好時沙嗲

營業中

休息中

已經係第N次嚟食海南雞，平時只係同男友嚟，今次約多咗三位朋友，終於一嘗叫「全隻」海南雞嘅滋味。好時用嘅雞唔算大隻，肉質鮮嬾，連雞胸肉都咁滑，確實令人費解。雞油飯亦係好時嘅強項，可惜當晚嘅油飯比平日油，美中不足。另外叫咗馬拉盞炒芥蘭(見圖)、巴東牛肉和大蝦粉絲煲。芥蘭炒得非常爽脆，馬拉盞亦不過咸；大蝦粉絲以微辣的清湯完煲上，可算是好時最清淡的煲仔菜，大蝦肉非常彈牙、粉絲入味，推介！個人不喜歡吃醬料，但仍覺得巴東牛肉的味調得唔錯。牛肉被濕潤的辣醬包圍着，辣味不過份搶口，恰到好處。朋友最後貪得意點了類似「喳喳」的糖水($28)，呢碗糖水認真揾笨！椰汁糖水裡有幾粒超粉芋頭、五顏六色既jelly狀物體和椰果，超甜，可以用難食嚟形容，賣$28蚊，有啲過份！P.S.我超怕油煙味，平日一至四都會訂走廊位，假日就會訂新extend嗰間房。