好燒式串燒專門店 (大南街)

營業中

休息中

今晚同朋友出開太子，見到依間叫好燒式的串燒食完，店內環境清潔及舒服，於是入內進食。看完餐牌，串燒肉類種類多，價錢又大眾化，店員很親切和有禮貌。叫咗個鹽燒牛舌串，好好味道，熱熱地，口感非常好。牛柳串也非常出色，牛柳新鲜，味道很好食。燒菠蘿也做到非常好，好多汁。豆卜也非常好食，串燒做到非常出色。另外叫咗雞泡魚乾，好入味，最適合一邊食，一邊飲下酒。另外，個人認為燒韮菜是必食的，份量又多，又入味。印象十分深刻。另叫咗個黑松露墨西哥薄餅，非常好味，皮好脆和好薄，而且用料十足。至於牛肉串也做得好好食，又夠厚，口感非常好，肉汁非常鲜美，今晚絕對是正確選擇，綜合各方面，包括食物質素，環境，價錢及服務，這家食店絕對是物超所值。

同老公不留鐘意食串燒，特別係大陸川味呢個style~難得新店開張，見到座位亦幾寬躺~二話不說即係入去試啦😁呢到選擇好多，除左有串燒燒肉類，海鮮類，蔬菜類，仲有墨西哥薄餅，意粉，小食類😍勁多選擇！而且價錢非常合理🤭我地叫左蒜蓉燒蠔👍🏼牛油金菇穏陣好味燒茄子勁大條👍🏼翠肉瓜👍🏼安格斯牛肋串，好抵食😍燒雞胸雞軟骨，係骨肉分離咁，好特別，有咬口👍🏼燒豆腐，外脆內軟😋最尾黎過鵝肝多士，鵝肝比想像中大！正呀🤩🤩

旺角店長期都好旺好多人，今次選擇去太子分店，唔洗等位就入得！一入去坐低就叫牛油左金菇包，用錫紙包住燒，一上檯已經聞到好香牛油味！食落竟然仲有芝士味添！好少金菇會用芝士煮，香口得黎又爽口，食到唔願停口！好快就有其他食物送到，接二連三咁上檯。豬肋骨、牛舌、白鱔都係店主推介！眼見餐牌都標記為主打款式，當然唔可以錯過！牛舌爽口，味道濃郁；豬肋骨一啲都唔韌；鱔好新鮮，又唔腥，皮脆肉爽。燒茄子都不得不讚！可以選擇原條或切片上，識食嘅顧客一般都會揀原條上，睇得又食得丫嘛！開邊切，灑滿孜然粉、蔥粒、蒜蓉，又香又濃味，口感剛好，食落軟滑，成條食都唔嫌多！豆腐又係必點，三大件串成，睇落咪以為好乾身，食落外邊脆口，甜甜地，入面軟軟腍腍，正！十幾蚊串，價錢仲好抵添！雞胸軟骨串幾特別，同一般食開嘅雞軟骨串唔同，佢係一層雞胸肉，再夾住一層真正嘅軟骨，口感獨特。墨西哥芝士雞肉嘅餡料豐富，雞肉同芝士都大量夾係餡餅中間。最後仲叫左條魚食，揀左黃立䱽，鹽燒得黎唔太咸，肉質新鮮，唔錯。餐廳仲有多款食物可以點，西餐嘅意粉、牛扒、泰式鳳爪、中式乳鴿等等都有，款款都好吸引！

一般好少係香港食串燒店，主要都係兩個原因.... 好嘈，污糟 (好多街邊檔) ，同埋上菜真係好慢好慢，先唔好講好多都偏貴先...但今日黎到呢間串燒店真係打破曬以上咁多負評﹗直頭係超級正﹗店開係太子地鐡站後正，呢區都好多野食，但串燒真係少，呢間門面好大，一睇就認出，大大隻字寫住 "好燒式"，入到去個裝修都幾吸引人。闊落既卡位，環境乾淨。望下餐牌價錢仲要好平前後我地一共點佐9樣野，食到好飽，埋單都唔使3百，真係抵到喊先講下我最愛牛油金菇包，真係好香牛油味，金菇唔會一舊舊，真係推散舖平﹗呢D 咪真係有諗過食客感受LOR。最緊要係燒到岩岩好，底輕輕有D 焦，但一D 都唔會OVER ，好香好入味﹗可能應該係成晚最平平無奇既一碟，但係真係令我喜出望外咁好食佢個茄子都好特別，好多時我地食燒茄子都係原條燒，食入面既肉，今次見佢有得揀切片梗係試下啦﹗估唔到效果都好正﹗仲可以連皮食成個感覺好香口亦都好淋﹗豆腐都好正，佢有小小臭豆腐既質感，肉質就好淋。另外值得講下一定係個 "墨西哥薄餅芝士雞肉"落足料，重芝士，外層燒到有小小脆，包住入面啖啖雞肉，超足料芝士，仲有DD 辣椒 (但我個人覺得唔辣)，呢個真係值得

各式各樣串燒 多款任揀【好燒式串燒專門店】‼️太子開分店喇🉐由旺角已經開始幫襯🙊終於太子都有！夜鬼又多一個好選擇～串燒配啤酒🍻人生樂事也！店內裝修簡潔俐落，有夠寬敞，坐得舒服😌無油煙味，仲開到凌晨3點。由於食量不可小覷，所以都叫咗幾多嘢食，串燒就要多款式🤓串燒上面嘅調味粉係精華仲有個泰式酸辣汁都好出色😋燒韭菜夠多汁吾會好乾，帶少少爽口！燒尤魚吾腥，脆脆嘅口感真係好惹味。茄子係串燒必備，真係大大條，蒜蓉味濃烈，好香口，茄子咬落仲有汁添😋雞泡魚乾送酒必備。燒蠔揀咗蒜蓉味，蠔夠新鮮，大大粒肉，足料！店員大力推介黑松露什菇墨西哥薄餅好少串燒店有呢d額外小食提供，薄餅外脆內軟，芝士可以拉絲😍加上特製醬味道特別。份量適中吾會太飽！金菇好重牛油味，大大份，抵食！香煎鵝肝配紅酒汁真係以為自己去咗西餐廳😆大大舊嘅鵝肝好正，質素勁高！有少少油感，入口即融～燒豆腐都好特別，出面比較少有！炸過先再燒嘅豆腐原來可以咁好味😂除咗吾太乾身，仲好香口！雞翼、多春魚、雞腎、牛串都顯心思，汁多不在話，仲好Juicy，材料新鮮！脆卜卜，時間控制得好好！好燒式串燒專門店 📍太子大南街32-34號地舖📍旺角砵蘭街110號地下

今日去既呢間串燒 地方乾淨舒服串燒高質 仲有唔同既醬比到你或者自己選擇加咩醬 去燒店員都好主動咁去提供幫助同建議同埋都有建議番今日有咩比較當造好食例如 海鮮 同牛小排我老婆鐘意牛 所以試左牛小排我食左⭐️安格斯牛肋串$24肉味好濃 肉質夠滑⭐️泰式燒豚肉$38呢個相對比較大份 肉質比較爽彈⭐️安格斯牛小排$98呢個肉質比 牛肋串更滑 更多肉汁碟上面 仲可以見到唔小既肉汁流出黎呢個牛既質素唔錯 推介⭐️鮑魚汁海鮮荷葉飯$86呢個飯有淡淡既荷葉香 上面有小小蛋絲反開入面 可以見到唔小海鮮粒可以話每一啖都有而且飯質 粒粒分明係一個高質既荷葉飯

今日係星期日同女朋友拍拖嘅大好日子❤️❤️😽餐廳門口有多個泊車咪錶對揸車人士來講係一個喜訊，餐廳環境非常好，因為係新開張嘅關係，座位上牆壁上都有獨特嘅裝修設計💕💕🤩菜單有好多唔同嘅菜式，亦都清楚列明價錢及醬汁等等首先就嚟咗茄子串燒及豆腐串，我本身就好少食茄子，但我的女朋友就係最愛，所以我就食咗一兩粒發覺好特別，我有口感，令我重新對茹子的評分豆腐就是我的至愛，外皮會有燒焦的效果，令内外口感不一，Likeeee👏👏👍金菇菜卷 爽口彈牙雞翼串 重心推介，不能不食司華力腸 蜜糖慢烤🤩🥰😋😋😋Yummy Yummy大蝦闊條面份量不多不小，兩位食用，剛剛好讚👍蝦🦐新鮮肥美雞腎牛舌基本上我吃串燒都必定會選這兩味串燒雞腎9.5分，烤功一流，好爽口，👍👍👍牛👅 真想打包一兩串回家宵夜食石燒蠔芝士味蠔及蒜蓉燒蠔個人喜愛蒜蓉燒蠔味道非常夾😚😚💋

太子開咗好燒式串燒嘅分店比旺角鋪大一倍有多大南街人流唔算旺喺太子唻講算旺中帶靜點餐紙選擇極多牛油金菇包 牛油味非常濃郁泰式燒豚肉+豆腐點埋泰式辣醬一流估唔到有芝士quesadilla 皮薄芝士夾心多到瀉蔬果類嗌咗燒菠蘿 茄子 粟米 青瓜 雞脾菇呢間嘅蔬果燒完都仲好新鮮同多汁老細介紹佢地燒瓜果嘅方法係繁複啲厚切然後夾住佢反吓反吓唻燒煙肉燒露筍+煙肉燒金菇煙肉配露筍尤其好食因為露筍味淡有𡁻口 同煙肉有對比呢餐嘅highlight我會覺得係呢個松葉蟹蓋襯法包 選料矜貴 燒完嘅蟹膏味道香濃 加少少蟹籽仲多咗啲一粒粒嘅口感再唻就係呢個燒豬仔脾平時食燒烤食食吓會所有嘢一樣味因為調味料同燒法用唻用去都差唔多但雖然頭先已經食過唔少肉但豬仔脾嘅應覺依然好鮮明因為每款肉嘅調味都有少少分別而且火候掌握得好好燒烤最怕太乾或肉質太硬更怕唔夠熟或太燶呢間每款食物都係燒得皮脆肉嫩師傅好有功架作為甜品仲嗌咗個燒朱古力香蕉有啲創新 不過幾好食的最外表平平無奇但有驚喜就係呢個日本年糕不能錯過皮薄得不能再薄但入面承載住好飽滿好熱又好軟熟嘅年糕餡好香好滑 可能因為真係好軟熟 所以一啲都唔會滯

今晚同大學同學reu^^嚟到呢間燒烤店食晚餐，其實佢係mk都有間，開左6年架啦！新店更大更加可以同三五知己一齊嚟暢快食肉同吹水😋😋 餐廳叫做好燒式，意指各式各樣嘅處理燒烤方法，務求令食客有更多新鮮感！所以我地就叫左個幾有趣嘅芝士墨西哥餅😈😈芝士好豐富，入面有d嫩滑雞肉同辣椒添，味道十足🤤🤤 另外唔少得雞軟骨啦，好脆口，肉汁仲有，燒得惹味😀 燒菠蘿非常甜！又好多汁，用上新鮮菠蘿係特別好食的🍍🍍🍍 豬仔脾都幾大隻，啖啖肉，又唔會太干☀️ 泰式豚肉燒得好靚，外皮酥脆，肉質嫩👍🏻👍🏻 芝士年糕燒得好軟軟，cream cheese做到流心嘅🦔🦔 牛油金菇非常邪惡😃牛油味超重。煙肉金菇大推呀！好香口，配上juicy 金菇食口感有層次🌈🌈🌈🌈

好消息太子開左間高質燒烤店叫好燒式呀！難得唔洗ot就約左朋友仔嚟食下:-D 餐廳幾大下，坐位係闊落嘅👍🏻👍🏻坐得吹水好地方🙋🏻‍♀️🙋🏻‍♀️ 先講下最欣賞嘅墨西哥芝士餅💁🏻‍♀️真心必食！入面好豐富嘅芝士，熱食好拉C~~仲有d小小嘅chilli 😈味道好有層次🤤燒烤店都食到如此程度嘅烤餅真係冇諗過🦔🦔 另外串燒都係好足料的💁🏻‍♀️個牛肋串係好惹味，牛味十足，食落唔會太干！茄子同翠玉瓜好特別！係切片咁燒，食落好多汁，加上小小辣粉更加出色👍🏻👍🏻燒粟米加左牛油燒，非常香口！食落仲有pop corn 味😽 燒豆腐勁特別！上面揸左特色汁，所以好開胃！值得一試喔⭐️⭐️ 餐廳仲有高級嘅牛可以食，下次再帶食肉獸嚟啦！

今晚約了友人食這間串燒店，新開張不久，是旺角總店的分店。所在位置非常近地鐵站，沿途亦有指示牌，上面滿滿是讓人垂延欲滴的串燒小食。由於新店開張，於是每檯客人都有送小食一碟。看見餐廳內非常寬敞，而且非常適合舉辦聚會，令我不得不心動，再次光顧的時候，帶上三五知己舉辦派對，在沒有油煙味的環境亦能享受到美味的串燒小食。由於友人食量不可小覷，結果我們看見餐牌上的小食，便點了很多小食串燒。串燒豆腐，配上串燒汁，燒得外脆內軟，口感很好，將原本普通的食材都運用的得很好。安格斯牛肋串都非常美味，切出來串燒的牛肉有滿滿的肉汁，絕對是高性價比。黑松露什菇墨西哥薄餅 配上特製醬 口感和味道都非常特別，薄餅不厚 不會塞飽肚子，份量適中，適合經常試新小食的我們。

本人好鐘意食串燒，但自己燒永遠唔夠人地燒得好😂之前係旺角食過依間一次好好味，今次見到係太子開左分店，所以專程嚟食🤗🤗依到個串燒豆腐好岀色嫁👍🏻👍🏻燒岀黎竟然係好脆，入面都入哂味😬😬茄子🍆都係依到既推介👏🏻👏🏻入面燒得好淋，外面個皮脆口，啲味粉又好好味，重切左片🤗夠哂細心🥰依到燒蠔有幾隻味可以選擇🤩可選煙肉，蒜蓉，白汁芝士，什菌🌟🌟燒蠔新鮮，蠔味重👍🏻👍🏻依個係墨西哥薄餅芝士雞肉😸😸鐘意食芝士既人唔好錯過呀💋💋芝士可以拉絲，雞肉又滑溜👏🏻正🐣🐣煙肉金菇串，雞翼，同埋司華力腸都係我最愛😽😽調味料方面有 蜜糖，辣粉，麻辣汁可以再添加🎊🎊最後驚唔夠飽既話😆重可以叫埋依個龍蝦汁大蝦意粉😺😺隻蝦都好大隻😲成隻手掌咁大✋意粉又吸哂啲龍蝦汁既味🦞正👍🏻👍🏻👍🏻

平時鍾意返深圳食串燒，呢排都冇時間返，心思思又想食就搵左呢間串燒專門店試下，估唔到都幾有驚喜，餐廳乾淨企理，而且唔會有油煙味，有卡位坐，幾舒服泰式鳳爪，酸酸辣辣好開胃雞泡魚乾，燒得啱啱好，唔會太硬金菇好香牛油味，份量都唔少豆腐同冬菇，叫左小辣唔會太辣，味道唔錯羊肉、煙肉金菇、豬頸肉、雞軟骨、雞腎，肉質唔會燒得好乾好硬，反而仲有d嫩有夾仔比你分開串燒，可以慢慢食，份量都幾多魷魚鬚、鱔魚、司華力腸，特別欣賞魷魚鬚，搽上燒汁好好味黑松露蝦多士，黑松露味道濃郁，蝦多士即時炸好香脆，好野味雖然比起深圳食貴少少，但食物質素相對都高好多，絕對係止渴之選呀

係太子開完OT, 老婆話來接我收工，順便食小小野。諗起之前行過有間串燒，都成九點幾十點，唔好食得太過份，就食小小燒烤。舖頭裝修簡潔乾淨，座位都算舒服。一入到去，即刻去左人地洗水間，超乾淨，香港好少餐廳咁乾淨😂💪。坐低之後叫左幾樣，兩公婆談下心，訴下心事。香煎鵝肝配紅酒汁，以為自己去左西餐廳😅，但食落好香，鵝肝好厚，夠肥，一餃落去，滿口油香，濃濃留滿口腔內部，配香脆嘅麵包，一流💪日式燒大魷魚$75，上碟時魷魚筒和蘇會分開，筒幫你切埋件，蘇切粒串起。鮮魷魚燒烤，魷魚夠林夠甜，魷魚蘇有咬口，小小辣，配啤酒一流。可能老婆唔飲，自己一個又無癮。雞亦$16 睇相都知燒得幾香，皮脆肉嫩滑，一隻明顯唔夠食，周星馳話齋，燒鷄亦，我自細鐘意食。韭菜$16，食燒烤又點可以無，但最性無揀過嘅韭菜，又老又硬，仲要燒到乾哂，食紙皮咁。呢間像有揀過， 鮮嫩多汁D，高水準。粟米$23 例牌要叫返條來咬下，保持佢間舖嘅水準，唔乾，而且牛油味香。雞泡魚乾$43，小弟不才，未食過，大陸亦未食過，香港就唔係食過好多間燒烤，唔知係咪見識少，唔識形容，以乾魷魚來比較，就係有乾魷魚咁香，但唔會好像乾魷咁咁硬咁乾。呢味野好正，可以話

那些年，喜歡跟同學仔朋友仔ＢＢＱ。現在工作忙，再無這個閒情逸緻，即是＜無時間＞。想食香口惹味的燒烤，唯有到燒烤店。有專人負責燒烤，自己就坐享其成。就在今晚，跟朋友到太子食燒烤。在地鐡站出口，看到大大張易拉架！圖文並茂，口水都流出來了！還未到黃金時段，坐位任君選擇。不過，我倆要面對最重要的事情：點菜！　餐單上，全部食物都想要！還有不同的調味料可供選擇呢！　真係好多款式，各適其式！　　　墨西哥薄餅芝士雞肉　其實是朋友想試這款！自己對Quesadilla不陌生，應該叫做＜三文治的墨西哥版本＞。而這個Quesadilla卻是充滿雞肉和芝士！！！而且很厚身！　車打溝巴馬臣？　一定要趁熱品嚐，感受滿口軟棉棉芝士的感覺。    燒韮菜花　　原本想要韮菜，誰知錯點這韮菜花。反正都是健康的蔬菜，可放心享用。　　　鹽燒牛舌串　牛舌本身有底味，無需加入太多調味料。鬆軟又多汁的牛舌，肉質夠嫩滑，不乾柴。　　安格斯牛肋串　這個牛肋串没有令我失望。牛肋肉以肉香為主，也夾雜點點的脂肪作潤澤。　　串燒豆腐　燒豆腐竟然成為燒烤店的推介？？？　聽說是某次錯手，將炸過的豆腐，再燒，後沾上燒烤醬汁，誤打誤撞變成一道推介菜。即