好時沙嗲

營業中

休息中

三個男孩各有心事, 相約出來喝喝啤酒吐吐苦水, 在尖東遊蕩了半小時才找到落腳的地點, 餐廳幾近乎滿座, 幸好剛有人結帳離去才佔到三個座位; 朋友們都是第一次到這間餐廳, 穩鎮起建還是點一些招牌菜色. 先來了半隻海南雞($60)和兩碗油飯, 海南雞軟滑可口, 雞味亦比上次進步了一點, 三種醬油亦表現不錯只是辣椒油過於輕清; 再來了雜錦串燒, 分別是豬肉,牛肉和雞肉; 自己只吃了一串豬肉, 肉質鬆軟可口, 沙嗲亦香甜討好; 最後點了蝦湯麵, 蝦湯味香濃, 麵質和配料則表現一般. 整體上水準穩定.點了幾罐啤酒把酒談心, 風趣的侍應姐姐在執拾我們的桌子時亦答訕了幾句, 有說有笑的十分可愛. 十時左右餐廳客人已相繼離去, 只餘下我們一台客人, 只好識趣的埋單離去, 再買幾罐啤酒在附近的公園水池旁邊再醉下去.

我frd鍾意食海南雞飯,帶左佢黎食~當晚(14/4)食左:1.海南雞飯-水準依然,d黃油飯好食左,但係d雞好似細件頭左...不過都係咁好食~2.沙爹串燒-今次比上次熱,所以我覺得好食d,3隻肉都各有千秋,好惹味,我frd好鍾意食~3.咖哩牛腩+烤餅-咖啡室整得唔錯,辣味岩岩好,同埋食得出落左好多香料一齊煮,牛腩ok,肥瘦同火侯都處理得好,配餅食一流~4.馬拉盞通菜-我frd猛話好食...咁又真係炒得唔錯既~食得好飽,$160~不過service差左好多,主要係因為今日老闆娘唔蒲頭,換左個靚妹...佢幫我斟茶時我叫埋單就即刻走開唔斟比我喇...6點幾去食人唔多,但食完已經走圍都係人,預左~

星期六四點鐘好肚餓之際, 走o黎食番個海南雞飯頂下肚, 四個人點了一客海南雞飯, 炒蘿蔔糕, 炒貴勺, 炒通菜和半打沙嗲: P海南雞飯當然無得頂, 油飯夠香軟, 沙嗲牛比雞好味D, 炒蘿蔔糕都有番咁上下水準, 我姨甥女不停ENCORE, 炒通菜都OK, 唯獨是呢度既炒貴勺麻麻, 好普通, 得陣豉油味, 如果佢有牛肉仲以為係干炒牛河, 唔以星洲炒貴勺呢!!下次唔駛試炒貴勺了, 點其他試下仲好過: )

小女子係1/4去食過一次後, 話過會再去, 所以上星期五就同屋企人去試下。我地叫左一隻海南雞, 一打串燒, 炒蘿蔔糕和清炒芥蘭等等, 另外叫左一碗油飯。佢地都不約而同讚d雞好好味, 好有雞味, 個飯唔係好油。我最估唔到佢地個炒蘿蔔糕都好好味, 下次一定會再叫。至於個菜我個人覺得清炒好味過用馬拉盞炒。今次5個人去, 叫埋汽水, 啤酒連甜品, 都係食左$370左右, 唔算好貴。

生存左19年,今次係我第一次食海南雞飯。其實一直以來都冇衝動去試~直至同我個friend去TST行街,佢提議我地去o個度食晚飯~我真係好surprise呀,原來咁"隔涉"o既地方會有D咁好食o既海南雞飯!我打算介紹晒我D friends去食~因為實在太好味!不過美中不足o既係D串燒唔fresh..都幾凍下~不過雞飯搭夠,大家去o個度一定要食海南雞飯呀~

今日同女朋友行tst,唔知食咩好,諗起大家一致推薦既好時沙嗲,死人都去試下.不過好老實,真係幾難搵,0係商場行左好耐先搵倒.一黎就叫左海南雞飯同5 串沙嗲!海南雞飯果然"快,靚,正!",又滑又好食!醬汁更加激賞!油飯亦好好味!2個人食到唔停得口!反而串燒就略為普通...可幸醬汁美味搭救!service都幾唔錯,好快有人招呼,亦有禮貌!整體黎講好好!30幾蚊食個咁有水準既海南雞飯,行遠d都抵啦!超值!

爸爸同媽咪係華僑, 鍾意食印尼菜同新加坡菜, 一直都想帶佢地去好時沙嗲, 但係佢地唔鍾意行街, 好難叫郁佢地出尖東食飯.今日陪媽咪去尖東辦理智能身份證, 整好後已經係午飯時間, 一行出尖沙咀中心就見到好時中心, 咁難得呢個機會, 就即刻call埋o係灣仔o既爸爸過黎一齊食飯!點知爸爸話已食飽, 只肯食少少, 所以只係叫左一客海南雞飯同一碗叻沙齊齊分享. 海南雞飯d雞好滑, 三款點醬中媽咪最鍾意薑蓉, 我最鍾意黑醬油. 雞油飯好味, 不過大家為左健康著想, 所以都就住就住食.叻沙個湯底好濃好杰,所以好冶味! 至於配料, $30都唔會預佢有靚配料, 只係得魚蛋同急凍海鮮.總括而言, 味道幾好, 而且o係尖咀可以用三十幾蚊食到海南雞飯/叻沙, 真係好難得!

昨天本人和老公在好奇心驅使下專程前往品嘗, 因為大家對此餐廳都是有讚冇彈的。可能時間仍然常早啦, 所以人也不是很多。我們一坐下, 二話不說先來一個海南雞飯和半打沙爹串。嘩! 10秒內個飯已經送上, d雞果然名不虛傳, 真係好滑, 最抵死就係全部起晒骨, 唔會搞到周檯都係骨囉。另外, 佢地附有個3種醬籵, 我覺得最好味就係黑色個隻,至於綠色個隻都幾得意, 食落好有疆蓉味但又有Wasabi的味道但唔會"供"鼻, 不錯!!講完好野, 講下d唔好野啦!! 個沙爹串最好食的就是個醬, 甜甜地, 辣辣地都幾醒胃但係d肉就唔係好得, 好鬼死"梅", 而且完全食唔到係雞肉定係豬肉囉!! 後來再叫左一碟馬拉盞炒通菜和炒貴刁。個菜就不過不失啦, 不是炒得很香但勝在唔算好多油。至於個貴刁都好夠鑊氣但係唔知點解d芽菜會多過d貴刁, 如果多番d貴刁就最好。總括來說都係值得再去的, 價錢又唔算好貴, 又食得飽, 兩個人都係食左$140有找。我老公話下次去試下薄餅跟咖哩喎。

係26號果日正與女友在家發愁個午餐去邊度解決好, 就諗起Raymond 兄,0個個<<名不虛傳的海南雞飯！！>>既食評, 於是二話不說, 就立即同女友會一會呢間傳說中既"好時沙嗲" ..........結果當然係唔比笑面都唔得啦!!!海南雞就真係好嫩滑, 雞飯就更加係好耐無食過咁足料既飯......再0黎串燒沙嗲, 豬牛雞之中就以雞串最好食........特別一提個沙嗲醬就整個係串燒既靈魂千千千萬唔好放個佢........酸辣湯都幾好, 不過感覺上就好似份量少0左0的, 可能係太好味既原因吧.......不過呢..... 如果間舖大0的就好啦........

我今日一行四人去左呢間野度食海南雞飯~~真係好好味~雞滑而且份量又足夠~~~個油飯又好食~~~仲有個湯睇落好似好清咁...但係一飲先知道咁好味~~正~~之後我仲叫左雪榚食~~10蚊雞就有75MLHAAGEN DAZS~平到笑唷~個老闆娘好好客~~我地一食完佢就立即走過泥問我地覺得D食物點丫~~有冇咩野唔夠~~勁好~~不過呢間餐廳就真係難搵小小~~個商場唔似有人行-__-我唸平日冇咩事都唔會入呢個商場行~~

蘿蔔糕幾好食, 價錢唔貴.

見到openrice咁多食評都話海南雞飯好食,昨晚就程去個度試下.同男友七點半左右去到,店內己經好多人,剛巧有一張兩人,估唔到咁靜既商場竟然會有一間咁多人幫襯既食店.唔太肚餓,所以只叫了兩樣野.海南雞飯---好食,冇骨,肉滑,有三種醬點,我就覺得豉油同綠色醬最好食啦!有湯附上,湯就一般啦!而飯我就覺得硬左小小啦!炒貴刁---好食,有小小甜甜地,唔算太辣,幾入味.找數七十幾蚊,幾抵食.走個時己經好多人啦!出面坐滿晒,仲有幾個人等緊位

3個人,9點鐘去到,大約坐左5成人左右....坐底之後唔駛諗,即叫3個海南雞飯,再諗其他食咩!睇睇個餐牌,好熟口面,原來同北角城市花園個間一樣,問一問伙計,佢話原來城市花園個間同佢地以前係有關係...所以連餐牌都一樣....怪不得啦!!不過價錢就差好多囉.研究完餐牌,再order左一個炒蘿白糕,同半打雜錦satay.大約等左5分鐘,3個飯陸續送到,一睇碗飯個樣就知好食.入口夠味,聞落好香,口感軟熟但唔爛,正!!起碼好過我去城市個度,食左兩次,兩次都有生米...至於D雞,岩晒我食,因為已經起晒骨,唔駛麻煩,仲要味道都幾好同幾滑,再加上只係賣$35,都唔明點解收咁平^_^食到1/3,蘿白糕同satay都到喇,蘿白糕好香,有蘿白味(好多餐廳都係得舊粉,一D味都冇),但係就略嫌少左DD,可能係個雞飯太抵食,不過都可以推介.另外個satay呢...唔..,肉都幾好,唔鞋,都算有肉汁,但係個汁就正好多,全碟掃晒,掂呀!最後再order多兩杯珍多冰(好似係)同一個黑糯米,味道OK,可試可唔試.飲飽食醉叫埋單,一共$213,抵到爛!!下次再想食海南雞飯, 一定會再去!!

早聞呢度o的海南雞飯非常出色，又見openrice 入面o既食評竟然未出現過喊面，一於試o下係咪真係咁利害先！！雖位處一較靜的商場，但亦唔算難搵。平日晚上八點去到，只有約五成入座率。坐低後睇睇個餐牌，咦……唔係貴喎，咁o岩兩個都好鬼肚餓，所以叫o左好多野食。梗唔少得o既就有海南雞飯($35)，然後再叫：串燒($30)、酸辣湯($40)、喇沙($2X)、加多加多($3X)同一枝汽水($5)(真係好鬼大食！)。食物o係我去一轉洗手間o既間已經到。首先梗係試海南雞先啦~嘩！！不得了，真係滑到飛起，仲要已經起晒骨，即係可以大啖大啖咁食！！除了滑之外亦有雞味，有少少肥但絕對可以接受，連雞皮都食埋。有三個醬跟雞，最好食係黑醬油，反而人人讚o既"wasabi"薑蔥就覺得只係普通。至於個油飯亦非常出色，不太油且滲著椰香，我諗食兩碗都得！！串燒--又係另一出色之作。見之前食評話豬肉好食，一於叫晒豬肉串燒，一上檯熱辣辣已經聞到陣陣肉香，醮一醮沙爹醬入口，發覺燒得剛剛好，肉腍身而不失口感，又不會韌，沙爹醬夾著花生粒配襯一絕！！跟上次在新加坡吃的沒有兩樣，非常地道！！酸辣湯相對海南雞同串燒就失色左少少，冬陰公

同老公早有預謀去食飯~哈~雖然唔係好肚餓~哈~但都要食飯ga~奇實佢個位置都幾搞野ga~我地2個人好眼力至唔覺意搵到ja~去到就實係叫返左個大家都話正ge海南雞飯($38)同埋沙爹串($30)啦~哈~個飯真係正正正呀~哇..果d薑蓉好好味呀~唔知佢係咪用搞拌機搞ga呢?好翠綠喎~哈~串燒呢就係d汁最好味...但係熱ge時候係至正ga~所以唔好放咁耐涼左至食呀~我就冇食牛~豬同雞都唔錯呀~價錢就大眾化啦~都唔貴~