好時沙嗲

營業中

休息中

星期一果日返左學校游水呢都係游jor一個鐘之ma就好肚餓lu我想試呢間野去到的時候, 他媽媽說環境非常的一般地方係la 渣d, 幸好那時是下午茶時間, 但卻沒有下午茶呢tamama點了海南雞飯, 雞味濃, 可能係調味得宜感覺中規中距我中意吃辣所以點了椰汁沙嗲雞但一點也不辣呢, 連他媽媽也連聲叫好因為他不吃辣呢總結2個菜都不難吃的呢

上星期四,睇concert,之前黎左呢度e肚~兩個人,叫左半隻海南雞,一個油飯,一個椰汁飯,d雞依然咁好食,最鍾意佢冇骨,同埋d醬好好味呀.第一次試個椰汁飯,哈,甜甜地,開正我果瓣,最鍾意食d又甜又鹹既野.串燒d醬都好好食,今次比上次熱,非常好,仲叫左個菜,食得好飽~^^

第二次黎～～兩個人ｌｕｎｃｈ食左海南雞飯、炒蘿蔔糕、串燒。串燒仲好食過上一次，雞牛豬都好食，個醬好正呀！炒蘿蔔糕好好食，有少少辣。海南雞飯既湯好飲左，但雞無上次幫襯咁好食，佢地既油飯超正！！！好好味呀！唔好係佢地既食物唔夠熱，希望佢地改善下啦！兩個人食ｌｕｎｃｈ貴左ｄ。

聞名已久，終於可以一試！炒蘿蔔糕–好粉呀~都唔係蘿蔔糕黎既~ 但配菜同味道就OK！半打沙嗲<豬雞> - 豬：滑雞：好鞋兩件薄餅–主要都係因為點喇沙汁，但….吃左佢之後已經飽左7成！而且又唔係真係咁正！下次唔會再食佢！喇沙–未食過正宗喇沙，但哩間我都覺得不錯！ 味道–OK呀但地點遠左D~服務–落單個哥哥仔可能係新黎，對食物唔係太熟悉抵食–OK啦~ 可以接受乾淨–比個碗我，個碗仲有上手留低既飯粒！！！總體–普通，行開個頭都可能會考慮下既~

上星期六食過，見同事極力推介，餐牌都冇睇清楚就點左以下既野:海南雞飯，喇沙，半打沙嗲，兩件薄餅，價錢經濟，味道都唔錯，不過環境麻麻，對環境有要求既人可能唔太滿意海南雞飯- 雞肉嫰滑又唔會有血水，飯味香濃又唔會有味精既感覺，不過整體感覺會較油(個人覺得係海南雞飯特色)，雞肉都係有肥油但唔多，個人覺得好過新加坡既「最好」海南雞飯喇沙- 都好唔錯，味香濃，喜椰汁味既必定喜歡，多配料，麵本身都煮得好唔錯，有咬口，不過冇餸揀，係得一款半打沙嗲- 可以豬牛雞每樣要兩串試下，可能我食唔切所以涼左，但係都係水準之作，有肉汁唔太乾薄餅- 呢個就唔太好喇，太乾冇醬汁跟既，好燶又唔係好熱，食落仲有粉既感覺

上個例拜五睇演唱會前去食,都幾多人,等咗五分鐘.上次食過海南鷄飯,沙嗲串燒&喇沙,今次就試吓星洲炒蘿蔔糕,薄餅& 咖哩雞.星洲炒蘿蔔糕-- 好入味,配料好香,可以試吓,但咖喱雞酸酸哋,得三件雞,但有六,七個大薯仔,我哋問waiter點解酸,佢哋話係咁,因為加咗啲梅,勁難食!!!所以非常失望.我哋張枱係餐廳出面嘅走廊,商場無冷氣,一邊食,一邊抺汗.....

首推介: 沙嗲蘿蔔糕呢個炒得好香沙嗲味, 好好味, 同好特別.個沙嗲串好普通, 同埋d肉好軔, 唔好食~~!!至於再馬拉盞炒通菜, 完全食唔出馬拉盞的味道, 同普通的炒菜冇乜分別...下次都會去再試下其他菜式既..!

海南雞飯quite good!半打串燒麻麻地..and the vegetable--the best dish in this dinner.It is worth to go unless u are in TST east.

睇咗中醫, 同林小B到SOGO買咗個靚靚袋俾佢fing fing吓後, 我提議話到好時食晚飯, 到逹時約22:00, 但仍有九成客, 我哋點咗三款食物:海南鷄飯- 油飯夠熱, 鷄係滑同皮夠爽, 但唔夠鷄味, 不過仲暖暖地, 三碟佐料, 我同林小B較愛薑蓉, 湯唔夠熱同普通, 唔飲唔覺有損失。星洲炒蘿蔔糕- 味夠濃, 好惹味, 不過油真係多咗D。沙嗲(鷄及豬) - 我同小B最欣賞係碟沙嗲醬, 好鬼正, 兩款串燒我倆認為豬較好食。

見到咁多網友話好好食同女友去試下~~~~位置唔算難搵﹐但乾淨程度就真係幾差味入到餐廳﹐係個商場走廊到行﹐個地下已經"痴立立"好似行係d 膠水到咁入到d﹐爆多人﹐等下都好正常但d 服務正係幾差下野食d 味道麻麻地d 雞肉唔算滑﹐但其他網友又話滑喎@@可能我唔好彩最慘係食咖喱﹐裡面有隻@@~~~~勁污糟總體黎講﹐唔值得黎食

依度d 雞，除左個滑字，都唔覺得有乜野特別，去過馬來西亞、新加坡…正宗海南雞飯，雞無骨、要滑、要有雞味，皮同肉之間有一層晶瑩通透的湯膏。食要有雞油香，三款醬料-- 甜醬油(新加坡的醬油膏開的)、紅色的甜酸的辣醬、薑蓉，缺一不可…雞係滑，但係一d 雞味都無，相反我覺得勝利小廚d 雞仲有好過佢，醬油同彊蓉都幾好，但係紅色酸甜o既辣醬就有d 苦味，唔係好得，湯明顯係重味精o既，華香雞o既雞腳湯仲好飲d…不過值得一讚o既係d 油飯，係幾香幾好味o既…*** 所以我覺得如果勝利小廚d 雞+ 好時o既雞油飯同醬汁+ 華香雞o既湯，應該就係無敵o既組合咖啡牛腩d 汁幾香濃，好味，不過無辣味，同埋d 腩太瘦，因為腩一定要有d 肥先至會入口甘香的…沙嗲串燒都幾好食，有汁調得唔錯。

我一直好想在ｈｋ搵好味既肉骨茶．不過除左ｘ葉之外呢度算ｏｋ．．．不過ｄ人講到甘．．好我又唔認同．．海南雞飯．．．ｄ雞無味．．滑係滑．．．ｂｕｔ．．．唔係好好個湯最失望．．．冷的．．油的．．無味的．．不過．．．都ｏｋ既．．

黎過呢度食野兩次～其實唔算難搵喎我覺得～有大大個牌豎ｏ係轉角位～ｏｋ顥眼～兩次食既野都唔同～總括食左海南雞（好滑～正），油飯（唔油而且好香～好味呀），粉絲蟹煲（媽咪大讚～但係我覺得麻麻ｌａｗ～蟹係鮮味～但係都幾重味精），咖喱菜（好吃呀～咖喱好香），咖喱角（超好味～唔油又脆喎～好似話係即叫即包ｇａ！！），炸豆腐（普通ｌａ），叻沙（好香椰汁味～正），串燒（冇特別），仲有一個唔知咩雙丸湯（超重味精～ｎｏｔ　ｇｏｏｄ）ｄ野真係幾好味～而且唔貴～會不斷再去ｌａｗ我諗～ｈａｈａ～不過最好ｄ味精減返少少ｌａ～而且有個伯伯好好傾好好人～會介紹ｄ正野過你食～好！！！！

同媽咪老公到此店第一次試, 順道慶祝埋mother's day, 媽咪大讚!指定要試既海南雞飯, 個飯好得, 好好好好食! 不過雞唔好食...冇雞味, 又唔夠滑....有啲失望.肉骨茶好好飲, 有小小辣, 不過又好好味! 有好多肉在湯內!炒通葉, 香口, 略咸。炒蘿蔔糕, 好油, 一般。串燒, 叫左豬同雞, 幾'林', 醬汁香口。

佢啲雞真係好滑, 但係有雞味咖哩牛腩都幾好味, 牛腩唔un辣通菜都唔辣, 好多油炒蘿蔔糕, 太油喇, 唔軟爽, 啲蘿蔔糕林到一"pac pac"肉丸蟹肉湯, 完全有咩特別, 但係最貴, 65蚊, 唔值串燒, 個醬好味, 啲肉都好惹味三個人加兩個椰菁, 一杯青檸soda 加一碗油飯其實冇想像中咁好~~~