好湯好麵

營業中

休息中

今天是8月11日星期二，看了網上的介紹慕名由尖沙咀開車到大圍，在店外排隊排了45分鐘，來吃一碗海龍皇湯面。大概兩點進了店後點了一碗海龍皇湯面和一杯涷蜜桃紅茶。剛好坐在我隔離的一對夫婦也同樣點了兩碗海龍皇湯面和一支涷烏龍茶。可是我等了差不多二十五分鐘碗面還未送來，連坐在我隔離的一對夫婦也快吃完他們的海龍皇湯面。我最後忍受不住向店員追單，再過幾分鐘才送來我的海龍皇湯面，店員也沒有向我表示歉意這碗麵這麽久才送過來。到我吃了一半這碗面後聽見店員向其他枱點了海龍皇湯面的食客送上濕紙巾方便食客剝蝦吃，我亦留意到我隔離的一對夫婦亦在吃面前店員為他們送上濕紙巾，而店員在我吃了一半我的海龍皇湯面也沒有送上濕紙巾給我，我真的十分氣結，亦不想再追店員取濕紙巾，最后我生氣得連碗內的兩隻大蝦和剩下的半碗面也不吃，剩下半杯茶也不渴，便付了$149結賬。我自問沒有得罪店內任何一位店員，不知道為什麼得到如此服務。正如老板娘在YouTube 視頻上所說她的客人都是有要求的，所以她會高質素食物和服務令客人回頭再來幫襯。試問就算我面前是一碗高質素的海龍皇湯面，得到如此氣结的服務，我也是一個有要求的食客，所以我是不會回頭的。

睇完衛食攻略就專程撘車去食個中午，叫左一個濃蝦餃麵+檸檬意米水,大概等左10分鐘左右就上餐,湯底好鮮味，麵量都幾夠，食一碗飽曬，食完都唔會覺得好口渴，高質素，舖內整潔衛生😀😀😀

早排係網上見到有關呢間餐廳既報導，比佢地既食物吸引左，今日終於有機會去試試🤤係疫情之下，星期六下晝既時間都好多人，樓下堂食已經坐滿，唯有坐上面嗰層。不過樓上應該係臨時開出黎，平時主要係員工既休息或者擺野既地方，所以係完全冇啲咩裝飾，連冷氣都唔夠，呢度就真係要扣分了。首先叫左兩份小吃，都係係碗麵之前就黎左，當係開胃前菜就一流。麻辣手工豆腐既刀功真係一流，將舊豆腐切到薄薄咁，就可以每一片都沾有佢啲既麻辣汁。雖然係麻辣，但主要係食到花椒嗰種麻香味，唔係真係好辣，所以好開胃。另外值得一讚既係豆腐好滑，但唔會有多餘既水份，食完都唔會成碟都係水。另一份係豉油雞翼，肉質好滑，又夠大隻，本身既食材已經贏左。再加埋佢有淡淡既香料味，味道有層次有唔係好鹹，絕對比一般既豉油雞翼出色😍等多陣我地既主角終於出現，我叫左海龍皇麵，另一半就叫左蕃茄牛肉麵。兩個麵都有驚喜！😂個人覺得個湯先係主角😂海龍皇麵既湯底真係超濃，完全唔似湯麵既湯底，直程係可以就咁飲😂第一次係出面食湯麵飲曬啲湯😂蝦既鮮甜味真系好夾個麵底，陽春麵滑得黎都有咬口，同個湯襯到絕。當然仲有兩隻大蝦同帶子再家啲蟹肉。帶子係刺身級日本帶子，只要夠新鮮既話就

大圍好湯好麵，濃郁既湯底好食到可以連湯都飲晒既湯麵🍜！應該最近係大圍人氣幾好既湯麵店，lunch time都坐滿人！ 不過店主應該要控制一下入場人數🤔😂話明係好麵 所以就得麵食，仲有啲小食，甜品咁，估唔到有啤酒飲添叫咗一碗海龍皇湯麵$130 材料有藍蟹肉、海蝦、北海道帶子、蝦頭油、黃湯、陽春麵。一上菜就聞到勁香蝦湯味，店員好細心咁俾咗濕紙巾我哋滅蝦殼。食材都好新鮮，蝦好爽口。麵質正常。我諗主角應該係碗湯，就好似日式拉麵咁，都好香濃！好飲到我哋差唔多飲晒咁滯！另一碗叫咗濃蝦餃$88材料有海蝦、豬肉餃、龍蝦牛油、蝦子、高湯，配扁陽春面。對比起頭先嗰碗，呢一碗嘅湯底冇頭先海龍皇湯咁濃味，但係都好香蝦湯味。有兩粒豬肉餃同埋兩隻蝦 ，豬肉餃似係自製嘅，餡料好似小籠包咁嘅味。總括來講，湯麵嘅湯底真係好濃郁，感覺上真材實料，而且冇味精，好好飲！不過價錢來講都實在係幾貴，以海龍皇黎講，仲貴過一碗日式拉麵🙈如果定價減返10至20蚊比較合理。

在政府公佈餐廳晚市停止堂食前一晚，來了我大圍最喜愛的餐廳之一。呢間餐廳假日非常多人，經常要排隊。d 面款又常常好快賣晒，只剩下1-2 款。今晚難得來到唔洗等位仲有齊所有面款😜我們點了2款面及2個小食。先評一下小食，話梅蕃茄仔同埋麻辣豆腐。蕃茄仔酸酸尾尾非常開胃，好適合作為餐前小食。豆腐微辣亦相當醒胃,就算平時唔係好食得辣都食到，2款小食都好味！至於兩款湯麵，黑口黑面嘅墨魚滑尤其出色。自家手打，墨魚味非常之出，又彈牙，超級正！佛跳牆有濃郁嘅雞湯味，食完碗麵要飲晒啲湯是常識吧！湯底絕對冇加任何味精，就算飲晒都唔會口渴。疫情下希望飲食業界撐住！加油啊！💪🏼如果餐廳開加盟店好有興趣合作😎

這是一間大圍的排隊小店，今日12點經過的時候竟然無人排隊，於是即刻衝入去。我叫了棉花雞，我朋友就叫了海龍皇。兩碗都好味(我偷了朋友的海龍皇試了二啖)，我覺得他的用料很新鮮，而重點在於個湯底，味道真的很好，不是味精加水的下等貨式，我們二人最後都將湯底喝清光。海龍皇和棉花雞兩碗麵之中，我個人偏好棉花雞多一點，可能是口味不太重的原故，海龍皇的湯底味道比較濃，如果喜愛重口味的朋友就可以一試。下次會來試其他款式的湯麵。

記憶中自從細個去過大圍食雞粥之後，就冇踏足過呢個地方。今次專程去當然為左食嘢，因為聽人介紹呢度有間好飲又好食的湯麵店「好湯好麵」。當晚去到果然有好多人等位，而且鋪頭細，都要等一段時間。據講呢度掌廚嘅係前四季酒店大廚，加上老闆娘鍾意食麵同飲湯，結果研發左多款新穎同刁鑽嘅無味精湯麵，大部分湯底要熬24小時，所以應該都有咁上下水準。點餐都爭扎左一陣，因為有好幾款都想試，但胃納始終有限，就先點最想食的兩款。我一早已mark定雙冬羊肉（$100），呢個麵由湯底到用料同羊腩煲無異，只係個湯係稀少少的版本，就連羊腩煲的精髓腐乳都附送埋，突然覺得夏天都食到「羊腩煲」真係難得。當然佢唔會畀羊腩你，而係羊肉片，少少羶（咁至係羊肉嘛），有咬口，冬菇冬筍同支竹都煮得入味，點少少腐乳更完美。扁陽春麵彈牙煙韌，同湯底幾夾。海龍皇湯（$130）個海鮮湯底配蝦頭油初初飲幾似龍蝦湯，之後飲到有薑味就唔似喇。材料幾豐富，有藍蟹肉、蝦、北海道帶子，材料矜貴，但又唔覺得好鮮味，都係一般。呢款會配陽春麵，可惜煮得太腍，完全冇口感，有點似食緊麵糊，失望。店方會附上濕紙巾畀你拆完殻後抹手，算幾貼心。聽聞其中一個老闆對泡茶好有研究，

6.30pm，見到評價咁好，又向大圍唔知食咩，唔洗等位，本住試下心態⋯ 碗麵等左起碼有20mins，問佢係咪漏單，回答一句‘煮緊’，我夠知煮緊喇，唔通斬緊雞咩！明明隔離枱同我叫既一樣，但已經食緊，我朋友碗仲差唔多食完我碗先到～ 講句唔好意思都得掛～湯似乎係冇味精既⋯ 陽春麵都好食既～ 不過講真，$100碗麵，$30碟油菜（得幾條），以快餐黎講，真心有d貴。7.15pm離開，門口已經排隊⋯ 其實香港人都幾捨得食，不過我就試過算了。

之前已經見到好多廣告同youtuber推介 特別推介湯底好濃郁 聽聞「好湯好麵」係四季酒店大廚出黎開的小店 店舖係大圍A出口 大約行十分鐘 店鋪位置唔係太大 有大約二十個位 我大約中午一點半到 店舖都坐滿人 我見上網好多人推介唔同湯底 今日我就試下棉花雞👍🏻棉花雞 $92鹿兒島地雞肉/魚肚/北菇/雲腿絲/高湯/扁陽春麵一上枱 我先飲一啖湯底 真係好濃郁😍 唔係味精雞湯湯底 然後我食左一小塊雲腿絲 超香帶點鹹香 再配滑溜溜的雞肉 好幸福 😊扁陽春面唔會好淋同好粉 總括嚟講 我會再過黎試其他湯底 因為今次只係得我一個人食 所以無叫小食 整體來講 雖然價錢比較貴 但係食得出真材實料 還是最緊要食物好食😋 下次再來 ⭐️⭐️⭐️⭐️⭐️

已經係第二次黎呢間食，女朋友上次食過好中意，今次再黎翻啅。一心想黎試黑口黑面，但我地下午兩點幾嚟到，門口店員已告知全部麵賣淨2款，分別係海帶菇菇同埋茄牛蛋面。本來好失望，但係一心過嚟食，唯有照樣接受。除左叫左以上2款面，我地仲叫左話梅蕃茄仔，玫瑰露酒雞翼，同埋兩杯自家製飲品。2款面雖然唔係當初我哋想食嘅款式，但湯底都非常好食，果然係酒店出身嘅非常有水準。另外小食方面，話梅蕃茄仔酸酸地非常開胃，十分推薦。我諗我哋下次會再嚟試埋其他面嘅款式

今日朋友帶我去威威，地點就係大圍，佢帶咗我去一間食麵的小店，入到去睇到個Menu真係嚇咗一跳，因為一碗麵最貴竟然係$12X。我地兩個人，我朋友叫棉花雞，至於我就叫咗黑口黑麵，呢兩碗都只係$100以下。碗麵一黎到，江湖規矩，梗係要試人地嗰碗先啦，個湯底真係好，感覺係用咗好多材料去熬出黎，棉花雞個湯D金華火腿好香，而黑口黑麵個墨魚汁湯底就好鮮甜，不過兩碗之中我自己比較鍾意黑口黑麵，一來造型幾過癮幾正，二來D配料都真係好新鮮，墨魚圈唔係出面雪咗好耐嗰D焗海鮮飯或意粉必備配料，至於個墨魚滑彈牙得黎仲唔係一舊粉，有墨魚香味，似係廚師自己打，真係食得出同其他地方有好大分別。我食晒之後連湯都飲晒，終於明白價錢雖然高，但真係物超所值。

四季酒店米芝蓮餐廳Caprice的Sous Chef出來創業開街坊小店。超新鮮的海鮮湯，麵上還有一層濃濃滿瀉的蝦油。 先來一口湯，齒甲留香；帶子、海蝦、蟹肉，滿滿的幸福感！五星級的水準，三星級的價錢 💝

今日兩個人第一次喺大圍搵食，四圍兜咗兩個圈都唔知食乜嘢好。見間間冇乜人，又唔敢入去試。路經一間小店見比較多人就入去試吓。睇完啲麵名覺得都幾特別，但個價錢就唔平。研究咗一輪，我揀咗好頭好尾，朋友揀咗叉燒鮑。佢碗麵一到，我睇樣仲話好似普通嘢咋喎。大家試咗一啖湯即時嘩咗聲！真係好好味！啲叉燒都好有水準。到我個麵到，大家九秒九飲咗啖湯，又係好好味！和牛面頰好嫩，牛尾好林好入味。食之前覺得個價高，食咗之後覺得啲食物絕對對得住個價有餘！未食完我哋已經傾緊下次嚟試其他乜嘢麵~

湯底濃厚夠味，健康又好食。第1次去，就俾佢個賣相吸引。番茄湯底好鮮甜，夠濃厚，唔似係用番茄膏沖出嚟，食完唔會口渴。麵選方面用咗陽春麵，夠幻細，每條麵都吸住湯嘅鮮味，做到掛麵效果。麵又唔會煮到太淋，啱啱好。雖然份量好似好細，但食完就啱啱好。不過男士就可能唔多夠。店舖其實選擇都幾多，樣樣都好吸引。

呢間大圍小店應該唔多人識，不過真係好好食，要向大家推薦下！佢喺鍋心火鍋隔離，唔係住附近都唔會識。小店坐位唔多，不過都算坐得舒服，一入鋪店面就好熱情介紹店內的食物。經過介紹之後，叫左迷你佛跳牆同好頭好尾。迷你佛跳牆個湯好濃郁，好足料，有啲細翅，有冬菇，有帶子，有海參，簡單來講即係乜都有，啲湯配搭陽春麵，掛湯唔錯，麵質好滑。好頭好味有牛面頰肉同牛尾，配牛骨湯，嘩d牛面頰肉好嫩滑，吸晒啲湯嘅味道，牛尾亦都煲到好林，湯頭都配搭得好好！另外叫左涼拌手工麻辣豆腐，麻辣味做得幾好，豆腐就係普通百福滑豆腐嘅感覺。高湯蒜子浸時菜，高湯幾清甜，配搭埋個菜，有住家味。下次要再去！