限聚令2人下，現時已恢復6點前堂食。星期日的中午，經過來了呢間餐廳，坐低後才發覺原來無平日的下午茶套餐。照叫了2樣食物，分別是蜆肉意大利粉& 吉列豬扒咖喱滑蛋飯，再加杯奇異果梳打。價錢已經$300。都係下午茶抵食好多🤯 食物方面，2款食物都係好食既。意粉彈牙，滑蛋夠滑。

最近大圍開咗間人氣茶餐廳，日日都坐到滿座，原因係大圍本身真係缺少高質茶記。加上位置近地鐵站，難怪日日都咁多人幫襯。 今日黎一試佢嘅早餐，11:30am前嚟到仲有早餐食叫。一條友嚟到，被安排搭枱同另一個男人坐卡位。實在很不情願，加上餐廳喺呢個疫情時候，座位竟然冇放任何隔板！ 需知道食嘢時需要除低口罩，同對面嘅陌生人簡直係零距離。唔明白為何餐廳冇做任何阻隔措施，但又要逼人搭枱！實在非常扣分！ 叫咗個沙嗲牛麵嘅早餐，配炒滑蛋同埋丹麥多士。沙嗲牛麵湯底非常濃郁，滑蛋夠滑，丹麥多士亦充滿牛油香。食物質素來講係唔錯，但麻煩餐廳真係要諗一諗改善隔位問題，一係你就唔好逼人搭枱，咁樣會令食客好擔憂。

平日工作黎開牛頭角，吃飯時搜尋一下附近有咩黃店，就搵到呢一間日本野。午餐menu 有大約10個午餐set可以選擇,主要以一些定食、魚生飯為主，價錢由$6x - $13x 都有，算係豐儉由人。 我點左一個三色魚生飯，有三文魚、帶子粒、同埋油甘魚。三文魚同油甘魚各三片，帶子有6小粒，價錢大約$8x. 味道算正正常常，唔算太特別或難忘。以工廠區嘅午餐價錢來講，性價比就一般般啦！

早餐想黎呢度試下個all day breakfast，點知黎到先知個menu 已經變左，已經無all day breakfast 食。一心黎到，唯有照食，試下其他早餐。我們點了2份，一個是三文魚bagel, 另一個是肉丁炒蛋bagel. 老實說，價錢性價比真的有點低，每份早餐要大約$8x - 9x. 味道是正常，但一個包要這個價錢真的有d 貴。而且男仔食完係唔會飽的。另外我們仲點了2杯飲品，雪梨水同埋無花果茶，每杯價錢要$4x. 杯既size亦好細，係正常水杯既一半。2人埋單要$26x， 未必會再幫襯。

在政府公佈餐廳晚市停止堂食前一晚，來了我大圍最喜愛的餐廳之一。呢間餐廳假日非常多人，經常要排隊。d 面款又常常好快賣晒，只剩下1-2 款。今晚難得來到唔洗等位仲有齊所有面款😜 我們點了2款面及2個小食。先評一下小食，話梅蕃茄仔同埋麻辣豆腐。蕃茄仔酸酸尾尾非常開胃，好適合作為餐前小食。豆腐微辣亦相當醒胃,就算平時唔係好食得辣都食到，2款小食都好味！ 至於兩款湯麵，黑口黑面嘅墨魚滑尤其出色。自家手打，墨魚味非常之出，又彈牙，超級正！佛跳牆有濃郁嘅雞湯味，食完碗麵要飲晒啲湯是常識吧！湯底絕對冇加任何味精，就算飲晒都唔會口渴。 疫情下希望飲食業界撐住！加油啊！💪🏼 如果餐廳開加盟店好有興趣合作😎

朋友介紹觀塘這間樓上cafe 唔錯，打算約友人齊去試下。平日7點半左右到達，已見門口人山人海。餐廳唔算細，可是慕名而來的人似乎更多。等了30分鐘左右終於入到去。落單由電話作電腦落單，減少不必要接觸，又夠方便 我們點了蟹肉蒜蓉意粉， 雞肉牛油果面包同疏乎厘pancake. 三款食物都非常好食，推薦給大家。尤其是蟹肉意粉，辣辣地很惹味。唔食得辣既亦可揀唔辣。想吃的話，大家記得預早少少去羅飛同埋留定個胃食甜品！相信會再黎幫襯！

平日下午來了這一間餐廳一試, 這一間好像是有宗教背景的。雖然我沒有宗教信仰, 但食物質素才是最重要啦。lunch set我點了一個煙三文魚軟法包配沙律。店主介紹面包是他們新鮮自家製的。嚐了後果然不錯, 用料也很充足, 也有蕃茄和生菜的配料。沙律配碟方面, 份量亦是十分足夠, 配合起來吃十分開胃。此餐廳的賣點還有他們的精品咖啡，可惜我不太能飲咖啡, 所以最後選了台灣高山茶, 口感也滿不錯。 食物質素與服務都好, 唯一缺點應該是價錢吧。這個lunch set $98 元, 對一般上班族的午餐來說應該有點貴吧~

以前係九龍塘讀書，成日同同學仔黎九龍城呢度食泰國野，食完飯就黎呢間金滿堂食甜品。所以呢間野可以話充斥著滿滿的回憶。 宜家人大了，同學仔都有各自既家庭，已經好少再一齊聚。好多年無再黎食甜品，今晚有緣經過再買了一盒以前最愛——麥提莎糯米糍回家食。軟綿綿的外層包住入面脆卜卜既朱古力麥提莎，仍然都係咁滋味，好快就清晒一盒5粒！ 我地班同學每個都改變了好多，香港都變了很多，難得的是呢度一點都無變，依然係我當年吃的這一種味道，確是令人懷念。

星期日的下午，最開心就係同友人搵個舒服嘅地方一齊吹水high tea。熱愛食scone 既我，精選左呢間餐廳一嘗它的水準。 室內餐廳裝潢非常有外國cafe 風情，戶外亦有好多枱俾中意曬住太陽chill 既朋友。餐廳嘅職員大部份都係外國人，食客一半以上嘅都是外籍人士，所以入到黎，就有一種好似去咗外國旅行嘅感覺。 麵包櫃入邊放着各種新鮮出爐嘅麵包、牛角包、曲奇、仲有我至愛既scone, 非常吸引 我同友人叫了一份cheese scone & 早餐set “The Angler’. Cheese scone 仲附送一塊芝士同青瓜俾你夾住一齊食。而早餐set亦非常豐富，有水果乳酪、朱古力牛角酥、牛油果、三文魚等等，配上一壺花茶可無限添飲。 如果想過一個chill嘅下午，非常推薦呢間餐廳比大家!