好時沙嗲

營業中

休息中

我見甘多朋友都推薦呢間食店, 所以同男友2個人星期六去食. 我地叫左海南雞飯, 叻沙, 薄餅, 咖哩牛腩同真多冰. 我覺得海南雞飯d雞完全無味, 好似d網友所講, 無雪味亦無雞味, 唔知點解, 好奇怪! 但個飯就幾好食. 不過我男友就勁鍾意個飯, 佢話下次一定要去再食. 另外叻沙就普通la, 一般. 我覺得甘多野最好食係薄餅, 諗起都想食, 而個咖哩都唔錯ar, 幾好味. 反而係真多冰個味好怪, 我覺得好難飲, 好彩叫左一杯ja!我諗我會再去多次, 因為想試埋蘿蔔糕同串燒!

海南雞飯很好味, 飯香, 雞滑, 唯一稍欠點雞味! 串燒就有點普通, 叫了個大蝦粉絲煲, 味道普通, 很油, 但蝦很大隻和新鮮! 下次再試試其他, 應該會有些更好味的菜式存在!

唓, 擺明有人吹水啦...我又係睇咗呢度啲食評先識搵去食...食過幾次啦, 有時晚上九點幾已賣晒海南雞飯, 無得食招牌嘢好失望就有, 但我無一次見到侍應或者老闆娘係唔禮貌或者唔好招呼喎, 老闆娘直頭係溫柔兼斯文添啦,啲侍應可以算係快手到痺至真, 要咩俾咩你, 各位食客有眼見嘅! 所以好似以下嗰位某某人兄嘅遭遇都幾"難"會碰到, 真係要買六合彩喇....再者, 如果真如佢所言有"兩"件雞跌落地上, 侍應執番擺番上碟俾佢, 佢都肯接受同要嗰碟咁嘅嘢的話, 我覺得好奇囉...(咁大個人, 唔通咁都要有人教, 先記得要講"唔好"?! 哈哈...)

早兩日終於去左試食...一行二人叫左個海南雞飯, 半打沙嗲, 咖哩牛腩, 薄餅同兩支汽水.海南雞飯: 雞滑, 綠色醬好好味; 油飯就油左少少, 但都幾好味.沙嗲: 醬好味, 豬肉最好味, 牛就較冇咁好食.咖哩牛腩: 咖哩唔太辣, 岩我呢啲唔食得太辣既人; 薯仔好食, 但得兩舊; 牛腩夠腍; 咖哩汁冇乜油, 好野, 點薄餅食就最好.

星期一假期專登試，睇呢間食店係咪真係咁掂。唔想同人迫，所以未夠十二點就到。我三個人，睇完餐牌同埋侍應介紹，點了:半隻海南雞($60) + 一碗油飯($7)炒蘿蔔糕($40)炒貴刁($30)半打串燒(雞、牛、豬)($30)可能期望太大，對海南雞真係有失望。雞肉係相當滑，但係冇乜雞味，要靠哂三碟醬汁。油飯亦欠香味，串燒就普普通通。好彩炒蘿蔔糕同炒貴刁都好好味(不過之後有口渴，應該係落唔少味精)。至於服務算唔錯。總體講，都值笑臉。

lee一間野我想食好內嫁啦　終於有機會一大班人食海南雞飯必食也　真係無野可以彈不嬲都係期望太大　失望越大今次我期望好高　重再要超出我期望　死味湯　好甜　一定吾係味精啦油飯　好香好好食　吾係一般食到的　真係淨食飯都得呀ｄ薑蓉　真係好溶　好靚雞　皮光肉滑　吾打ｊａ　最估佢吾到係幫你去埋骨點埋醬油　真係好食到爆炸！！咖喱　好香不太辣　就敢用黎送飯都夠啦蟹煲　ｄ蟹我無食到　味道吾知但係ｄ湯一飲就知煲好內　好多料　超掂PS. 老闆娘同侍應服務都好好...

看過下列食評之後，覺得很奇怪，首先，本人介紹朋友前晚星期六光顧該店，點了海南雞，炒菜跟咖哩牛腩，朋友亦覺得價廉而物美，非常滿意，時間為晚上六時至八時許，當時全店客滿，並未見有上述情況出現過，而本人亦於當晚九時至九時三十分在該店等候外賣，當時入座率約七成，大多數為熟客，與侍應偶有交談，氣氛融洽，亦未見有客人不滿，本人所光顧外買海南雞，串燒沙爹，炒蘿蔔糕等等亦如常味美，串燒帶回家後仍然微暖，其實以該店流量計，串燒祇會供不應求，而不會屯積過量而變冷，更遑論等同雪櫃溫度。其次，任何食店食物跌落地下，絕不會檢回碟上（頂多當作看不見，相信亦沒有客人會點算或預先得知本來有多少數量？）侍應傳菜途中彎腰從地下檢回一件沾滿灰塵的白色雞塊，是否很礙眼呢？以一間四百呎不到的小店來說，有可能驚動不到其他客人嗎？再者，本人亦想像不到一碟海南雞疊得有多高？如何可以祇跌兩塊？從下列七十多個食評中看到，雖然主要為讚賞食物質素，但亦偶有對侍應作出嘉許，到底誰是誰非，相信定必在日後更多食評中找到答案，本人衷心希望每一個食評均為該店作出公正評價。

想問問Rayn，為舍閣下見到侍應把掉下的雞件放回碟上，還不打電話到食環處投訴？難道你是白吃的嗎？偶也曾試過此店，食品雖稱不上一流，但要串燒做到好似「岩岩係雪櫃出黎咁」，真係有D 難度！

昨日同朋友專程去食，Lunch Time又幾多人喎．我地點左海南雞飯($35),半打串燒($30).炒貴刁($4X),HaagenDazs曲奇奶香雪糕($10).1.海南雞飯真係幾好食，D雞好滑，個飯幾香，我鐘意黑色個碟，朋友鐘意綠色薑蓉個碟．薑蓉好勁冇油家，good!未食時總覺得係Wasabi2.串燒我同朋友仔都覺得雞最好食，牛最唔好食，但D沙嗲汁好正喎^^ 3.炒貴刁少少似河粉，如果有牛肉的話，比較普通4.HaagenDazs曲奇奶香雪糕好抵丫整體來說OK,你地有冇留意丫，間店貼左好幾張任賢齊Poster，門口個張總寫住(To 好時沙嗲)

同個fd行完街,諗住入去食野,點知食到一肚氣間鋪偏僻唔再講，入到去居然冇人招呼，要自己攞荼飲落單個陣，個老闆娘居然好串咁話：食乜Ｑ呀～我地都算喇，點左海南雞，串燒同馬拉盞通菜海南雞擰黎個陣，有兩塊雞趺落地下，個侍應居然擰返起佢擺返落碟到！！我話換個碟，佢居然話：冇得換，要就要，唔要就罷，真係．．．串燒就凍到好似岩岩係雪櫃攞出黎咁，食落又冇味馬拉盞通菜就一ｐｅｔ野咁，ｄ菜又炒到老哂真係同你地講既完全相反，唔明點解咁多人話好，我以後都唔會要幫襯！！

太太想食海南雞飯﹐一於再訪好時沙嗲。海南雞飯水準依然唔錯﹐雞滑飯香。以價論貨﹐真係好抵食。難得的係曾經食過呢度的海南雞飯不下5次﹐次次都可以保持水準﹐淨係呢一點已經值得捧場。試問如果一間餐廳的招牌貨水準時好壞﹐你又點知應該幾時去食呢﹖半打雜錦沙嗲水準則有好有唔好﹐豬肉最好味﹐因為夠熱﹐但牛及雞就稍為唔夠熱﹐應該係預先燒好的。不過﹐考慮到平均只係$5 一串﹐仲平過街邊車仔檔﹐又唔可以要求太高的。椰汁咖喱雞都幾有椰汁香﹐但咖喱就偏溫和一類﹐如果可以辣少少仲好。咖喱裡面的雞都幾入味﹐有整隻雞錘﹐雞中翼及兩件胸肉﹐份量算係合理。另外再配一個$7椰汁飯﹐食完發夢都會夢到椰子。埋單百二蚊﹐平均每人六十﹐又海南雞又咖喱雞又沙嗲﹐你可以話貴麼﹖

鮮有咁多好評既食店，可借一直無緣拜會，尋晚終於有機會黎試下，先點食評入面最多人推介既海南雞半隻$60，滑得好交關，滑到差Ｄ夾佢唔起，肥廋適中，亦食到雞味，最感動係走埋骨既雞肉，相信年紀較大既朋友會仲記得，海南雞飯既雞應該係完全無骨既，可惜隨住年代轉變，海南雞同白切雞好似劃左個等號一樣，加碟薑蓉，加個例湯，加個白飯就自稱「馳名海南雞飯」，十幾年黎真係俾人呃到驚，估唔呢度可以重溫返從前既去骨刀功，馬來西亞甜黑豉油，酸辣醬同秘製薑溶，難得薑溶原全唔油膩，半隻雞真係嫌少。半打串燒豬肉$30，燒得好香口，雖然豬肉略為肥膩，但係肉質鬆軟，沙爹醬亦非常和味，細細串半打兩個人食都唔多夠喉，最後叫多個飽肚Ｄ既星洲炒米粉$30 ，份量唔算大碟，都可以足夠分到四個飯碗，未擺上檯已經聞到有好濃烈既蛋香味，濕潤有光澤，配料有幾隻蝦仔，（應該係紅海蝦，細隻，味道鮮甜）鮮魷魚切絲，魚蛋絲同芽菜，再加少少辣粉，我估加左蝦湯落去炒，所以啖啖有蝦既鮮甜味，唯一美中不足係冇挑蝦腸，有多少沙，不過已經非常好味，更值得讚既係食到碟底都唔見一滴油，平時去酒樓或者餐廳食星洲炒米，最憎用埋Ｄ肥叉燒黎炒又猛咁落油，食到成咀油，抹咀又見

海南雞飯!!! 雞幾好味, 不錯不錯!!! 油飯乾了少少. 比起其他地方都好好多. 碗湯亦唔差, 一定會再食!!!

食左海南雞飯--- d 雞好似少左d, 唔係好夠食. (因為好好味, 食唔停)炒蘿蔔糕--- 好普通, 不過, 好入味.串燒--- 我覺得麻麻, 乾身左少少. 不過, d 汁真係唔錯.總括來講, 好食過國際都會個間, 都係食海南雞飯. 最重要係呢個價錢可以食到咁好既水準. 抵呀~~~~非常可以一去.

我地特登去左尖東..好時沙嗲食海南雞飯...果然名不虛傳...串燒都ok..不過炒年糕就麻麻啦,..... 下次可以叫其他野試下