好時沙嗲

營業中

休息中

過左黑色星期二, 希望來過好運星期三. 與女友來試十大好評之一的好時沙嗲.雖然經常行過好時中心, 但一直沒有什麼地方吸引力令我稍足停駐. 想不到在二樓轉角位有關如此旺的舖頭.雖然是六時半左右去到, 客人已經七八成滿, 選了一個二人位置, 便開始點餸.根據食評之信心指數, 先叫了以下餸菜項目:叻沙雜錦串燒海南雞飯肉骨茶/排骨茶叻沙材料不同多講, 但主角不是米粉及材料, 而是個椰漿湯底, 食湯粉麵很少有"香"的感覺, 對我是很有新鮮感. 若不是有肉骨茶在後, 一定一飲而盡. 雜錦串燒很惹味, 沒有燒得過久柴皮感覺, 沙嗲醬做得很出色. 在香港, 很懷念以前在香港公園湖心亭畔的一檔, 在國內, 很喜歡金津咖哩的串燒. 可是, 好吃的都離開而去, 通通無晒. 這裡的串燒可能是我歸宿之處.海南雞很滑, 無骨, 但覺得份量少了點. 油飯飯身略硬, 不夠熱, 所以帶不出油飯的香. 女友與我一致認為勝利小廚的油飯較佳.肉骨茶我是門外漢, 肉排相當肥美, 有党參杞子藥材. 入口有相當濃郁感覺, 沒有飲過其他地方, 純感覺是不錯, 是飲關中湯,西湯, 紅白外的另類選擇.加時作賽要了兩客甜品嚤嚤喳喳及椰汁沙

又再翻叮好時沙嗲... 海南雞飯, 依然ok , 最鍾意係個薑蓉.薄餅, 只屬一般.辣牛筋(唔太記得全名) , 好唔掂, 個汁同唔牛筋一d 味都無, 淡而無味. 建議唔好叫.越來越發覺男友點的餸唔太啱我同唔識叫.

- 好很難搵, 非常隱閉間舖~~- 海南雞好滑, 不過冇咩雞味- 點雞既醬好得, 酸酸辣辣- 油飯, 唔夠香喎~~ 我覺得....- 炒蘿蔔羔, 個糕普通, 但D 配料好正..- 同個waiter話要黑油, e...又係烯油既~~總結, 價錢OK, 可以一試~~

同男朋友去吃"久仰大名"既海南雞飯, 雞滑但唔夠雞味.串燒既沙嗲醬好香, 咖喱牛腩也十分惹味.抵食!

見咁多人俾高分，今日就去左試，都幾好，我叫左喇沙、海南雞飯、串燒同椰青，喇沙真係唔錯，好香又大碗，海南雞真係幾滑，不過串燒就好似細串左d，但整體都幾好，d侍應都ok丫，態度幾親切

茶是深啡色的，有六、七件排骨，的肉炆得好淋、好入味，就算唔加醬汁空口食，一樣好得。我覺得好味過上環個間楊氏肉骨茶，佢的肉唔係好夠味，同理楊氏既肉骨茶，似茶多過似藥材lor~~ 不過呢的人都係各人既口味，正唔正宗係一件事。0岩唔0岩口味又係另一回事。我試過勝利道《勝利小廚》既海南雞飯，佢既海南雞飯係我食過最最最好味既，雞雖然唔係好夠雞味，但係滑過好時沙嗲好多，又冇血。而好時沙嗲既泰式醬汁，好野味~~但就一定唔係正宗既海南雞飯lor~~點會用泰式醬汁丫~~~不過呢，《勝利小廚》既服務態度真係如傳聞一樣咁差差差差，我未見過的咁低水平既士仔，連收銀個位阿嬸都好寸ka~~~~大家去到，千其要自備紙巾lor~~佢地既餐巾係收埋，有都唔會拎出黎ka~

叻沙一上檯, 椰香味撲鼻, 米粉又吸收了湯底精華, 好好味~ 材料有蝦(將一隻蝦片開左幾片)、雞絲(唔多夠)、豆腐卜(有d怪味)、肉丸(無味既...), 另外芽菜放底, 我個人認為材料唔好味, 尤其是肉丸同埋豆腐卜, 個味道好怪, 好似有陣雪味咁, 所以我只係不停咁食米粉, 其實一個淨叻沙已經吸引到我去食...^^...

忽然想食星馬菜，上網見咁多人讚就一於去試試。食肆面積唔大，在冷清的商場內，Weekdays都可以客似雲來，真係唔簡單。兩個人叫了：(1) 肉骨茶(藥味唔太濃，排骨係雪蔵貨，味道麻麻地…)(2) 海南雞飯(個個都讚，一定要試啦~ 去骨海南雞，真係好滑!)(3) 馬拉盞炒通菜(馬拉盞味道夠濃，炒得有鍋氣，掂!)(4) 叻沙(湯底濃郁，椰汁味好香甜，Good)(5) 沙嗲半打(豬雞各三串，沙嗲醬好香，VERY GOOD~ 必試)(6) 椰青兩個

15-6-2005那天晚上還下著大雨，原本想到札幌但又不太懂去找了多時也找不到之後就轉了去尖東，到達時才7:30 左右，人不太多。我們坐下即刻點了海南雞飯、叻沙同半打串燒(雞、牛各3串)海南雞飯是預期的水準，與各位食友一樣很喜歡那綠色的薑茸，用來淨撈飯也可把飯吃掉。叻沙很大碗賣相很吸引，材料分別有蝦、雞絲、豆卜、魚蛋、芽菜等，這叻沙湯底非常深色又香濃，初吃第一啖時剩覺得甜味之後再吃就有很香濃的椰汁同少少辣，但很好食，令人想一食再食。之前在咖東食過覺得都很地道但這裏的比咖東大碗較為抵食起碼食後都已夠飽。下次再試下福建蝦麵先。

今日我翻開了記豬簿，和你一起的日子以來，原來我們去了很多地方也光顧過很多餐廳．在我們拍拖第一天的第一次共餐，你帶了我去好時沙嗲，那日是十月四日．我倆個入去時也許還早吧，舖內只有一對情人．我們坐在corner位，記得叫了海南雞飯(配雞油飯)、肉骨茶及沙嗲等．第一次食飯我倆已互相夾菜給大家，豬你食完就讚‘好’還說會再來．食飽了，坐了一會人漸漸多了，我們便埋單．商場冷氣頗大，我手都冰了，你便幫我保暖，那次我們第一次拖手．我們拖住手行向海旁，那裡我倆意外地看到煙花，這應該是十一國慶的餘興節目．那時我們第一次抱抱．我感激有OpenRice 此Website，這個網頁真的好好．開飯除了講求飯菜是否好味外，也在乎你那餐飯和誰吃，有尚好佳餚也未必食得開心的．其實好時沙嗲不是我吃過最好味的星馬菜，但它卻是我最喜歡的，因為那是我和豬去的餐廳，我們的戀愛起點站，有很多難忘的第一次．我一定會和他再去，而且要再坐同一個位．

聽過人話好時的沙爹同肉骨茶出名。專登約埋朋友來食，結果…都係不外如是。肉骨茶完全係一碗楜椒水，海南雞太熟，好在炒蘿蔔糕尚算驚喜，沙爹則只係顏色唔同，咬落一樣的。喇沙太油，又欠缺蝦香味。咖哩本來都可以，但之前剛試過清真的咖哩，無辦法不被比下去。如果無人約的話，都未必會再幫趁。

D 海南雞真係好滑~薑蓉又好味!串燒亦唔差,夠入味~而且價錢合理，份量夠! 侍應服務算有禮,一定會再來!

d海南雞飯有幾好食就唔講啦~ 反正大家有其他食評參考的確雞滑, 飯靚, 醬最正!!我反而想講下如果無呢度d食評, 我實唔會知, 亦唔敢去試!!因為間舖個o係一個"十室九空"o既商場內, 真係無乜意欲行入去, 就算門口有張"菜省"拎住個黃袋話好食o既poster都係咁話!!可能我去o個日比較早, 無乜人d待應哥哥好快手, 成日埋黎加水, 收碟, 搞到好似唔係幾自在咁...

昨天一行三人, 再到偏僻的好時沙嗲食海南雞飯! 第一次來的友人形容呢度似bio hazard 入面的商場, 有燈開住但一個人都無! haha~今次無叫沙嗲同粉絲蝦煲, 呢兩樣上次都覺得麻麻地, 蝦煲仲有d 難食tim! 今次叫左半隻海南雞, 正, 份量多過客飯好多, 抵食d! 一樣係滑滑無雞味, 但仍然非常好食, d 薑蓉尤其正! 仲有點了椰汁咖哩雞及烤餅, 咖哩雞非常入味, 又一d 都不辣, o岩晒我d friend. 烤餅類似酥皮咁, 超正, 加咖哩汁食一流, 好好味! 另外仲叫了油飯及椰汁飯, 油飯例牌出色, 椰汁飯味道清新淡口, 但好香椰子味, 好!最後叫了兩個椰青及三杯haagen diaz 雪糕, 十分滿足! 埋單時竟然只是$210, 超值又好味! 呢度的侍應哥哥有笑容, 要乜有乜, 咁多人手腳都仲咁快, 抵讚!

知道呢度海南雞飯($30)出名，一定要試下!份量唔算多，但去骨海南雞的確滑嫩，反而碗飯係最好味!雞油味濃郁，真係想再添食....位置比偏僻而且狹窄，到此都係慕名而來。