孖寶車仔麵

營業中

休息中

👈🏻孖寶車仔麵#japjapjap_葵芳#japjapjap_港式招牌孖寶麵 $48一碗就有齊食車仔麵必叫嘅配料💛蘿蔔又淋又甜又多汁豬皮吸晒湯底嘅精華雞翼大大隻 滷得好入味豬大腸一啲都唔腥豬紅滑嘟嘟陳皮魚蛋較為實淨記得一定要加菜甫一齊食好脆身又香👅👅墨魚條碗仔翅$25小編大推介🤩🤩超級足料嘅碗仔翅質感稠身 口感十足依家加埋墨魚條真係無得頂😍墨魚條墨魚味超濃郁又彈牙超正吖💕五香牛雜 $13超抵食嘅牛雜仲要好好味🥰以為$13一串都已經好抵食點知上枱係一碟😂真係wow咗一聲韭菜大腸豬紅湯 $26胡椒湯底超濃郁好暖胃🤗豬紅有咬口 唔會一夾就散大腸好彈牙 而且好乾淨韭菜亦都唔會話有渣唔錯唔錯😁Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟🌟📌環境：🌟🌟🌟🌟📌服務：🌟🌟🌟🌟

_____好味指數：🌟🌟🌟🌟抵食指數：🤑🤑🤑🤑做野耐咗到好晏先食到飯，本來諗住簡單食啲嘢然後就經過呢間餐廳，原來除咗車仔麵仲有好多小食！坐低就掃到街感覺就係好✅三餸麵下午茶時間只係$42！而且有好多配料揀，我會建議揀最索湯嘅，因為佢哋嘅秘製汁真係幾惹味✅滷水雞脾好大隻又入味嘅雞脾，肉質軟嫩，不禁就咁拎起咬✅魚蛋燒賣每樣各一份，平時行街最常叫嘅小食，今次可以坐定定食都幾好～✅鳳爪都幾多隻，鳳爪咸香味濃，再帶點甜味，不錯✅魚肉碗仔翅大大碗夠豐盛，魚肉彈牙碗仔翅香濃，再加埋自製辣菜莆更加開胃

有齊生菜魚肉同腸粉燒賣等小食嘅舊式車仔麵店真係買少見少！呢日同男友去葵廣行完街搵野食，見到地下呢間車仔麵店有呢啲學生年代小食，就決定懷舊一番！ 🧡蘿蔔+咖喱魷魚+醬爆肉丸+腸粉（$48）車仔麵餸可以併腸粉比較少見，一次可以滿足兩個願望，讚！咖喱魷魚同蘿蔔真係一見到就想叫，呢個價錢嚟講份量都幾多，蘿蔔無渣，魷魚嘅咖喱汁味好夠，正！ 🧡冬菇+牛肚+包心蟹籽丸+粗麵（$48）麵底選擇咗撈粗，而汁就選擇咗店員推介嘅嘅秘製汁。秘製汁係幾惹味，叫撈麵嘅話推介要呢款汁！餸嘅份量同樣好多，牛肚幾香！ 🧡生菜魚肉湯（$20）勁足料嘅生菜魚肉湯，好多魚肉條，絕對大飽口腹！ 🧡熱奶茶（跟餐$Free）好老式茶記嘅奶茶味，茶味非常香濃，好醒神，爽！ 🧡熱檸蜜（跟餐$Free）檸蜜就一般正常，同平時出面一樣！

一講到葵廣，好多人都會諗起掃街美食或者係立食天堂，因為二樓同三樓都好多特色小食外賣店😆但對於街坊黎講，地下唔少餐廳先係真正既平民美食😎其中我最鍾意食既就係孖寶車仔麵😍因為可以有無限既可能性，有幾十款配料搭配近十款麵，仲有其他滷水小食📕以前中學lunch或者放學踢完波都鍾意過黎食仲記得當年佢同隔離輕鬆一下都係主打港式小食，競爭幾大💃阿姐都好積極招徠客人，經過反覆疫情下，得返孖寶屹立不倒，證明係一間出品有保證既良心食店💛🍜三餸車仔麵 | $48今日揀咗黑椒牛丸、麻吉燒同魚肉春卷，配上腩汁底撈手打麵😛牛腩汁香味十足，黑椒牛丸好彈牙，麻吉燒煮得啱啱好，入面幾煙韌拉絲，魚肉春卷就濃味d😄🍗滷水雞脾 | $20最掛住呢隻滷脾，大過我隻手掌🤚滷水味道甜中帶鹹好惹味，肉質都幾嫩滑，咬落啖啖肉😋

今日同女朋友黎到葵廣搵食係地下樓層見到好多間車仔麵店經過呢間香味特別香就俾佢吸引左，決定入去試下！餐牌好多選擇，車仔麵既配料有成20多樣其他牛雜，碗仔翅都好吸引燒賣燒賣口感煙韌，無蒸到淋哂值得一讚，係我喜愛既口感加上辣椒油，好香口滷水雞翼份量好多，好抵食雞翼醃得好入味，咸度剛好外皮吸收哂醬汁食得好滋味牛雜牛雜做到好好，完全無腥味食得出係新鮮食材咬落有彈性同好入味大碗抵食，推薦！韮菜大腸豬紅湯湯底係胡椒湯，好香濃好有誠意大腸洗得乾淨，可以放心食

車仔麵一向屬於平民美食，可是個人對車仔麵的要求實不算低。味道固然是重要，但地點、份量、款式選擇、價錢也是很重要的考慮因素。.葵廣的孖寶車仔麵算是在家附近一家比較貼地、抵食的車仔麵檔。大愛他們的秘制醬汁，是車仔麵的靈魂，所以經過時經常心思思來碗快麵。菜單選擇算多，連一般茶記才有的煎物：例如煎蛋、香煎餐肉也有做餸，選擇不少。而除麵食外，還有飯餐選擇，另外還有各款傳統街頭小食、中式糖水等等。算是一個比較多元化的平民食檔。.作為老字號店，價錢亦合理所以經常性人生人海，外賣的人也不少。.選了✿ 紅腸、牛腩、滷水豆腐、生菜油麵 + 腩汁.✿ 醬爆肉丸、菜肉雲吞、辣魚蛋、雞腎出前一丁 + 秘製汁.三餸💲48 + 一餸💲9 已包茶記基本熱飲品。價錢也不算太貴。.檯面有齊辣椒油、菜甫和辣菜甫。餸的份量不少，滷水豆腐很入味而細粒的辣魚蛋也出色。.不專業食評 IG nei.foodie

平時去葵廣都係去三樓掃街，今日下晝有啲肚餓，去咗食咁多年都咁多人嘅孖寶車仔麵，好彩下午茶時段，唔使等位車仔麵嘅餸一定要好食就唔使講，而我一定會嗌嘅係佢哋嘅秘製汁同沙嗲汁，另外我仲會叫一個沙嗲牛肉，都只係加$4 ，佢就會另外比一碗沙嗲牛肉你，我會將啲牛肉夾咗落湯之後就將d麵夾落隻碗仔度，呢個根本就係港式嘅沾麵🥳另外我鍾意佢哋嘅辣菜脯，其實本身我唔係好好辣，佢個菜譜就係少辣，唔會個辣味搶哂菜脯味，仲有菜譜嘅鹹鹹甜甜雖然冇幾年冇嚟食，而家返嚟食，感覺返晒嚟

叫左碗仔翅多菜脯結果一粒菜脯都冇😢😢燒賣又唔俾豉油🥺🥺番到屋企見到真係好唔開心，唔知究竟係邊度出現問題，希望下次幫襯唔會再有呢啲野發生。明明唔算好多人。

今朝葵芳工作於是問吓社交平台大神葵芳有乜嘢早餐好食，有個朋友就話葵涌廣場地下嘅茶餐廳，另一個朋友就話葵涌廣場地下嗰間孖寶，於是就揀咗呢一間試吓。我朋友話佢孖寶一定要食炒米粉但係好快賣晒，果然真係，於是我就叫咗炒麵同熱奶茶，後尾睇睇下見到佢個腸粉都幾平， $10有三條，於是要埋。佢個炒麵份量比較大，係炒公仔麵嚟嘅，吵得唔係咁乾身不過味道還可以。腸粉味道都OK，不過太多豉油浸住搞到味道偏鹹。杯奶茶都唔錯，整體味道一般不過價錢真係平。

呢間孖寶車仔麵真係由讀書時期食到依家😌到出嚟做嘢之後都好少過嚟葵芳，難得嚟到就諗起呢間車仔麵，就嚟食下先😋車仔麵係必食，第二係滷水雞髀🍗🤤好貪心地叫咗四餸一麵😆分別係豬腸、蘿蔔、水餃、牛栢葉加杯凍檸茶😙加多一隻滷水雞髀😍好少地方有滷水雞髀，通常都係炸雞髀多，每次食見到有都會必點，好貼心地有埋膠手套，方便進食👍🏻下次嚟都係會照舊食返經典車仔麵的😍再encore其他款式，例如咖喱魚蛋、咖喱鮮魷魚(店姐姐極力推介)都不錯的🤗

葵涌廣場買嘢 行到好肚餓就落左黎食 #孖寶車仔麵🤩 黎呢間舖頭就梗係食車仔麵同埋牛雜🤭呢間嘅內臟都煮得好出色 成日都好多人排隊而且好多個舖位喺度 唔使點等 但係都好多人😂😂車仔麵 $78我叫咗個4餸車仔麵 牛腩 魷魚 牛筋可能我叫咗幾個餸嘅關係 所以佢返左兩碗上係超級大碗 主食啲餸都好足料依家材料貴咗咁多 俾足真係好難得😚牛雜$30出面好多地方食牛雜都係得少少你睇幅相就知唔係吹水 真係超級大碗完全係諗緊佢會唔會賺錢😂😂牛雜都幾新鮮！

牛雜 $30 我係超鍾意食牛雜，但係覺得牛雜好貴，通常細細碗都要$50，好唔抵食。但係呢度出名牛雜係大碗又抵食，所以叫咗兩碗食返夠本😝 有牛肺 牛脷 牛肚 都煮得十分入味，配埋甜醬，簡直係人間美食🍀牛脷得夠淋身又夠粉，真係好正😘車仔麵 我自己揀咗牛腩、魷魚、牛柏葉、豬肚，可能係咪嗌得太多餸所以老闆娘就分開兩碗上，喺度諗佢咁大碗其實會唔會賺到錢呢😂😂😂啲餸好入味，又有新鮮。米線米線夠滑或而且唔會過淋！連湯底都好有牛味😙豆腐豆漿係低糖豆漿🥰

Craving for some local street food but don’t want to break into a sweat on the streets, and that’s when i found this!🐷overall: 7/10🍜HK Cart Noodles The Kwai Fong shopping mall has always been known for good local snacks. I was craving for some siumai and fishballs but found that there are actually not much choices, and not even one that can let you sit down and enjoy except this restaurant. They mainly sell cart noodles which you can randomly choose 3 free ingredients from a long list. They also

令人懷念的港式風味😋😋食得其他國家既餐廳多總係會心郁郁想食翻餐地道野車仔麵港式小食絕對係我嘅首選魚蛋燒賣腸粉牛雜咖喱魷魚….通通都係香港人嘅一個情意結😍就好似每次出得遠門耐又會掛住香港嘅燒賣魚蛋車仔麵檔可以一次過滿足你幾個願望今次揀咗成日喺附近搭小巴但次次都趕頭趕命無坐低食嘅一間佢就係位於葵芳美食之都葵涌廣場地下既孖寶車仔麵=====================今次一行二人每日叫咗一碗三餸車仔麵餐再加左廿蚊燒賣魚蛋第一碗係我既麵底揀咗米粉車仔餸叫左1️⃣秘製牛什-》呢個份量十趴，有成七八舊餸，牛腸，牛肺，牛蒡，牛筋都有👍🏻👍🏻👍🏻2️⃣水魷魚-》口感爽脆，有四舊3️⃣滷水雞腎-》平時會單點，入味，唔會太薄第二碗係屋企人既麵底揀左粗麵車仔餸就揀左1️⃣魚肉春卷2️⃣咖哩魷魚3️⃣豬大腸下午茶車仔麵套餐配餸熱飲，凍飲加$3魚蛋燒賣真係無論我去到天涯海角熱會好掛住既港式小食陳皮魚蛋彈牙有嚼口燒賣得到燒賣關注組重點會員既我approved🤣有魚肉味，口感有咬口，唔會太淋太粉，連同行嘅屋企人都話好味！

車仔麵絕對係好本土好貼地既香港美食除咗多選擇之外，價錢亦都好抵食陪媽媽行葵廣買完野，腳仔攰又唔想掃街係媽媽既提議下簡咗食車仔麵坐低就比枱頭的「孖寶秘笈」餐牌吸引，枱上仲放左我最愛的菜甫同辣菜甫，令我食慾大振🔺孖寶車仔麵套餐 包3餸1麵+熱飲，價錢幾貼地🔸豬紅+花枝條+牛雜 河粉 $48+4+3 牛雜要另加$4 但份量好多 而且款款內臟都有 用哂花椒、八角調味夠唒入味 食落都乾淨，仲有埋甜甜地既白蘿蔔 花枝條同豬紅都唔錯，豬紅Q彈水嫩，配埋河粉加腩汁 成件事都好滿足+$3轉咗凍檸茶，檸檬片幾厚身，茶底都唔錯🔸豬油渣+魚皮餃+咖喱魷魚+蘿蔔(粗麵)$48+4+9媽媽簡多款餸 (選擇困難𝐦𝐨𝐝𝐞 𝐨𝐧)豬油渣口感香脆 香香酥酥幾好食蘿蔔幾甜又無咩渣咖喱魷魚辣度剛好，好爽彈清湯湯底湯頭唔會太淡，配埋粗麵幾好