好湯好麵

營業中

休息中

已經係第二次幫襯，對上一次食，都好幾年前呢間店仲未咁出名，上次食咗迷你佛跳牆一直對呢個湯底念念不忘因為我超鍾意飲湯，所以上次成碗清晒一滴湯都冇剩今日咁啱去開大圍，就梗係嚟呢度晚飯啦本身都驚要等位等好耐，大約8:00去到，前面只有兩位等緊位，咁我哋就睇定Menu揀下食乜先等咗大約10分鐘就已經可以入座上次食咗迷你佛跳牆，今次想試吓其他，所以就叫咗海龍皇湯，我亦都推介第一次嚟嘅男朋友要試迷你佛跳牆，落單時店員仲介紹今日有特飲，不過經過上次嘅經驗，食晒佢碗麵已經好夠飽，所以我哋冇特別再叫小食同嘢飲其實好多款都好想叫，睇嚟要嚟多幾次先得海龍皇湯好濃嘅蝦味海鮮味，蟹肉份量都OK，墨魚滑我就唔太喜歡，因為唔夠彈牙，廣島蠔煮到啱啱好唔會過熟，仲有兩隻大蝦，蝦肉彈牙爽口舖頭亦都好細心，會跟埋濕紙巾俾你搣完蝦殼抹手男朋友叫嘅迷你佛跳牆同上次一樣咁好味😋呢間舖頭嘅麵可能好多人會覺得價錢有啲貴，但我覺得絕對值得

早幾日眼唔舒服去咗仁安睇急症，睇完坐shuttle直去大圍，因為對呢頭完全無概念，就喺火車站附近兜兜睇下搵嘢食見到有一間麵店特別多人排隊原來係2021新上榜嘅米芝蓮必比登上網搵一搵資料，原來主理嘅廚師係前四季酒店嘅副主廚，佢哋嘅湯底每一款都真材實料，Menu可以揀嘅嘢唔係好多，但係每一樣都好吸引令到食客難以選擇，蕃茄控達人就揀咗蕃茄蛋牛呢款好茶餐廳蕃茄炒蛋，酸酸地又帶少少甜，但係我就覺得個湯底甜咗少少，我鍾意酸蕃茄味嘅，塊牛舌好嫩好易咬，陽春面好掛湯，吸收晒湯頭嘅精華我係海鮮達人，就揀咗海龍皇湯！呢款海鮮湯底，同喺酒店食嘅龍蝦湯係冇咩分別，佢係好近似龍蝦湯嘅口味，湯底超級濃，蝦殼獨有嘅香味迫左落去啲湯頭度，非常之吸引，我相信所有海鮮控都會鍾意呢個湯底，其實佢嘅湯底同埋面係一個絕配，咁就顯得佢嘅配料我就覺得有少少平淡啦，但唔代表佢嘅餸唔好食，我覺得佢個墨魚滑都撻得幾好，而且海蝦非常之大隻，係食嘅時候要剝殼非常之論盡！我本身諗住喺醫院睇完醫生出嚟係食一個特快晚餐，點知都可以遇到一個咁高質嘅麵店，我依家寫寫吓都想再食佢嗰個面啦蕃茄蛋牛 ·燉牛舌，煎太陽蛋，蕃茄高湯，陽春麵海龍皇湯·藍蟹肉，海

大圍其實真係好多唔錯嘅食店，今次依間又係長龍店，重要係米芝蓮推介🧐價格雖然偏貴，但值得一試👍🏻我地喺佢開門前到達，😢點知已經勁多人，好彩佢地有兩層，等一陣就有位啦✌🏻！試咗黑口黑面🦑（HK$84)有北海道魷魚、墨魚滑配墨魚濃湯扁陽春麵！🤩店主好細心，怕大家食到成身都墨魚汁，所以會配件sexy圍裙🤣😂，攪到唔好意思用！講返個麵，本人好喜歡佢嘅墨魚滑，雖然講唔上彈牙，但墨魚味重！相反佢嘅魷魚就冇咩味，麵質還可以，湯底唔算濃味但好飲!海龍皇湯🦐（HK$130)有藍蟹肉、海蝦、廣島蠔肉、墨魚滑配蝦頭油、皇湯陽春麵🤤依碗店主配一條手巾，用手剝完蝦可以抹手，好鬼細心！個蝦湯味超濃郁，陽春麵偏軟身，但好滑，好似食緊拉麵咁！推介👍🏻最可惜既係d蟹肉一整散落湯就好難食到😢建議試咗啖蟹肉先好撈入湯度🤣兩碗麵就要二百幾蚊真心唔平，但食完又心思思想再去試其他味🤦🏻‍♀️好矛盾！

呢間得到米芝蓮推介嘅小店，原來係前四季酒店餐廳主廚主理。之前有朋友講過話好食，專登搵日夜晚去試吓！┄┅┄┅┄┅┄┅┄❦ 蕃茄蛋牛 $80呢個蕃茄湯唔係平時落茄膏嘅味道，而係好鮮甜濃郁！陽春麵煮得啱啱好，彈牙又掛湯～評分：🌕🌕🌕🌕🌘-❦ 棉花雞 $92湯底濃濃雞湯味，雞肉嫩滑，魚肚又索晒湯底嘅精華，食落爽口但又爆晒汁😋😋 我覺得扁陽春麵煮得比較淋，硬身返少少就正。評分：🌕🌕🌕🌖🌑-❦ 泡椒無骨鳳爪 $48食落都幾辣，但好開胃，份量又多👍🏻評分：🌕🌕🌕🌕🌑-好多人話$100食一碗麵唔抵，雖然我都覺得有啲貴，但真心真材實料，抵佢平時咁多人排嘅～

四季Caprice前廚主理標榜12款湯底都足料炮製開店以來次次經過都勁排長龍宜家終於排一陣就有得食👍🏻🤣湯底係濃高湯，味道濃郁，鹹香滿溢陽春麵本身質地好掛湯再配以48個月西班牙火腿一齊食沒想到會咁㚒！🤤係真心嘅溫泉蛋用匙羹輕輕碰一下已經爆開左但問題是：湯底本身已好濃味而隻蛋又係鹹嘅放落去食，會比個湯底掩蓋左原味道就咁食又… ….🙃 *。 *。 *。 *。 *。 成間餐廳嘅格局就好似茶餐廳咁店員嘅服務亦如是而且座位比較迫，應該預你食完就走人。

假日下午2:30 去到要排隊，又曬又熱係門口排咗20 分鐘先有位。被安排坐樓上閣樓，我哋2人坐4人座位要搭枱，枱面又細，好擠迫。烏龍茶$30好頭好尾 $102川味和牛面頰肉/法式燴牛尾/牛骨湯麵底可以選擇烏冬或陽春面，我哋揀咗烏冬。牛肉炆得好淋，但唔係特別好食。牛骨湯湯底濃郁有藥材味，忍唔住飲咗大半碗湯。這個是烏冬，唔係我哋平時食開嘅日本烏冬。好似普通粗麵，質感麻麻。我理想嘅烏冬係煙靭彈牙。海龍皇湯麵 $130藍蟹肉/海蝦/廣島蠔肉/墨魚滑/蝦頭油/皇湯面底揀咗幼麵海鮮料同幼麵好普通皇湯湯底濃郁，重蝦味，我將成碗湯飲哂。這個是幼麵，比烏冬好食，但唔夠爽口。普普通通嘅芝麻醬海蜇雞絲粉皮$44總結：這間舖主打係濃郁湯底，配料同麵底一般。唔明點解唔派飛，要客人日曬雨淋排隊，如果唔使排隊食下無防。服務態度一般，人手不足。枱與枱之間只夠一個人身位出入，好擠迫，枱面亦好細。價錢咁貴應該坐得舒服啲先岩，食得咁辛苦我寧願選擇其他。

8月2日 (MON)呢排睇奧運好Hyperbook 左個場去美林打乒乓波打波之前係大圍搵間餐廳醫下肚啦見到網上講呢到都幾多好評就黎試下呢間晚餐時段都幾full我地好彩咁岩有位 唔使等就可以入座望望menu 睇到價錢感覺都偏高檔見到佢介紹既食材都係選料上乘同埋佢有佢獨特既配搭 好有特色好期待個麵既味道最平既麵80 幾蚊高級d 有鮑魚既百幾蚊都有得揀但佢唔係set , 野飲要另外自己加我地無加野飲，好在佢都有杯水比我地飲朋友揀蕃茄蛋牛我就揀棉花雞waaa 賣相都算唔錯都幾大碗下，湯十分香濃麵質好特別 係陽春麵 好有口感我果份既雞好香雞味不愧係鹿兒島地雞肉冬菇都好香 不過配料份量唔算太多好在個麵份量都夠， 唔會話唔夠飽整體黎講係幾好 , 食完再飲多幾啖湯大滿足下次會再黎試另一個麵

勁奇怪，成舊水一碗湯麵都大排長龍😨好奇心地試一試，果然一分錢一分貨首先來一個海龍王湯麵，海鮮蝦頭湯底，濃而不濁，忍唔住會飲晒🙈，蝦大隻鮮甜，怪不得每檯食客都叫另外選了棉花雞湯麵，湯底清甜不油膩，棉花勁厚，索晒雞湯味，好正😂👍🏻，最後個湯都比我KO晒😝小食和飲品都不出色，下次可以專心食麵😌以下是餐牌，大家去前要參考吓，樣樣都想試，要用好多時間諗🙈其實坐位舒適度一般，燈光較暗，又多人排隊，不宜慢嘆。不過食物質素好好，值得一試！

聽聞依間大圍小店都幾出名因為獲得米芝蓮推介，由前四季酒店副主廚開舖，一碗麵賣差唔多成一舊水但仍長期超多人幫襯👀湯底係佢哋嘅招牌尤其足足有12款式，然後用上老字號張榮記陽春麵。餐廳內裏空間唔算非常大不過都多枱，但比我想像中多人因為真係坐滿人甚至出面有條細隊，而我嗰日只係星期一晚😶👓棉花雞 $92鹿兒島地雞肉、魚肚、北菇、雲腿絲、高湯、扁陽春麵湯底的確好入味明顯有好多材料熬製，個湯濃郁漿口，係好飲尤其熱辣辣飲啖熱湯好舒服，不過偏重味可能因為有雲腿絲所以偏鹹。所有配料都好入味，雞肉算滑有酒香，陽春麵都彈牙滑唔算太掛湯，成碗面嘅份量都好大碗。整體來講其實味道正常係唔錯不過未去到好出色好特別，因為價錢始終偏貴，不過的確好多人幫襯內外都滿滿的人🤣評分：7.5/10👓黑口黑面 $84北海道魷魚、墨魚滑、墨魚濃湯、扁陽春麵有兩粒大墨魚滑佢好彈牙好有墨魚香，亦有好多舊魷魚彈牙。不過相比下棉花雞好食啲因為佢個湯底較濃惹味，呢個墨魚湯比較清，因為墨魚本身冇乜特別味可能只係鮮味，所以佢個湯底唔算好重味。評分：6.5/10

兩年前已經食過一次好湯好麵由前四季酒店caprice的副主廚主理的 個陣都未洗排隊😳今次再訪已經升格成為米芝連推介餐廳🍴人潮由營業起無停過但大熱天時係出面排隊都頗需要勇氣 建議大家最好早啲去排 (只有排隊 無得拎飛)週末11時多去排隊 幸運地於12點第一輪就入到座了🙆🏻‍♀️.🔸海龍皇湯麵 $130🔸係新推出的湯底 一於試試佢👅內有藍蟹肉 海蝦 北海道帶子 很足料材料當然不算超高級 但絕對對得住個價錢湯頭真的很濃郁 湯的質地偏厚 帶有龍蝦海鮮的鮮甜飲多了都不會口乾的那種 看得出花了很多心思熬製呢🔸棉花雞湯麵 $92🔸上次已經食過一次 今次食過翻尋味繼 雞湯鮮甜 不會過咸用上鹿兒島地雞肉 食落嫩滑魚肚吸收哂湯底的精華 仲有北菇 雲腿絲等材料啲料多到食到最尾都不會dry🔸涼拌麻辣手工豆腐 $30🔸天氣熱點了一個凍豆腐 入口冰涼滑溜 豆腐切得很幼細但麻辣的sauce可以更麻更辣 覺得有點淡口呢整體黎講好湯好麵的確係相當高質的湯麵店雖然價錢不便宜 但絕對值得一試但如果要我排數小時先有得食 咁就要再諗諗了

是日不能飲酒，就簡單食一下。「好湯好麵」其實收藏已久，但唔想排隊，所以一直無試。今日1900左右到，已經要排隊。原來麵店都有供應酒精類飲品同西班牙火腿。我點咗碗黑口黑面，大王就點左蕃茄蛋牛，蛋牛嘅牛係牛舌。湯如其名，真心是「好湯」👍🏻而家非常夠熱。陽春麵底麵都好好味。另外點咗支冷泡烏龍茶，味道還可以。

「好湯好麵」—————————————————店舖地址： 大圍積存街20號地舖—————————————————主要菜式包括海龍皇湯, 棉花雞等等……今次叫左叉燒鮑同埋棉花雞—————————————————呢間野有米之蓮推介, 有好多特色嘅麵食, 湯底足料 好味❤️❤️不過都係上次嘅海龍王最好食!!!價錢不便宜 但亦都值得一試 ,呢間舖頭座位唔算多 有兩層, 但仍然需要排隊先可以入座! 有興趣嘅朋友需要有定心理準備排隊🤣🤣

；黑口黑麵 $86喺ig見過呢間湯麵，聽講日日都要排隊。同朋友喺附近做完野經過大概12點，發現竟然得兩個人等緊，決定試試佢！呢間湯麵來頭唔細，獲米芝蓮加持，對佢期望頗高。用餐環境比較窄，唔好expect坐得好舒服，都幾逼下。碗麵黎到個碗超級大，不過入面份量唔多。個墨魚濃湯墨汁咁黑🌚，仲有彈牙嘅墨魚同應該係自家制嘅墨魚滑，麵係普通陽春麵。我成碗湯飲曬，充滿海鮮嘅鮮甜味。湯同墨魚滑的確出色，但你話值唔值接近一百大元呢，我就有保留啦。ヽ ( ꒪д꒪ lll)ﾉ

入夜天氣一樣熱辣辣，去到大圍區想起其中一間會回頭再幫襯的麵店，真心講...呢間真係貴，但湯麵好食，排隊等位都要再去。第一比較可惜店內冷氣不夠，熱得嚟有啲焗，要扣分👎棉花雞湯麵，並不是茶樓點心般的棉花雞，而是鹿兒島走地雞/魚肚/北菇/雲腿絲/高湯/陽春麵，所以湯好飲，餸好食👍雙冬羊肉湯麵，係用紐西蘭羊肉片/冬菇/冬筍/支竹/羊肉高湯/陽春麵，喜歡吃羊肉的顧客，必定喜歡這款麵，因為全部都係羊肉香味👍第二可惜，招牌麵「好頭好尾」已經售罄，未能回味。😬

口碑好好嘅一間麵店，想試好耐啦！但每次經過門口都大排長龍，無一次食到🤣🤣🤣終於早幾日平日下午，無人排隊，可以直傷，當然要試下啦！叫左個小食，泡椒鳯瓜，好入味，比想像中辣，都幾大碟，初初以為一個人一定食唔晒，但因為個麵都等幾耐，最後食晒了🙃🙃Wow!!傳說中嘅海龍皇湯麵，個湯係濃嘅，但又唔係想像中好濃好「立」口嘅感覺，個人黎講，唔太鐘意個麵有疆絲，有時會食到疆絲嘅感覺，其他麵質，各樣都Ok ge~ 坦白講，可以太有名氣，個個都力讚，個expectation 高左，食落又無想像中甘驚喜，但就真係真材實料嘅～ 分享完畢☺️