好湯好麵

營業中

休息中

今日與幾位拍檔在大圍收工，順便一齊食午餐，拍檔提意來食麵，呢間開咗咁耐，我一次都未試過，只因先入為主的關係，又不是高級餐廳，又沒甚麼裝修，在外看入去，檯與檯之間又要坐得咁迫，點解一碗麵賣得咁貴?? 為了探求真相，就答應拍檔去試試，我們叫了蠔豉豬豬，濃蝦餃，棉花雞，黑口黑麵，好頭好尾，小食叫了手工豆腐(口感似百福豆腐)及雞絲粉皮(這個唔得，麻醬很少，而且唔夠香)，另叫了他們自家煲的紅蘿蔔水(淡而無味)，我們叫的麵一起share來試，每款湯頭都很濃味，經常煲湯燉湯的我，飲得出這些湯都花了很多食材及長時間去煲個湯膽，不太喜歡吃陽春麵的我，能吃到這款滑溜的麵，都另眼相看。 總結: 家中少湯水，人少少嚟食，順便飲啖湯，係值這個價錢的，因為，出面一小碗燉湯，都賣數十元。但以我這個湯水充足、又怕同人迫既人嚟講，很難做到這兒常客。

純粹途經發掘的麵店， 見到外面貼咗一啲台灣電視台嘅介紹，即管入去一試 見到餐牌全部都係啲特色有豪華配料嘅麵食而且改個名都好有心思 是次點了：叉燒鮑： 日本叉燒加鮑魚豪華嘅配搭，而且湯底都好鮮味 ，大大碗唔錯雞翼： 煮得入味呀！ok！咸檸七： 唔使特別介紹啦,鍾意飲得自己叫呀！總括嚟講 以麵食來說好似有少少貴，但係無論湯底配料都確實係豪華，所以都係值得嘅如果有興趣高級麵食，值得一吃日本拉麵百幾蚊都肯俾,有香港創意味的麵食值得支持

第二次造訪呢間小店，依然保持高水準，食完令人回味無窮😋好頭好尾🐮麵一送到就撲鼻而來嘅牛湯香味，一飲果然充滿牛味而又有豐富膠質! 牛尾炆至完全離骨，入口即融; 而和牛面頰面又保有嚼勁。一碗麵可以試到2種不同口感👍🏻濃蝦餃🦐呢個湯底相對膠質冇咁重，但蝦嘅鮮味完全融入湯底之中，令人忍唔住一啖接一啖咁飲😋餃子皮薄，而蝦又大隻又鮮甜，好新鮮👍🏻雙冬羊肉🐏呢碗麵就有如迷你版羊腩煲一樣，有羊嘅香味但又唔會羶，即使怕羊羶既朋友都值得一試👍🏻最貼心莫過於有提供埋腐乳，令整碗麵更上一層樓。棉花雞🐔香濃而充滿豐富膠質嘅雞湯，配上嫩滑雞肉已經無敵; 再配上吸湯嘅魚肚，實在令人回味無窮👍🏻小食: 泡椒鳳爪夠入味，亦唔會太辣，不俗😋涼拌海蜇雞絲粉皮令人驚喜嘅小食😍芝麻醬加入少少醋，減膩更可提升食慾😋而最特別係呢到嘅粉皮係帶有類似薯粉質感，煙煙韌韌😍十分推介👍🏻呢間絶對係令人忍唔住一訪再訪嘅高質小店😎

📍🇭🇰 好湯好麵 Hao Tang Hao Miao.到吃晚餐時間，係大圍吃咩好呢？.最近有個朋友推介呢間麵店，主打無味精的湯底，你又食過未呢？而且每碗麵都有個好特別的名，真係真材實料！.我同朋友兩人分別點左以下兩碗麵：.🍜 濃蝦餃麵🦞 {HK$88}- 海蝦/豬肉餃/龍蝦牛油/蝦子/高湯/扁陽春麵.🍜 黑口黑面🐙 {HK$78}- 北海道魷魚/墨魚滑/墨魚濃湯/扁陽春麵.兩種麵的湯底各自各清甜，好足料，但係係「黑口黑面」當中有條頭髮，略扣左少少分，不過店員都好樂意即刻為你替換新一碗，仲風趣地講左句：睇來我要剃光頭來煮麵啦！店員服務態度親切友善，還提供水任添加！

睇完醫生獨食，要小心飲食嘅情況下好似乜都唔食得冇嘢食咁，行到落油站條街去好湯好麵睇下有冇嘢係我可以食嚟到已經係星期二下午一點半，所以已經冇乜人唔洗等位喺出面已經睇左餐牌，已有心水可以叫乜店員見我隻腳包扎住都好好咁叫我小心啲慢慢🥰已經諗定食「棉花雞」還是「叉燒鮑」，坐低店員話「海龍皇」同「濃蝦餃」已沽清，心諗啱晒唔洗引誘我食海鮮🤣最後都係決定叫「叉燒鮑」，加咗杯佢哋自家煲嘅檸檬薏米水；檸檬薏米水，唔太甜，薏米好棉，係細杯啲😜；「叉燒鮑」嚟到，鮑魚，應該係罐頭鮑魚唔似鮮鮑，比我想像中細隻，日式叉燒，比我想像中厚，唔似日本拉麵嘅咁薄，讚👍🏼湯，真係冇乜味精，符合佢「好湯」嘅主題！麵，一般，好彩唔林都算彈牙！總括而言都算係符合佢「好湯好麵」嘅主題！

第一次黎呢間麵店食，發覺佢d麵都好有特色。今次點左濃蝦麵同黑口黑面。佢個湯底聽講係自己淆製，每款麵的湯底都唔一樣，都幾有心。飲落真係唔錯，無味精味，濃蝦湯有牛油香味，黑麵湯唔會死咸，帶微甜，唔錯。濃蝦麵ge餃食落就知係即叫即滾，其實佢成個湯麵都係即叫即整，所以從order到食都等左一段時間，不過換黎ge係好新鮮熱辣辣。等待係值得ge。另外店員服務態度好好，無人等就唔會趕客，仲係gum幫我地倒水，都真係算係gum，都幾有街坊味道。之後再去大圍會再試下其他麵😆

平日不太會在這兒寫食評，但由於這間餐廳實在太值得推介，所以都不介意花時間分享給大家。今次已經是我第4次光顧，每次都跟我男友一起來的，次次都點不同的，共試了8個湯麵了。以下是最喜愛的幾款：棉花雞湯底一試便知真材實料、用心熬製；整碗喝罷亦不會口渴。滿足程度可媲美「座銀」的白雞湯沾麵，濃郁黏嘴而不膩。配料用上甜美嫩滑鹿兒島雞肉、滿滿吸收了湯水的綿花和冬菇等等；麵款方面，扁陽春麵亦十分掛湯，配搭濃厚湯底實在太美滿了。份量亦洽到好處，1人份剛剛好。海龍王湯底滿溢鮮蝦甜味，跟幼身的陽春麵配搭得宜。配上幾隻新鮮大蝦和大顆北海道帶子，回味無窮。叉燒鮑湯麵上檯時，看到有一層浮在湯面的膠質。另有1顆入味鮑魚及3大塊叉燒，甚至比起外頭拉麵店弄的還要更好吃！先寫到這裏，期望把整個餐牌上的所有湯麵都試完～🤭

不知道甚麼時候開始，香港人熱衷於日本拉麵，即使索價上百元，仍然樂此不彼。但中國的湯麵呢？大家則慣性輕視，很少人會花大錢去吃，為甚麼呢？今日同事引路，將我帶到好湯好麵。小店頗為隱閉，十分低調，不是有心人，大概就會錯失了這顆滄海遺珠。菜單一眼睇曬，我點了棉花雞，同事則點了黑口黑麵。侍應生進退有度，生疏但有禮，未有帶給食客過分的壓力。等了五分鐘，熱燙的麵條上枱，火腿絲的咸香借着蒸氣撲面而上，引發口水的分泌。湯麵的靈魂就是湯和麵，缺一不可。嚐一口湯，濃郁甘厚，齒頰留香，並不是用味精堆砌而成的假味道可比美。麵條是陽春扁麵，但又不是北方那種以筋道豪爽取勝的麵條，反而更像南方的芙蓉麵，質地細膩纖滑又有少少彈牙，是非常完美的配搭。棉花雞是粤人飲茶的一道點心，這麵就是將棉花雞的材料重新拼凑整合，頗有創意。雞肉聲稱是來自日本，的確吃下去有雞的原味，没有太多調味，但也好吃。雲腿切絲，仍保留着當中的咸香豐美，分量不多卻有點睛之效。魚肚弄成幾個方形海棉體小粒狀，吸飽了上湯的味道，軟滑綿稔，恰如棉花。冬菇發得不錯，但味道欠奉，略為失色。隨碗配上少許銀芽及香蔥，味道並不太相配，是畫蛇添足了，走蔥走芽似乎更為合適。這

母親節帶媽媽試新嘢見Openrice食評唔錯，就試試叫咗涼拌麻辣手工豆腐依個麻麻本身以為係手工磨豆腐點知原來只係百福豆腐手工咗係切片味道一般黑口黑麵反而唔錯材料好新鮮，湯底夠創意8/10濃蝦餃有驚喜餃子估唔到有醉雞味，但佢係豬肉餃但真心好食湯底好重龍蝦味正！8/10

晚餐鎖定左呢間好多人推薦嘅湯麵小店，味道一試難忘，好comforting嘅美食....大圍人真係有口福。大眾化嘅價錢，足料靚湯底，高質素進口食材，呢啲就係店主嘅堅持。點咗「好頭好尾」同埋「海龍皇湯」，好食到出唔到聲，一啖麵一啖湯，最後飲哂所有湯！湯底一食就食得出係真材實料淆咗好多個鐘，牛骨湯味道非常濃郁；海龍皇湯仲正，好鮮甜好濃嘅龍蝦味！陽春面味道香，軟硬適中。「好頭好尾」：和牛面頰肉嘅肉質非常嫩，厚切，少少微辣好惹味；法式燴牛尾好淋身，牛尾骨吸哂啲牛骨湯，好好味！「海龍皇湯」：大大隻海蝦、鮮甜北海道帶子、新鮮藍蟹肉，配埋個非常鮮味嘅龍蝦湯底真係一大享受！

有靈魂的好湯好麵“一碗湯麵，關鍵是要有好的湯底，加上好食材, 就好似有了靈魂一樣，令人一試難忘”熱愛飲湯的我，大圍呢間中式湯麵店簡直係心頭好。呢碗蠔豉豬豬，主角有日本蠔豉，日本黑豚五花腩片及高湯！只要材料質素高，就先贏一半。湯夠熱，一飲啖湯，濃濃的金華火腿味，充滿膠質感，肯定用了不少雞骨豬骨熬湯。蠔豉完全冇腥味，只有鮮味。五花腩片脆口，絕不肥膩。扁麵條配上高質食材， 輕而易舉地食到見碗底。以前老闆娘為保質素，堅持不做外賣。但實在太多客人要求，所以依家有外賣，麵條要返屋企煮1分鐘，一定要將湯煮熱，外賣的質素可以達到堂食的8成。

平日在沙田逛街的時候都會在市中心覓食，但是這晚實在不想再吃連鎖餐廳，就特意多搭一個站到大圍看看有沒有什麼特別的美食。一如以往我都會先在OpenRice看看別人的食評，然後就鎖定了這一間食店。店舖都是主打湯麵，但是湯底比較特別，而且食物名稱有意思。我點的是海龍皇湯麵，有兩大隻鮮蝦、帶子、蟹肉，而且湯底非常濃郁，端上來的時候已經聞得到，連友人也忍不住要試試這個湯底。如果你是第一次來這間店舖，一定要點這個湯麵，保證你會再來下一次！友人點的是好頭好尾，即使是牛肉麵，也和一般的很不一樣，推介牛魔來試試！

係油站對面一啲都唔難搵，一睇門口有成十二個唔同嘅味道就覺得幾吸引，而且講明湯係每款唔同，自家制，果然無失望蠔鼓豬豬個味真係好夾，雖然我唔鐘意食肥豬肉，但佢切左薄片，再加埋個湯完全唔覺得油膩，蠔鼓味道甘香，推介一試！自家制特飲潤喉唔太甜，真材實料！細心位係佢濃蝦麵附上濕紙巾🙌🏻🙌🏻濃蝦麵賣相分好所以影左好多相，湯底濃郁有蝦味！味道有小小似西湯個龍蝦湯，蝦勁新鮮！但美中不足係餃子同湯唔太夾味，餃子有芹菜味搶左啲湯味因為少爺唔食得辣，所以選擇唔水多，但都好醒胃係愛心無蝦殼小碗麵

有誠意的港式湯麵店， 裝修簡潔， 一入去已聞到 陣陣湯底香味 ，主打真材實料， 湯底製法，跟日式拉麵店做法有點相似， 新鮮淆製用料十足 ，有香港風格， 最喜歡湯底熱辣辣， 食到最後啲湯仲係好熱， 湯麵名稱特別， 我朋友點了“黑口黑面"，我點了“ 濃蝦餃"，小食“冷茄子"， 一入口湯底濃郁， 好有誠意， 冇味精，健康之選! 服務細心，每款麵都配唔同服務 ，例如"黑口黑面“有圍裙怕墨汁滴到衫，“龍蝦餃"有濕紙巾抹手， 好湯好麵， I will be back!湯底熱辣辣"黑口黑面"墨魚汁製成湯底 ， 墨魚丸食得出用大量墨魚打成， 用料十足新鮮"龍蝦餃" 湯底有點像龍蝦湯， 飲得出應該用大量蝦淆出嚟蕃茄子味道一般

初初開業時經常去食 因個人十分鐘意湯麵所以都樂見大圍有如此質素的好湯麵雖然唔少人見佢的價錢十分進取而有些卻步但諗諗平時出去食碗拉麵(而且唔包好食)都咁上下價錢啦後來有傳媒介紹後大排長龍 自己都去少左 最近閒日又係附近工作 可以在下午時間黎食都坐到滿哂人的 都總算試過大部分的湯麵款式就分享下以前食過咩 蕃茄蛋牛個人first choice 棉花雞Second favorite 之前個Menu有呢個田園蕃茄如果唔想咁重味道 呢個都好正可惜而家已經無左了 黑口黑麵 蠔豉豬豬 同埋今次食的迷你彿跳牆 $138湯飲落係濃濃的雞湯 因有海鮮的關係個湯的味道係再昇華多少少 成個麵同湯都清哂呀真係久別再食 仍然保持到質素