好時沙嗲

營業中

休息中

以前常常食海南雞飯,水準都ok,雞太少,雞味欠缺。油飯太油,有時勁多,他們的伙計都知,有次我一舉手,伙計就話係唔係好油,立刻換。送的湯好鹹。最近轉到檔碟頭飯專門店食海南雞飯,水準高好多,雞超滑有雞味,有香味,油飯唔油完全我,三款醬好好味,跟一碗老火湯,每天轉款,檔的海南雞飯了食神爭霸戰銀獎,李純恩、紀曉華都話正,而且店外勁多錶位泊車。服務好親切。

看此店在這裡有不少讚賞的食評，因此順路經過時拉了男友入內探過究竟。點了一客海南雞飯，油飯硬得很，害我吃完後胃痛；雞是滑，可是沒甚麼雞味。在我個人而言是不合格的，因此亦引證了流言是不能盡信這句說話。

有一日下午去好時食lunch 今次第二次去之前食過一次覺得唔錯今次去我差唔多包場仲有另一(木台)有4個人我唸佢地係熟客因為同老闆娘有講有笑照常叫海南雞飯....初頭都無咩事過左陣...個黑口黑面既侍應超大力放低碟雞飯...粒聲唔出就走開左....算~我忍你我食飯姐飯好食就得唔理佢....碟雞飯賣相無咩事...同上次黎一樣但係一食個油飯..哇d飯禁硬既全部好似生米禁未熟既...我以為得我一個係禁.....點知另一(木台)...佢地4碗飯d飯都係禁硬跟住佢地同老闆娘投訴老闆娘好唔好意思禁同佢地換過哂d油飯仲送左d串燒比佢地....仲係禁講sorry我見有得換飯...我都唔執輸同老闆娘講點知佢既笑臉又轉番黑面話我已經食左成半碗飯唔肯轉比我仲要連sorry都唔講... 最後我都係死死氣禁吞埋碗生米去....最後仲要收加一以後真係打死都唔去

見到開飯咁多笑面食評, 唸住同朋友一試. 十一黃金假期8:00去到, 唔駛等位. 叫左海南雞飯+ 星洲炒蘿蔔糕+ 沙嗲串燒.個海南雞飯最好味, 雞肉唔鞋口, 雞油飯香; 其他兩樣就麻麻地, 個炒蘿蔔糕炒到\"痴\"晒底, 好肉酸. 串燒個醬都ok, 不過同o係街邊食味道就差不多......

一直見開飯咁多哈哈快食評,同男友也心動動想試一試!位置都很偏僻,21:00一入門口個商場好似死城咁,多個人都冇,摸下摸下一樓搵到間舖.一入去唔使等位,可能晚的關係只坐了三四張.好似裝修好多年簡陋,而且環境都幾唔衛生,但一向都知風味野的舖頭都係咁,所以唔介意,本住去大排檔的心態去食.點了一個海南雞飯+ 炒芥蘭+ 沙嗲串燒雞蝦飯.海南雞飯($35): 雞油飯+ 6小件雞+ 一碗湯.雞油飯真係好食,平日不愛吃雞油飯的我也吃完全碗,雞肉好白好滑,頗為雞味唔重有點淡,點埋個黑色汁薑油及甜酸醬先夠味道! 湯就不得了!!!好重味精味!飲完湯好易口渴,頂唔住要叫枝可樂先.炒芥蘭($30): 炒得不錯!好爽口~而且味道剛好,唔太辣唔太咸.值得一試.沙嗲串燒雞蝦飯($35): 串燒雞味道OK,但太細串.串燒蝦味道好好~好鮮味.最好味係個醬汁,唔錯.今晚最大問題係遇到一個態度極惡劣的後生女待應.我第一次來搵唔到洗手間,在門口好聲好氣問她"小姐,唔好意思呀,請問洗手間係邊呀?"她呆企在我身旁望都唔望我,然後她眼角望我一下,跟住"MEI"一下嘴角(好似食香口膠咁"MEI"幾下),再望去第二個方向唔理我!!!!!

上星期六七點幾去到大把位。兩個人叫佐雞同豬串燒半打、海南雞飯、肉骨茶、青檸梳打。串燒肉同汁都ok，略嫌細串佐d。海南雞飯d雞非常淋，但味就唔係好夠，點佐紅綠黑色幾種醬會好d。肉骨茶好大碗，跟四粒油炸鬼上，味道好濃，仲有少少辣，但記得快d飲，凍佐無咁好味。見好多人叫粉絲蝦煲(是晚蟹沽清)、加多加多、喇沙等等... 有機會多人d黎再試。

其實我上次去已經係好耐之前, 真係要講返我見咁多人都話好, 就去試下啦, 點知係好好好失望一入到去就有位, 坐左一陣都冇, 個阿叔就過黎問我地叫咩, 我就好客氣咁話睇睇先, 佢隔左一分鐘再行過黎, 做出一個冷笑樣, 話:仲未睇完呀?!(當時間野唔係full晒架!)我話宜家係唔係睇下都唔得?我比錢架, 仲要受你氣........ 佢即刻好驚, 走去第二到serve人, 我心諗, 肯定好多人比佢hup啦~ 之後我好唔忿氣, 叫左個太子爺過來, 同佢complain呢個咁既員工, 佢同我say完sorry, 竟然話:佢係咁架啦, 做左咁多年...我o晒咀啦~d野食, 係ok ge, 不過我受完次咁既氣之後一定一定唔會再去

很久都没有到過好時了, 今天跟同事們遠道而來作個午膳, 叫了3個招牌食品.....海南雞這個招牌動作, 雞油飯依舊香濃好味, 不太油但雞油味重, 飯粒好咬口, 正~~雞件都依舊香滑, 但是依舊件數不多且肉地好像比以前的更薄....星洲炒蘿蔔糕水準下降, 蘿蔔味重糕的軟硬適中, 炒完之後不會一PAT PAT的, 蘿蔔粒不但好味而且加了口感, 味道淡了一點, 但仍可稱為一個招牌菜式的炒貴刁真的令人大失所望, 因為很油很油而且用料又不新鮮, 蝦的顏色雖鮮艷, 但吃落是有點硬的, 很明顯是雪藏過久的現象, 魷魚太腥又太硬, 貴刁雖色澤深啡, 但是吃落無味道, 真不好吃....水準下降了很多, 怪不得今天不用等位........

見到呢度咁多笑臉, 尋晚終於同男朋友去左試下, 7點左右去到都有d人係度等位, 個阿姐叫左我地去一個商場走廊既位坐, 個位真係幾奇怪...我地最後叫左一個海南雞飯, 一個排骨茶, 半打沙嗲同炒蘿蔔糕, 個海南雞飯名不虛傳, 幾好食, 排骨茶同嗲都好有馬來亞風味, 尤其係個沙嗲醬做得唔錯, 而個蘿蔔糕就普普通通, 可能因為我地已經食得太飽.除左食物唔錯之外, 仲有個熱情招待我地既阿姐, 當我地飲完一支汽水之後, 佢好好人咁送多一支比我地飲, 到左最後仲送左一個好大碗既芒果布甸比我地食添!真係多謝晒!雖然坐既位奇怪左d, 但係有阿姐既熱情招待, 食得過!

見咁多人讚，所以尋晚就去試。叫了一客海南雞飯，真的很好味嗯！半打串燒，麻麻！真的麻麻！一食之下，第一個感覺係佐敦ｏ個間好食好多！好乾，唔香！一客咖哩海鮮，唔知係咪佢既特色，不過我同男朋友都覺得好似酸酸地咁既！如果再去都係食個海南雞飯，串燒唔會再叫！其實唔知其他人對於佢既沙爹點睇，不過呢間餐廳稱自己為好時沙爹，但佢既沙爹食品味道未如理想，真的不合格嗯！想講食物以外其他少少的事，他用來載海南雞飯的盤，很骯髒嗯！一掂到，手也黑了！所以我評分給中立而不是喊，是因為我給海南雞飯而已！

上次去完同心，食o左個水準麻麻地既海南雞飯，即時諗起呢度，坐底幾叫最愛既海南雞飯，雞油飯依然係正，唔會一舊舊咁，雞又正，不過試過佢果三隻醬後就發現味道好淡，可能因為上次同心試過果隻好濃好好味既醬，即時就諗如果有好時既雞油飯同雞加埋同心果隻醬咁就真係完美，不過都無乜可能.... 仲有一樣野，上次係同心見倒苑瓊丹，今日係呢度見倒李兆基，不過唔係好多億身家果個，係拍戲果個，真係咁鬼橋都有，兩次食海南雞飯都見倒演員。

本身對沙嗲無咩特別興趣，而且佢話唔可以牛豬羊每款要兩串，所以就直情唔叫；兩個人叫了海南雞飯，好似係半隻的份量，油飯係好正，不過隻雞就唔見得十分之出色；服務真係木口木面，只可以話叫就有反應咁．應該唔會再去．

第一次去淨係食左個海南雞飯同飲左個椰青，都几好食架。尤其係碗油飯。咁見几好味咪同朋友再去食囉，今次除左海南雞飯，仲叫左個炒蘿蔔糕、串燒(雞同豬)，同埋咖喱菜。炒蘿蔔糕都几好食既，但食得多會好膩呀(因為我得兩個人食)。串燒就好一般，豬都OK，但雞真係唔好食。咖哩菜D咖哩好重奶味，奶味蓋過哂咖哩味，唔好食！如果再去都淨係會食海南雞飯。

有朋友話好食所以去...好多人...訂左位都重要等...嗌左好多個海南雞飯...重有串燒,粉絲煲...等等...值得一去!

見有咁多笑臉，今晚同老婆去試下，不過有點失望。叫了沙嗲串燒，炒貴刁，辣牛筋通菜煲，薄餅。最好係個沙嗲，沙嗲醬的花生夠香，不過我覺得稍為太甜。炒貴刁全無鑊氣，奇怪是味道和樣子都似干炒牛河，但不好吃。而且可能放太多糖，甜味很明顯。辣牛筋通菜煲只吃到燶味，最初還以為是特色味道，但看清楚原來真的是煲燶了。服務也一般，當然沒有親切的微笑（個個木口木面似係唔多開心），但只要一招手就反應，都算合格啦。