好時沙嗲

營業中

休息中

早幾日同太太又幫襯好時沙嗲﹐今次除左海南雞飯﹐仲要左半打雜錦沙嗲同一個辣星州炒飯。海南雞飯水準依然KEEP 到﹐雞滑飯香。不過今次的薑蔥蓉就無前幾次的好﹐唔似以前淺綠色的泥狀而係薑還薑蔥還蔥﹐同出面的差不多。懷疑負責打薑蔥蓉的師傅過年後仲未開工﹖雜錦沙嗲就好好味﹐不過兩串牛就略為凍左D﹐今次最好食係豬。星州炒米我就食得多﹐星州炒飯就真係未試過﹐仲要加個辣字﹐直頭係非試不可啦。上到檯一望﹐以為送錯﹐因為見到有蝦片﹐一隻荷包蛋加兩串沙嗲。一問之下先知原來呢個就係辣星州炒飯。同我想像中的賣相都差幾遠。當中沙嗲﹑蝦片同荷包蛋其實同個飯有乜關係我真係唔知﹐亦無問﹐但個炒飯食落又幾惹味。點解叫星州炒飯﹖無所謂啦。