好時沙嗲

營業中

休息中

17-03-06 三個人食晚飯, 19:00 想坐入面已經要等位.半隻海南雞$30, 感覺上好似冇上年黎食咁滑!? 應該係個別例子吧, 但都算滑, 細細件好快就掃晒.咖喱菜$50, d 汁好正, 椰菜, 蘿蔔都充滿味道.油飯$7 x 4, 食完一碗就好想食多碗.串燒$30 六串, 肉唔'un', 好香好惹味.

I had read many good reviews here about this restaurant and 海南雞飯is one of my favourite foods, so of course I had to try it! Technically it wasn't my first meal, I had arrived in HK the night before and ate at the restaurant downstairs in TKO (can't remember the name). But this was my first meal out of choice! Really like the food here. Although the chicken was cold, but the hot soup and oil/veg rice went very well with it! I'm from the UK, so can't comment on whether the chicken had 雞味or 雪味, I

0係上個星期五，因為要出TST同老婆食飯，佢又見到這間店有咁多個好食評，所以一試。晚些成9點都有好多人，仲係要等位個坐下來都算舒服隻先，真係好小有。佢的鋪都算係幾大的了，所以坐下來都算舒服。叫了個海南雞飯，叻沙和銀芽。個海南雞其實真係涷涷地的，但係同個汁真係幾夾，全綠色的薑蓉真係幾得意，好味。自己就覺得個叻沙真係好掂，個湯好好飲，我老婆真係連汁都撈埋先。哈哈。

咁多人讚好，點都要試一次,海南雞飯真係有水準，有雞味仲有三醬齊上，最緊要係合晒我懶人心水一拆晒骨！食埋咖哩牛腩，有好濃既香料味；炒通菜好甜都唔錯；珍多冰就太甜太濃喇。坐就真係迫迫地，地方油油地咁……P.S.可惜海南雞通常都係凍凍地，想食熱既都係去泰妃雞好D囉！

見到甘多好評...咪走去試下...地方唔易搵...入到去即刻叫大家時常食既海南雞飯....D雞雞凍既...><... 搞到無咩... D油飯又係凍既...要佢番熱先好小小...2個人仲叫左個咖哩牛腩...肉我無食呀..剩食D薯仔,,可能D汁好味..我都食左小小...叫左個炒通菜...OK啦價$$樣樣都平...我BF...食晒所有野..我就麻麻....成日最抵反而係加10蚊可以食迷你HAAGEN-DAZS...因為平時買一杯都唔止...所以最好食呢樣...不過如果特登黎搵食...我覺得大家唔需要囉~~~~

已有兩年無搭足過在老尖好時中心內的"好時沙嗲",日前相約老友睇關淑怡,附近無甚"速食"選擇,好自然地想到呢度.自從年前重開後,經過食友網上激讚,一傳十,十傳百,加上食家蔡瀾寫過食評稱讚後,已成為尖東人氣最盛,或者係全港最"出名"的星馬菜餐廳.無錯兩年前,小弟曾在此吃過非常出色的海南雞飯.不過已成往事,日前重臨,隻雞凍冰冰,微暖感覺也沒有,雞味唔夠,油飯味道唔夠均勻.連個湯也啖出個鳥來.沙爹串燒,一貫水準,呢味好難整得難食,求其一間也可做到同樣水準.炒蘿蔔糕,都仲保持到.非常惹味.就係咁多.睇怕,都好難再搵理由再來,我呢類諸多要求的客人,多一個唔多,少一個唔少.真係難為佢在貴網中的餐廳排行榜,依然名列前茅.

間中都有食評讚這間店,一直想試6時半到達,只得3,4個食客以為係因為早但侍應姐姐同廚房哥哥打牙較話應該當日天氣冷(約10度)所以無乜客點了很多人都讚的海南雞飯唔駛兩分鐘有得食,所以懷疑一早而整好唔知係咪天氣冷,所以雞勁凍雞肉ok油飯出色三種醬料中,只得綠色薑蓉好味例湯-落左炸蒜頭,令湯味濃,喜歡蒜味就覺得唔錯不好之處就是覺得整個店”痴立立”

上個禮拜五同男友兩個人嚟食, 雖然未嚟過, 但一搵到個場再問個看更,話咁易就搵到間舖。我地叫咗海南雞飯, D雞好滑,碗雞油飯好香, 3款醬汁都好味;一碗蝦麵, 個湯底同麵都OK, 但最好多返D蝦,同走洋蔥肉丸(有洋蔥肉丸向碗蝦麵裹, 感覺好怪);食完再用$10杯嘅價錢order咗兩杯Haagen Dazs 雪糕作甜品, 好抵呀!!

其實之前都有黎過, 覺得幾好味, 所以今次睇Eason演唱會前再黎幫襯, 發覺大部份既客人都係去睇演唱會。而且每台客都係食果幾樣野,海南雞飯–雞無骨並好滑加上黃油飯好香雞油味, 配有3個醬: 最正係綠色既薑蔥茸(開頭以為係wasabi)炒蘿蔔糕–炒得好惹味, 但食晒成碟都好漏下炒通菜–夠新鮮少少咸但略多油, 最底果d好似油浸咁咖哩牛腩煲: 咖哩汁都幾香唔太辣, 牛腩+ 薯仔都炆得好淋薄餅–太油膩攪到我成手油, 一d都無咬口P.S.有幾(3)台一齊叫埋單, 佢地check都有check單, 但發現計錯數&計多左, 所以你地記住下次要check單呀

1. 地點ok 偏... 但係價錢就一定比旺區d餐廳平... 偏都可以理解... 尖東海旁天橋到盡個棟就係... 唔駛點揾 ...2. 野食叫左: curry 牛腩$35 通菜$30 海南雞飯$35 一碗椰汁飯$7 埋單$114 連加一... 女友非常滿意... 椰汁飯好香... 好濃椰汁味... 總體黎講食物制造好認真好入味... 3. 野食上得好快... 落單後十分鐘內已經上曬...都幾推介呢間野... 當去快餐店都要付出差不多的價錢... 點解唔試下呢間相比之下差不多價錢但食物水準高好多o既餐廳?

情人節，約左個fd去食，諗住果邊應該唔會好多人，但去度都有好多人等位同埋坐到出走廊食，間野就真係up dup左d，好在我地坐入面如果唔係就無人理，見到有d人坐在係出面走廊d枱等左好耐先至有人執枱咋…兩個人叫左一個酸辣湯：味道好似冬蔭功\湯，幾辣下，味道不錯。一個海南雞飯：味道ok，好的是雞起左骨，但我覺得灣仔間沙巴的好味d。半打串燒：炭燒的但燶左d，味道不錯，沙爹醬幾好味。埋單一百一十幾…抵食！

2月11日係我女朋友生日,我諗左好耐,都唔知去邊度食飯好,我女朋友好鐘意食海南雞飯,結果俾我搵到佢"好時沙爹",個晚我地搵左好耐,結果係一間好UP-DUP既商場入面,而間鋪頭都係一樣咁UP-DUP,初初去到有小小失望,不過一場黎到就試下.個晚係sat,好多人,等位等左半個鐘到,個晚叫左個1.海南雞飯,D雞真係好滑,而且又去埋骨,簡值唔識型容既好食,加埋碗油飯就已經係完美,之後叫左2.抄通菜,好香,好滑,我係未食過咁正既通菜,之後再叫3.半打串燒,好有肉味,D沙爹醬好食到想死,差D連D醬都想打包,三樣野已經夠我地兩個食,一人80元都唔洗,又平又正,值得推介朋友

是晚與友人聚會,一行四人點咗1. 海南雞半隻- 無骨又夠滑, 但雞味略淡, 醬料同薑蓉非常正2. 油飯- 好香, 加埋醬油仲好食3. 半打沙爹豬- 口感唔錯, 沙爹醬唔太辣, 好味4. 通菜- 通菜好幼，好滑5. Laksa - 湯最正好重椰汁味6. 巴東牛肉- 似牛腩, 肉質唔錯但醬汁較少

一行四人點了海南雞飯, 辣星州炒米, 咖哩雜菜, 串燒雞肉, 咖哩雞同薄餅其實唔係第一次食, 都係覺得海南雞飯最好味~雞又夠哂滑, 油飯又夠香~辣星州米就比上次差囉, 無咁野味了, 得個辣字~串燒個沙嗲好正呀, 好夠味道~咖哩雜菜其實得好少菜, 粉絲好多都好食~要彈既係咖哩雞, 好難食, 鞋到咩咁, 仲要係凍既!! 就好似一舊凍o既白烚雞肉放入去熱咖哩入面, 但係薄餅點咖哩戚好味道, 個雞就有好大o既進步空間~服務好過預期, 可能係唔太多人啦~

我已經來食過幾次. 每次來都會食海南雞飯或Garlic Rice.因為很喜歡它的味飯,不算太油但很夠味.海南雞會起晒骨,晒我呢D懶人.個薑蔥茸亦係我的至愛,唔會好似燒味店咁成層油,d薑茸味十足.個雞湯就麻麻啦.另外, 我都喜歡叫佢d沙爹, 肉串就普通啦,但沙爹醬個味就幾好.