好湯好麵

營業中

休息中

推介！推介！超有水準湯麵！湯底夠味，足料！有多款特式湯麵選擇，我最鍾意係叫棉花雞， 好似真係食緊棉花雞咁😂，雞夠滑，麵既份量剛剛好，兩個人可以每人一碗麵再加個小食。一碗麵大約$80-90，價錢相對會貴少少，但絕對值得。小食也不錯，價錢合理，推介雞撕粉皮。店鋪不大，午飯時間都幾多人，服務ok，餐廳乾淨。真心好食，已經去過無數次，絕對係大圍街坊必食餐廳👍🏻👍🏻👍🏻👍🏻👍🏻👍🏻👍🏻

又是每月一餐的時候，亦係一月之星生日飯，時日太快諗唔到去邊食，諗返上年曾話過想去呢間，友人推介一於試下，因為冇得book要walk in ，大家收工即閃先到先等，thank友人先到仲要霸埋位。小的店子，好多人幫襯。餐牌，有多款湯底選擇，咩都想試，揀左陣先諗到食咩。雪梨黑豆水，$20，養生之選，味道清甜。涼拌小木耳，$30，夠爽脆呢。芝麻醬海蜇雞絲粉皮，$44，雞絲粉皮滑溜，有海蜇、青瓜增添爽口。高湯蒜子浸時菜，$32，甘甜入味。海龍皇湯，$130。有藍蟹肉/海蝦/北海道帶子/蝦頭油/皇湯/陽春麵，十分豐富，湯底味道濃郁鮮味，又不會太油膩，果然美味，麵條爽口，海蝦好大隻，但就唔算好新鮮，水準普通，帶子亦唔算好鮮。小食正常水準，湯底好味，下次有機再試呢。

假日晚餐，冇咩胃口，想食湯麵類，行下行下就黎到好湯好麵，八點幾都仲幾多人，等左十至十五分鐘左右有位。但人比較多，所以上菜有啲慢，我地差唔多食完第一碗先上第二碗。呢度價錢偏貴，因為佢用好多進口食材，例如鹿兒島雞，澳洲和牛等等，不過都算物有所值，間唔中食一次都得！我揀左棉花雞，個湯幾濃幾入味，陽春麵好夾個湯底，雞肉好好味，魚肚索左啲湯汁超正，好想加多啲魚肚。成碗食哂，連湯都飲哂。另外叫左個濃蝦餃（唔記得左影相），個湯都真係好濃蝦味，超正！因為要剝蝦，餐廳仲好貼心咁提供左濕紙巾。

日本有拉麵 台灣有牛肉麵香港大圍就有好湯好麵想寫呢間既食評好耐 但一直驚佢出左名之後就要排隊等位 拖到而家因為佢真冇乜人知但又好好味店家標榜注重食材 無味精湯底係熬十數小時而成既高湯推薦大家黎食海龍皇/棉花雞/好頭好尾每碗麵都好真材實料架海龍皇湯麵($128)每碗都有兩大隻鮮蝦,帶子同蟹肉 配搭陽春麵湯底鮮甜 有濃郁鮮蝦味兩隻大蝦肉質豐碩結實 爽口彈牙棉花雞($90)嫩滑雞肉加埋魚肚 湯底有豐富骨膠原女士們一定好鍾意扁陽春麵亦同湯底好夾如果係第一次黎覺得海龍皇貴可以試左個初階版-棉花雞先好頭好尾($100)湯底牛肉味好濃郁配搭扁陽春麵都好夾雞絲粉皮都好高質粉皮比出面食既煙韌又會比好多醬好好味每次食完碗麵都會將d湯飲到一滴不留食完會覺得好滿足小薯係沙田國返工 每個月都會特登搭車黎食2-3次lunch 真係迷之吸引最近天氣開始轉涼 會變到更加想食好湯好麵決定割愛 將呢間餐廳推薦比大家覺得如果店家努力經營落去既話可能會上到米芝蓮

今日小子又喺大圍覓食， 黎到依間「好湯好麵」大約13:30， 店內得返一兩枱客， 小子坐低， 佢既餐牌又係餐紙， 又幾好啵！ 一眼睇哂小子揀左一輪， 揀左個「海龍皇湯」， 等左陣， 熱辣辣既湯麵送上海龍皇湯 $130一個麵要$130！ 的確係貴， 小子試下淡湯先‼️不得了， 好好味～ 有2隻蝦、 2粒帶子， 一堆蟹肉 配個陽春麵， 小子飲哂d湯， 食到好飽， 好滿足。 值得一提， 店員都好好， 不段自動倒水比客人不過。。。要百幾蚊得一碗麵又的確係貴左d, 但一次半次都可接受！

呢間湯麵店，在大圍應該算是人氣熱店，每次想飲湯即想起這裡，因為之前已經試過唔同湯底，今次帶埋朋友仔來幫襯！！湯麵款式口味多， 今次試下啲新口味蠔豉豬豬👉🏻日本蠔豉、黑豚五花腩，味鮮甘香叉燒飽👉🏻日本叉燒配鮑魚，鮑魚新鮮，叉燒稍嫌過瘦濃蝦餃👉🏻海蝦配豬肉餃，蝦肉爽口彈牙好頭好尾👉🏻牛既面珠墩同牛尾豉油雞翼，正常入味油蔥湯青菜能把湯一滴不留放進肚子裡的一碗靚麵，湯頭材料用大量食材心機餚成，張力十足，完全沒加味精，喝過湯後也沒有口乾感覺，喝出是回到家裡老媽子的靚靚老火湯味道，是真材實料，也是我常光顧的原因

A friend who lives in Tai Wai recommended Hao Tang Hao Mian to me, saying that it’s one of her favorite to go restaurants in the hood. After trying it last Saturday, I understand why my friend likes it so much! It got my heart immediately with their superb noodles and soup!I got this Flat Noodles in Supreme Broth with Kagoshima Chicken Meat, Fish Maw, Black Mushrooms and Julienne Yunnan Ham. The toppings were like the traditional dim sum “Cotton Chicken”. First sip of the broth gave me an instan

一間偏離於大圍火車站，默默經營的用心小店，值得專程到訪。芝麻醬海蜇雞絲粉皮～很愛吃粉皮，但很多時都吃得不甚滿意，這裡的；質薄而煙韌，喜這味的記得要試啦！配爽脆的青瓜及香滑的芝麻醬，滿意！蠔豉豬豬～日本蠔豉肥美鮮嫩，湯底濃甜，還有肥而不膩的五花腩配彈滑的扁陽春麵，美味就不用多説吧！雪梨黑豆水～微甜、潤肺清燥。#芝麻醬海蜇雞絲粉皮 $43#蠔豉豬豬 $98#雪梨黑豆水 $19好湯好麵地址: 大圍積存街20號地舖電話: 28135077

星期日中午係新城市行到肚餓，但沙田又得d連鎖舖，有d悶...😪既然今日有揸車，就揀左去大圍🤔反正呢個地方平時冇咩事都唔會黎🤣🤣-黎，睇睇個門面先台灣搵食節目「食尚玩家」都介紹過，OK，就睇下佢咩料🤣🤣-經過N分鐘選擇困難，我地最後嗌左：1）叉燒鮑 $98扣鮮鮑魚/日式叉燒/高湯/扁陽春麵Braised abalone/Japanese barbecue pork/Supreme broth/Flat noodles2）綿花雞 $88鹿兒島地雞肉/魚肚/北菇/雲腿絲/高湯/扁陽春麵Kagoshima chicken/fish maw/black mushroom/Julienne Yunnan ham/Supreme broth/Flat noodles 湯底好好飲😭食得出係有心機餚，個麵都好特別，扁陽春麵，口感係煙韌同幼身既，食厭左普通車仔粉麵果d可以黎試🤤呢個綿花雞個湯有落魚肚餚，黏黏地咁骨膠原爆棚🤤-埋單2個人$188，其實都係同食個pasta一樣，但呢間野咁有香港特色，係值既😽

做了沙田柚這麼多年，早已聽聞大圍有間沙田柚必去的「好湯好麵」。所以，今晚決定跟中學同學到此小店敍舊。「好湯好麵」由前四季酒店大廚用心經營，作為前五星級主廚，當然不甘心炮製魚蛋湯麵貨色給食客品嚐。貪新鮮的我，一坐下就點了全場最貴的迷你佛跳牆。雖則說貴，但只需$138就可嘆盡五星級滋味，性價比其實極高。話明佛跳牆，自不然有齊鮑魚、海參、素翅、魚肚、鹿兒島地雞肉、北海道帶子等豐富材料，真的材料多過麵。湯麵選用扁陽春麵，殊一聲滑入口。值得一提的是，最要品嚐的不是鮑魚或魚肚，而是那碗用幾十款材料加心機熬製而成的鮮湯，完全不加味精，吃完麵再喝啖湯都沒有口乾感覺。小店店名改得很貼切，不只有「好麵」，更有「好湯」，推！

見到好多推介呢度湯底正，就諗住尼試下啦價錢唔算平，一碗麵78蚊起但份量足夠，普通食量嘅人一定夠飽！個湯底真係幾有誠意，似飲緊住家湯，個麵底都不錯唔會煮到好淋，有機會會再尼試其他湯底

喺蘋果日報上面見到介紹，話呢一間小店嘅大廚係酒店餐廳出身。本身我係好鍾意食麵，又好鍾意飲湯，特別係濃湯，於是就趁閒日過去幫襯下。試過第一次之後真係念念不忘呀！首先佢每一碗麵都配唔同嘅高湯同埋唔同嘅麵條，食得出個心機同埋食材嘅新鮮，而啖啖濃郁嘅高湯真係會令人飲清光...食完係唔會頸渴㗎！而且店員服務殷勤，嗌墨魚麵會有圍裙，嗌海龍王麵會有濕毛巾等你搣完蝦殼可以用... 真心推介呀！不過要注意佢每日下午三點至到六點係唔開嘅。

雖然一碗海龍皇湯要$128，但絕對係100%真材實料零味精。藍蟹肉既份量一d都唔吝嗇，一撮麵一小撮蟹肉咁食，食到最後一撮都有蟹肉。兩隻蝦好大隻，同北海道帶子一樣好鮮味。而個龍蝦湯底真係重點，食完麵飲曬成碗好滿足個油蔥燙青菜都不錯，有d卜卜脆既油蔥酥做點綴，同青菜既味道好夾！仲有好多味都好想試下，一定有下次！

就快做大圍友接近一年了不停試下新野搵更多CP值高既餐廳加入飯堂list.➖➖➖➖➖➖其實呢間已經第二次食今次食黑口黑面🦑呢間係食湯麵嘅餐廳佢哋每個湯麵嘅名都好特別湯底全部真材實料冇味精好鮮味今次我呢個係用墨魚汁整既湯底好鮮甜又有小小咸香味🦑配料有北海道魷魚同墨魚滑🦑北海道魷魚感覺新鮮彈牙🦑墨魚滑就普通➿唔係平時識食好彈牙嗰啲➰ 質感係偏林身➰食到有一粒粒墨魚肉，調味就不錯既👌🏻只係口感方面比較失望🍜麵底配扁陽春面🍜我個人覺得好食但麵一定要趁熱食先好食如果唔係就會林晒喇！🔶本人食任何湯面都會好著重夠唔夠湯🔸‼️極度之害怕唔夠湯既麵‼️♦️呢間啲湯又足又好飲啊♦️唯一就係價錢貴左少少啦😬最平一碗都要78蚊但食過都覺得值得既🤗有heart 💪🏼要支持可以排入飯堂list lalalala

在閒日的晚上,想喝一囗好湯,就想起這店了。海龍皇湯: 蟹肉,海蝦,北海道帶子,配上蝦頭抽及濃濃的海龍皇湯,湯底又濃味,又很鮮味!! 海蝦新鮮大隻!! 北海道帶子没有雪味,很鮮!好頭好尾: 用上和牛面頰,法式燴牛尾及牛骨湯,第ㄧ口當然是先喝湯,真材實料,十分好喝!!啖啖牛味玫瑰豉油雞中翼: 有住家製的感覺和味道黑糖桂花芝麻湯圓: 因為是即煮的關係,店員已提前說明要等15-20分鐘.終於上枱了,很好吃! 點在湯圓上面的是桂花,ㄧ陣清香的桂花味!! 湯圓皮薄,芝麻餡很多! 喜歡桂花的人,千萬不要錯過!! 四粒,感覺不夠吃