孖寶車仔麵

營業中

休息中

葵涌廣場嗰間輕鬆一下執咗，去咗佢隔離嗰間孖寶車仔麵，原來都唔錯。叫咗個生菜魚肉湯，入面好多魚肉，桌上有胡椒粉同辣菜甫俾你任加。另外呢度都有好多特色嘅車仔麵，每款都係30幾蚊至40幾蚊左右，五花八門，配搭甚多，保證每次黎都可以試到新野。仲有佢特色嘅滷水拼盤只係$49包六款滷水嘢食，唔想食澱粉質嘅朋友可以考慮試吓。燒賣好有咬口，唔使加任何辣椒油，我都覺得已經好夠味，食一串過吓口癮都唔錯。另外豬腸粉加咗好多芝麻更為香口。最後仲加咗碗番薯糖水，我冇諗過佢可以煲到啲番薯咁腍，同埋都好有薑味，食落去成個人暖晒，春夏秋冬都啱食㗎。

葵涌廣場不乏美食，但好多小食店都不設堂食，如果想舒舒服服食啲小食，建議大家不妨去到葵涌廣場低層地下，有間孖寶車仔麵都好正，啱晒同朋友差下電、吹下水、嘆番陣同敘下舊。呢度有個三餸麵套餐仲送埋嘢飲，有超過50幾款嘅餸菜可以選擇，我哋叫咗碗豬皮、滷水蛋、滷水豆腐併出前一丁，另外當然要叫返香港人最鍾意食嘅小食，就係生菜魚肉湯、街頭豬腸粉同埋燒賣，呢度人頭湧湧完全冇懼疫情嘅影響。上菜嘅速度好快，出前一丁幾爽口，三樣餸份量啱啱好，我同朋友每人一碗，湯唔會特別濃，只係用清湯上，感覺幾清淡健康，滷水亦都好入味。

呢間由細個讀書就成日去葵芳行街 就食嘅車仔麵檔連住幾個鋪位 食物同性價比都好高今日同朋友黎葵廣掃街首先黎左呢到雖然依家肺炎 但客人都滔滔不絕本身想試埋墨魚條碗條翅 但食物太多 只好下次一試啦滷水豆腐$12滷得好入味 唔會死咸 豆腐有咬口 唔會散開一食就停唔到 差唔多比我清晒燒賣$10 魚蛋$10呢2款都係以前由細食到大既魚蛋燒賣最鐘諗食呢款細粒既魚蛋 出面依家都係賣大粒既 口感軟淋淋 而呢款彈牙爽口 超入味 個辣味超入味👍👍燒賣係彈牙既魚肉燒賣 $10一串真係賣少見少超特別既車仔面 有好多款面底揀 仲可以轉腸粉 一於試試 $39下午茶3pm-6pm連熱飲餸揀左 牛肚 蘿蔔 豬大腸牛肚：煮特好入味 唔會硬掘掘蘿蔔：配左佢秘制醬汁 好甜 好入味 豬大腸： 一樣入味 冇豬騷味腸粉最緊要多醬 花生醬同甜醬既味 單點$10/4條 麻吉卷$12/3原來係魚片包住年糕 年糕好煙韌軟綿綿 口感好得意足料 生菜墨魚條湯 $24足足有十條墨魚 湯頭清甜 生菜都好多 每啖都有湯菜魚肉👍呢啲comfort food 永遠都係香港人最愛😋

而家都少左好多出去食飯 或者好似今日咁 買外賣返屋企食 今晚想食車仔麵 見葵廣有間幾多人幫襯 就決定試下 叫外賣張枱都有酒精搓手液 欣賞👍🏻 叫左個3餸 （雞翼、包心蟹籽丸、五香豬頸肉）粗麵 包一杯熱野飲 另外叫左個水魷魚小食 同埋生菜墨魚條湯拎到返屋企 25 分鐘左右 d 麵都冇話發漲 湯的份量都適中 唔錯 清清地 魚肉幾爽口 水魷魚配秘醬汁幾惹味 如果份量多少少更開心熱菜蜜 食左咁多樣野都係80 蚊 口感都唔錯 下次經過葵廣都可以再試下

葵廣美食多已是街知巷聞，日常正餐少不了香港最本土的車仔麵。自選快捷又款式多羅羅，總有一款岩心水。孖寶車仔麵位於葵廣地下近小巴站位置，設兩鋪。三餸麵套餐連熱飲$46 ，價錢合理。辣魚蛋、五香豬頸肉、咖喱魷魚拼油麵，配腩汁是我至愛組合兼日常之選；餐飲加左杯凍好立克（＋$3)。也點了一碗墨魚條碗仔翅同一份牛雜。店員效率十足亦爽快有禮。上餐時亦為粉麵餸加上蓋，添了份安心，堂食都食得放心。陳皮辣魚蛋嚼口十足，辣汁配落粉麵成自選汁，好滋味；豬頸肉微厚切，調得入味；凍食咖喱魷魚則分碟上，（最愛車仔餸）秘製咖喱汁偏辣，非常惹味。墨魚條碗仔翅，翅身不過稀反而足料。多麻油多醋多胡椒；簡單好味。牛雜甜醬黃芥辣，煮得軟腍，點齊兩醬剛好。

葵廣美食選擇有很多，我偏好這家，因為有位子坐，食物質素穩定，店員服務又好！這天兩個人來吃，我們每次都點三餸拼腸粉，因為想環保一點，我們叫店員用碗上，她們都很配合。環保以外，用碗上來拍照是不是更好看？這次我點了牛雜，需要加4元，但真得好好食，還有平常街頭食牛雜都要站著，這裡可以坐啊！另外，我點了魷魚和燒賣，是我平常都愛點的，建議你們都嚐嚐！這碗是我的晚餐，你以為不多？其實全都是澱粉質所以食完已經10成飽了！大滿足！

🥢荃灣香港情懷風 大大碗車仔麵黃店 🥢之前一直都有幫襯開葵涌廣場入面的孖寶車仔麵，貪佢配料多遺擇，份量夠曬大碗，今次來試試荃灣分店🥢荃灣店裝修完全唔一樣，主打香港情懷風，有好多舊事物會出現在店入面，有髮廊的舊風筒，阿媽以前電髮吸住個頭的蒸髮器，舊機場九龍城的圖片，真正香港風味十足🥢最重要係檯面有兩樽菜莆，一個辣一個唔辣，食車仔面落辣菜莆對我來講是車仔麵的靈魂，有佢會好食好多倍🥢三餸麵套餐$46 送熱飲 牛雜+$4🥢豬腸，香煎餐肉，牛雜，粗麵🥢豬腸滷得夠淋身，入口軟棉棉，午餐肉有煎過幾香口，車仔麵有牛雜食感覺驚喜，份量算幾多，粗麵份量幾多，夠曬飽🥢咖哩魷魚，魚肉春卷，雞翼尖，河粉🥢咖哩魷魚係另一碟仔上，咖哩汁味道很香濃，魷魚口感爽脆，但係涷的要浸落湯到食，魚肉春卷炸過幾香，雞翼尖好入味，但有d 乾，河粉食落很滑溜，大大碗有食唔曬的感覺🥢感覺幾抵食大大一碗，難怪lunch time 時全場爆滿，裝修感覺如果無咩人既話，影相打卡應該幾得意孖寶車仔麵 地址: 荃灣大壩街63號地下4號舖 (荃灣廣場對面）

呢度專食車仔麵 當然係佢嘅拿手菜!已經黎過食好多次 平時lunch hours都一定9成爆滿可能呢排疫情關係 客人明顯少左好多但睇得出店方有落力做好防疫措施例如啲雞脾呀滷味果啲而家有用膠兜/膠蓋蓋好見在座客人起落單到等待食物上菜嘅期間 都有全程戴實口罩感覺同場食客都係有質素嘅客人!所以就算呢啲時勢 黎食嘢都比較安心好啦 講返兜麵先今次揀左孖寶招牌手打麵我比較貪心 樣樣都想試 三餸絕對滿足唔到我所以揀左呢款咩都有嘅 咁岩又係我鍾意食嘅餸!豬紅好香 無出面食果陣怪怪血惺味魚蛋係陳皮魚蛋 好鍾意呢陣味! 每次必嗌!豬皮 大腸都係煮到夠淋同好入味 但又唔會太肥膩蘿蔔正正常常唔會苦雞翼滷得剛剛好夠味又不會柴 顯出勁架!每次黎都會嗌手打麵底 本身熱愛較粗同有咬口嘅麵 呢一款就好岩我口味!$46黎講 今時今日又有位坐 都算係咁大家可以試埋佢其他小食 都好正架大推生菜墨魚條!  比起出面嘅普通生菜魚肉更惹味 更抵食!

去行完葵芳廣場覺得肚餓就去左呢間孖寶車仔麵食野啦…估唔到呢間面檔都好多人去食~環境唔錯，唔太逼，而且衛生都唔差架…入到去坐低就睇「孖寶秘笈」睇下有咩食啦…我同朋友兩個都好肚餓，所以叫左好多野食!墨魚條碗仔翅$24一睇到就覺得好正啦…因為碗仔翅份量好足，而且好足料，啖啖肉絲，而墨魚條都唔少，成10條有多呀～孖寶招牌面 $46見到餐牌推介呢個緊係要叫啦～呢個招牌面有好多唔同款既餸架…包括有:豬皮、豬紅、豬大腸、蘿蔔、生菜、雞翼，岩晒中意食唔同款既花心人士呀～鹵水雞翼 $20估唔到$20有5隻雞翼…超抵呀～而且雞翼係好香鹵水味，睇黎真係落足心機去醃同埋煮…仲有仲有就係雞肉好滑好嫩口，超好食呀…爽滑腸粉$10/4條 魚蛋$10 燒賣$10腸粉真係好滑…而最值得讚既就係魚蛋啦…雖然係街邊成日都食到魚蛋，但係孖寶車仔麵既魚蛋係好香陳皮味架~今日食完先知道原來呢到最出名既係雞脾~下次再黎試下先!

繼續支持黃色經濟圈💪🏽係葵廣行街街，見肚餓決定搵野食，平時多數去三樓搵食😃但老公話想食車仔麵🍜當然要去地下個層既孖寶車仔麵啦。三餸麵套餐送熱餐飲 （46蚊）：每人心中都有個組合：牛腩+雞中翼+豬紅+腩汁+ 米粉：牛腩份量多，幾舊腩肉位，炆非常焾身，呀婆都食到，肉質分明，仲食到一絲絲牛肉，吾講好似食緊牛肉干咁，高質。雞中翼肉質鮮嫩，好入味既滷水味，雞皮滑嫩一口接一口。豬紅沒有異味，甜甜地，吾會一夾就散。米粉索曬湯汁精華，腩汁香濃上癮，牛腩香氣四溢，又吾會太油。五香牛雜 （20 蚊）：份量都算多，牛肚、牛肺、牛腸、每樣最少有兩舊，加上黃芥末醬同甜醬，五香味好濃，全部都洗得乾淨。熱奶茶☕️：茶奶比例恰到好處，用上黑白淡奶，入口順滑，茶無澀味，茶香，重點好夠熱，咁先正。總結：價錢合理 味道一流地點方便 姐姐反應快速有禮

放工同朋友行街，經過呢間葵芳多年既孖寶車仔麵，決定入去一試😄打開餐牌『孖寶秘笈』樣樣都好吸引墨魚條碗仔翅$24係出面好小見到墨魚條配碗仔翅，配搭新鮮！墨魚條份量幾多，都有8,9條，碗仔翅足料有雞絲、冬茹和木耳等！而且味道好夠味，啖啖麻油香，再加小小醋，真係停唔到口😜陳皮辣魚旦($10) 、燒賣($10) 同腸粉($10 4 條)陳皮辣魚旦睇落同普通魚旦差唔多，但食落 有香香陳皮味，而辣味非常有後勁，食完令人回味！極為推薦😄燒賣外皮鮮黃有光澤，包得鬆緊有致，肉質新鮮彈牙，配豉油鹹甜適中，加辣醬確係一流😜腸粉口感嫩滑，店員調配既混醬比例合適。鹵水雞翼$20一碟有五隻，鹵水雞翼外皮較為偏橙色，每隻雞翼既鹵水汁極為入味，雞翼保持口感嫩滑，仲帶有絲絲甜味，能夠令鹵水雞翼保持夠味而唔變嚡，呢間店做鹵水既功夫到位。順帶一提，呢間店最出名就係鹵水雞脾！ 下次一定要試😄孖寶招牌麵 $46一睇就知集合曬呢到既招牌小食，有大腸、雞翼、豬紅、 蘿蔔同豬皮。每樣都好入味，值得一讚係豬紅，食落有種黏牙的感覺，口感細膩嫩滑，而且入味😄以$46 可以食齊店內招牌，而且份量幾多，可以加配檯上既辣菜脯，令招牌麵更香辣惹

下班和朋友打算在葵廣掃街，由於太肚餓，我們決定先吃個麵打底，這間車仔麵檔人流不斷，我們都決定試一試！孖寶招牌麵 $46招牌麵有滷水雞翼、陳皮魚蛋、豬紅、豬大腸及豆卜等等多款食材，滿足了選擇困難症的我，湯底不會太濃，配上非常彈牙的粗麵，是很港式的車仔麵風味，我最喜歡是口感一流的豬紅，完全沒有腥味，份量對女生來說是非常足夠的～腸粉 $10腸粉很滑又很彈牙，麻醬甜醬份量剛剛好而且味道都不會太強烈，一邊吃麵一邊吃味道清清的腸粉，感覺還不錯，強烈建議大家要點這款。喜歡味道比較濃郁的記得下單時表示要加秘製汁，味道有點像沙嗲，很特別！

孖寶車仔麵 #葵芳 #葵廣 #黃店 💛💛💛年三十就以呢一間又平又好食又黃嘅車仔麵作總結💛！位於葵廣地下，有成三個鋪位，雖然大但都坐滿晒人，啲姐姐全部都好忙碌，就知道有幾多人鍾意！除咗有傳統車仔麵揀之外，仲有牛雜、生菜魚肉、腸粉等小食。牛腩 五香豬頸肉 蘿蔔 手打麵 配秘製汁、辣汁、腩汁、蔥花🍜$48雖然所謂嘅手打麵同上海粗面差唔多，但係啲配料就真係抵食又好味，每一樣都好入味🥳特別係嗌牛腩原來仲包埋有牛筯，而且啲牛筯全部都係非常淋，好重骨膠原🤩🤩蘿蔔同樣入味冇渣又鮮甜🥰豬頸肉就有啲似叉燒，蜜汁味較重。湯底仲可以幾樣撈埋一齊，記住要加埋佢哋嘅孖寶秘製汁！另外佢哋仲有菜圃同埋辣菜圃任你加，更惹味！牛雜🥩$20/碗$20碗來講真係算多。分別有牛肺、牛心、牛肚、同埋牛腸，全部都滷得好入味，一啲都唔臭，甚至比平時專食牛雜嘅店更好味。味道: 4.2/5性價比: 4.3/5整體而言的確係一間性價比幾高嘅車仔麵，大家去葵講食厭晒啲小食嘅話都可以去支持呢一間黃店啊！

今日同埋我媽咪一齊嚟到葵涌廣場食嘢，嚟到嘅時間大約12:30，都有不少食客食緊野，睇黎都幾受歡迎☺️ 媽咪點左一個車仔麵，佢係食水魷魚+豬紅+蘿蔔粗面加咗辣，佢特別賺過豬紅，覺得好好食～嘢飲方面佢仲送埋熱飲，媽咪揀咗飲熱奶茶。我就食辣魚蛋+黑椒牛丸+生菜+冬菇清湯米線，辣魚蛋好好食呀幾彈牙，而且好夠辣，啱晒口味👍🏻👍🏻冬菇亦都唔錯，煮得幾腍～帶枱個位女仔好細心～仲會拉多張椅比我地擺下野，食得更加舒服👏🏻

［葵芳］孖寶車仔麵.墨丸、魚肉春卷、豬大腸油麵食剩指數 0/100湯底係清湯加腩汁油麵底無平時咁黄色不過都幾彈牙墨丸略清淡魚肉春卷有少少油香最值得一讚既係豬大腸甘香但唔會好似食橡筋咁韌輕輕一咬就斷～.豬頸肉、燒賣、蘿蔔幼麵食剩指數 : 0/100湯底要左秘製汁又唔會好辣/好淡豬頸肉份量都多都好入味同埋唔韌有燒賣做餸又幾得意可能係因為佢本身有小食賣蘿蔔都算唔錯無渣，同埋都算清甜.腸粉食剩指數 : 3/100由於我都幾餓我地叫多個腸粉好少車仔麵檔同時可以叫埋呢啲小食佢腸粉都幾滑醬都俾得幾多食落都唔錯