孖寶車仔麵

營業中

休息中

葵涌廣場呢兩年係更多新食店進駐🫣 當中經營超過10年嘅黃店孖寶車仔麵相信無人唔識🍜主要賣車仔麵同港式小食😍 佢哋本餐牌幾得意😎係孖寶秘笈😍第一碗揀咗孖寶辣汁小辣🌶 叫左四餸 (雞翼、大腸、牛栢葉、五香豬頸肉) 店家每日將啲大腸洗得乾乾淨淨🥹加啲滷水汁去炆，所以食落唔會有腥臭味，口感軟腍😆 有少量油脂🤤 雞翼醃得入味～肉質飽滿😘 牛栢葉同豬頸肉食落口感彈牙🥹第二碗試左加沙嗲汁😝 都係叫左四餸 (五香豬頸肉、豬皮、蘿蔔、咖喱魷魚) 豬皮食落幾爽口🫶🏻吸收左湯底嘅精華🤓蘿蔔清甜冇喳幾淋身，咖喱魷魚🦑就比較細份，得三四片細細塊咁🥺值得一讚係每枱無限任添佢地自家製辣菜脯😍一定要加‼️ 都幾辣帶咸香好惹味🔥 唔食得辣嘅唔驚😗有原味😛 可以加落車仔麵或者碗仔翅一樣咁好食🫶🏻.(三餸一麵+熱飲) 車仔麵 $42加餸 +$9孖寶辣汁/沙嗲汁 + $3Menu

放假阿仔指定行程「葵廣」- 葵涌廣場係以前我放假或收工時侯，最愛去行街買野、同男朋友拍拖嘅地方。因為又多野睇，又多小食店，掃街又得坐低食又得。最近一年，疫情關係真係極少嚟。今次係因為阿仔好想去，所以陪佢去行下。可能假期，真係超多人。由上而下行到地下，年紀大真心腳仔攰，即刻想搵個地方坐低抖下，順便食的嘢醫肚。疫情要小心起見，都係吾太適宜企係街到食野。即刻搵返以前食開既車仔麵店「孖寶車仔麵」，呢間係食開有感情。睇到本餐牌，真係好攪笑，《孖寶秘笈》睇下今日食乜好。最後叫咗三樣野 share 食。叫咗一碗《孖寶招牌麵》（$48）勝在乜餸都有，蘿蔔、魚蛋、豬皮、豬紅、雞翼。直頭係車仔麵經典配搭。蘿蔔夠淋鮮甜；豬紅滑滑吾會一夾就散；陳皮魚蛋基本野夠爽彈。《生菜魚肉湯》（$20）已經忘記幾多年冇食了。生菜絲爽口，魚肉鮮甜，熱辣辣既湯，混和麻油香，心急大啖食，永遠都會燙傷嘴唇。《墨魚條碗仔翅》（$25）食碗仔翅呢，麻油、醋係基本嘅，仲有最緊要必備嘅就係「辣菜甫」，有齊碗仔翅三調味三寶，呢碗翅就會食到你舔舔脷。吾少得飲品，阿仔要豆漿，膠樽裝衞生方便。我就飲凍咖啡，其實大個飲過即磨咖啡之後，真係好耐冇飲茶

呢日同男朋友行完葵廣，就去朝聖左呢間好出名又抵食嘅車仔麵黃店。舖頭主要做外賣生意，亦都有堂食位置，平時都會見到有人龍㗎，好受街坊歡迎。>滷水雞髀湯麵：大大隻滷水雞髀，雞脾厚肉整到好滑，而雞皮完全冇整爛，有少少油香，滷水味滲晒落去雞脾，鹹味啱啱好，麵底揀咗手打麵，煙韌滑溜好似烏冬咁😋>滷水豆腐：硬豆腐吸哂滷水汁，但又唔會死鹹，$12份量都幾多。>五香牛雜：牛雜完全冇腥味，有牛肚、腸、肺、膀+蘿蔔，煮得腍滑入味，點上少少汁就好好味。>墨魚條碗仔翅：平時多數係魚肉，呢度有彈牙既墨魚條，碗仔翅味道都OK，再多少少料就更好。>腸粉：好耐冇食呢款腸粉，甜醬、麻醬同埋豉油撈埋一齊一定好味😂D醬都好多，超級邪惡，重點係$10有3條，呢個價抵到爛都冇咩可以挑釁。

我同朋友都好中意食港式小食，但帶住口罩掃街真係好唔方便🙈 所以我地黎左孖寶呢度食返夠本，價錢仲要好平！我地叫到成檯都係野食，搞到好似食放題咁🤭⭐️墨魚條碗仔翅 💰2️⃣5️⃣呢度嘅碗仔翅除咗有魚肉之外仲有墨魚條可以揀，相比起黎墨魚條更加彈牙😁碗仔翅質地偏稀，好重麻油味，配料口感豐富😙❤️蘿蔔 ➕生菜💰3️⃣3️⃣蘿蔔清甜無乜渣，唔駛另外加汁都好好食😋生菜純粹要黎扮下健康😂 ❤️麻吉燒，牛柏葉，咖喱魷魚河粉配秘製汁+沙嗲汁 💰5️⃣4️⃣麻吉燒口感煙韌👍牛柏葉同咖喱魷魚爽口，個咖喱好香😋 唔會太辣～河粉唔會碎濕濕👍⭐️支裝低糖豆漿 💰3️⃣跟餐加$3轉，唔甜低豆味都唔算突出，還可以～❤️番薯糖水 💰2️⃣0️⃣超足料勁多番薯仲有一大舊薑！😯薑汁味岩岩好，番薯夠淋，糖水底唔會太甜，圓滿既晚餐😆

係葵廣地下見到檔口時其實幾茫然😂唔係老顧客 個場又大都唔知自己自己搵位坐定點 好彩幾有系統咁會有店員問我地啲濛豬幾位😂唔怕無位坐因為啲位多到遍及幾個攤檔 時不時有人巡 唔驚落單無人理📜除咗寫紙仔點車仔麵外 大家有趣可揭下份menu睇🤣成份玉女心經秘笈咁幾得意 仲可揀下啲港式小食 唔啱粉麵仲有幾款飯 枱頭仲有啲微辣菜脯任加🥢。。。🦔🍜下午茶3餸套餐 $42 連餐飲🍜 👉牛腩、五香豬頸肉、水魷魚(+$4)🥢幼麵底+腩汁下午茶呢個價錢有正常size嘅3餸粉麵再加餐飲算係咁😋以實惠價錢試多幾味！· 我諗有人會judge既然水魷魚要加錢又無乜味 梗係食咖哩魷魚啦 但水魷魚咬落真係新鮮+爽口好多🦑係質感同味道上我會寧願揀前者🤪· 牛腩幾腍 都有好幾件 包埋筋腩！味道尚可 重點係款款餸咁大方真係性價比幾高· 五香豬頸肉都幾大塊 色澤幾靚！質感平庸但食落幾香口 雖然唔係我想像嘅五香肉丁味🤣啱我食因為佢係非正宗的較少油脂邊 但一啲都唔un 浸耐咗湯口感係較蝕章· 無揀生菜都有幾條送喎！· 揀咗幼麵嘅我其實係想重溫舊時食雲吞麵嘅感覺🥴然而結論係…佢麵底都唔少！ 👉牛肚、牛栢葉、 咖哩魷魚🥢手打麵底+秘製汁

同事話葵涌廣場孖寶車仔麵出名好好食，主要賣車仔麵同港式小食，價錢都相當便宜。趁今日有時間，就跟同事去食嘢，睇吓味道如何？腸粉滑溜，混醬後更添美味！魚肉碗仔翅：碗仔翅好足料，冬菇、肉絲、木耳等。湯底夠香甜，加埋彈牙嘅魚肉，真不愧為金牌碗仔翅！墨魚條碗仔翅：將魚肉條換上墨魚條，無論口感和味道都提升左！三餸套餐車仔麵，雞中翼：滷水汁充分滲入雞翼中，非常入味！豬大腸洗得好乾淨，腸內沒有太多肥膏，滷煮得很有軟腍入味。菜肉雲吞皮薄滑溜餡靚 ，粒粒飽滿 。配油麵和秘製汁。個秘製醬汁係自家調製，非常之受歡迎，辣度和甜味調得啱啱好！套餐送熱飲，凍飲加3蚊，凍鴛鴦有咖啡的香味和奶茶的濃滑，棕紅濃香！

要數到全香港車仔麵排行榜 呢間一定榜上有名 呢間出名多選擇 而且味道好 價錢經濟實惠 今日經過呢度一於試吓佢先正值下午茶時間 朋友叫咗一碗車仔麵叫咗米線配秘製汁配料有午餐肉麵筋同埋魚腐加埋熱奶茶都只不過係$42 分量一啲都唔細每一樣餸都有3 4舊咁多 個秘製汁十分之好味 米線爽口彈牙 基本上已經可以當埋晚餐食 而我唔係太想食粉麵試吓佢其他小食 估唔到一樣有驚喜 叫咗滷水雞髀大大隻都只不過係$20 而且啖啖肉 跟住再叫過生菜同埋牛腩 牛腩硬咗少少不過$30又真係物超所值 生菜配咗腩汁好好味 呢度真係抵食之選

最近搬左去青衣 平時都會係葵芳站轉車呢間車仔麵店我讀大專既時候成日都會食啊好有回憶 上星期決定食下睇下有無唔同到先🤤男朋友揀左雞翼 鹵水豆腐同雞腎 配幼麵我就揀左雞翼 豬大腸 生菜 廚師腸 配米線呢度既雞翼係豉油雞翼😍我最愛 甜甜地 入面既雞肉好嫩滑 超入味豬大腸好腍身 份量仲好多！平時食車仔麵最愛加腩汁👍🏻男朋友就話雞腎好爽口好脆 大粒鹵水豆腐好大塊 加左孖寶秘製辣汁 索晒啲湯汁一流❤️再配返2杯凍檸茶 夏日炎炎好解暑店內既店員伯伯服務態度都好好🥰坐得又舒服下星期一定要再去先🤤

葵涌廣場去得多，搵食搵到一間快靚正車仔麵，大家一定要試吓孖寶車仔麵位置0係葵涌廣場地下，原來有好幾間鋪都係佢架，行過時阿姐熱情招待，搵個靚位比我地坐低三餸麵套餐$48仲包飲品（凍飲加3蚊）味道ok, 唔覺有味精，食左唔會口渴豬腸好淋牛腩炆到好入味加埋秘制醬汁口水流腸粉燒賣腸粉好滑燒賣好煙韌，最緊要個豉油加甜醬，Yammy!牛什（大$30 串$13）今次我地叫左個大，好滿足，份量足夠，整體來講都ok,尤其出色係蘿蔔，極之入味！下次要試吓佢既滷水雞髀，見到隔離枱食得津津有味

葵廣多野食就係人都知，車仔面更加係多不勝數。今次試嘅孖寶車仔面就係最底下戈層。$48三餸面套餐+飲品。可以揀嘅面多達10種，而且可以揀嘅餸更加多達48種，仲有好多都唔洗額外加錢。今次就試左雞中翼、午餐肉同埋牛腩。性價比極高。

今日睇完個OpenRice見到佢有入選，以為好勁好好食啦。專登喺其他區搭個鐘嘅車過嚟試期望有少少高嘅預期食完之後比想像中更加感到好失落但係最後幾乎係負數心情食完成餐。首先我揀咗腩湯三餸米線 $43一大個兜三分之二都係個面餸啊肉啊 就得嗰幾片？！玩嘢咩先講個湯汁有味但係勁似公仔麵嘅味道啦。再講個三個餸我揀咗五香豬頸肉辣魚蛋同埋豬大腸第一樣我覺得係比較可選嘅選擇然而豬大腸係煮完可以食嘅味道魚蛋更加唔可以接受完全唔係彈牙得個辣字。。。咁我去你隔離條街嘅小食檔食得仲開心啦。最後就係服務點完餐之後嚟咗第二張枱嘅人佢想我哋轉枱 但係講嘅語氣就好似逼你走咁再者求其將我哋轉左去出邊勁近走廊嘅位置係咪人哋人多 我哋人少就可以咁樣玩。差到千祈唔好當選有害到人地

去葵廣掃街絕對係一個週末拍拖好選擇～但要食飽洗費都唔少重點掃街全程無得坐要企喺度食真係好攰🥲🤓我哋就諗咗一個折中嘅方法，去樓下孖寶車仔麵坐低食吓少少野墊肚再去樓上食甜品同野飲！🤤但一試覺得間車仔麵出品真心超正又好平～一定一定要試！下次就算葵廣就為算唔掃街而黎都可以嚟食下呢間車仔麵！🤤五香牛什 $30🤩落單陣時店員超級貼心問需唔需要醬料，我地問可唔可以另上就話可以幫我哋擺喺碗邊😜絕對無諗過$30會有咁多嘢！抵到～！金錢肚、大腸、蘿蔔、等等，樣樣都起碼四五舊，份量大足超級誇張～沾上一旁嘅甜醬同芥末醬更加惹味🥰重點係樣樣都係軟冧又入味，滷水味十足！超級推介抵食到爆炸～！不過可能因為滷水調味所以食到尾有少少覺得鹹！但真心好食🤤🤤🤤滷水雞髀 🍗$20原隻雞髀滷水味超香～🥰甜中帶鹹地嘅調味滲透雞髀內里，而不單單只得雞皮有味🥰肉質尚算軟淋男易咬😚當然如果再軟啲就更好～但宜家食落都好不錯了！三餸麵套餐 $48全日供應嘅三餸麵套餐連野飲之餘，仲要超多餸任揀，就算係豬頸肉魷魚呢一類較貴嘅餸都唔洗另外加錢！🥰 貪心嘅我地揀咗四餸豬紅、蘿蔔、五香豬頸肉、咖喱魷魚～多一餸都係加9蚊😚😚轉埋出前一丁都係加三蚊🤓另

🔻葵涌廣場行街行到攰，雖然葵廣有好多出色小店，但都想坐底飲杯野休息下，行過車仔麵檔口，被鹵水汁同餸吸引到，就決定呢間‼️🌕 孖寶招牌麵 💲48🌟推薦指數：●●●●●●●●○○孖寶招牌麵［豬紅、蘿蔔、豬皮、魚蛋、豬腸］，車仔麵識食一定食油麵😋落單嗰陣咁啱冇豬紅，店員即刻話比多啲魚蛋你啦😆我當然冇問題啦😆😆😆魚蛋係我最愛既細粒「陳皮魚蛋」‼️‼️香辣得黎又帶陳皮香，真係同menu講既一樣，有香港特色既味道😋豬皮蘿蔔同樣出色，夠入味爽口，又唔會煮到爛曬，蘿蔔無渣清甜👍🏻👍🏻👍🏻🌕 自選車仔麵套餐💲48（3餸）+另加餸每樣💲9🌟推薦指數：●●●●●●●●○○另一碗輕盈啲食米線，餸要左［麻吉燒、咖哩尤魚、豬頸肉、牛肚、生菜🥬］麻吉燒出面車仔麵比較少見，魚蛋入面有麻糬夾心😍，質感香糯Q彈有口感豬頸肉燒得香口😋，無太多油脂，不會太肥膩，可惜掛住影相，被湯浸腍了😝牛肚不過不失，細塊易食，鹵得夠入味，唔錯唔錯☺️咖哩尤魚係另上嘅👍🏻‼️咖哩膽調得香口，尤魚入味之餘保持應有既口感，而且因為另上嘅關係，無溝淡香濃咖喱汁之餘，亦可以先食原味車仔麵後，加入咖哩汁到麵中😋😋另一種味蕾刺激，享受提昇湯麵到不同層次🤩🌕 滷水雞

過咗嚟先知道原來葵芳，都有孖媽寶車仔麵， 不過去咗openrice一check，原來荃灣嗰間已經冇做今日喺餐廳到，搵到之前荃灣孖寶車仔麵嘅感覺，一本一本武林秘笈設計性嘅menu，車仔麵嘅味道 辣菜脯配菜嘅味道 都令我回想起 當日食車仔麵嘅情況今日叫咗三餸車仔麵魷魚肉 ，有生菜，有牛腩，叫左幼面， 一如既往，面嘅味道，帶有太甜味，冇味精，送左杯熱檸水， 餐廳服務人員服務態度唔錯， 一點食物，冇耐就可以食， 所有餸菜都好新鮮另外加配咗白蘿蔔12hkd 5大件， 食落甜甜地另外叫咗20蚊雞髀， 比想像中大分好多另外單點咗一杯豬頸肉油麵， 豬頸肉煮都諗諗地 ，肥瘦適中， 精華嘅地方係要加辣菜脯食， 唔覺唔覺食左10 匙羹，仲有個衝動想叫多一碗再食埋單118hkd， 算經濟餐，60@， 下次會再食， 希望餐廳可以繼續 客似雲來

💛良心小店 孖寶車仔麵葵廣向來都係尋食既地方 主打都係街頭小食 或者飲返杯手搖葵廣地下既車仔麵都不容忽視 良心黃店就不在話下車仔麵主打地道 食物夠貼地 腸粉魚旦雞脾 乜都有葵廣真係人流好旺 夜晚6點幾去到孖寶車仔麵 都已經有九成滿座不過都好快已經搵到位坐低食似係街坊生意多 見到店員同食客有傾有講環境就大排檔路線啦 唔會係靚靚西餐卡位熱鬧之中都有人情味三餸車仔麵 $48美味程度：⭐️⭐️⭐️⭐️揀左豬頸肉 咖喱魷魚 魚肉春卷咖喱魷魚係另上, 爽口彈牙 可能想咖哩汁都唔會俾個湯麵溝淡 豬頸肉口感幾厚實 食落去有香口有肉汁魚肉春卷幾特別 薄薄地 入邊有魚肉 口感頗軟身自家製辣菜甫真係一定要加 加完之後將個麵昇華左牛雜 $30美味程度：⭐️⭐️⭐️⭐️非常足料 滿滿一大碗有幾舊蘿蔔係底 牛肚，牛腸、牛肺 都可以食到炆到好焾 而已又入味呢檔牛雜味道偏甜 凍檸檬茶 +$3茶記正常檸茶味🍴整體評價：價錢合理既平民車仔麵 食一個三餸麵唔洗50蚊份量都充夠 餸既味道都好味推介指數: ⭐️⭐️⭐️⭐️⭐️