好時沙嗲

營業中

休息中

因為老婆自從去過新加坡之後就愛上喇沙,所以四出尋覓,依OpenRice各大大留言,响九龍似乎好時比較好,上周日中午就去會一會.今次喇沙當然係重點,我地亦叫咗加多加多同炒蘿蔔糕. 加多加多個醬好香,炒蘿蔔糕味道都唔錯. 但係個喇沙嘅湯底就唔係幾得,絕對同意lamlamlee所言. d料又唔夠豐富,都無我嘅至愛- 斯庵. 似乎食喇沙都係要去番上環孖沙街間加東喇沙, but that's another story.

睇左好多食評，話呢度好食，見今日要黎呢帶整身份證(o係正好時對面)，所以就黎呢度食dinner。同朋友點左海南雞飯同喇沙，諗住叫個蝦餅，但又無，呢度無咩小食，串燒又要半打起- 實食唔晒，所以最後無點。海南雞飯- d 雞去左骨的，但唔滑，有少少鞋添，醬汁- 薑蓉都可以。整體比想像中差，本人認為好多地方都比這裡好。油飯算係可以，但又唔講得好。喇沙- 我好鍾意食喇沙的。但係呢度既喇沙真係一個字- 差！唔正宗、材料又唔新鮮、真係唔掂。d 蝦有d 霉，但魚旦就ok，有d 似泰國街邊食到果種。整體上，我覺得唔掂，我真頭唔覺得我係食緊喇沙。另外，環境很差，一去度一邊full 左，出面有張空既檯，但朋友唔想坐出面，咁去左另一邊，有張二人檯，就坐低左啦。點知，就後悔啦，我右手邊有兩檯人嘈到拆天，我同朋友有電話都係無可能聽到，仲要出去聽。唉！d 人講野洗唔洗咁大聲？不過，可能只係我地黑。環境令到我地都唔想留低，好似極速dinner 咁，想快快脆脆食完走，食左都係半個鐘度咋。至於服務，起初入去到無人理我地，所以覺得唔係咁好。上菜方面係幾快的。但staff 唔醒目，明知我地share 食都唔識俾碗我地，問先有

我座在出菜位前面的桌, 見到女侍應把掉在地上的串燒放回碟上出菜

這間店﹐很隱閉呢!!! 不過最後也找到。看到很多人也說這裡的海南雞飯一流﹐於是便慕夠而吃。果然﹐這裡的無骨海南雞飯很好吃﹐還是這裡的主打。來這店的人﹐每一檯的客人平均也會叫兩碟海南雞飯。哈~ 真犀利呢!! 最喜愛它的薑蓉﹐弄得很碎﹐與雞一起吃好味。還叫了一碟沙嗲、咖哩菜及辣的炒米。全部東西也好好好吃呀!!!不過﹐這兒還有一樣很犀利的東西﹐就是晚上6:30就爆了。不知是因為假期﹐還是平日也是這樣子呢!!!

我好鍾意食海南雞，去過好多地方食過，都係覺得呢檔最正。上個禮拜聽講天后間廚師正，走去想食海南雞，結果又話賣晒，轉頭見到貼出黎段舊報紙話一日賣得個八隻，哇！愛美麗放九點半，咁我成世都無得食啦，結果食左碗好貴既喇沙就走左。印象最深只係個老闆勁識講野，全場未停過口。相信係間鋪成功既原因。結果過兩日又走去好時中心食過，今次食到囉！唔錯！我至欣賞佢攪碎混合既薑蔥，不過又未係至滿意，因為佢D雞唔夠肥，食落去雞太瘦，唔夠口感。如果夠肥可以好食d添！重有佢太多人，我叫支忌廉叫成四次都無黎。

1. 海南雞飯(雞好滑,湯太清又冇味) $352. 印度簿餅(可接受) $15/2件3. 咖哩牛腩煲: (咖哩汁無咖哩味又唔辣)4. 牛肉湯(好蘇)$205. 串燒(足香料味，可接受)食完後比較失望！

上個月食, 叫的都是食評介紹過的.海南雞係凍的~本身海南雞應該就係咁, 最多係有少少暖. 因為之前去過旺角勝利小廚度(以海南雞聞名)食都係咁, 只有小小暖.炒蘿蔔糕係最好食, 一定要食, 其他就普通.不過, 如果唔太食得油膩野的朋友就比較煩. 因為好多野都係好油, 包括環境.價錢ok, 4個人300蚊多dd,.已經好飽~! 不過地~點就比較難搵.....整體上, 去一次試左個炒蘿蔔糕就ok~ 個人覺得可以唔使再去.

上個星期五終於黎試左，叫左半隻海南雞，辣味炒通菜，肉骨茶同一個串燒！個半隻雞一黎到已經心知不妙，雞好白，除左凍之外，完全食唔到有雞味，根本就淡而無味，完全要靠點醬油黎做味，非常失望！好奇怪呢度有咁多對其海南雞飯既好評，另外叫既油飯就幾好味既！炒通菜算OK，但係食唔出有乜野辣味，同埋D 醬炒得唔係好均勻，一邊好咸，一邊好淡！肉骨茶唔夠胡椒，尚可以！串燒就度度都差唔多喇！總括黎講，食物質素我就覺得勉勉強強喇，服務都OK 既，不過如果下次要再食海南雞飯就一定唔會揀呢度囉！

餐廳名為好時沙嗲,但沙嗲及咖哩並不突出,只有海南雞飯才可算是其招牌菜.雞滑且飯香,正!是次一行八人吃了:1.咖哩牛腩(7分)2.巴東牛肉(7分)3.福建炒麵(6分)4.沙嗲串(5分)5.香辣椰子飯(6分)6.海南雞飯(9分)7.咖哩(大量豆卜,配菜)(4分)8.另加炒菜白飯,椰子飯另外服務不濟,拿餐牌,斟茶要自助,又摧人客埋單,真不明佢有何資格收加一服務費!是次每人消費$66

hmm... 終於試左lu...不過又唔係如網友般所講咁超級好味我地兩個人點左1. 海南雞飯餐(雞好滑, 湯太油又冇味)2. 巴東牛肉(好味)3. 簿餅(失望, 太厚好似好多分, 一陣已經"林"晒)4. 咖哩菜(失望, 冇咖哩味, 比例上好少菜, 因為好多粉絲)5. 兩杯凍檸茶

今次已經係第3次o黎呢間食店.. 叫左星洲炒蘿蔔糕.. 上2次都冇食到.. 見呢度咁多人激讚就叫下啦..上到o黎..個賣相都ok 啦.. d 蘿蔔糕有d 蛋黏住.. 又有蝦.. 一食落.. 好重蘿蔔味呀.. 口感幾好.. 但係我都係覺得太咸喇.. 唔係真係特別好食.. 仲有叫左出名o既海南雞飯同通菜.. d 雞都係一樣咁滑.. 好食!! 但係個通菜都係一樣咁油!!我諗o黎呢度都係主打食雞! ^^

食o左幾天中菜，星期一想試下其他o野。雖然位置較僻，但周一下著少許雨的晚上，仍不乏捧場客。建議老闆把向近扶手電梯的招牌加翻個箭咀，等第一次來的人不會以為是出讓了的舖位，知道要向左轉。如傳聞中，海南雞飯沒浪得虛名，好滑，d油飯好好味，但唔知係加o左咩，係咪雞湯？如果晚市有多d餐就好喇，得海南雞餐太少喇。試埋出名o既喇沙，但一d都唔辣，好濃椰汁味，與期望有出入，但都係好味o既。沙嗲串燒三款肉都試d, 這個水準一般，無太大驚喜。甜品價錢平，好吸引呀。下次有quota會試埋。上菜快無加一無雜費行遠d黎搵食都值得。小插曲：隔離o個檯叫菜，好搞笑，侍應問佢d菜要清炒定蒜蓉炒，佢話可否清炒，但加d蒜蓉落去。

一向對海南雞飯冇乜好感。但見好時咁多笑口食評，一於o黎試下。估唔到平日好怕油膩的我，會好鍾意個油飯。隔離枱仲見黎耀祥祥仔都o黎食咖喱~~哈~~ 最可惜同得兩個人，試的菜式唔多…但我會再來的﹗;)

我同個friend都係叫左海南雞飯, d雞係唔熱, 不過海南雞唔係應該係咁既咩? 我o係其他地方食過都係唔熱架.味道唔算特別好, 不過都唔錯. 最唔滿意就係好時中心好難搵, 可能因為我同個friend都唔太熟尖嘴啦, 問途人又大部分都唔知... 搵到我地幾乎想放棄(個餐有飯有雞有sauce有湯, $35再加一)

個次食飯我點左個海南雞,沙嗲串燒佢地整既海南雞好正斗雖然我唔知佢整得正唔正宗但係隻雞好有雞味,d飯有d油咁既野(唔知係咩油@@)都幾好食啊!唔錯唔錯!相反地d串燒唔知係咪咁岩失手..好似濃左少少,超級熱氣下次黎既時候試下呢度d酸辣湯先@_@"