好時沙嗲

營業中

休息中

晚上八時多經過，想起晚飯無著落，不如就去吃個海南雞飯。因為一個人，不用等就有位。order 後很快就有得食。個油飯夠香，雞很滑，不過味比較淡。薑蓉甜豉油都幾好，但個辣椒醬個味怪怪的...加一後$40，都可接受，不過特登來食就不必了。

四月五日(六)今晚買左飛同老婆去睇張敬軒演唱會，順道到尖東好時沙爹吃晚飯。由於沿海旁行至尖東，所以在橋中進入好時中心。好時中心實在是一個冷清的商場，因為記錯層數加上只來過一次，所以找了一會才找到，希望沒有嚇壞老婆~ ~"由於六點半已到達，不用排隊便可以入座。記得上次坐走廊位，環境不行。今次坐舖內感覺好一點，不過來這裡的應該都不是為環境和服務吧~是次Order:海南雞半隻($65)、油飯兩碗(@$10)、串燒半打($35)海南雞為去骨海南雞，口感一流，骨去得算乾淨，半隻中只有一小塊軟骨未去掉。雞肉肉質不錯，肶肉等很滑，雞胸亦不鞋，惟雞味較淡，需點醬油或配油飯進食為佳。油飯與一般的油飯比實在香太多，本來只叫了一碗試試，看多叫一個餸還是油飯，結果選擇了油飯!因為實在太好吃!串燒半打牛、豬、雞各兩串，沙爹醬較杰和花生味重，不是我喜歡的類型。幸好串燒本身調味不錯，點小許醬配合已很好吃! 牛肉串不太有牛味，雞肉串和豬肉串較出色~總括來說我和老婆都非常滿足。味道分想給4.5但沒有，就給它5分吧。由於座位位置正是收銀櫃旁，叫侍應非常方便，未覺服務有問題。也不用排隊等位，整體感覺非常好。

因為朋友唔係咁肚餓...所以叫左少d野叫左海南雞飯+ 串燒拼盤+ 一個類似肉骨茶的湯+ 椰汁飯海南雞飯....見人地講到咁好....好有期望...所以都幾失望d 雞只係一d 去左骨的雞....冇咩特別不過佢d 雞油飯幾好味~~咸度適中~正!隨海南雞飯附送一碗湯....但我自己太遲先飲....凍晒~串燒拼盤都幾好味.....雞牛豬各兩件....真的好有燒烤風味....不過好似太少...唔夠喉....果碗湯....肉骨茶咁....聞落古古怪怪....飲落又ok咁啦唔想叫白飯...所以試左個椰汁飯....唔得.....椰汁甜甜的....同d 飯完全唔match....總結.....呢間野要努力奸爸嗲喇...好在唔貴....都幾迫.......有幾個侍應叫極都唔應....otherwise 就會辜負其他食客對佢的期望

久聞"好時沙嗲"大名,和友人一直想試.今日恰巧行經尖東,友人記得地址正是好時中心,於是即試,店面躲在商場的隱蔽地方,商場外又無招牌,如果唔識路,其實都幾難搵!去到坐定,二話不說就決定要叫海南雞飯和叻沙加半打沙嗲.叻沙先來,湯底尚可,但材料不多,只有幾件豆付卜,蝦仁和魚旦,一點肉也沒有...但整體還可之後就是半打的沙嗲,雞豬牛每樣兩串,串燒的size都算有點迷你,不熱,味道普通到最後就是海南雞飯,一小碟的雞,一碗湯,一碗飯,豉油,薑茸和辣椒醬.還未食時,聽到隔離"木台"要海南雞飯,侍應同佢地講要等半個鐘,之後望到佢地的飯係滿的,呈拱形,我和友人再望望自己的飯,平的...明顯我們的是飯尾...=_="海南雞,已去骨,但不覺有什麼特別的味道.飯,也是普通而已.薑茸則尚可.友人說雞肉不夠新鮮.整體而已,說實在有點失望,始終呢間餐\\\廳都算係openrice裡一些較多人稱讚的一間餐廳.或者係我唔識食,但我覺得大家樂的海南雞,和他的油飯比這間好食多!

海南雞飯: 就算是雞胸也不會覺很老和"械"口﹐油飯很香軟不會爛爛的﹐雞湯淡奶黃食有些菜絲﹐賣相頗佳但喊了點醬料是傳統的有辣醬﹐薑蔥和黑豉油。唯一美中不足是黑豉油不夠濃不夠香。喇沙(x2): 湯底充滿椰汁香濃﹐魚蛋不腥且彈牙﹐有蝦,豆扑和雞肉配爽口米粉﹐芽菜。媽媽說這並不是她吃過最好的但是也很滿意了。大蝦粉絲: 蝦有些老﹐蝦腸沒完全清理掉但肉質尚算鮮甜也不會很腥。粉絲吸收了所有的精華所以十份美味﹐那濃湯很鮮,有蝦味和有爆香了的乾蔥但稍喊了些。什錦沙嗲(x2): 豬肉最為嫩香﹐雞是次算﹐牛做得最差但也吃的和味因那沙嗲醬很香甜。其實我覺得和隆姐差不多喇~ 馬拉盞炒芥蘭: 蝦米很香﹐和一般炒菜差不多...甜品要了芒果布甸和另一個西米布甸的東東﹐前者不過不失不會懷念後者不吃也不可惜...可能我不懂欣賞吧。再來個半隻海南雞加油飯外賣﹐埋單也不過是三百多塊...實在太太太抵了!!

星期六去看鄭中基梁漢文港樂演唱會, 之前book定檯.o係呢度擦餐勁先至去紅館睇show。這次已是第三之光顧。海南雞飯、串燒、xo醬蘿蔔糕都不用介紹, 因為很多網友都極力推介。我介紹大家試試參巴茄子, 充滿椰汁味, 送白飯一流!另外, 巴東牛肉, 好有"牛"味!而喇沙湯底好好味,豆腐卜索晒d湯,真回味!至於服務方面, 落單時侍應很主動, 又肯介紹食物俾客人。而且效率都好高, order完無耐就將食物送上(不過可能係未到七點關係啦...)。

又係即興食飯.上次經過見好多人,於是今次去試.1.海南雞飯-雞已去骨,但可惜冇雞味,油飯香,但太油,多到可以倒出一湯匙.2.沙嗲半打(牛,豬)-炭燒,好味.3.巴東牛肉-無論賣相,味道,與咖哩牛筋腩無異,完全與其他地方所出的不同.不過侍應回應堅持係巴東牛肉.味道OK,但始終非我所想,覺得怪怪.4.馬拉棧通菜-OK,但同樣勁多油.簡單/簡陋小店,與之間勁窄,招呼可以接受.總括來說,試過就算,相信不會再訪.

說的是這個靜悄悄的商場，有一間人流絡繹不絕的餐廳。星期六的晚上，和男友都要等了一會才可入座，不過桌子與桌子之間真的擺放得十分親密。海南雞飯︰雞真的夠滑，而且都去了骨的，味道蠻不錯。可惜油飯不太熱，那碗湯更不用提了，而且整個的份量也不算多。馬拉盞炒芥蘭︰份量很多，而且味道很好。菜炒得很青綠，也很鮮鮮嫩。串燒蝦雞飯︰這個等了很久才有，將雞肉蘸上甜甜的沙爹醬，也很美味。串燒蝦只有一隻，肉質雖說不上十分新鮮，但也不會不好吃的。食物、味道、價錢都可取，唯獨這裏並沒有服務可言，那加一服務費付得不值。

一看open rice有咁多好評，所以就去，而且還去了兩次。第一次太夜去，所以覺得d食物麻麻都不能怪它，但第二次去都是這樣子我們大約叫了串燒----好難咬開，不太好食海南雞飯----兩次食都是一樣，湯就凍+油，雞就不見得有何特別，飯就一般椰香飯---都幾香，不過我就麻麻like好似有個炒野，忘了叫什麼名字，太細碟，是唯一熱騰騰的食物。有得選擇，都不想再去了。

去好時沙嗲食飯, 點左咩就唔講喇, 因為重點不在此由於有朋友遲到. 都各自再點了油飯一客, 即總數我地要佢招呼了好多次沒茶當然叫佢地加, 叫了又沒做點了薄餅又未黎, 打算再追一追單, 那個白痴變態荷爾蒙失調之花甲紮馬尾阿嬋忽然脾氣暴燥的同我講"你等等好嘛, 我唔係淨係招呼你一臺客, 人地飯都未有得食" 我當時呆了一呆, 然後就梗係爆返佢啦"叫你添茶你叫左3 次你都無添, 薄餅又未到追一追你, 你發我爛渣呀, 你無野呀!!!!"之後在他面前冷言冷語了好幾句之後問另一位女員工果個阿嬋叫咩名, 這位女員工當然問我咩事啦我就說, 當然係投訴啦, 她發我爛渣, 阿乙向我解釋客人太多他做不來, 我就同佢講. "都唔係發我爛渣呀"我想阿乙有向果個阿嬋講返呱. 因為之後都冇見佢來我地張臺喇今次就比佢一條生路無同佢老闆投訴, 但希望佢有所改善吧

2月份生日o既戰友有4個, 佔左一半, 不過出席到o既得3個.....都ok喇, 只係差一個就齊張~~~不過不失喇!(本來約左上個week架, 但有d戰友病左, 有d戰友又突然唔得閒, 所以就壓後到3月1號喇)咁我就有少少遲左到o既sorry.....跟住我地就上去喇!去到坐底(我地唔係去佢主o個間, 係去左隔離o個d簡陋格局o既"分店", 因為只係係隔離舖位架姐!), 我地就睇餐牌o既睇餐牌, 傾股票o既傾股票, 呎水o既吹水, 咁最終係由我同茄塭決定左食咩再問下大家o既意見就去馬喇!不過佢一黎就上d法包呀, 簿餅呀咁...又未有咖哩咁....真係唔係咁好....不過第一碟黎o既海南雞又真係唁錯o既, 好好味!佢d飯都好好味!好想食左碗~~個巴東牛肉就過得去喇, 咖哩魚就可以喇...因為始終咖哩併魚好似怪怪的咁....但佢個menu又冇得比人併豬牛雞o個d....都係唔係咁好...胡椒蝦就因為本人唔食蝦o既所以冇食到, 但同伴食完話辣左dd....串燒就同出面o眉差唔多喇!但我地食到後期d咖哩先到, 咁我地就叫餐廳o既人幫我地整返熱佢地又話會等好耐....唉~~~咁我地唯有用d凍o既

呢間野~~入到去既感覺都唔係咁好架喇~~~好啦~~我地叫野食啦~~~叫住幾個海南雞飯啦~~~黎既速度都幾快~~當時我拎住個餐牌睇~~唔知道佢拎左黎~~之後佢住十秒都唔夠~~~就無啦啦講左句"唔識郁架"~~嘩~~~當時我地都唔知俾咩反應佢~~~講完服務~~~講番個飯~~~雞冇雞味~~~飯又勁油~~~完全唔香~~~個湯飲唔飲都把就~~~一句講哂~~~垃圾一間~~~一定唔會再去年!!!

幾年前同事介紹來好時吃飯，之前真的好好食，我也介紹了多過10個朋友來吃，也曾經遇到了老闆(伯伯)，伯伯還很自豪的給我看"兩本放滿他們與明星(周潤發,張國榮...)的合照的相簿"...不過...他們今時已經唔同往日了....我的朋友跟我說以後都不會再來, 而我估我以後也唔敢再來，也不敢再介紹俾朋友。之前平均兩個月吃一次，大半年前已發覺食物水準大跌，上星期抱住"希望今次唔會太差"的心情再來吃, 但...(1)椰青是已變壞了的...(2)炒通菜...凍的...勁細碟..好似俾人食了一半咁....(3)海南雞飯....飯是勁凍, 雞的份量比之前少了三分一....(4)沙嗲...好硬...超凍...一食就知已經整好了, 放埋一邊擺了好耐(5)咖哩雞...超過分...份量又是少了三分一, 而且全碗都是汁及幾件薯仔, 一件雞都冇, 於是開聲問侍應...侍應笑一笑再用另一隻碗仔端來兩件(粒)雞肉！(6)侍應已沒有之前的殷勤有禮，個個都唔想做咁。好失望，食了幾年，一次差過一次！唔好食就會覺唔抵食！三個字：冇下次！！！

Husband found me to have lunch on Sat after work. Really want him to try the Heinam Chicken here.When we arrived, it's nearly 3, not so many people, we ordered 1 hainame chicken rice and 1 padong beefThe chicken rice come in soon. But the quality become worser, and not as good as another shop i tried in MK. After finishing the heinam set, the beef still didn't come, what happened?!we chased for a few times and still said will come in a few minutes, finally we just left without trying it.

今日去開TST, 男朋友就上左openrice睇下附近有無咩好食, 結果就搵到呢間la~唔知其他人有無同我一樣, 覺得個座building唔似有野食呢=-=?入返正題先, 去到我地都見到有好多間都好似係佢既, 人都算ok多, 我地叫左半打沙爹串燒($30), 咖喱雞($35), 白飯2碗($10)串燒先到, 無咩特別, D醬有D粒粒, 應該係花生粒不過D串燒唔係太熱, 因為整定?等左一陣個咖喱雞到左, 估唔到得2大舊雞同D汁就咩都無, 特色?我地本身叫白飯, 咁個咖喱雞到左就叫佢上飯la,但過左一陣佢先話白飯賣哂, 其實都無所謂既, 反正想試下佢既油飯同椰汁飯, 所以每款叫左一碗但結果佢黎左2碗油飯, 因為佢係前後咁來, 所以我以為2碗飯係有分別, 但我估錯左後尾佢個碗椰汁飯到左, 但我地都唔要lu~佢地可能要改下佢地既收錢方法, 無單就咁去比錢,結果計多左我地3碗飯=-="佢要收加一, 但我都唔明點解要比~總括而言, 唔會有下次la~我唔知佢D沙爹同咖喱算唔算正宗,但如果特登去食, 又好似有D唔抵咁...