好湯好麵

營業中

休息中

大圍，一處美食集中地，雞粥、邊爐、地道小食……各式各類美食應有盡有，不過當中有一間暫時係我喺大圍食過最好，名為「好湯好麵」，顧名思義就係好嘅湯配好嘅麵，而佢嘅質素絕對係對得住呢個名，有幾好？就係試過返唔到轉頭。下午大約3點，與友人一同覓食，剛巧經過「好湯好麵」，眼見Menu 價錢過百一碗麵，內心有動搖，但得知網上評價極好，決定一試龍與鳳，店外雖無長龍，但亦需等候約半小時。友人一句話：「食就當然要食出邊少有嘅種類啦！」我倆一同選擇「海龍皇湯」，湯麵到場，香氣四溢，食麵先飲湯，濃厚龍蝦湯充滿蝦頭油香—鮮甜（如果我身處食戟之靈世界，我應該會爆衫），麵條充分吸收湯嘅味道，每一啖都係精華。而且湯入面有大量蟹肉、兩隻新鮮大蝦及極大北海道帶子，不過主角依然為湯底，食完麵同各類海鮮，最後，我舉起「海龍皇湯」一飲而盡！回味無窮！極度推薦「好湯好麵」！味道、性價比都係一流！不過去就要早，因為有機會賣完！

下午兩點幾先到，排咗30-40mins。好頭好尾已經sold out，叫咗黑口黑面，棉花雞，雞絲粉皮。雞絲粉皮來先，正常水準，幾好食。兩碗麵都好足料，但好淡！完全冇味！應該唔係hea 整，係咪唔記得落鹽？定係因為時間已經唔早，d 湯溝淡曬呢？如果唔係食咗雞絲粉皮先，我會以為自己失去咗味覺，有肺炎！真係唔知驚嚇定好笑！真係expectation過高！可能只有好頭好尾最出色掛！兩個人食咗成200，同拉麵差唔多價錢...不過好似食拉麵爽d

約左朋友踩單車，佢地話大圍依間麵好出名，話想黎試，但又擔心食素既我冇野食。於是上網快check左一次，原來依度係有素麵，而且仲有幾款素既小菜，咁就無論係食肉定食素既朋友都可以食得放心。雖然係平日，但都要等位，如果係假日或者夜晚應該會好full。等位時再次確認係有素食，即刻放心哂。鋪頭門口貼左「可以不愛但不要傷害」既貼紙，即係店家都係愛動物之人，加分鋪頭細細以為要等好耐，原來樓上都仲有幾張枱，所以好快就有位坐。稍等一陣，一碗碗新鮮煮好既麵就捧左上黎。「海帶菇菇」陽春麵係用海帶同菇菌做湯底，有股清甜既味道，麵既軟硬度適中，都幾啱口味。最特別要數條腐皮條，好似一條幼身響聆，啱啱炸起非常脆口，就算點埋湯都仲係咁鬆脆，如果有得散叫多幾條就正喇。食完行幾個街口就有單車租，如果黎開踩單車都可以黎食一碗好湯好麵呢。

兩點幾黎到，排隊等左45-50分鐘先入到去最想食既好頭好尾已經賣晒😭唯有揀第二款叫左黑口黑麵粒墨魚膠好好味個湯好濃好好飲職員好細心，會比埋圍裙你驚啲墨汁會彈到衫到之前有人話著白色衫先比但都唔係既，你叫呢個黑口黑麵就會比嫁啦另外仲叫左個海龍皇湯麵完全可以用light版既龍蝦🦞湯黎形容個湯底好好飲👍🏻好足料飲哂都唔會口渴最後仲叫多個手工豆腐好滑身，切得好薄身排左咁耐，都算值得嘅希望下次黎可以食到好頭好尾啦

早排天氣涼返，就同朋友約埋去食碗熱辣辣嘅湯麵暖下身。每次行過都排長龍，今晚大概等左半個鐘。我就叫左海龍皇湯，朋友之前食過，今次就試新野，叫左叉燒鮑。海龍皇湯一上枱，已經好香蝦湯味🦐飲落有啲似龍蝦湯，不過就有蝦頭油而更加香濃！除左鮮甜嘅湯底，仲有一堆蟹肉，兩隻大蝦同大大隻帶子。帶子煮得比較熟但都唔會乾👍🏻侍應仲好貼心送上一次性毛巾俾我地食完蝦抹手而叉燒鮑湯底比較甜，叉燒雖然偏瘦，但都唔會韌，麵質就係扁麵，有日式烏冬嘅感覺🇯🇵🍜雖然價錢比普通湯麵貴，但十分足料，都算物有所值～下次會再黎試埋其他嘅湯麵😋😋

Don't like waiting in line but when you've come to woop woop to have a bowl of noodles, I guess you can't do much about it.  A taro pearl milk tea from Gong Cha enjoyed while waiting in line did a few favors for us this hot October day.   Of course it's the company that matters and I enjoy traveling to the ends of the earth hand in hand with this one. We ordered: Sichuan Spicy Stewed Wagyu Beef Cheek/Ox Tail/ Beef Broth Flat Noodles Blue Crab Meat, Prawns, Hokkaido Scallops, Prawn Sol, Seafood P

晚上九點來到這裡，終於不見了長人龍，同時我都餓到胃痛。叫了巴馬火腿，老闆再三叮囑我要自己煮的，太想喝一口濃湯的關係，所以都堅持買了。回家後跟足指示，先煮麵，再將湯翻熱。5分鐘後，香到震既湯麵完成了。厚厚的濃湯，吸滿湯的竹笙，當然唔少得主角 －48個月的火腿。食到連個碗都食埋，聽落跨張，但那個咸香火腿的美道，真係瞓醒，d 香味也留在口裡。

因為見到有明星推介隱世小店又勁多網上介紹，所以特意走進大圍試“黑口黑麵”同“好頭好尾”。 “好頭好尾”個湯係超級濃郁又好足料，同網上好多的介紹一樣，飲得出是用足心機，因為我喜歡飲湯加上又怕肥，我飲咗大半碗湯，飽了😂😂呢個都係我去到比較失望嘅地方，因為都算主打可以連湯底都可以飲，若果有足料淨湯就最好，最啱我依啲減肥人士，唔想食咁多麵。至於“黑口黑麵”，個湯底冇我想像中咁有濃郁嘅墨汁香味，反而最令我驚訝嘅係個手打墨魚滑裏面真係有粒粒墨魚肉，好好食🤤🤤。不過，我嗰日店員冇比圍裙，我要食得好小心，冇網上面啲人講店員咁貼心😅餐廳都係一間小店都冇咩裝修可言，位置唔多，所以最後一口食完即刻俾人收碗😂若果你鍾意飲湯又鍾意食麵呢間都真係唔錯嘅。不過都幾多人排隊，大家去食都要有心理準備等

一早已經有睇過介紹呢間店既報導可惜一直未有機會試到今日經開大圍終於可以一試呢間好湯好麵可能係平日黎既關係 門口只係得一組客人等位 我地係第二組 大約等左十分鐘左右便可以進店入座等位期間店員亦不時會同我地講"執緊枱喇 好快到你地"感覺十分友善我地二人被安排到樓上坐低 因為之前見到其他食評都話要等成半個鐘先到 所以一坐低我地都拿拿臨落單 落完單店員亦貼心推介今日有檸檬薏米水服務態度十分好等左十五分鐘到好頭好尾就已經到第一啖飲湯 已經食到非常濃郁既牛味相信湯底一定係真材實料牛面頰肉有四五塊肉質彈牙而且好有牛味雖然薄薄地 但係已經好滿足牛尾就只有一舊D 肉煮到好淋而且帶有少少紅酒香味呢款係用左扁長春面 掛汁掛得非常多一啖湯加一啖面大滿足棉花雞飲第一啖湯已經覺得直頭係平時食一盅兩件果隻汁做底味再加上高湯而成 十分濃郁比起好頭好尾我更喜歡呢個棉花雞濃厚而不濁棉花 非常吸味 冬菇厚身 而且夠淋豉油雞翼煮得入味而且雞肉爽口涼拌雲耳就普普通通無咩特別調味 比較淡口如果係加有辣味的話相信會更加好整體黎講呢間店係高質 等待都係值得期待下次再黎試海龍皇湯

千里迢迢，由太古城嚟到大圍，叫咗一碗佛跳牆，原本想再加多一款小食，但見到侍應阿姐服務態度差，好唔耐煩，晦晦氣氛，愛理不理，所以擱置咗。碗麵等咗大半個鐘頭先嚟到，份量又少，味道不外如是，環境坐位又擠迫，唔明咁嘅質素，仲收$138一碗麵？絕冇下次。。。

午饭排隊食第一輪，叫左碗好頭好尾。苦等半小時才上枱。先品嘗一口湯，好香好有濃郁牛味，應該是高湯底功勞，味道很豐富。再食牛肉好唸好農味，牛面肉很特別，相信除了酒店，小店不易會采用。牛尾份量較少，加多一點會更好。湯和肉結合的效果很好，一口湯加埋一口肉非常一流，不油利，完全真材實料，非常滿足。男士食一碗要饮晒全部湯才饱。收費不算貴，绝對物超再值，想饮好湯绝對找對地方。下次要试食海龍皇，期待海鲜味和蝦頭味。

今日外賣order 左個棉花雞和羊肉麵，棉花雞的個湯係幾好，但係咁嘅價錢只得2片仔雞肉，和幾舊超細魚肚，我個人認為作為一碗麵來講，冇理由我只淨飲湯，是嗎？至於個羊肉麵，就真係好羶，不是一般人可接受到。情況亦如棉花雞一樣，只得不超過3小片羊肉。老實講句，本人平時很少寫食評，除非特別差，呢次見到open rice 咁多人讚，而且以呢但價錢嚟講，自然會有期望，所以真係忍唔住要講出嚟，希望店主可以接受批評，做更岀色的食物給大家。

幸好在門外等侯了約二十分鐘有座位，輪候時已決定了想吃什麼，每人（兩人）各自叫了一碗好頭好尾和一碗海龍皇湯麵～食材＋湯底＋麵條配搭（不同款式麵款已配搭好不同粗幼麵條）很匹配。性價比合理！值得再去！

今日本身打算去買外賣我入咗去間舖頭度打算叫外賣 但係我想睇吓個Menu先 (冇打算坐低,只係喺企喺入面睇menu)店員就就話我違反限聚令要我去舖頭出面睇咗食咩先但係舖頭外面又熱又曬個Menu又冇詳細嘅內容價錢大佬我只不過係想用啲時間睇睇食咩先你都要趕我出舖頭門外可能真係太好生意唔憂做之前食過食物都唔錯不過價錢真係太貴平時又要等好耐應該都唔會有下次服務態度真係太差連你喺入邊慢慢叫外賣嘅機會都冇要趕d客出門口

剛開張的時候, 人龍並沒有如此的恐怖, 週末午飯時間要等超過二十人才能入店. 一碗盛惠百多元的中式麵, 再加上店舖在大圍這住宅區, 還以為它不會生存到很耐, 結果令我跌眼鏡. 在武漢肺炎肆虐的情況下, 依然保持著車水馬龍, 無論Dine In和外賣也是, 這也許是真正的實力.主廚來自Caprice, 這家餐廳的中式麵處處有着西式食材和煮法之身影, 墨汁兌高湯, 西班牙火腿, 以及我這次吃的海鮮湯麵. 這湯底以火候十足老火豬骨湯, 配搭極濃的海皇湯底, 最後撥上蝦油而成. 整個湯底就像我們吃西餐的龍蝦湯般鮮活咸香, 色調和味道也感受到其豐富的蝦膏. 以陽春麵作麵底, 口感軟糯但條理分明, 不會煮得糊爛, 黏度頗高, 故此外賣時餐廳不會煮好給大家, 怕煮完待涼再吃時黏作一團. 配料有兩隻大頭蝦, 兩粒帶子和蟹肉碎, 海鮮煮得恰到好處, 用料也夠新鮮. 店舖面積不大, 員工服務有禮, 不會因為小店而將服務質素下降. 如果說其麵食定價高昂, 我覺得還要看其食材用料及煮法之心思, 與其花同樣價錢吃So Called米芝連加持的日式拉麵, 而又吃到一肚氣, 不如吃這家還好, 感覺更物有所值.