孖寶車仔麵

營業中

休息中

車仔麵簡直係香港人嘅signature 要掃到文明 全港嘅車仔麵葵涌廣場呢一間絕對係top排行 首先佢係非常之平民 唔似一啲出咗名之後差唔多成百蚊碗嘅車仔麵 而且比較草根一啲貪佢有舊式少少車仔麵檔嘅風味，呢一間你一定鍾意舊式少少車仔麵檔嘅風味，呢一間你一定鍾意叫咗幾樣小食 滷水嘢有雞髀雞翼同埋滷水蛋 三樣嘢都非常之入味 尤其是係個雞髀 唔會因為太入味而變得硬👍🏻👍🏻 另外仲叫咗蘿蔔 生菜 豬頸肉加咗秘製汁之後超級好食😋 就算外賣返到屋企一樣熱辣辣 唔會浸到啲餸林晒 呢間性價比真係超高 食到好飽都係100幾十蚊

葵廣商場呢間街坊親民車仔麵，由我細細個讀書食到而家返工，裝修環境都無變，一直都在，每次經過食都多左一份回憶。我地兩口子點左兩碗車仔麵加左碗魚肉碗仔翅，魚肉煙煙韌韌好咬口，碗仔翅都足料有木耳絲、蛋花、冬菇絲及肉絲，加少少醋就好好味😋而車仔麵方面蘿蔔鮮甜好味無渣，牛柏葉彈牙爽口，魚片頭較為普通，我自己好鍾意食蔥，叫侍應多蔥就成碗俾我，仲有男朋友非常推薦豬油渣，豬油渣好香好好咬口令到成成碗麵更加入味，可以點選自己鍾意嘅醬汁，如果嫌唔夠味仲可以加菜甫點綴一下，有辣有唔辣。

今日放lunch好想食車仔麵，所以就嚟咗葵芳廣場孖寶車仔麵到食🤤🤤由細食到大，味道依然不變都仲係咁好食佢最特別嘅係可以車仔麵配腸粉唔要面啱晒鍾意食腸粉嘅我叫咗一碗牛腩豬頸肉牛柏葉豬皮配腸粉腸粉多醬汁🤤🤤🤤牛腩蚊到好林好入味豬頸嘢呀好香牛柏葉切到好細，方便入口豬皮都好入味腸粉好食🥰🥰🥰另外，同事就叫咗一碗車仔麵見佢叫咗五餐肉，有兩塊都算多同事就配秘製辣汁另外，仲叫咗一碟紅腸配秘製辣汁

今日過咗嚟葵芳廣場老字號車仔麵小食店<<孖寶車仔麵>> 價錢親民😍大大份又好食極推介佢嘅秘製辣汁,,,,超級香點乜嘢都得去埋車仔麵食都得🤤🤤🤤🤤叫咗一碗車仔麵，豬大腸魚肉春卷雞翼午餐肉粗配秘製辣汁，仲送咗幾條生菜添😹😹滷水雞翼好入味，豬大腸唔會好肥唔錯魚肉春卷，都幾好食，午餐肉有兩塊🤤🤤🤤另外嗌咗$10腸粉多甜醬多麻🤤腸粉好滑熱辣辣🥰仲叫咗芝士腸配秘製辣汁，個辣汁真係冇得輸芝士腸食得出係金妹❤️豆漿好飲

我諗如果唻過葵涌廣場嘅人都唔會唔知道孖寶車仔麵依一間舖，歷史非常之悠久！仲記得我第一日過嚟葵芳返工同事已經帶我嚟食呢一間車仔麵，食飯時間永遠都好多人就證明佢有幾咁好味啦。而家因為疫情問題，所以我哋今日下午茶一於就決定外賣，當然少不了緊一定係生菜魚肉啦，價錢優惠，但係份量絕不會少，我最鍾意好香嘅胡椒粉味！另外仲叫咗一份雞翼尖同埋燒賣腸粉，同事都話個腸粉好滑加埋啲醬撈埋一齊非常之有香港風味！呢一間絕對係下午茶或者lunch hour必吃嘅小店！

今日約左朋友黎葵芳行街，行到肚餓就諗起可以去葵廣食車仔麵，同朋友一人叫咗一碗三餸車仔麵，仲加多左一碗小食share。記得呢度嘅豬大腸新鮮肥美口感一流，所以大家都叫咗，朋友仲叫左回鍋肉，正正常常都幾濃郁、五香豬頸肉肥瘦均勻幾有咬口。我另外仲嗌左魚皮餃同魚肉春卷，魚肉春卷肉質新鮮充滿湯汁。魚肉碗仔翅非常足料，有鮮滑彈牙既魚肉嘅加成，成碗碗仔翅更加好食，口感充實。今次食到好滿足，價錢相宜仲食到香港風味，所以想食個平靚正下午茶就一定要黎食。

去完葵涌廣場SHOPPING ，要搵個地方醫肚，見到地下果層有個人來人往的車仔麵檔, 於是入去湊下熱鬧諗番都已經好多年無食車仔麵, 一於懷緬一下個餐牌係秘笈造型, 裡面圖文並茂，簡單清楚, 值得一讚睇完就係餸紙上揀，目測都有成50款餸, 好多選擇.我叫左個秘製汁生菜, 鹵水豆腐, 麻吉燒, 雞中翼手打麵, $57 包埋一杯熱飲. 特別推介雞中翼同鹵水豆腐，雞中翼都幾大隻，肉質鲜明，最怕食D好似擺左好耐的鹵水，唔單止好鹹，D肉仲會有點 “梅”，唔新鮮. 但孖寶可能人流夠多, 雞中翼同豆腐D味都恰到好處，入味得來又唔會太鹹，好好食. 老公就叫左個秘製汁咖哩魷魚, 魚皮餃, 豆卜, 牛栢葉米粉, 佢鍾意咖哩魷魚同埋牛栢葉, 貪佢夠爽口, 又唔會韌. 我地兩個都好開胃, 食完四餸麵仲叫多個腸粉$10包底. 個芝麻醬同芝麻都好香口, 飲埋杯熱菜蜜好飽足.

行完葵廣覺得餓餓地，就去左呢間食 dinner😉～🌟三餸麵(牛肚、牛柏葉、咖喱魷魚，秘製汁，手打麵)牛肚有咬口，牛柏葉爽脆😍，咖哩魷魚另上，但唔記得影相😂，魷魚份量偏少，但夠彈牙，咖喱亦夠香👍～秘製汁甜甜地，幾特別😆！手打麵好似上海麵咁，粗粗地，麵質軟硬適中😉🌟爽滑腸粉&辣魚蛋腸粉幾滑🤩，魚蛋係陳皮魚蛋，好香，好彈牙🥰

好幾次叫外買都比少餸，成日比少啲貴價餸，冬菇呀！翼尖呀！豬腸果啲，講真價錢唔平，叫4個淨餸收我68蚊，試過叫兩碗，兩碗都少左餸，其中一碗叫五個餸，比得兩個餸我都得，有次我即場開嚟對下啲餸，廚房個姐姐即時好大反應話得啦得啦，叫佢拎嚟返入嚟啦，睇嚟都係慣犯。

唔知大家覺唔覺得 依家越嚟越少 #車仔麵 而新開嘅車仔麵檔亦越嚟越靚以前二、三十蚊就有兩餸、三餸 依家起碼要五、六十🤑而 #葵廣 地下呢間車仔麵 就貼地好多#下午茶 時間仲由$48➡️$42 #三餸一麵 包熱飲其後每款餸+$9#手打麵好似食油渣麵果啲厚身上海麵#秘製汁唔辣 又唔係滷水汁 又唔係沙嗲 我麵唔知係咩 不過幾惹味#豬大腸好肥 有陣陣豬大腸嘅香味 滷水都炆得夠腍夠入味#牛肚呢個幾好味👍🏻 雖然都係滷水炆#雞翼尖 滷水好難整得唔好食架喎 而且都起碼有六、七隻#花枝條有點失望😔我以為係腐皮炸果隻點知原來係好似魚肉咁 不過變咗花枝咁我想食果隻叫咩呢🤷🏻‍♀️#牛柏葉正常水準 不過白灼 所以冇咩味#鳳爪幾腍又入味 而且有幫佢地剪腳甲架🤣🤣#生菜 本身冇跟菜 想食菜要另叫#水魷魚 （額外+$3）都係白灼 但灼得耐咗 所以有點韌🥺我地兩個人share食 所以先KO 到咁大碗😂但好滿足🤣🤣另有 #小食 可散叫#燒賣 $10/5粒魚肉燒賣嚟嘅～#牛肉 $10/2粒牛肉球 酒樓水準 仲有～記得要試佢地嘅 #菜甫 有辣冇唔辣=====================#懲罰 #黃色經濟圈 #yellow

去 #葵涌廣場 除咗掃街之餘 係地下果層有間 #黃店 #車仔麵 可坐底慢慢食仲要有 #下午茶 #三餸麵 $42 包飲品 #凍飲加$3 #油麵 食車仔麵緊係要食油麵啦😉#腩汁 最穩陣之選 去邊到食都係😂#蘿蔔 估唔到有食5、6舊 #冬菇 炆得夠腍 夠入味#牛腩 清湯腩 唔會好肥#牛肚 佢忘記咗🤦🏻‍♂️記得要check單另外散叫咗 #小食 #雞中翼 $22 有五隻 （睇menu相得四隻 賺咗✌🏼）滷水炆得好入味 又夠大隻#值得一試 #芝士腸 $13 有五條#香港美食 #葵芳美食 #葵芳黃店 #港式車仔麵 #hongkongfoodie #hongkongfoodblogger #hkig #followandfollow #hkfoodie #foodblogger

平時行開葵廣離不開都係掃街，但果日真係肚餓到暈，拿拿聲坐低趴返碗車仔麵先🥹三餸車仔麵套餐 $48我地叫咗粗麵配上豬紅，豬大腸，雞中翼，粗麵嘅麵質都唔錯，餸嘅份量都適中，豬紅爽口滑身，豬大腸都幾入味，雞中翼嘅Sɪᴢᴇ都唔算細隻，肉都幾嫩滑😆五香牛什 $30/碗呢碗牛什好足料，份量好多，自動有埋甜醬同芥末醬，呢個位真係加分👍🏻👍🏻 每款都做到好入味，牛肺同牛肚相對出色，蘿蔔就梗加唔洗講，一定要食🤤 勁入味又無渣👍🏻 墨魚條碗仔翅 $25呢碗好有驚喜，係好傳統港式嘅碗仔翅嘅味道，配料一樣無手軟，冬菇絲，木耳絲滿滿一碗，墨魚仔就爽口彈牙，墨魚味好濃，比起食魚肉翅多咗一份開心嘅感覺😆 唯獨今次呢碗就比較稀咗少少，稠返啲就更好喇😗5粒為滿分味道 ⭐️⭐️⭐️性價比 ⭐️⭐️⭐️⭐️餐廳地點 ⭐️⭐️⭐️餐廳舒適度 ⭐️⭐️⭐️翻喫指數⭐️⭐️⭐️

葵芳嘅葵涌廣場一直都係一個偉大嘅地方而且裏面還有一間人人都認識嘅良心小店一間良心小店自然服務都比較細緻今日淨係嗌咗一隻雞髀同埋一碗碗仔翅滷水雞髀連同一隻膠手套 咁就唔使怕污糟食得開心啲講開隻滷水雞髀 真係冇得頂 夠晒入味而且一咬就好容易將雞俾肉咬離開骨頭證明時間同埋實力嘅保證另外嗌咗一個碗仔翅加上墨魚滑淨係聽個名都知勁啦事實上亦都係非常好食依度仲有好多好多唔同嘅地道嘢食真係日日嚟都唔怕厭係咁以影吓張餐牌都吸引死人而且性價比非常之高難怪不斷擴充營業越來越多座位這些人間美食千其唔可以俾佢消失多多支持

.車仔麵一直係香港美食 上星期去行葵涌廣場見到地下有呢間孖寶車仔麵 仲有我最愛嘅瑞士雞翼 即刻二話不說入去食！.同朋友叫咗兩碗四餸車仔麵 麵底有好多選擇 我揀咗米線 豬大腸 魚皮餃 雞中翼 腸仔雞中翼果然浪不虛名 甜甜地又咸咸地嘅瑞士汁 非常入味 雞肉肉質嫩滑 魚皮餃皮薄 大大粒 成碗車仔麵勁吸引 加咗腩汁同葱花更出色.朋友就叫咗雞腎 雞翼 麻吉燒 鹵水豆腐幼麵麻吉燒入面係包住煙韌麻薯 口感特別雞腎爽口 鹵水豆腐好入味 吸晒湯汁食最正👍🏻幼麵彈牙 麵底都唔少配返杯凍檸茶 夏日炎炎 即刻gur返啖氣😋掂呀！

平凡日子嘅放工生活，平均每個星期有兩次都食車仔麵，而我哋特別鍾情呢間孖寶秘笈。坐低自己畫底圈好食乜，三餸車仔麵加熱飲，$48，性價比之選。我嘅選擇係牛丸蟹柳包心蟹子丸，配腩汁米粉加辣菜譜。呢啲堪稱小朋友都鍾意食嘅丸類，或者係打邊爐必落嘅餸，冇錯我就係鍾意佢簡單方便，佢嘅腩汁米粉👍🏼好索湯，包心蟹子丸好推介呀，睇下入面嘅橙色蟹子先😍，牛丸彈牙牛肉嫩口，辣菜譜要讚，同埋必落㗎，會令米粉生色不少！蘿蔔雞中翼牛腩米線🍜(腩汁)，蘿蔔配腩汁索晒啲汁，係非常符合大眾口味。當然唔會令你失望啦，又林又多汁嘅蘿蔔👍🏼，雞翼嘅滷水好入味，肉質滑身軟林林，有啲似小時候野餐，屋企會整嘅滷水雞翼，好有回憶嘅經典小食。牛腩唔會太肥，仲有少少牛筋添，係骨膠原呀，正。😀小食我哋叫咗$10燒賣，$10魚蛋，個燒賣好好食😋，配埋秘製辣椒油，地道香港特色。魚蛋雖然揀咗唔辣，(好彩)，就算話唔辣，佢本身嘅汁都有已經有少少辣。唔可以坐喺小店，享受街頭美食，樂也！三餸麵會送一杯熱飲我叫咗熱檸茶，朋友叫咗熱華田。總結，食咗地道香港街頭美食，車仔麵同埋掃街食物，性價比好高，貼地平民嘅美好日常。