孖寶車仔麵

營業中

休息中

💛良心小店 孖寶車仔麵葵廣向來都係尋食既地方 主打都係街頭小食 或者飲返杯手搖葵廣地下既車仔麵都不容忽視 良心黃店就不在話下車仔麵主打地道 食物夠貼地 腸粉魚旦雞脾 乜都有葵廣真係人流好旺 夜晚6點幾去到孖寶車仔麵 都已經有九成滿座不過都好快已經搵到位坐低食似係街坊生意多 見到店員同食客有傾有講環境就大排檔路線啦 唔會係靚靚西餐卡位熱鬧之中都有人情味三餸車仔麵 $48美味程度：⭐️⭐️⭐️⭐️揀左豬頸肉 咖喱魷魚 魚肉春卷咖喱魷魚係另上, 爽口彈牙 可能想咖哩汁都唔會俾個湯麵溝淡 豬頸肉口感幾厚實 食落去有香口有肉汁魚肉春卷幾特別 薄薄地 入邊有魚肉 口感頗軟身自家製辣菜甫真係一定要加 加完之後將個麵昇華左牛雜 $30美味程度：⭐️⭐️⭐️⭐️非常足料 滿滿一大碗有幾舊蘿蔔係底 牛肚，牛腸、牛肺 都可以食到炆到好焾 而已又入味呢檔牛雜味道偏甜 凍檸檬茶 +$3茶記正常檸茶味🍴整體評價：價錢合理既平民車仔麵 食一個三餸麵唔洗50蚊份量都充夠 餸既味道都好味推介指數: ⭐️⭐️⭐️⭐️⭐️

今日黎葵芳行街，諗起好耐無食葵廣既孖寶車仔麵所以同朋友一齊黎食3餸麵套餐 $48秘製汁油麵- 牛腩👍🏻 口感軟嫩，肥瘦適中份量十足- 五香豬頸肉👍🏻 大件兼有咬口帶點肥美-魚肉春卷👍🏻雖然唔算好厚身，但吸左啲湯汁，令到食個時多汁入味3餸麵套餐 $48秘製汁油麵- 豬大腸👍🏻肥厚兼有咬口，份量都多- 咖喱魷魚 雖然係凍食，今次好似偏凍感覺爭少少，但味道係ok的- 沙嗲牛肉👍🏻 (+$4) 沙嗲味非常濃郁，肉質嫩滑凍飲 +$3, 送熱飲仲嗌左金牌碗仔翅 $20大大碗，足料味道夠，必食既港式小食

今日同好姊妹來到葵芳行街久一定要嚟食邪惡車仔麵！這裏是車仔麵十分有水準！食材好，豬皮，豬大腸，豬頸肉，牛肚，蘿蔔，咖喱魚蛋，粗麵，米粉😋，樣樣餸都好味！五香肉丁份量十分滿足！超讚👍🏻！熱奶茶同凍奶茶個茶底都好靓，奶茶香濃入口絲滑😋😋確實有D料到！個腩汁湯底簡直十分野味。食完冇口渴的感覺！老闆服務態度好！一定會再光顧！👍🏻👍🏻👍🏻👍🏻Came here for a quick bite and this place never disappoint ! Their Hong Kong style milk tea and their noodles with toppings are simply one of the best I’ve ever had ! Will definitely revisit !

葵芳車仔麵一向出名 今次決定再去潮聖 叫左3餸加腸粉 有蘿蔔雞翼魚腐 好入味 尤其是係個蘿蔔吸晒湯底嘅精華 雞翼個滷水汁都好正 一隻接一隻咁食唔停 魚腐索哂腩汁 真係好滋味滷水雞髀估唔到可以好食到咁 大大隻朔晒啲滷水汁但係唔會太乾太靭 咬落去啖啖肉咁 好食到平時唔食皮既我今日都破戒食埋佢 車仔麵都有呢個質素真係無得輸 另外果腸粉都好好食係香港地道街頭小食嘅滋味 最後叫多隻糯米雞入邊又有多隻雞翼好開心仲有其他料都好足㗎譬如有臘腸等等 其實佢仲有好多選擇 下次會再試埋其他

我同男朋友一共叫了兩碗車仔麵。一碗點了粗麵拼蘿蔔，龍蝦丸，魚皮餃，咖喱魷魚，湯底腩汁，另加小辣孖寶辣汁值得一讚龍蝦丸入邊有小魷魚爽口彈牙，咖喱魷魚亦十分爽口，蘿蔔鮮甜軟綿綿。喜歡加辣菜脯放入湯底。而男朋友叫了米粉拼豬紅，墨丸，牛腩，魚肉春卷，湯底腩汁。值得一讚魚肉春卷彈牙美味，墨丸爽口，牛腩軟綿綿。整體以車仔麵來說很足料，價錢合理，三個餸套餐$48送熱餐飲，而每一款餸只需加$9起。如果想喺葵廣快食一個餐，可選擇此店的車仔麵呀。

今日和朋友去葵芳交收，突然落大雨，立刻跑入葵涌廣場避下，見到一家食肆收銀前企左好多人，有的等位、有的等外賣，也有排隊比錢，那食肆原來是孖寶車仔麵 ，咁多人幫襯質素同味道應該唔錯，剛好是晚餐時段，我和同事都想試試！急不及待已經加入等位行列，不需數分鐘已經有位了。食店提供多款港式小食，車仔麵也有不少餸選擇！腸粉配搭濃郁醬料，口感軟潤爽滑，色白甘香，不肥不膩，老少皆宜。滷水雞髀肉質嫩滑，重好入味。剔紙仔揀咗自選3餸車仔麵套餐，雞中翼、豬大腸、菜肉雲吞和幼麵，配秘製汁、腩汁、蔥花。車仔餸份量十足，三餸已經蓋滿整碗麵，雞翼嫩滑，豬大腸帶少許脂肪，味道咁香，菜肉雲吞足料。秘製醬汁是湯底的靈魂，加埋腩汁更惹味，幼麵份量夠多又爽口。豬皮、豬紅、豬大腸和幼麵，配秘製汁、腩汁、蔥花。豬皮爽口，豬紅滑嘟嘟，豬大腸比較有嚼勁，但不硬，口感咸香， 車仔餸味道濃郁入味！十分美味！凍咖啡熱阿華田自選3餸車仔麵送熱飲，凍飲只需加3蚊

好耐無行過葵湧廣場啦🤩行完街買完野就緊係醫肚啦🤩孖寶車仔麵，除咗車仔麵外仲懷舊小食架❤️第一時間緊係叫車仔麵，仲係下午茶時間仲係42蚊三餸車仔麵‘抵’魚旦魚皮餃牛柏葉幼麵配腩汁唔講得少下午茶都勁大碗，魚旦彈牙，牛柏葉爽口入味，魚皮餃好大粒，唔怪得之咁多人排隊啦👍貢丸咖哩魷魚魚肉春卷油麵+3蚊配沙爹汁咖哩魷魚好入味好爽彈，魚肉春卷好味道喎😁最正係我至愛嘅貢丸大大粒仲係香姑貢丸正呀👍沙爹汁好有沙爹味，加埋店內獨有嘅辣菜甫super yummty😋😋仲叫左爽滑腸粉同碗仔翅啊腸粉望落去都已經係知道好滑啦，woo食落去真係好滑呀👍10蚊三條抵呀❤️碗仔翅估吾到咁大碗👍真係食唔哂😅超入味👍但係喊咗啲😅真係好好味👍👍估唔到車仔麵檔都有咁多懷舊美食架❤️好正呀下次一定要再嚟買野同埋食野😁😁孖寶車仔麵地址：葵芳葵富路7號葵涌廣場地下A15號舖

今日黎到葵涌廣場搵食，當然要食由細食到大既孖寶車仔麵，價錢實惠，選擇眾多，而且乾淨衛生，近年大玩懷舊老香港🇭🇰裝修風格，別有一番風味。3 餸麵套餐（HKD48)附送熱飲: 滷水雞翼+ 咖喱魷魚🦑+ 花枝丸配米線加秘製醬汁。米線份量大，大大碗食完都幾飽，湯底正常，必定要加秘製醬汁，香好多米線吸曬湯底精華。滷水雞翼醃得好入味，肉質嫩滑而且香濃入味。咖喱魷魚掛滿咖喱醬汁，夠曬惹味，食落爽彈。花枝丸有魷魚顆粒係入面，食落正常。3 餸麵套餐（HKD48)附送熱飲: 沙爹牛肉+ 牛丸+公仔麵🍜：沙爹汁香濃細滑，花生🥜香味濃郁比較濃稠，帶起公仔麵麻油香，忍吾住外加多一份沙爹牛肉，毫不吝嗇的大大塊牛，沒有一點鬆肉粉，食落嫩滑吾鞋口。牛雜（HKD 30):非常足料，大大碟牛雜，明明已經有數舊蘿蔔墊底但都有一堆牛肚，牛腸、牛肺等，沒有一點異味，炆得好焾又入味，配埋蕃茄汁同芥茉醬，提升整體牛味。重點嗜辣者一定要加其自家製辣菜甫，香辣得黎增加咬口。總結：平民良心小食店 葵廣車仔麵首選

喺葵芳想食車仔麵嘅時候，孖寶車仔麵幾時都係我嘅首選，最鍾意佢嘅手打麵同滷水配料，而且性價比高，$48可以揀三款餸仲包埋嘢飲，飲開佢嘅凍檸茶茶底靚、茶味香～今次揀咗豬頸肉、牛雜同滷水鳳爪，一樣份量足，豬頸肉大大塊有嚼勁，牛雜同滷水鳳爪煮得好淋好入味，加$3要埋佢嘅辣汁令到成碗面嘅湯底更有層次。朋友讚豬紅蘿蔔一樣炆得好入味，如果唔想食湯麵嘅朋友仲可以配腸粉添。呢度嘅燒賣、魚蛋、魚肉碗仔翅味道正宗又足料，絕對係葵廣快食之選～

去開葵芳整啲野，搞掂完餓餓地就黎左呢個平民商場食晚飯，六點幾已經人頭湧湧😮我叫左個車仔飯，配料選擇多到眼花撩亂，結果點左五個餸🙈😂❤️蘿蔔 冬菇 雞腎 五香豬頸肉 生菜 配秘製汁少飯 跟熱檸蜜 蘿蔔好大舊，夠淋清甜無渣😋冬菇幾入味，唔會太薄，口感唔錯👍雞腎係帶少少淋唔係爽口果種質感，但唔會鞋口，調味適中唔會過鹹～五香豬頸肉香料味突出，食落超香口！！肉質彈牙，有驚喜！🤤熱檸蜜足料，跟餐唔駛加錢👍👍呢度有飯有麵有小食，價錢親民，店員服務仲好殷勤💯 絕對係葵廣可以坐低堂食一個非常唔錯既選擇😙

葵涌廣場多平民野食出哂名 呢間車仔麵長期大排長龍 今日一定要試吓佢咩料叫咗個腸粉底 有蘿蔔雞翼生菜 仲有另叫左雞髀 同埋腐竹蛋糖水個腸粉好滑 加左麻醬 甜醬同埋豉油真係超級好食 喺香港嘅特色街頭小食風味 香港既味道呀 另外雞翼滷水汁忟得好淋好入味 就咁食已經好惹味 蘿蔔吸哂個腩汁真係冇得輸 雞脾大隻到可以同朋友share 啖啖肉都只係廿蚊 糧尾真係靠哂佢拯救世界 最後食埋個腐竹雞蛋糖水真係perfect match 其實佢仲有好多嘢食嘅選擇 但係一個人食唔晒咁多 下次要再試埋其他 終於知道點解佢大排長龍 價錢經濟貼地 真係會食極都唔厭

葵涌廣場地下地下有間幾十年好出名既車仔麵檔孖寶車仔麵😋👍因為平、選擇多食物水準保持得很好👍🏻值得再食下次小食選擇多兩餸車仔麵味道好價錢$4x非常實惠 車仔麵好多選擇 仲有我最愛嘅超入味滷水雞中翼 生菜🥬蘿蔔 腸粉底 我個腸粉冇得彈啲醬汁配合得剛剛好 係生菜份量少咗啲燒賣 生菜🥬沙嗲汁出前一叮麵 讚👍🏻沙嗲超濃超惹味帶起左成碗麻油麵香味 滷水雞髀🍗 滷水汁調得很好味😋外皮及雞髀肉入味 估計係長浸滷水汁入面 完全吸收滷水味道推薦

好耐無去葵涌廣場行街了~~現在開返堂食，葵涌廣場真的開始多返人氣，同honey再去哩間永遠都咁多人食的孖寶車仔麵我同honey去到，點左佢的三餸麵餐，另外點左兩支豆漿同埋一申陳皮魚旦，另外最吸引系佢有的菜脯，仲要任食，真的食車仔麵的小幸福，牛腩蘿蔔辣魚旦米線牛腩蘿蔔辣魚旦米線，honey過d牛腩都keep到好食，另外蘿蔔又大舊又甜，真的好入味，另外米線內都會有少少生菜，魚旦真的好好食~~雞翼尖蘿蔔牛肚油麵我都點左蘿蔔╴四大舊真的好入味好多汁，同honey唔駛 爭，另外牛肚好林好入味，油麵真的我食車仔麵不二之選，另外雞翼尖都好夠味，加埋菜脯真的好多口感套餐一支加3蚊的豆漿，食車仔麵真的唔少得，魚旦honey忍不住點左單份魚旦，辣魚旦真的唔錯，哩間車仔麵真的keep到水準，下次去葵廣真的要食佢d車仔麵先~~`

女兒之前係葵芳返工，常常稱讚葵涌廣場內一間孖寶車仔麵超好味，同事們常常光顧，今日同老公咁啱嚟到，一定要去試吓先！麵店堂食空間雖然不大，但地方整潔乾淨，幾位阿姐都招呼週到。除了車仔麵外，還有其他的，諸如豬腸粉，生菜魚肉和碗仔翅等等！孖寶招牌麵：講得招牌麵當然要試吓！餸菜相當豐富，豬紅、豬皮、魚旦都好入味，豬腸洗得乾淨，林度啱啱好，蘿蔔清甜可口，幼麵爽彈，配上秘製醬汁非常惹味！車仔麵還有自選三餸套餐，如果想豐富一點可加多幾餸，豬皮、豬紅和豬腸配幼麵係我食車仔麵必選，今次加左孖寶秘製醬汁和腩汁，味道的確與別不同，越食越好味！凍咖啡都夠濃郁！再叫多個魚肉碗仔翅：，材料包括冬菇絲、肉絲、粉絲和等好足料，湯底香甜，加埋魚肉好彈牙，添加一點醋和胡椒粉，惹味非常！

今日成5點先食lunch🥹 一落shuttle肚餓到😂 見到孖寶車仔麵就狂叫😂 下午茶餐 (三餸配腸粉 凍鴛鴦 $45)三餸有五香豬頸肉 豬紅 醬爆肉丸😆豬紅真係好有口感，唔同其他好淋，好煙煙韌韌咁😋最中意食呢間🤪 五香豬頸肉好林，油脂分泌平均(好似講到食緊牛咁😂) 有餡料嘅肉丸依家好難搵，街市都好難買到生菜🥬墨魚條湯 $25 - 同魚肉湯唔同，有啲似食緊條形嘅墨魚丸，幾得意，第一次食😆燒賣 $10 - 7粒，好抵食😆