好湯好麵

營業中

休息中

未到門前都見到一大條人龍，排住隊睇下餐牌，本身睇到個價錢覺得少少貴，心諗一碗湯麵有咩咁特別？想試最受歡迎嘅海龍皇但係賣哂，就叫左同佢一樣係蝦湯嘅濃蝦餃。湯底本身係雞湯，加入左龍蝦牛油、蝦子得惹味材料，超級濃郁！有啲似龍蝦伊麵嘅味不過味道非常天然新鮮。以為陽春麵會稍為淋身，但佢地嘅麵底非常彈牙爽滑配料有蝦同肉餃，都係材料十足原汁原味。另外仲有食「黑口黑麵」，係用墨魚嘅配料製成嘅，相反就冇咁特別，墨魚味唔太突出，但都食到好鮮甜嘅雞湯味，墨魚滑係出色嘅🦑湯麵依個價錢唔平，但佢物有所值。熬湯底所花嘅時間功夫，每配麵嘅配料配搭都做得好好👍🏽會再番黎食☺️

呢間好湯好麵係我既其中一個to eat list 之一，因為身邊太多朋友都介紹過，又見佢經常要排隊，搞到我都心癢癢想試一試，再加上拎左米芝蓮後，我更想試一試。原本想食佢個海龍皇或好頭好尾（即係海鮮湯麵同牛肉麵）但因為買晒，唯有退而求其次，食呢個黑口黑面，希望食完唔會黑面呢。可能真係太多人，同我懷疑佢係集齊幾張單一次過整，所以等得有d耐，不過唔緊要，好食既野，等係冇問題架！終於黎度喇，湯底係烏卒卒既墨汁湯底，墨魚同墨魚滑。好食既係，兩粒墨魚滑煲好大粒，彈牙。麵條係扁身，唔林同有咬口。不過湯頭方面，其實唔太特別，味道又唔太特別，冇咩突出位，隨左係黑色同冇墨汁外，完！結論係呢碗麵要84蚊，雖然食個日本拉面都係呢個價錢，但食日本拉麵會開心d~

大圍間好湯好麵之前一直都想去，終於係weekend放假去左食！Lunchtime時間好多人排隊，建議可以的話早少少排，不過啲人食完都好快走，所以唔係排左特別耐。叫左碗棉花雞($92)，用左鹿兒島地雞肉、魚肚，湯底好濃郁，飲晒都唔頸渴！麵質就可接受，掛到湯，但未到好特別。仲叫左碟油蔥燙青菜($30)，用豬油爆香左啲蔥，十分香口！最後都叫多碟鳳爪，少少麻香味，幾過癮。整體來講，湯底真係幾好飲，下次會再嚟食其他野。

大圍站A出口一出直行，到最盡頭嗰條街油站對面就見到好湯好麵 舖頭都好容易搵到今日3:00嚟到 但係依然都坐滿客人睇嚟如果一兩點晏晝時間黎食應該要排隊食今次試咗兩個麵 本來想叫好頭好尾但係已經賣晒 所以就決定咗叫一個係棉花雞（$92） 一個係海龍皇（$130）之後仲要多咗個小食就係芝麻醬海蜇雞絲粉皮（$44）餐牌如下見到好多客人都係嗌呢兩個湯底食 都係咁樣組合 大家知道好頭好尾賣晒 都好失望咁叫棉花雞😂😂睇嚟好頭好尾幾吸引大家喔 棉花雞 🐔一嚟就試咗佢啖湯 好濃郁 好有雞味有少少感覺似中式茶樓可以叫嘅嗰種棉花雞嘅感覺 冬菇都好入味 啲雞真係食落去好順口 呢個湯底配合扁嘅陽春面 成個感覺好夾以棉花真係冇得彈 好順滑 入口即溶嘅感覺海龍皇🦐首先麵質方面 佢用咗細嘅陽春面可以吸到好多湯嘅精華 佢有兩隻海蝦 兩隻啲肉都係好紮實值得一讚嘅係佢嘅墨魚滑 即係食過咁多間墨魚滑真係得佢一間係咁好食 完全唔會Hea你 湯底入邊仲帶啲蟹肉 食落去嘅感覺真係好有層次 真係成件事冇得挑剔佢哋仲好細心附送濕紙巾比我剝完蝦殼清潔雙手 芝麻醬海蜇雞絲粉皮🥢提提大家真係要撈勻啲醬先好食呀佢哋嘅粉皮係好煙韌 好有咬口唔

難得今日早放工 一於黎好湯好麵碰下運氣6點半黎到 好好彩唔洗等位 走果陣已經見到有十幾個人等緊首先叫左一碗海龍皇有兩隻大蝦 蝦肉好實淨而且湯底超濃龍蝦味另外叫左碗棉花雞 魚肚好鮮雞肉係黎至鹿兒島 果然口感唔同但湯頭就冇海龍皇咁特別

大圍一直不乏特色美食，食物種類包羅萬有而且每到進餐時間就見到人龍處處其中一間更由當初的無人問津，到現在每天都要排隊至少大半個小時或以上才吃到，首次獲得一星米芝蓮美食海龍皇湯 $130迷你佛跳牆 $138要試當然要試最受歡迎😋的那款充滿霸氣的「海龍皇」而另一款「好頭好尾」，充滿濃郁牛🐂味的卻在來到前已賣光😭 唯有一試「迷你佛跳牆」先說「海龍皇」，單靠賣相已經拍爛手掌👏🏻，只看用料已經感受到鮮味：圓潤又爽口的北海道帶子＋兩隻嫩滑彈牙的大🦐海蝦＋鋪滿湯麵表層蟹味十足的藍蟹肉🦀至於「迷你佛跳牆」，配料亦非常豐富：北海道帶子、鹿兒島地🐓雞肉、海參、鮑魚、素翅、魚肚、🍄冬菇、雲腿絲，又是另外一番風味兩款麵配上陽春麵跟扁陽春麵，相當掛湯不過麵質偏軟身，喜歡與否就見仁見智「海龍皇」用上蝦頭油跟皇湯🍲，濃郁又鮮味；後者味道則相對清淡，鹹鹹的雲腿香亦不乏濃湯鮮味，最難得店家完全沒有用上味精，全由大廚熬半天精心烹調出來的，非常好喝，一滴不漏的喝光光😋這次接近7時來到已經站滿等待用餐的客人，差不多等了一個小時才入座，店員會提前幫客人下單，一來可提升上菜效率，二來亦可計算還可以多做多少生意大概7時半的時候店員已

剛巧到大圍工作，難得到大圍，當然要一嘗美食，上網見到推介這間餐廳，決意一試！遠處已見人龍，相信沒有來錯餐廳我選了棉花雞，等了大約15分鐘，終於上麵！看上去平平無奇，普通湯麵一碗到底有甚麼吸引之處呢？為何定價比坊間麵館貴了將近一半？先喝了一口湯，終於明白為何長期保持人龍，其湯底濃郁鮮甜，縱使配料如此簡單：鹿兒島地雞肉、魚肚、北菇、雲腿絲，但卻鮮味無比，我忍不住喝光了湯，相信湯底選用了多種新鮮食材熬製才能如此濃郁。麵底乃扁陽春麵，彈牙煙韌配上湯底簡直令人欲罷不能！愈簡單的食材才顯得廚師對食物的講究，值得再來！

當日一月宣佈好湯好麵拎左2021年既米芝蓮必比登推薦咁蘋果就緊係不斷係度番loop佢地既報導啦原來餐廳係由幾個酒店人成立大廚更係前四季酒店三星法國菜caprice既副廚聲稱食物係真材實料整成十二款湯底食物成本超過四成同佢以前做caprice既時間有得揮比出面坊間餐廳就高好多果日去完東平洲坐幾個黨鐵站黎左大圍呢邊咁之前果次就試左海龍皇今次想試佢另一個招牌好頭好尾點知夜晚黎到已經賣晒唯有揀其他今次夜晚食條龍感覺短少少不過都排左差唔多半個鐘今日行左多路所以一次就叫左三個麵佢都有比碗我地自己分問佢最後果碗可唔可以遲d上但就話因為都一直整緊所以做唔到都明白既第一個係佛跳牆算係咁多個麵第二貴既感覺就同上次果個棉花雞差唔多係再多左鮑參翅同帶子第二個係上次都掙扎緊叫唔叫既黑口黑麵跟餐有件比堅尼圍裙跟幾特意飲落個湯好似都係差唔多係個色唔同左有對比就有傷害亦都唔算好特別第三個見廚師推介都試過晒就亂咁叫既叉燒飽睇落最普通反而有驚喜十足日式拉麵咁樣但塊叉燒我覺得好食過拉麵店仲要大大塊個湯再濃d不過後兩碗麵就差唔多時間上食完叉燒飽再食番黑口黑麵就已經涼左下次真係唔應該再咁叫法咁之前黎果次就睇完個報導係餐廳拎左米

我覺得名過其實。先講「叉燒飽」，個人認為陽春麵雖然睇落算係條條分明，但食落太淋唔爽口。其次係個湯底雖然濃，但點嫌太膩。最後係啲叉燒，厚而瘦。然後係個「海龍皇湯」，個人認為呢個麵煮得更差，煮到個麵有啲糊。其次係隻蝦好明顯唔新鮮，甚至啲蝦肉係韌。另外個墨魚滑係鬆散唔彈牙，似食粉團，亦冇咩墨魚味。最後係個湯底，比起「叉燒飽」係稍好，但只有濃味，如果可以做到濃而香更好。講真一百蚊唔係多，冇期望過要食到好好，但連最基本嘅麵質都冇做好就真係好失望。可能係我黑仔，又或者咁啱我嗰兩碗失咗手，但都唔會有下次。

今日朋友帶我黎呢間位於大圍既人氣湯麵店，平日夜晚收工時間排隊排左45分鐘，本身想試招牌「海龍皇」可惜賣晒，於是我叫左「濃湯餃」，個湯底好濃郁，食材好新鮮，我叫多左隻溫泉蛋，真材實料，我成碗湯都飲晒

是日去大圍郊遊去完車公廟後大約11:30，於是提早食晏，去google尋找大圍美食。其中一間便介紹好湯好麵，我依稀記得在YouTube睇過他們的介紹，於是乎和友人尋覓它的所在地。原來店舖12:00才開門，但門前已有10多人的長龍，感覺一半是熟客另一半像我們慕名而來的。雖然未開店，其實門外已經張貼他們的餐牌及招牌湯麵，客人可以揀選他們的心頭心酷。他們的招牌麵改名很有特色，包括有黑口黑麵、棉花雞、海龍王湯麵、好頭好尾。有些從字面看上去已經知道是什麼材料的湯底，但有些真係要看清楚才知都內裏乾坤。餐廳標榜真材實料，用了十足，長時間熬煮湯底。另外，老闆的來頭亦不少曾做四季Caprice 的二廚，我一向欣賞Caprice的菜式，所謂名師出高徒，相信二廚自立門戶之後亦會保留餐廳的烹調技巧。是日,我選了棉花雞湯麵，朋友選了海龍王湯麵另加2杯薏米水。棉花雞湯麵先上，話明好湯好麵，我當然要飲頭啖湯啦⋯⋯雞味濃郁，果然是用料十足，超讚🥰。至於雞肉、魚肚及冬菇已不是重點。隨後是海龍皇湯麵（海龍皇湯麵是這麵店第二最貴的湯麵）有點像龍蝦湯的湯底，味道濃郁。相較棉花雞的湯底，海皇湯的味道較濃味。配料方便亦夠新鮮包括

Bookmark咗好耐而家先去一向都知起碼要排一個鐘先有位😂😂開晚市前十五分鐘都已經有十幾個人排緊隊😮😮😎我係第一輪最後一位可以入去😆😆🤤未入去前已經睇定食乜好😏揀咗「叉燒鮑」有扣鮮鮑、三塊日式叉燒、高湯、扁陽春麵出晒名湯底極濃郁🤤🤤見到隔離枱連湯都飲晒😮就知湯底質素之高夠真材實料👍🏻👍🏻👍🏻飲品方面試咗冷泡桃香紅茶覺得麻麻地🤔好似一般茶飲好多人都嗌海龍皇湯、濃蝦餃、棉花雞、迷你佛跳牆🤤🤤下次會再黎試😋😋😋

大圍❣️熱辣辣湯麵大圍開左好多小店，今次就去試下人氣好高既好湯好麵🤤想避免大排長龍，所以我今日就差唔多2點先去！📍蠔豉豬豬日本蠔豉、日本黑豚五花腩片、炒豬肉碎、鮮冬菇，高湯，扁陽春麵一上枱就聞到好香既蠔豉同冬菇味，先試啖湯。係好濃既菇味😌好欣賞佢既陽春麵，軟硬適中，因為本人好怕食啲好淋既麵🤭食完麵仲要飲哂成碗湯，好滿足！唯一係啲豬腩肉片又薄又細塊左啲😅📍好頭好尾川味和牛面頰肉、法式燴牛尾、牛骨湯，扁陽春麵見到menu話👍🏻推介，竟然比我叫到最後......一碗😌先試左啖牛骨湯，愛上左🥰因為佢係有啲膠質既口感，好足料！陽春麵上面有提到好出色，但個川味和牛面頰肉仲出色！好濃既牛肉味同埋係爽口嫁🐮湯...緊係都飲到一滴都無淨啦😎好食指數：8/10好湯好麵 (大圍)大圍積存街20號地舖

呢到既湯底真係好鮮味真係第一次出街食麵會飲晒個湯😛飲晒成碗都唔口渴！———————————————————🦞<海龍皇湯> $130😋：9/10老實講價錢真係幾貴不過佢既湯底係用新鮮海鮮煲🥺最特別係佢落左蝦頭油煲湯雖然睇落油油地但飲落完全唔膩好香濃 果種濃飲落去喉嚨都好舒服真材實料唔落味精😛而佢既蝦都好出色 好彈牙又好大碌帶子相對上比較普通 但都大大粒幾有味仲有啲蟹肉同啲麵撈埋一齊食增添左口感而又多款海鮮食😍不過如果多啲蟹肉就好啦🤫呢款係幼身既陽春麵個人係比較鐘意幼麵～好掛湯～🦐<龍蝦餃>$88😋：8/10呢個價錢上比較相宜～湯底既海解味冇海龍皇湯咁濃不過就多左陣咸香味唔知點解飲落覺得有陣芝士味咁😂都係有兩隻大蝦碌 好滿足豬肉餃都幾好食 係好似小籠包咁🤩而麵條方面佢係用扁陽春麵個人比較鐘意幼麵🤣煮湯啲～👅總結：整體黎講濃蝦餃性價比較高🤣但係想飲到極重鮮味湯底就推薦海龍皇湯🥴———————————————————呢間湯麵店真係好多人排😂啲湯底係有機會賣晒的今日就賣晒好頭好尾（好似平時呢個都係好快會賣晒星期五晚市6點3去等左半個鐘先入7點半食完仲有廿個人排緊🥴

四個字「真材實料」！想搵鮮味但又冇味精嘅湯麵，呢間餐廳幫到你！其中一款小編大推嘅湯麵係「海龍皇」，湯底龍蝦鮮味濃郁，原來係用咗一整盤龍蝦殼熬製而成，真係每一啖都充滿著海嘅呼喚！北海道帶子肉厚彈牙，麵條有勁到道，海蝦肉爽彈，藍蟹肉絲鮮甜，一試就知材料新鮮！飲晒成碗湯都唔會覺得口渴，相反每一啖都讓人急不及待再飲一啖。尤其是係寒冷嘅日子，一碗熱辣辣香噴噴嘅湯麵實在令人回味無窮！加分位：店員細心有禮，另外給予抹手紙，方便客人處理蝦殼後清潔雙手。售價：港幣$130（不設加一，只收現金）電話：28135077營業時間：星期一至日（中午十二時至五時；晚上六時至九時三十分）好湯好麵地址：大圍積存街20號地舖前往方法：港鐵大圍站 A 出口