好時沙嗲

營業中

休息中

講了好耐去好時食海南雞飯,今日終於可以一試.位置都幾難搵,要行到好入先見到.坐下來點菜,見到餐牌好陳年,都不太想睇.心中巳諗定點什麼菜.同男朋友Order了兩客海南雞飯同一個串燒.海南雞飯------雞幾滑,巳去骨,很方便.油飯不太油,粒粒分明,好好味.男友話綠色醬磨得好茸,佢最愛,反而我最鐘意黑色醬油,甜甜地.串燒----------一個驚喜,估不到沙嗲醬咁正,好有風味,我同男朋友都愛死了串燒.下次來要試薄餅.

尋晚係我第一次"開飯" ..上網搵食, 無意中搵到" 開飯喇" ~ 超開心-0- 唔駛次次都要諗餐死先有得"開飯" ^^ ~ 睇左十大餐廳, 雖然呢間野(好時沙爹)係排第4, 但由於小女子係尖咀番工, 於時決定放工一試~ 我睇d食家話呢間野幾難搵, 無錯..第一次去真係幾難搵, 因為本人呢次都蕩失左路, 要兜一大個圈先去到, 但走時發現都唔係好難搵, 其實係CEO Neway後面! 我7點半到約埋細食怪黎到, 都已經坐滿左半個場, 心諗一定俾張細木台仔我啦, 點知佢都俾張4人我, 即時印象分full左, 可以坐得舒服d^^一坐低我即刻叫左個食家推介,海南雞飯+星洲炒蘿蔔糕+椰青, 睇下menu, 叫左個叫"咖哩菜"o既野試下, 海南雞飯的確幾好食, d醬幾特別, 有碟好似豉油o既野原來係甜o既, 跟個味精湯, 個飯最"正",椰青抵飲, 好爽, 蘿蔔糕第一樣叫, 不過最慢先上, 如其名, 好似星洲炒米不過換左炒蘿蔔糕,幾惹味..而咖哩菜就好似俾人呃左咁, 得幾塊椰菜,紅蘿白, 豆叫做"菜"?! 成碟野大部份係豆腐+粉c, 不如叫"咖哩粉c"啦>.< 不過算數, 因為碟野幾

噚晚同男朋友去食,叫咗海南雞飯,喇沙,串燒沙嗲& 椰青. 海南雞飯--啲雞好滑,飯嘅雞油好入味喇沙--湯底有好濃椰汁味半打串燒沙嗲--可以雞牛羊每樣兩串,好似BBQ咁,點沙嗲醬超正見到好多人都飲椰青,所以試吓,夠哂凍,好清甜下次要試吓咖喱& 炒蘿蔔糕先得

Hi! Very dissapointed with this shop. If not wrong, this shop should be open by a Singaporen since they "Hokkien Fried Mee" is S's style.I am from Malaysia and I can said any 餐廳in MY can cook better than them. Even my aunty can make better. p/s: Coconut drink is the best among all the food.

由於上個月係本人0既生日月, 所以呢排特別多飯局.擒日因為有人請, 所以食得平0的. 所以我就提議去好時沙嗲.初初0的朋友都有少少怨言, 話間舖難搵, 再加上環境唔係太好.但係0的食物0黎0左之後, 大家就有所改觀...因為有朋友要返工, 所以我0地共ORDER 0左3轉, 一於一路食一路等...第一RUN:叫0左半隻海南雞同半打沙嗲...海南雞已去骨, 啖啖肉, 0的肉質又滑又嫩, 好有雞味, 孜唔肥...沙嗲細細串,肉質唔'UN'. 第二RUN:有CURRY 牛腩, 薄餅, 炒蘿蔔糕, 炒通菜同喇沙.喇沙湯好正, 我有朋友仲要0黎點薄餅食, 牛腩淋, 炒蘿蔔糕同炒通菜都係我勁鍾意食0既.一如以往薄餅係應該PARK'N SHOP FROZEN FOOD, 但係今次就無OVERCOOK, 都算合格.第三RUN:有CURRY 魚, 再ENCORE 炒通菜,海南雞同沙嗲. 再加0左星洲炒米.條魚係成條上0既紅衫魚, 連我唔食魚老公都食0左啖話好食.個星洲炒米就搞笑0的.色澤唔黃又唔SPICE, 不過味道都OK. 最後以一杯特價0既HAGEN-DAZ 雪糕完場, 每杯$10.另外, 值得一試

今晚我同屋企人去左食飯，叫左半隻雞、幾碗油飯、串燒、西湖牛肉湯等。隻雞既肉包括胸都好滑，無骨，凍係正常既，因為正宗海南雞係凍既；另外，油飯係用雞水整，我屋企人試過自己整過好多次都整唔到咁好味，串燒就係我係街邊食久違了既味道，雖然沒有炭爐既香，但入口既味道係我好想食既味道。個湯係用浸雞水整，大約可分到３碗，ｄ牛肉好滑，我諗我會繼續幫襯。

見咁多好評，想去試好耐，琴晚終於食到喇。間鋪真係幾隱閉，唔係openrice一定唔會係好時中心搵食。七點去到冇乜人，兩個人坐低唔洗諗必叫海南雞飯&串燒。油飯幾好味，碟雞0既雞胸一都唔鞋，配豉油or薑茸都好味，「咋」一聲清晒。串燒個沙嗲汁好正，豬&牛都好好味，雞就一般啦。之後加個炒蘿蔔糕，都幾多，個味幾好但咸d。唯一一樣唔好就係隔離左右都食煙，不過間鋪咁細冇辦法啦，有機會一定會再去0既。

不嬲有睇開開飯喇,成日跟著d好評黎食,今次第一次寫食評(寫得唔好唔好介意@@"),決定揀呢間黎寫,因為真係好好味~晚上同女朋友蕃茄去左好時中心,成個中心除左看更外成個地方水靜河非,仲以為間野執左,好彩心血來潮橫掂黎到點都睇睇的心態,去到二樓竟然出奇地熱鬧非常,原來係好時(全個二樓得佢一間仲開緊舖一一)入到去坐低,已經心知不妙,因為有人在附近煲煙....唉~算啦!大家黎搵食者我地叫左海南雞+1飯 雞真係無介紹錯,100個滑呀@O@雞肉又"亂"滑,點埋佢d source 仲正呀!!!黎到一定要食咖央:蕃茄推介,真係唔錯,個source應該係即叫即整,所以感覺好新鮮,所有蔬菜都好新鮮呢~ I like fresh!牛肉同雞肉串燒:呢個係上次食的(呢度食過兩次), 印象記得d 肉好惹味!順帶一提佢d服務真係好好,我地正常只叫海南雞唔叫餐係無雞湯的,但係我問一問果陣佢"私人醒"左bowl俾我,正!如果果度無人煲煙更徍!不過咁抵食仲可以點~好吃度:8 個蕃薯!

見到咁多食評都話佢好食, 於是約埋班firend去食.我地一行四人, 叫左好多招牌菜, 真係又平又抵食又好食, 只是佢地點真係比較難找, 我下次一定會同多喲firend一齊去食!!!

其實好時同公司真係好近, 今次都係第一次同同事去食, 4個人叫左個炒蘿蔔糕,海南雞飯, 半打串燒, 加多加多同埋炒貴刁炒蘿蔔糕有勁好味的醬油, 加埋粒粒蘿蔔粒, 好有咬口, 好正, 但係蘿蔔糕就略為腍左d啦,有少少一pat pat的感覺海南雞飯個雞油飯真係好入味, 一d都唔會油, 雞香味又重,正~~~雞就當然係少少的, 油份少, 份量都少, 雞的肉唔夠厚唔係好夠喉, 一個人一份真係唔夠飽的~~~牛肉串燒都好味, 唔會un又入味, 唔駛多點沙嗲醬啦~再加上醬上有一層油, 唔想點啊....加多加多可能係最唔抵食的一個, 因為只係一堆生菜, 豆角, 蛋加埋一pat 甜甜的沙嗲醬, 咁就$40啦, 唔抵食炒貴刁同干炒牛河好似樣啊, 不過無牛肉係入面啦, 貴刁好闊身的, 味道好好, 油左一點, 同埋無咩肉唔係好夠飽...平均每碟都係$30多元, 唔太貴, 不過肉唔夠, 好似唔係好飽.....

晚上八時多路經尖東, 又未吃晚飯, 正不知吃什麼好的時候, 忽然想到這裡出名的海南雞飯, 於是便來試試了。兩個人, 只點了一客海南雞飯和半打串燒沙嗲。海南雞飯先到, 雞比較細碟, 去了骨, 但只有6,7 件左右。味道是不錯的, 有雞味, 也尚且夠滑, 但老實說, 我不認為是十分突出的。以差不多的價錢, 天后「廚師」的海南雞便好吃得多了。湯只是一般的味精湯, 不過不失。醬料有三種, 感覺上三種都不錯, 非常「蓉」的薑蔥蓉口感最好, 飯也只是一般的味飯, 無什特色可言。串燒沙嗲要了雜錦, 即豬、牛、雞也有, 串燒很一般, 比在街邊吃到的還要遜色, 出色的只是那沙嗲醬, 有沙嗲香味, 也有花生的香味, 味道很不錯, 令平平無奇的串燒生色不少。整體來說我覺得只是一般而已, 也有點奇怪怎會有這麼多「笑面」.....如此名過其實, 不會有下次了。

老公在附近返工，買了推介的海南雞飯回家試試，好差！雞是很白色的，完全冇雞味，粗鞋得很，醬汁很甜，食了幾件，食不下去，掉了！

今晚去睇演唱會, 同幾個同事黎左呢間食, 6點9左右黎到, 都未太多人, 唔使等就有位, 但係只係過多短短既15分鐘左右, 就要開始等位, 而且仲越黎越多人.今晚4個人, 叫左:海南雞半隻: 嘩, 好味到不得了, 隻雞好滑, 好多肉, 最欣賞係d醬料.加多加多: 一種印尼既前菜, 冷盤黎既, 生菜上面加d醬(類似串燒d花生醬), 仲有旦, 薯仔等等, 我個人覺得麻麻, 因為唔係太好花生醬, 但係我同事同佢老公都話好食.葡汁雞, 炒介蘭: 不過不失串燒半打: 叫左雞同豬, 我食左雞, 覺得好味, 但係我同事串豬未熟呀...再叫左椰汁飯, 油飯同酥餅, 最好食係油飯, 而椰汁飯就好香椰汁味, 就係聞佢仲以為係甜品tim, 而個酥餅我地就一致覺得麻麻, 因為我地都suppose佢係應該似食印度咖哩o個d酥餅咁軟淋淋, 但係佢就好似d酥皮旦撻皮咁既.

因為老婆自從去過新加坡之後就愛上喇沙,所以四出尋覓,依OpenRice各大大留言,响九龍似乎好時比較好,上周日中午就去會一會.今次喇沙當然係重點,我地亦叫咗加多加多同炒蘿蔔糕. 加多加多個醬好香,炒蘿蔔糕味道都唔錯. 但係個喇沙嘅湯底就唔係幾得,絕對同意lamlamlee所言. d料又唔夠豐富,都無我嘅至愛- 斯庵. 似乎食喇沙都係要去番上環孖沙街間加東喇沙, but that's another story.

睇左好多食評，話呢度好食，見今日要黎呢帶整身份證(o係正好時對面)，所以就黎呢度食dinner。同朋友點左海南雞飯同喇沙，諗住叫個蝦餅，但又無，呢度無咩小食，串燒又要半打起- 實食唔晒，所以最後無點。海南雞飯- d 雞去左骨的，但唔滑，有少少鞋添，醬汁- 薑蓉都可以。整體比想像中差，本人認為好多地方都比這裡好。油飯算係可以，但又唔講得好。喇沙- 我好鍾意食喇沙的。但係呢度既喇沙真係一個字- 差！唔正宗、材料又唔新鮮、真係唔掂。d 蝦有d 霉，但魚旦就ok，有d 似泰國街邊食到果種。整體上，我覺得唔掂，我真頭唔覺得我係食緊喇沙。另外，環境很差，一去度一邊full 左，出面有張空既檯，但朋友唔想坐出面，咁去左另一邊，有張二人檯，就坐低左啦。點知，就後悔啦，我右手邊有兩檯人嘈到拆天，我同朋友有電話都係無可能聽到，仲要出去聽。唉！d 人講野洗唔洗咁大聲？不過，可能只係我地黑。環境令到我地都唔想留低，好似極速dinner 咁，想快快脆脆食完走，食左都係半個鐘度咋。至於服務，起初入去到無人理我地，所以覺得唔係咁好。上菜方面係幾快的。但staff 唔醒目，明知我地share 食都唔識俾碗我地，問先有