孖寶車仔麵

營業中

休息中

葵廣商場呢間街坊親民車仔麵，由我細細個讀書食到而家返工，裝修環境都無變，一直都在，每次經過食都多左一份回憶。我地兩口子點左兩碗車仔麵加左碗魚肉碗仔翅，魚肉煙煙韌韌好咬口，碗仔翅都足料有木耳絲、蛋花、冬菇絲及肉絲，加少少醋就好好味😋而車仔麵方面蘿蔔鮮甜好味無渣，牛柏葉彈牙爽口，魚片頭較為普通，我自己好鍾意食蔥，叫侍應多蔥就成碗俾我，仲有男朋友非常推薦豬油渣，豬油渣好香好好咬口令到成成碗麵更加入味，可以點選自己鍾意嘅醬汁，如果嫌唔夠味仲可以加菜甫點綴一下，有辣有唔辣。