9
招聘中
應徵
薪金面議
13天前
應徵
薪金面議
13天前
應徵
薪金面議
13天前
應徵
薪金面議
13天前
更多筍工 (9)

天天海南雞飯

Tian Tian Hainanese Chicken Rice
203
46
51
港鐵銅鑼灣站 E 出口 繼續閱讀
所有分店 (2)
電話號碼
31082181
開飯介紹
來自新加坡的天天海南雞飯,其招牌海南雞飯皮薄肉嫩,加上以煮雞精華一同煲出的黃油飯,深得當地居民及遊客喜愛,每日都大排長龍。除天天外,同場更可品嚐同樣來自星洲的3間平民食店:主打黑松露牛腩牛筋麵的老街坊、將慢煮叉燒及廣東雲吞融和成fusion菜式的超好面,以及加入煉奶、淡奶而調成的五十年代咖啡。 繼續閱讀
營業時間
今日營業
12:00 - 15:00
18:00 - 00:30
星期一至日
12:00 - 15:00
18:00 - 00:30
*食品最後落單時間: 14:30, 22:00
付款方式
Visa Master AlipayHK 支付寶 現金 八達通 銀聯
其他資料
網上訂座
Wi-Fi
酒精飲品
自帶酒水
切餅費
泊車
電話訂座
賞訂座積分
外賣服務
加一服務費
室外座位
當面支付
有關餐廳
星級食肆: 點止海南雞咁簡單?
來自新加坡的天天海南雞飯,其招牌海南雞飯皮薄肉嫩,加上以煮雞精華一同煲出的雞油飯,深得當地居民及遊客喜愛,每日都排長龍。除天天外,同場更可品嚐同樣來自星洲的3間平民米芝蓮

有關獎賞計劃
食評 (341)
同同事傾開講翻上次我哋出trip去新加坡食咗個好好味嘅海南雞飯,好回味,即慶上網睇下有咩海南雞飯好食,收工去試吓。我哋發現原來有間新加坡過江龍-天天海南雞開咗過嚟香港,仲拎咗米芝蓮。餐廳環境型格有創意,好有特色,令人印象深刻。💎香茜蟶王 $128由於我地都好鐘意食芫茜,呢個小食對於我地嚟講係必叫嘅!芫茜份量多,仲有木耳絲同蟶子,每啖口感都非常爽脆,而且仲有香濃嘅麻油味,呢個配撘好正,好開胃!💎天天海南雞(例牌) $158絕對要連皮食嘅海南雞!平時我有食雞走皮嘅習慣,唔係我唔鐘意食,係怕肥怕油膩,好怕雞皮下面嗰舊黃油膏。喺到食海南雞就冇呢個煩惱,雞皮皮薄爽滑,皮下冇任何多餘脂肪,肉厚嫩滑,雞味濃,而且去骨乾淨,唔會有碎骨。三款海南雞醬汁都好好味。💎天天石鍋雞飯 $48雞飯唔係一般油淋淋嗰種雞油飯,食落比較輕盈清爽,雞味香濃之餘,仲帶點斑蘭嘅清香,用石鍋盛載仲可以保持溫度同濕潤。💎海膽豆腐 $148底下有個火熱住,令到豆腐保持溫度暖暖地同軟身,豆腐豆味香濃,十分滑溜。海膽份量多,鮮味十足!💎Guiness $88💎火龍爆檸 $38同事飲Guiness,我就試咗個火龍爆檸,用咗火龍果,檸檬,碧螺春綠茶,味道清新,好fresh,而且茶味突出。💎天天特式豆腐花 $0而家like佢地社交平台就有得送豆腐花!呢個豆腐花好有驚喜喎!豆味濃郁,食落香甜,質感滑溜似奶凍。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-05
198 瀏覽
最近有朋友給我介紹了這家米芝蓮餐廳,跟友人路經此地,就不如一嘗這家高檔新加坡料理。.店內以浪漫格調為主,擁有一般亞洲餐廳缺少的情調,情侶撐枱腳也好,朋友想靜靜飲野傾計也好,這裡氣氛都十分配合。.香茜蟶王 $128上枱的第一道菜就充滿仙氣,急不及待要影相。.蟶子爽口彈牙,香茜被麻油滲透,吃下去有香茜味而不刺鼻,與麻香配合得剛好,中間亦有木耳絲。此為餐前冷盤小吃,開胃也。.水煮和牛 $148川椒的麻香十足,反而辣味較輕手,能吃到川式風味而不會太辣,適合新手過過癮。牛肉嫩滑,師傅把牛根去蕪荃清,口感極皆,吸收了底部的水煮湯頭,惹味醒胃。.綠樹銀花 $98好吃的菜一定不能老,但幼苗又不能吃到菜應有的口感,師傅從百葉中擇嫩菜,選出介乎幼苗與年長之間的菜心,爽口鮮甜,咬下去盡是清脆之音,常言道綠葉只是襯托,在師傅的巧手下一樣可以是一棟銀花。.天天海南雞例牌 $158上枱覺得份量不少,令人感覺不像例牌。.海南雞皮薄肉嫩,去了骨,每口都讓人沉淪在嫩雞的絲滑感。本身已經不是白切雞,盤上的醬汁提升嫩雞的鮮味,配合三種不同的特製醬料,食客可以選擇嘆嫩雞的方式。.骨香鯧魚 $188把鯧魚油炸,水份完全被脫走,奇怪的是,上諜的魚竟然出奇地乾身,不要說口感不油膩,魚身甚至一點油光也難以找到。.其實,正式的魚油仍在,蘊藏在香脆表皮之下、幼嫩魚肉之中,入口先是嚐到一下爽脆,然後嫩魚順著魚油在口腔游走,試圖把鯧魚的魚鮮魚香,打進食客的腦袋。.天天石窩雞飯 $48石窩能保溫,暖暖油飯油膩感並不重,硬度偏硬有口感,這是特地要和嫩雞做一個對比,要你一口硬、一口嫩。.豆腐花名字叫豆腐花,口感剛是布甸,而且味道像豆奶,不用放糖也有甜豆香,相當特別,正好消消滯。.百香茉莉 $38花得清香感覺,奇亞籽的口感,花蜜般的飲料。.超級果茶 $42大量水果炮製而成,一口氣喝盡多款水果精華。.西瓜汁 $38採用新鮮西瓜,喝到西瓜的沙出來! 繼續閱讀
(以上食評乃用戶個人意見 , 並不代表OpenRice之觀點。)
成日話要食香港既「天天海南雞」,因為好耐之前係新加坡食完真係念念不忘,今日親臨香港分店,估唔到原來除左「天天海南雞」,老闆仲帶左幾個新加坡米芝蓮牌子,入面有好幾間米芝蓮餐廳既菜式添。環境係香港開左咁耐,成日嚟銅鑼灣,但真係第一次行過嚟「天天海南雞」呢個舖位,估唔到原來係咁fancy,最岀有個bar枱位,入面先係餐廳座位,整間以藍色燈配黑色做主調,好時尚同好有bar既氣氛,同新加坡總店位置熟食中心,毫不講裝修既格局截然不同,餐牌上亦有好多玩fusion、創新既菜式。香茜蟶王 $128唔係個個都鍾意食芫荽,不過我個人就好喜歡佢既香氣,見有味前菜用佢黎配蟶子想試下。用上氮氣挫住,仙氣飄飄咁上枱,芫荽份量多,果種香氣味好清新唔會覺係腥,蟶子幼身好彈牙,兩者好夾,開胃既前菜。海膽豆腐 $148另外仲試左個特別少少既配搭,海膽豆腐 ,驟眼望顏色有少少似喇沙咁,豆腐兩面應該有煎香過,海膽亦係熟既狀態,熟海膽經加熱過後冇左膩既感覺,味道亦會淡左,不過兩者各有各味道,豆腐唔太滲有海膽味。天天海南雞(例) $148估唔到例牌份量都咁多,用返同新加坡總店既同一款雞,自家農場培育,底部有好多汁,好耐好耐以前係新加坡食過一次,記得果時一個旅程翻chur左3次,所以一直好食睇下香港分店既味道。皮薄,肉質嫩滑,本身已經淋上帶蠔油、醬油味既醬汁,配飯一流,唔額外沾醬汁都夠味,如果鍾意辣就可以再沾啲泰式酸辣汁更惹味。天天石窩雞飯(1-2人份) $48食海南雞當然要有雞油飯,唔係點叫海南雞飯!不過呢到就要額外嗌飯,好處係如果想齋試佢啲雞留肚食其他可以唔嗌飯,但我個人認為海南雞既精髓除左隻雞之外,就係雞油飯再撈上蒽油,真係絕配!用石窩上,$48份量有3-4碗飯,我覺得都可接受,每粒都撈上雞油,雞油油膩度較低唔覺肥膩,但雞油香就略薄。Not A Virgin $88主要用Rum、菠蘿汁、熱情果、接骨木花糖漿製成。飲落酸酸甜甜,以菠蘿味為主,酒精味唔算強烈。Not The 50’s $68用上熱情果、青檸味糖水配以咖啡整成嘅Mocktail。先帶微微嘅酸味,其後係黑咖啡本身有嘅酸味及甘香,飲慣齋啡嘅朋友會接受到,但如果你冇飲開齋啡就未必啱你飲。總括而言,配合返香港人需要,加入左酒吧同其他餐廳既食物,變得有香港特色,至於味道保留左新加坡總店既傳統口味,當地化得幾好既過江龍店。附:部份餐牌參考 繼續閱讀
(以上食評乃用戶個人意見 , 並不代表OpenRice之觀點。)
同朋友好耐無見,今日就特登黎左近期好出名既天天海南雞飯。呢間海南雞飯既本店係新加坡, 曾經獲得新加坡既米芝連推介,好多朋友都介紹呢間海南雞飯既雞皮薄肉嫩,雞油飯充滿雞油味,齒頰留香,今日就黎試一試,真係無令我失望。 一入座待應就比左本雞長教室,內容大概係講天天海南雞飯既煮法同食法。原來天天海南雞飯既雞都係用特別挑選既鮮肉雞,仲要新鮮屠宰,有哂質量保證。 首先上枱既就係麻辣花蛤(HKD108)。花蛤非常新鮮,食落十分鮮甜,而且麻而不辣,唔會好似普通炒花蛤咁油膩,值得一試。 之後就到今日既主角天天海南雞飯,我地叫左個例牌size (HKD158),估唔到都算大份,兩個人食就啱啱好。D雞食落都有肉味,而且一d肥膏都無,啱哂最近肥左幾磅既我。 之後到天天石鍋雞油炒飯(HKD48)。佢既特別之處就係用石鍋上碟,擺得耐都唔怕凍,而且非常之有雞油味,鐘意食雞油飯既朋友絕對不能錯過。 我地仲叫左碟骨香錩魚 (HKD188),碟魚炸得非常香口,表面香脆,但d魚仲保持著鮮味同肉汁,食多兩件都唔覺得熱氣。 最後,我同朋友都各自叫左杯cocktail, 賣相同味道都幾特別。我同朋友都未試過一邊食海南雞,一邊飲cocktail,感覺幾得意。 最後like左佢個page仲每人送左個豆腐花做甜品,味道清甜,用黎消滯剛剛好。 埋單每人大約HKD370。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-20
333 瀏覽
今日去到銅鑼灣食一間新加坡過江龍海南雞食店,一入門口就已經見到米芝蓮推介😋去到既時候8:30,竟然都仲要等位🧐不過等左一陣就有位。今次點左三餸一飯👇🏻👇🏻👇🏻首先點左個前菜-香茜蟶王$128蟶子爽甜,好香麻油味,芫茜都好新鮮😋夠哂開胃👍🏻第二係店員介紹既人氣推介-海膽豆腐$148豆腐有先炸過,令表面硬淨啲,食落有豆香。海膽分量唔孤寒,仲係件件分明。整體比較淡味,豆味較突出而且突出左海膽味👍🏻👍🏻當然要試下哩到既雞-天天吊燒雞(半隻)$168隻雞都幾肥,雞皮食落帶彈牙,幾香👍🏻黑鼔油帶甜同燒雞好夾👍🏻呢個油飯 必點! 天天石窩飯$48好香雞油香,應該有炒體,粒粒分明。較硬度適中👍🏻👍🏻👍🏻👍🏻飲品叫左兩款cocktail,左-比較清新 右-比較甜,果汁味重 最後,飯後甜品豆腐花👍🏻有預先調左味,食落似飲緊豆漿👍🏻👍🏻要讚一讚員工都好有禮,友善🙂🙂 繼續閱讀
(以上食評乃用戶個人意見 , 並不代表OpenRice之觀點。)