96
13
1
港鐵大圍站 A 出口, 步行約5分鐘 繼續閱讀
電話號碼
28135077
開飯介紹
一碗湯麵,關鍵是要有好的湯底再加上好食材就好像有了靈魂一樣,令人一試難忘! 繼續閱讀
營業時間
今日營業
12:00 - 17:00
18:00 - 21:30
星期一至日
12:00 - 17:00
18:00 - 21:30
付款方式
AlipayHK 支付寶 現金
其他資料
外賣服務
當面支付
食評 (131)
好友幫我慶祝生日,到咗剛剛獲得 2021 年米芝蓮榮譽的好湯好麵午餐! 正所謂一登龍門身價十倍,她在中午開店前已排隊輪候,仍要等咗 45 mins 先可入座! 所以我真的要好好一嚐麵店的虛實,看看它的質素是否真的名不虛傳! 😍😍😍我哋都 order 咗其中一道招牌湯麵 - 海龍皇,上桌時的賣相已先聲奪人,有兩隻大大的海蝦,仲有兩粒圓潤的北海道帶子,再加上鋪滿湯麵表層的藍蟹肉,蝦蟹香味撲鼻而來,真係未食先興奮! 🥳🥳🥳海蝦肉非常嫩滑,帶子也很爽口,扁陽春麵相當彈牙,但最使人拍案叫絕的其實是濃郁的湯底,充滿鮮味,我和好友都係成碗清底,也不覺口渴,證明真的如該店所言湯底完全沒加味精由大廚熬半天精心烹調出來的,所以沒有加味精都很鮮味濃郁! 🦐🦀😋自家製特飲是檸檬薏米水,有去水腫、排毒和美肌的功效,只覺清香而不帶檸檬的酸澀味,而且放咗很多薏米,實屬誠意之作! 👍🏻👍🏻👍🏻這頓生日午餐食得很滿足,很愜意! 🥰🥰🥰#一早已知麵店在輪候時會為顧客下單,所以預先告知好友想 order 的湯麵和小食,我剛到麵店已差不多輪候到我們,入座不久即上齊所下單的湯麵、飲品、涼拌小食等,上菜速度很有效率!#涼拌小食如芝蔴醬海蜇雞絲粉皮、西班牙橡果黑毛豬 48 個月風乾火腿片都只是不過不失,下次再幫襯可能不再 order 冷盤喇! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-02-21
0 瀏覽
#好湯好麵 #大圍有日一早去試,12點未開門前去排隊已經有一條人龍,但好好彩可以係第一轉入到去坐低食,所以成個等待時間大約係20分鐘圖1️⃣海龍王湯👉🏻食落真係好有蝦味,海鮮都配搭得好好,食到既帶子同蝦都唔會太老,但d蟹肉撈落個面之後,就唔係好搵得反d蟹肉🤭而且真係可以成個湯飲晒,但如果唔鍾意食薑嘅朋友,成碗都好多薑絲,要自己注意圖2️⃣ 西班牙火腿👉🏻 呢個比起蝦湯更令我驚喜😍成碗好似阿媽用雞煲嘅老火湯,配合埋西班牙火腿就好似原本湯入面嘅金華火腿咁,可以用黎吊味,但西班牙火腿有咬口得來,又唔會咬唔斷同死咸,所以成個配搭好match💁🏻‍♀️總括嚟講感覺到佢用嘅湯底係有用心咁搭配過,西班牙火腿既係令我最有驚喜,但個人黎講唔太鍾意食幼麵,所以d麵係食唔哂既,但天氣凍去飲個湯都係正既👍🏻 繼續閱讀
(以上食評乃用戶個人意見 , 並不代表OpenRice之觀點。)
等級2 2021-02-11
133 瀏覽
一直都聽早大圍有間好好食既湯麵,今日專登同個朋友一齊黎食!一黎到已經有人排隊,但都唔使等好耐就入到去!因為係門口等既時間已經睇定餐牌,所以一入去就已經可以落單!第一次黎,當然就要試下官方推薦既湯麵啦!所以我同朋友就分別叫左棉花雞($92)同海龍皇湯($130)!本身係想試好頭好尾既,但可惜黎到已經賣晒,所以唯有下次有機會先再試啦!叫完野食唔使15分鐘就上菜,速度都算快!海龍皇湯蝦子味濃,可能因為佢包涵左蝦頭抽啦,一口飲落去好重蝦子味,朋友覺得味道剛剛好,但個人而言佢都偏鹹同油,而陽春麵細細一條,煮得剛剛好,又唔會過硬,又唔會一夾就爛,撈埋d蟹肉一齊食剛好!至於大蝦同帶子方面,2樣都好彈牙,但唔知係咪因為湯底太濃味,食落去反而冇咩海鮮味,只有濃濃既湯底蝦子味!棉花雞,高湯好飲,鹹鹹地,配上清淡既扁陽春麵就剛剛好!唔知係咪隻匙羹太大隻定碗湯太少,飲下飲下好快就飲晒,好想飲多d至於d雞,超級軟,唔會老唯一一個敗筆之處就係d麵太硬,硬到好似中間未煮熟咁,但因為我已經食左一啖同埋疫情既問題,我就冇要求到佢地再幫我返煮耐少少,但如果大家鍾意食軟少少既話,可能就要係落單既時候講一聲雖然兩個湯底對我而言都算偏重口味,但飲完唔會覺得口渴,唔好好似其他地方味精令到人覺得口渴,可能呢樣就係佢點解值得大家再嚟一次嘅原因! 繼續閱讀
(以上食評乃用戶個人意見 , 並不代表OpenRice之觀點。)
大圍有間前四季酒店既副主廚開鋪頭賣麵成一百蚊碗應該就好多人都聽過喇,咁到底值唔值呢個價❓🍽好頭好尾(3.2/5)💰102湯底幾香牛味,牛面頰肉好多好厚身,冇牙都咬到咁淋😝配料為牛面頰、牛尾,湯底為牛骨湯但牛尾...真心份量少,得一塊仔😅麵質選用扁長春麵,簡直係牛肉麵必選!但老實講,呢一碗只能夠話係一碗幾好味既零味精牛肉麵🤔我相信7-80蚊已經有唔少鋪頭做到同樣效果😢或者應該話排個半鐘隊黎講算係小唔值得,有點兒名過其實🤫🍽海龍皇湯(4/5)💰130用蝦頭油黎熬既湯睇到文字都估到有幾鮮甜😝而且標榜全天然零味常湯底,真係飲曬都唔驚啊😂😂😂配料有蟹肉碎、兩隻大蝦及北海道帶子每啖麵配上蟹肉,昇華咗成碗鮮味🤫大蝦幾彈牙,但帶子太軟身而且冇咩味😓麵質選用陽春麵,條條分明,仲保持到微微彈牙當日周六下午一點排隊,大概排咗45-50分鐘😨入到餐廳又坐咗約25-30分鐘先有野食到加加埋埋等咗差唔多個半鐘😓我既建議係值得一試,但僅於一試,再試就不了 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-02
634 瀏覽
難得星期一放假,終於的起心肝造訪一直在to eat list內的🍜好湯好麵原以為在開門前15分鐘到達便穩操勝券,怎料已經要排第20、21的位置😨實在是太低估了它的「味」力這個位置要食第二輪,幸好入完頭輪,便有店員先為我們落單。成功點了每日限量的好頭好尾,便安心起來了😝大約等了一個鐘,12:45便可以入座了!還幸運地坐上樓上雅座,空間相對闊落一點,有我最concern的1.5米安全距離✌🏻由於我們已經預先下單,坐下不久便上齊小食、湯麵和飲品👍🏻非常有效率!/先跟大家介紹一下我吃的:🐮好頭好尾 $102(川味和牛面頰肉/法式燴牛尾/牛骨湯/扁陽春麵)第一口先喝湯,立刻眼前一亮🤩濃郁鮮甜的牛骨湯,每一口都有漿口的感覺,是骨膠原啊~不得不提因為牛骨有燒過才煲湯,所以去除了酸味👍🏻燴牛尾有兩粒,非常入味軟腍,而且黏黏的;牛面頰肉有好幾片,牛味濃、有油香、肉質軟熟之餘,略帶Q彈的口感,同樣充滿膠質扁陽春麵爽滑有口感,與湯底很夾:最後,我們都把湯飲得一滴不剩,隨後也沒有口渴感,絕對真材實料!牛魔王絕對不可錯過🥰/🥃冷泡凍頂烏龍茶 $30枝烏龍茶味突出,甜中帶甘/🦞海龍皇湯 $130(藍蟹肉/海蝦/北海道帶子/蝦頭油/皇湯/陽春麵)這碗是老公吃的,幾經辛苦,才換得一粒帶子、半隻蝦、一口湯麵和幾口湯🥲因為太好吃,他都不想分給我了😂皇湯完全地吸收哂海鮮既精華,好似飲緊海鮮濃湯咁,但質感相對西式薄身一點,冇咁膩。蝦頭油的香氣也十分突出帶子鮮但唔算話好甜、大蝦正常、陽春麵相對扁麵軟身一點,個人較喜歡後者!下次我要自己叫一碗試真啲至得😌/🫓涼拌麻辣手工豆腐 $30豆腐切成薄片,盡顯刀架💯麻辣汁酸酸辣辣非常開胃,胃口大要試下喔!/後記:雖然要排一個鐘隊,一碗麵也要過百,但食物質素絕對對得起價錢!難怪今年能夠登上米芝蓮榜吧~ 繼續閱讀
(以上食評乃用戶個人意見 , 並不代表OpenRice之觀點。)