好湯好麵

營業中

休息中

位於大圍嘅一間小店，之前都見到有唔少人推介過。但每次都怕等位要等好耐，冇機會試。難得朋友試過之後極力推介，就決定搵日中午去試一試！由於太多唔同選擇，每款面都想試一試。最後決定第一次食就揀最推介嘅海龍皇麵！雖然個麵要成$130，但絕對對得住呢個價。飲第一啖湯之後，已經深深愛上左呢個味道！佢係類似龍蝦湯嘅味道，飲得出個湯底非常濃郁。再加上鮮甜嘅蝦，同埋墨魚滑，真係非常好味😋最後我係成個湯都飲哂，仲要係唔覺得口渴。證明個麵冇用到味精下次有機會想試吓好頭好尾 同埋黑口黑面絕對會再encore既一間小店

上次黎，排隊都排左最少十五分鐘。是日下雨天，竟然唔駛排隊～😎👏🏻朋友黎過好多次，問佢有咩好食，佢都推介左好多款，首推好頭好尾同蕃茄蛋牛，事關我上次已經食左好頭好尾，所我最後揀左濃蝦餃！1️⃣濃蝦餃（$88）有兩隻大蝦同兩粒豬肉餃子，但重點始終係湯底！高湯用上龍蝦牛油同蝦子烹製，味道濃郁如龍蝦湯！🤤2️⃣蕃茄蛋牛（$80）其實都好想試蕃茄湯，可惜我唔食牛舌。但朋友已經食過唔止一次，推！👍🏻

初開張未要排隊時食過好幾次，拎米芝蓮推介之前態度已經不見得好，而家拎咗推介，門口長期有人龍，態度更差到不得了。外區朋友想試所以陪佢試下。門口有位時要迫你㨂定要邊款，慘過食快餐。佛跳牆同棉花雞湯底基本上一樣味，但貴好多，料只係多素翅幾條，係幾條，海參一舊仔，鮑魚一舊仔，但魚肚就少好多，值唔值見人見至。聲稱冇味精，但好鹹，食完要狂飲水。朋友試海龍皇，用料一般，覺得只值$50但收$130+。大家覺得名過其實，相都唔想影，冇下次。

呢間鋪頭早就聽過，第一次黎就見到打哂蛇餅，果斷放棄。今次我地特登11點幾過來，成為第一批入店既客人。我地嗌左兩個面，一個招牌海龍王湯底，另外一個全齋面（海帶菇菇）。兩個面都大大碗，海龍王湯底好正，有埋蝦，蟹同貝類既味道，總之就係非常鮮。海帶菇菇湯底略微遜色，無咩特別。最尾買單199HKD，都唔算平，就當打卡過呢間面店啦~

大圍深藏眾多隱世美食，今次就揀左依間好湯好麵😋黎試，本身想試「好頭好尾」，但原來每日有限定數量，當日我夜晚先黎食，所以已經冇晒了🥲，想食嘅朋友最好喺晏晝嘅時候就要黎試，今次我同男朋友人嗌左一碗，分別係海龍王湯同埋黑口黑面。海龍皇湯材料包括海蝦、帶子、蟹肉、蝦頭油、龍蝦湯，想講依個面真係勁鮮味啊，個龍蝦湯底勁濃郁，好味到要飲埋碗湯😍😍😍😍黑口黑面材料包括墨魚滑、魷魚、墨魚湯，食咗海龍王湯之後再食呢個黑口黑面，真係即刻比下去呀！呢個黑口黑面變得有點兒普通，但其實佢都用左多鮮味食材而製成。總括而言，海龍王湯係可以再值得一試嘅！

睇咗好多評價，又有youtube去介紹佢，所以就特登去食呢一間好湯好麵啦 ，叫咗佢最出名嗰隻海鮮湯底面， 嘩真係非常之不外如是囉！！！！！ 價錢貴都算 ，真心佢唔值呢一個價錢， 畢竟係百幾蚊食一碗麵 ，因為質素真係好普通， 佢嗰啲海鮮又唔係非常之新鮮， 啲蝦細隻到一個點，完全無人寫到咁出色嘅質素，就係好普通嘅一碗嘢。。。。。。。。。。係非常普通，係4,50蚊普通質素。非常之失望lor。。。。。。。。 真心唔會推介呢一間

🍽 黑口黑面💰 HK$84 (dinner, 10% Service Charge)Small noodles shop opened by former chef in Caprice, Four Seasons and recommended by Michelin ⭐! This bowl of noodles included Hokkaido Squid, Cuttlefish Paste, Ink Fish Broth and of course Flat Noodles 🦑🦑 We really love the flavorful soup base with some squid bites. It's a nice restaurant to try but expect some queuing time as there’s always a long queue.

🍽 海龍皇湯💰 HK$130 (dinner, 10% Service Charge)The next bowl of noodles included Blue Crab Meat, King Prawns, Hiroshima Oyster, Cuttlefish Paste, Prawn Oil, Seafood Pottage and Thin Noodles. 🦞🦐Compare this with the previous post (Black Ink Squid Noodles), I prefer this soup base instead! It had all the richness of seafood in it, no MSG in it. Highly recommend this one especially for first time visitors!

呢間係大圍既小店好出名😆係由前四季酒店副主廚主理🌟更獲得米芝蓮推介！黎開大圍踩單車就黎試埋😚果然冇令我失望！好正(๑´ڡ`๑)‼️個湯飲得出係落足心機煲！平日11:40黎到都已經開始有人龍排隊～12:00開舖正式入座♥️🦞海龍皇湯 $130 (9/10)一黎到已經聞到超香濃既海鮮味～飲第一啖湯已被驚艷到！落左蝦頭油 味道香濃豐富有層次 鮮味滿滿✨飲咗好多湯食晒碗麵都唔覺得口渴！冇落味精 真材實料💯配料豐富 有兩隻大蝦 肉質結實爽口彈牙 好鮮甜🦐墨魚滑彈牙 廣島蠔肉飽滿鮮甜 仲有啲藍蟹肉🦀️配埋啲麵食好幸福😋陽春麵麵質比較軟淋同索湯～如果可以有多款煙韌爽口有嚼口啲既麵條俾客人揀就好啦😝 🥬蔥油燙生菜 $30趁熱撈勻再食🤩豬油渣➕蔥再加埋豉油 食落好香！☕️桃香雲南紅茶 $20茶底甘香 夠冰凍 飲落好正～整體黎講食完味道係會令人印象深刻的一碗好湯好麵💯價錢雖然唔平 但食完絕對覺得值！店鋪細 但都坐得舒服 環境乾淨企理 店員態度都好有禮貌！下次要再黎試埋迷你佛跳牆同棉花雞！

呢間人氣湯麵 長期都排晒長龍去開大圍終於試到🤩仲要咁啱唔使排隊 實在好難得佢哋有成12款湯底款款都好吸引真係好難揀所以試咗最出名之一🌟海龍皇湯有藍蟹肉🦀海蝦🦐廣島蠔肉🦪,墨魚滑, 蝦頭油,皇湯,陽春麵🍜湯底絕對係靈魂 🤩🤩🤩佢哋將魚, 龍蝦頭,蝦,蜆等海鮮煮成海鮮濃湯再加入熬足17小時既高湯成湯底 真係好鮮甜🤩配埋老字號張榮記既彈牙陽春麵 好掛湯成件事真係值回票價🙌🏻😋😊😊😊😊

都唔知翻食左第幾次既美食～～～無錯！就係「好湯好麵」喇🍾🍾🍾————————————————————————嗰晚大約七點幾八點，你睇下幾多人留意緊間舖，去到我麵要排隊，不過都係十分鐘。————————————————————————Menu~~~剩係睇相都知佢每個麵係幾咁用心機❤️—————————————————————————棉花雞🐔好濃郁既雞湯，魚肚超超超爽口，絕對唔會用豬皮偷天換日☝🏻佢話係鹿兒島雞肉，食落口真係同本地雞件啲味唔同，真係雞有雞味🤣成個麵好食程度爆燈💡💡💡💡————————————————————————海帶菇菇🍄🍄海帶湯底超好味，唔同種類既落索哂啲湯，食落口真係夠晒刺激味蕾👅佢另外仲有一條脆腐皮，索一索啲湯，脆脆地咬落去個口感好有層次，唔會好似食普通麵咁悶，好味💡💡💡————————————————————————玫瑰豉油雞中翼呢個就略嫌咸左少少，不過雞翼都大大隻，值得一試👍🏻————————————————————————咸左啲，叫埋杯冷泡桃香雲南紅茶解一解，真係夠哂清新，不過叫左一支都係啱啱好兩個人一杯，感覺就好似貴左啲啲咁🤫—————————————————

呢間米芝蓮推介的湯麵一向一條隊係門口，最近終於同飯腳去一試，果然有料到海龍皇湯麵 - 個湯基本上係超濃的西式龍蝦海鮮湯咁，加上蝦頭油，十分之香。雖然有層油係面，但都忍唔住要飲個湯棉花雞我覺得超驚喜。個湯完全係之前去某名店食的魚翅雞煲的湯底一樣，非常濃郁又背點膠質感覺的雞湯。雞肉鮮嫩，魚肚吸晒湯汁超正😋😋😋。個湯真係唔飲晒都唔得冬旬雙羊加上支竹，味道是羊腩煲咁，但羊肉係薄切，我個人比較鐘意好似羊腩煲咁一塊塊，更有口感。三款湯麵我個人覺得最正係棉花雞。去食咗三次，三次食完飲埋湯都唔會覺得口渴👍🏻，好明顯係真材實料無味精。食日本拉麵我都只會飲少少湯，因為大部分太油又咸，但呢個湯麵一試真係唔飲湯唔得。下次可能會買外賣，免卻排隊等候。

聽講依間湯麵店自從拎左米芝連之後 長期長龍 今日終於有機會試到佢啲湯同麵有幾正😋我哋叫左兩款小食，包括涼拌麻辣手工豆腐 $30豆腐好滑👍🏻👍🏻芝麻醬海蜇雞絲粉皮 $44雞絲粉皮 配海踅 令好感提升 好match略嫌雞絲少左啲棉花雞 $92雞滑 湯好飲 麵彈牙 推薦👍🏻濃蝦餃 $88本身想order海龍皇湯/黑口黑面/好頭好尾 完全麵賣哂 所以強烈建議大家想試依幾款比較好賣既麵 每日預早啲啲時間 聽店員同朋友話夜晚比較易賣哂結果我哋揀左濃蝦餃 我哋麵認為十分麻麻 又未至於難食 係啲湯唔較濃 唔鮮甜 蝦有啲霉 唔夠新鮮

📍好湯好麵 (大圍)呢間野開之後，好幾個youtuber都有去食，反饋都好似幾好咁，成日心思思想去食。最近更加首上米芝蓮必比登2021，人龍似乎就更長啦。店舖細細，上下兩層，大概有12/3張枱左右。一共賣12款麵，湯底都好多種，高湯、牛骨湯、魚湯、龍蝦湯。🍜好頭好尾川味和牛面頰肉和法式燴牛尾都好軟冧，牛味十足。牛骨湯極濃，食落甚至有啲膠質，個嘴漿漿地咁，幾好飲既，濃郁嘅程度就好似真係飲緊湯咁，但有少少咸。扁陽春面幾滑，而且好掛汁，食起上嚟好好食，份量都多。整體黎講，湯頭真係唔錯。下次可以試下海皇湯。📍大圍積存街20號地舖

少有高質湯麵🍜招牌龍蝦湯底無哂，咁就試下係香港好少見嘅佛跳牆，好彩一試有驚喜😻首先係湯底完全無味精感，就係飲緊濃湯咁🫕加上係佛跳牆，本身材料都多同足，除咗嫩雞，仲有海參，香茹，花膠等唔係好記得 但啲湯好鮮甜同🤏🏻少少黏黏地 真係煮嘅濃湯咁 感覺好健康而個麵底煮幾唔錯，算係質地咬口得嚟又低調，配合個濃湯底就好夾，吸收左湯個味又唔會搶foc.甜品方面個日本蘋果雪芭，個人應為略甜，味道似日本蘋果糖咁，但個質感煮smooth 好食，所以整體算OK夜晚想食簡單又高質嘅野食野，嚟間好適🈴️