺一定係掃街，但今日唔想食咁熱氣，所以搵間車仔麵檔坐下食香港傳統美食😋 呢間車仔麵無記錯喺葵廣成10年都有，星期五晚座無虛席，亦有好多人外賣，信心保證😁Menu好簡單，3餸車仔麵連熱飲$48，有成20-30個餸慢慢揀😌 我揀左魚肉春卷，魚皮餃，雞翼尖，米線，加沙嗲汁(+3)。魚肉春卷有2大條，魚肉幾彈牙係我鍾意嘅口感，雞翼尖係滷水味非常入味。朋友揀左大腸，豬紅同酸齋米線。我試左佢嘅豬紅同酸齋，豬紅唔腥無渣，酸齋用黎點湯入哂味😋推介！另外我地叫多左個碗仔翅($20) share食，份量都好足夠。碗仔翅煮得啱啱好，唔太稀唔太杰，入面都足料，有好多雞絲木耳絲冬菇絲同素翅，性價比唔錯😊
繼續閱讀