天天海南雞飯 (Fashion Walk)

營業中

休息中

食完呢間位於銅鑼灣既天天海南雞飯之後即刻將佢加入咗我的最愛!今晚放工之後同兩三知己係銅鑼灣聚餐，我地簡咗一間係fashion walk附近既好有氣氛既餐廳，天天海南雞飯。餐廳環境，氣氛都好有格調，係度享用晚餐好relax!海南雞飯好多餐廳都有得食，但天天海南雞飯唔單止海南雞飯出名，連其他中菜都好出色!同飲茶一樣會收茶位，唔係太識品茶，但飲落感覺有d似烏龍茶，味道唔錯。 蝦醬辣子單骨雞翼 ，爆好味! 又香又脆，小小辣，啱曬我胃口。脆爽海蜇，平時有留意營養學既我係度要拋下書包，海蜇嘅營養極為豐富仲有多種花維生素豐富嘅膠原蛋白同埋其他活性物質，係一種營養價值極高嘅海鮮食品。呢個菜真係好特別，每樣配料都好清脆爽口，好啱夏天食!木瓜杏汁花膠，真材實料!海南雞，雞肉鮮嫩，醬汁款式多! 雙果沙律配紅菜頭汁，超好食，牛油果，無花果，沙律菜，呢個配搭好食到無法形容。

海南雞一定要嚟「天天」食～陸續都keep住有人流，我等咗5分鐘可以入檯。本身諗住嚟食海南雞飯，但得一個胃，今次乖乖地唔好俾其它豬手、，牛腩、黑松露⋯誘惑到。服務員一開始就會上茶、上小食，等你嘆住咁睇menu！第一啖 咬落去d雞肉超嫩滑👍完全唔會起渣 好好食！左手邊有辣醬同薑蓉，我每一舊雞肉都點嚟一齊食😋d飯暖暖地 好啱入口嘅溫度，底下張墊檯紙有交代d飯係點煮同埋應該點食嘅。「如果碗飯凍咗可以嗌服務員換碗熱嘅」😉好貼心！最後好想讚哩味小食———炸涼瓜好啱嗰d唔鍾意食涼瓜、苦瓜嘅朋友🤪佢用蛋黃、蟹膏嚟包住條涼瓜去炸每一啖咬落去都俾蛋黃醬包圍住，唔會點食到苦瓜陣味，但可以吸收苦瓜嘅營養👍🙋‍♂️建議攤2、3分鐘先夾嚟食

記得多年前去過新加坡，吃過天天海南雞，位於新加坡人所謂的hawker centre內，好像香港的大排檔。Hawker centre食物都新鮮熱辣夠獲氣，但比香港大排檔貴。雖然沒有冷氣，但仍然是新加坡人熱愛的地方。今次試一下香港的天天，地點比較高尚，食物款式也很多，夠特別！❤️天天海南雞 （中份）HKD158 - 雞比較瘦，沒有很嫩，但比較健康。皮很薄，皮下有啫喱，雞味夠，配上不同醬汁可增加味道層次感。❤️天天石窩雞飯 (1 - 2人份量）HKD 38 - 一如以往好吃的雞飯，配雞和醬汁，一流！❤️酸菜石班 HKD 128 - 比較有驚喜是這個酸菜魚，魚夠多和夠大塊！魚塊不鬆散，有咬口和夠魚味，重點湯底酸菜夠濃，味道比很多香港的酸菜魚做得好！想不到不是專門吃酸菜魚的店這吃到好味的！❤️黃金大蝦 HKD 128 - 黃金大蝦新鮮炸起，夠脆，黃金夠香，蝦不是很大隻但夠新鮮，也是有驚喜在這裏可以吃到。

行開Donki就一定要黎食米芝蓮的新加坡菜，佢唔係傳統的新加坡菜式，而係新穎為主而不失保持傳統風味。平日既夜晚都係唔少人，入面氣氛好有感覺，暗暗地，適合食住野同朋友閒聊不錯之選👍🏻黎到一定要佢佢既海南雞，所以叫左天天海南雞（中份），中份黎講份量好大，兩個人食十分足夠，而且佢好多雞胸肉，本人十分喜愛食雞胸肉，呢度個雞胸肉唔係鞋嘅，係好滑身，高質素👍🏻當然食海南雞點可以少左油飯，油飯唔洗多講，好香，食落去味道適中，價錢合理黃金涼瓜，甘香又配有鹹蛋黃味，中意食苦瓜既人會明白同會中意辣子雞翼，單骨雞翼，容易食，味道唔辣，食唔到辣既朋友都絕對食到哪吒鬧海，個名就改到好特別同吸引了，其實係一個海鮮煲配上拉麵，味道好濃郁，拉麵吸收左湯汁，真係食完又想再食，呢個價錢真係超低食最後叫左豆腐花（原味），豆味好重，未係出面食過甘好食既豆腐花，不過食一碗真係唔夠喉🥲

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間東南亞餐廳，品嚐星馬味道。天天海南雞飯位於銅鑼灣京士頓道，地鐵站出發大約六七分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人共點了幾道小菜，一起互相分享。椰子八寶(⭐⭐⭐⭐⭐)真材實料的老火湯一飲便知龍與鳳，味道濃沃，有著淡淡椰子香味，喝起來十分滋潤，進補一流。廚師用了各種不同滋潤藥材炮製，包括雞肉，淮山，龍眼肉等等，好喝得連湯渣也清光。筋腩相逢(⭐⭐⭐⭐⭐)份量頗為多，一共有六至七嚿牛腩和牛筋。牛腩煮得鬆軟，而且惹味。牛筋也煲得十分淋身，充滿骨膠原，吃起來感覺像花膠。 要特別一讚餐廳上菜時下面用火爐加熱，防止醬汁凝固，實在細心。 綠樹銀花(⭐⭐⭐⭐💢)另外還叫了個銀魚仔西蘭花苗。西蘭花幼嫩可口，吃起來爽口。配上脆卜卜銀魚仔，吃起來十分惹味。 浴火凰皇(⭐⭐⭐⭐⭐)打卡一流的一道菜式。炒飯原個椰子上枱，然後淋上酒精加熱，氣勢一流。炒飯十分乾身， 配上大蝦，帶子等等新鮮海鮮，鮮味十足。一份大約有兩至三碗，兩個人分享剛剛好。花好月圓豆花(⭐⭐⭐⭐

星期五晚同男朋友去銅鑼灣食飯見到呢間係新加坡過食過嘅米芝蓮海南雞餐廳一於入去再食返睇吓係咪一樣味🔸天天海南雞($158)雞肉食落比較鞋完全唔鮮嫩感覺上同新加坡食嘅海南雞略有不同對呢道招牌菜有啲失望🔸魷魚海菜($108)有海帶同魷魚煮成嘅湯魷魚食唔落冇咩鮮味個湯味道飲落都算正常

天天海南雞飯之前喺新加坡就已經又食過，去到香港之後覺得呢個過江龍反而仲更加好食左 完全對得住米芝蓮嘅稱號。前菜方面就叫咗黑松露原隻海大蝦多士，黑松露嘅味道由面頭黑松露沙律醬加埋入面而帶起，建議大家一定要叫呢個作為開胃菜，非常之好，多士非常之香脆而不會油膩，上面嘅海大蝦係非常之大嚿，成個多士每一件都有半個手掌咁大，而每一啖都可以咬到蝦肉同埋兩件多士夾埋中間嘅蝦滑，都算係刷新左對蝦多士好味嘅上限。主菜就叫咗天天海南雞半份，半份就應該係半隻咁嘅意思，上枱嗰陣半隻都會起晒啲骨唔需要挑骨，所以可以做到啖啖肉，成隻雞肥美得來都唔會有咩肥膏呢點最抵讚！點上旁邊嘅酸辣汁蒜泥或者係甜豉油帶起味道非常之合適！油雞飯細粉，絕對夠晒兩至三個人食，上枱比想像之中大份。雞油嘅香味非常之濃郁唔會淡而無味！感覺上比起新加坡更加好味！海鮮喇沙，上枱本身賣相已經非常之好，配上沙煲，不斷咁樣熱住令到喇沙都會keep住熱到喺度，香氣十足。呢個喇沙嘅湯底偏向比較重椰汁味，入面有非常之多海鮮例如青口大蝦墨魚等等，全部海鮮味非常之融入湯底入面每一啖面都會食到啖啖的海鮮味，加上份量無論係面或者係海鮮都幾多，絕對對得起呢個價錢！如果面

之前已經嚟過天天海南雞飯食佢出名嘅海南雞睇社交平台知道有個新活動Seafood Loves Sake 日本清酒x海鮮料理 先知道原來除咗海南雞之外 仲有其他好嘢食約埋個鍾意清酒嘅朋友一齊嚟試吓$148酸菜石斑配龍勢 夜の帝王酸菜魚用上石斑肉 魚味比較濃酸菜湯麻味比較重唔 會過辣份量都頗多 配菜有酸菜 雜菇 芋絲如果配碗白飯就Perfect啦呢款清酒帶點果香 飲落嘅時候幾順滑 帶出石斑嘅鮮味$128松露蝦多士 配 水鳥記 藏之華純米大吟釀蝦多士炸得酥脆 幾有驚喜 係用心之作用上大虎蝦方面 中間仲夾住左魷魚呢款清酒飲落係香甜為主 同個松露香氣好夾

天天海南雞飯 (Fashion Walk) (銅鑼灣)📍銅鑼灣京士頓街9號Fashion Walk地下H2號舖上網見到最近d餐廳舉辦左一個Seafood Loves Sake 日本清酒x海鮮料理我呢個清酒愛好者 當然要來試一試揀左黎自星加坡過江龍位於銅鑼灣天天海南雞呢度嘅清酒都經過精心挑選同餐廳出名嘅餸菜黎個sake pairing松露蝦多士 配 水鳥記 藏之華 純米大吟釀 $128蝦多士好有驚喜 估唔到好大件 係平時食開嘅Double蝦多士用料十足 用上大虎蝦 麵包炸得香脆中間仲夾咗墨魚松露醬有畫龍點睛之用呢支純米大吟釀香氣清新 入口順滑可以減低蝦多士嘅油膩感酸菜石斑配龍勢 夜の帝王$148難得酸菜魚竟然用上石斑魚肉十分滑嫩 煮得啱啱好除咗魚肉之外仲有菇 芋絲 酸菜 份量都唔少配嘅呢款清酒酒精度數較高 有點果香提高成道菜嘅酸辣感

難得有空和母親大人吃個Late Lunch，精挑細選下到了這間米芝蓮推薦的新加坡海南雞過江龍。店內裝修走格調路線，昏暗藍調燈光，充滿時代感的吊燈，古典復古紋理的餐具，播放輕柔的英文歌，Tea Time時間客人不多，座位闊落，氣氛和諧夠Chill。Set Lunch 輕量版天天海南雞飯套餐 $88來到不得不試招牌菜海南雞。雖說是輕量版，但份量也不算少。皮薄肉嫩啖啖肉，沒有半點多餘脂肪，滑溜Juicy，我也破例連雞皮也沒有放過。本身海南雞已淋上淡淡的蠔油醬，另外還有提供3款醬汁，分別是濃醬油、辣醬和薑蓉，當中薑蓉最有驚喜。薑末磨得細緻綿滑，不會油膩，只有濃濃惹味的薑味，完美帶出海南雞的鮮味。另一重點雞油飯也很出色，粒粒分明，乾身油香重，口感偏硬，但可接受。海南雞控母親大人全部吃清光，表示很滿意。飲品方面Order了超級果茶，大大杯令我一度以為是2人份量。生果種類多，紅蘋果、青蘋果、西瓜、青檸、西柚，還有熱情果，誠意十足。茶底則是微甜的綠茶，整體酸酸甜甜，很Refreshing。

行完銅鑼灣IKEA，去Fashion Walk度搵食。咁啱見到天天海南雞，先醒起自己好耐未食過喇，好彩walk in仲有位！Menu上有多款新加坡特色小菜，菜式創新有新意。我地叫咗原味小籠包$28，菌王水晶$108，黑豬叉燒$148，黃金軟骨$68，浴火鳳凰$108 ，花好月圓$18，同埋無糖凍頂烏龍冷泡茶$22。✨原味小籠包$28一籠兩件嘅小籠包，用精美竹籠上菜，小籠包上仲插上一枝小黑醋dropper，造型可愛有心思，同時可以自己控制落幾多黑醋。小籠包皮薄餡靚，食落去肉汁爆出嚟，鮮味可口。如果唔係仲有其他美食，我肯定要encore多籠至得。✨黑豬叉燒$148未食已經聞到好開嘅煙燻味，叉燒用上西班牙黑毛豬，肥瘦均勻，食落去仲有種入口即溶嘅感覺，入口鬆化。個人覺得呢個係其中一個必試嘅signature dish！✨菌王水晶$108是夜嘅多菜小肉之選，用砂煲起菜嘅菌王水晶，下面有小蠟燭一直保持住溫度👍🏻入面有唔同嘅雜菌/雜菜，當中仲有羊肚菌，同肉碎；羊肚菌香氣十足，啖啖滋味！水晶粉有啲似粉絲，但較粉絲粗身，口感順滑，而且更煙韌彈牙。✨黃金軟骨$68雞軟骨比一般出面食到嘅大粒，而且炸得好香脆

天天海南雞飯經過銅鑼灣fashion walk 行街經過見到呢間舖頭，裝修都幾靚，好似中西合璧咁，除咗食飯有吧枱。入面環境都係偏暗，座位尚算舒適，職員都有禮貌。 除咗出名嘅海南雞飯，其他小菜味道都出色。店入面嘅餐具都好靚。小籠包： 包裝好精緻，小籠包熱辣辣充滿湯汁，不過皮唔夠薄。通菜：有鑊氣，仲放咗啲炸嘅白飯魚喺面頭，啖淡香脆。海味豆腐煲：我鍾意，有啲似客家豆腐，豆腐面上有肉，但煮法就唔同，預先落鑊炸再入煲。豆腐外脆內軟加上汁好juicy 。 蜜瓜縲頭雞湯：好鮮甜，飲落去喉嚨好清涼舒服，一啲都唔頸渴。 水煮安格斯牛肉： 牛肉嫩口，重點係汁夠香夠麻辣而吾太多油，仲有芋絲同雜菇。整體來講我對餐廳嘅感覺都唔錯，可以再一試或者同屋企人去食。

呢隻係被譽為新加坡最好味嘅海南雞餐廳，天天海南雞 真係次次經過銅鑼灣都想試試，今次終於約左媽咪去試啦～入到去裝修好grand ! 環境勁正呀～ 我地再望下餐牌，見佢有個限定2人餐，餐幾乎有晒我地想食既野，咁唔好煩喇就呢個再加個肉骨茶啦！ 先講主角：天天海南雞(中份)雞味濃郁肉質嫩滑，而且雞已去骨，食落啖啖肉，蘸埋佢哋秘製嘅三色醬汁（黑醬油，辣椒醬同埋薑蓉）個黑醬好似啲黑糖醬咁勁濃😍天天石鍋雞飯：雞飯用咗保溫能力極佳嘅石鍋盛載，仍能保持濕潤，飯身做到粒粒分明，濃郁雞湯嘅香味，食落唔會太油膩，令人一食上癮。講完主角，我第二推薦呢個辣子金玉其實就係炸蒜同辣椒爆粟米，粟米勁甜，炸蒜同辣椒爆香撈埋黎食超級惹味！！脆爽海蜇： 呢個菜就清清地 海蜇加埋馬蹄 爽口開胃～～涼瓜鳳梨湯好清甜，媽咪好鐘意古法肉骨茶：去到食新加坡菜除左食海南雞之外就當然要食埋肉骨茶啦！呢度嘅肉骨茶唔似傳統嘅帶有濃烈藥材味道，而係有陣陣胡椒豬肚味而佢哋煨足六個鐘，所以佢啲排骨同配料都好入味，湯嘅味道亦係極為濃郁。最後就係甜品，呢個花好月圓係星洲嘅豆腐花，好嫩滑，為呢餐晚飯做一個完美嘅句號。

今次食天天，真係令我諗起係新加坡旅行既日子。銅鑼灣依間係集合左幾間米芝蓮食店，仍保持到新加坡水準，份量都偏大，餐廳氣氛同格調真係唔錯，睇得食得，👨‍👩‍👧‍👦幾岩帶家人朋友一齊黎。天天海南雞 中份 $158中份份量已經幾大，擺盤已經好靚，雞件多，雞肉夠滑，青瓜也是必備的，都符合我對佢既期望既～雞油飯 $38要留意一個雞油飯唔係普通中菜廳既一碗份量，成個石鍋上，我覺得兩個人食就差唔多。海南雞配油飯係必須的😘未至於好油，但都充滿油香。芥末和牛 $138一上枱啲乾冰搞到好有feel😂仙氣？唔講樣，呢個係我同男朋友覺得最好食既一碟。所以我覺得除左黎食海南雞飯，依個都係必試～和牛粒口感外酥內嫩，再加埋芥末醬提味💯泡菜蠔烙 $108當時以為口感似韓國泡菜煎餅，但其實內裡意外地幾煙韌，好Q, 又有小小令我諗起台灣既蚵仔煎。豆花恐龍美祿 $28係新加坡我好鐘意飲dinosaur ，滿滿既美祿，呢度配豆花再特別啲，而且咁大杯依個價錢真係幾公道。

呢一間天天海南雞飯係新加坡嘅過江龍太空當年去新加坡旅行嘅時候食過天天海南雞，十分之美味令人懷念，只係嚟咗香港開咗幾間分店，仲有機會試吓啦嚟到呢一度梗係要試佢最出名嘅天天海南雞，雖然未到冇新加坡臉咁好味，但係計都係高水準，雞有雞味，肉質好嫩滑，而且醬料非常之夾除咗海南雞，佢呢度都有好多唔同嘅星馬菜，更有驚喜嘅仲有啲四川辣嘅菜式肉骨茶：肉骨茶嘅味唔算好老，但係用了非常之大方，裏面都有好多舊排骨，亦都有豆卜同埋菇其他配菜酸菜石斑塊：超級有驚喜，有馬鄉，但係又唔會好啦，配以酸菜嘅酸味，令人好開胃