天天海南雞飯 (Fashion Walk)

營業中

休息中

食幾多次都覺得好好食嘅餐廳，仲要價錢一啲都唔貴，其他餐廳都取代唔到嘅質素，真係買少見少！呢一間喺銅鑼灣嘅天天海南雞餐廳，係同四間餐廳一齊合夥開嘅。呢度嘅餐牌會定期轉，所以有啲菜式想食嘅就快啲一定要食咗佢先啦！呢度而家除咗有普通嘅海南雞之外，仲有燒雞選擇，就算加埋都唔使$300。無論係海南雞定係燒雞，全部都係冇骨，全部肉質好滑身，啲皮唔會好肥好多脂肪，而且啲肉食落口真係滑脫脫咁。而佢哋嘅黃金雞軟骨真係超好食，上次嚟呢間餐廳都有食過，鹹蛋味好出，但係食落口又唔會好鹹好油，而且啲雞園骨食落口口感好好，真係會想一啖接一啖咁食。小籠包10幾蚊一隻，呢種質素來講真係算抵食，啲汁簡直爆曬出嚟，但又唔會好鹹，小籠包嘅皮好薄身。無骨醉雞酒味超級重，而且無骨食落口，真係一啖食落口咁好鬼爽！尤其係佢嘅雞翼尖，酒味都仲係好重！

海南雞係貴過新加坡好多，但真係好味wor~~~~ 同埋食物多好多其他選擇🐥天天海南雞（例）$158 嫩，點汁好味雞🍚油飯 （1-2位）$38好入味唔油膩米飯粒粒分明🥒黃金苦瓜 $68 外脆鹹香，苦瓜夠厚身同鮮味

熟食中心文化係🇸🇬新加坡的一大特色, 但我本身並唔係話太鍾意FOOD COURT既氣氛, 節奏同販賣模式, 所以之前去新加坡旅行, 都只係安排左其中一餐去佢地既熟食中心湊下熱鬧, 感受一下。不過嗰次我地都唔係幫襯天天海南雞, 一黎網上話佢地係排隊名店, 二黎我有個唔好海鮮既家人, FOOD COURT係呢個時候就發揮出佢既優勢, 就係可以揀返自己鍾意食既野, 所以我嗰次係熟食中心食左個炒🦀蟹, 老公就幫襯其他舖頭食🍢串燒。天天海南雞黎到香港, 走出熟食中心, 變成一間型格餐酒館, 仲唔只得海南雞飯賣, 各式各樣既豬牛海鮮小菜小食燉湯咩都有, 可以一次嗌多幾款同家人朋友SHARE黎食。我地點左輕量版海南雞飯套餐, 超好海鮮喇沙粉絲套餐, +$38千絲萬縷, 金牌☕️咖啡, 桃之柚柚。輕量版海南雞飯 - 可能係近年好多人飲食習慣改變, 追求健康, 為左迎合大眾口味, 天天海南雞唔係選用肥美既嗰種雞肉, 食落唔油膩之餘卻又能做到頗滑嫩JUICY同入味。佢地既油飯粒粒分明, 煮得偏乾身, 帶一點點雞油香, 不錯。海鮮喇沙 - 推介比可以食到少辣既朋友。湯底味道香濃椰香味足。唔知有冇人同我一樣覺得

35 mins 前經 OpenRice 落單，去到侍應反問「吓，咩單呀冇喎」。我把落單明細給他看，他還是説，「OpenRice? 冇喎！」之後響部機按按下，發現訂單，沒有道歉，也沒有解釋, 只是問「係咪呢張呀？坐埋一邊等等。」等咗大約十分鐘，有個女仔一路講住電話一路放了一袋外賣響吧枱，方才的男侍應當睇唔到，我想問嗰個女仔，她已轉身繼續講電話，好彩 bar 枱有人，我自己對一對張單，拿走。如果新年唔想有遇到不禮貌對待，建議不要去比錢受罪。

好耐以前係圓方食過dinner，印象中食物味道不俗，但定價高，份量少。今次就叫左set lunch，包左酸木耳同雞湯-天天海南雞飯套餐$78加左$18蚊轉雞髀🍗同加左$5轉雞油飯。雞肉嫩滑無骨，雞皮食落唔油膩，無痴住肥膏👍🏼雞肉本身澆上蠔油汁，但都仲有跟薑蓉、辣醬同黑醬油。三種之中，我覺得沾辣醬最好食，但大多數都係只食番佢本身嘅汁，已經好夠味。雞油飯粒粒分明，食落唔會油膩，屬偏硬口感。食完係幾飽嘅😎-埋單先發現原來茶芥係$9，所以大家去到飲多兩杯喇🍵我淨係飲左一杯真係蝕抵晒🤦🏼‍♀️😂

星期六中午，到銅鑼灣店， 沒有太多人 不像疫情之前要排隊，等候 45分鐘以上 很快便有位入坐，店鋪裝潢新派，光潔干淨，， 餐牌上還算多選擇要一點時間才能看完 ，之後因肚餓所以馬上order了半隻海南雞及一碟炒麵，餸菜算上得快，海南雞用上白雞，外相可以，有着星加玻當地的感覺，味道及質感就 一般， 另一樣是炒麵， 面条上帶有光澤可清晰看到每條麵錯綜交集 頂上覆蓋了一層薄薄的蔥絲， 至於炒麵質感及味道很好，炒得個面乾身 ，但是多了點油。

Never eat more than you can life等到頸都長既天天海南雞終於係香港開啦話說今次我係第二次去食 (因為好食所以先encore)佢個裝修 好摩登同埋好舒適今次點左一份海南雞同埋一個飯食佢既雞好鮮甜 啲雞肉好嫩滑 唔會好老最重點係 佢係無骨 岩哂一班唔鐘意食野有骨既朋友仔同埋份量都好大份 兩個人happy share食就岩岩好Location: Causeway BayPrice (10 is expensive): 6/10Yummy (10 is delicious): 7.5/10

間野耐唔耐都同同事食，但有次午飯我叫正常份量海南雞飯，同事叫輕量版海南雞飯。上到嚟個輕量版仲多肉過我個正常版。雞肉份量少都算，仲要好多骨，雞翼尖都俾埋，食開都唔係咁！！！同侍應反映都無用，淨係話可以師傅手勢唔同，師傅可能覺得你啲雞靚啲（咁多骨都靚？！）未理我反應就走左去。再同第二個friendly啲既同事反映多次，佢就解釋正常份量既件數，轉頭就話收返我輕量版既錢，咁我諗好過無啦，佢加返啲肉俾你都唔敢食啦。睇件數都要睇埋質素架嘛？你俾啲骨同皮我又計一件？咁你唔好擺埋雞頭雞頸落去湊數？但最後即使收我輕量版錢，我都係唔滿意，因為個正常海南雞食到既等於平時既肉一件左右！成餐飯好似冇肉落過肚，我係女仔都搞唔掂，食完唯有去Ikea 買小食填肚。呢間野完全可以入黑名單其實認真聽下個客既意見，望下我碟飯真係咁難咩？再問多次我想點既話，我會要求佢退餐，我俾返茶芥錢，然後過隔離食第間算。好耐無打過食評嘢，但見到comment 完全被無視真係好嬲。大家評評理。

天天海南雞飯 .〔 輕量版天天海南雞飯套餐 〕 $58 .前菜會配送涼拌木耳同湯, 海南雞飯既油飯不油膩, 雞連皮冇骨很滑, 雞配辣醬味道更好, 如果唔食辣可以同時用講要姜蓉同豉油膏, 配搭不同的醬料都會有唔同嘅風味.〔 讓燻蛋飛 〕 +$28 .冇咩讓燻味, 似日本的半熟蛋, 味道不錯.〔 千絲萬縷 〕 +$38 .蝦炸得好脆口, 唔會流失蝦嘅味.(好味指數: 7/10)

經常看到很多人幫襯，兼且很喜歡吃海南雞，所以去了試，怎料失望於海南雞，但其他反而十分驚喜。海南雞點的醬料同平時不同，海南雞亦打上了一個芡汁的感覺，肉質亦不太嫩滑完全是怪的感覺。其他在相中介绍了。

工作期間路過新城市，想食個快飯，就入咗呢間試試。餐廳唔算好多嘢揀。食物中價，但份量就偏少。女仔食還好，男士食應該唔夠飽。點了一碟海南雞飯light版，加咗錢要淨雞脾。但嚟到係有啲失望嘅，雞唔算好滑好香😕同場我有嗌奶茶，味道一般，不過不失。但當我飲完之後，問侍應要杯水嚟送一送口，點知職員話飲水要另外收錢🤯實在無諗過有嗌飲品的情況下，要水都仲要另收費。所以到最後我放棄了，印象唔係咁好。下次唔會再食。😅😅😅

之前其實已經去銅鑼灣食過一次， 不過嗰陣時係啱啱開嘅時候， 嘢食都叫做ok( 因為始終會比較返新加坡天天嘅味道) 早兩日陪frd返去食第二次， 真係不得了。 我嗌咗個海南雞套餐 雞油飯好dry 油味都好少 海南雞唔知點解佢加咗個秘製醬汁落去 完全蓋過曬海南雞嘅味道 淨係食到佢個汁 但係佢個汁又好難食。 跟住最奇怪嘅就係 我嗰碟雞全部都有骨 我個fd個碟就無骨？ quality control 係咪應該都要做下嘢，無骨就無骨有骨就有骨， 每碟都唔同樣究竟想點？ 海南雞我覺得真係似 樓下茶餐廳啲水平 二三十蚊到 完全唔值100蚊。嘢飲我嗰杯朱古力叫做正常， 但係我個friend就好唔好彩叫咗杯白苦瓜溝蘋果特飲， 佢話飲落去勁草青味， 以為自己係一隻牛喺草原度食緊草咁🤣🤣， 唔知係咪個廚師整蠱佢，仲要畀 啤酒杯佢飲勁大杯。總結：可一不可再 返新加坡原店食好過， 又平又好食

難得假日到銅鑼灣放閃，紓解一下在家沉鬱的悶氣，在「宜X傢俬」走完一圈，順道到附近午餐。店裏的裝修蠻有趣，落了不少心思。兩頭食肉獸先來一個小食。魷魚芽菜就是爽脆加爽脆，面上有些炸蒜，增添香口。接著是半隻海南雞，有別於其他餐廳食過的，這兒的海南雞是有汁的，但汁就只是帶點鹹味，似乎沒多大意思，友人說這應該是星加坡版的海南雞。小人沒多加理會是那裏的雞，總之就覺得雖然雞肉是滑的，奈何雞欠雞味，最後吃剩半份。反而豬軟骨蘿蔔較能接受，豬軟骨夠腍卻又不糜，蘿蔔仍帶爽勁，柱候醬用來佐飯不俗。我們抵達時為時尚早，後來陸續多客入座，看來店子甚受歡迎；但其招牌海南雞卻非小人杯茶。

星期四晚難得好朋友有空，去新加坡米芝蓮餐廳度食飯，朋友住係沙田，話果面經常好多人排隊，所以一直無機會食，放工後去左銅鑼灣果面撞下運氣品嚐下馳名海南雞餐廳格調非常浪漫🌹，唔似平時一般海南雞餐廳既樸實感覺，哩度既燈光和裝飾帶點優雅和別緻，好適合和朋友暢談，慢慢品嘗下美酒佳餚🍷 。同朋友兩個人叫左幾道菜，當然唔少得叫海南雞。天天海南雞 ($158)招牌海南雞色澤均勻金黄，雞皮好薄無過多肥膏，雞肉嫩滑。朋友曾經係新加坡留學，都大讚正宗，係他食過最好吃的海南雞，甚至比佢係新加坡食過的更好，配埋正宗的醬汁點: 薑蓉醬、辣椒蒜醬和新加坡醬油。 薑蓉醬切得好幼細，完全唔會”黐牙”，辣椒蒜醬比較帶出雞的鮮味點完胃口大開，新加坡醬油的味道食過既人都知道係種唔係好咸既鼓油黎，比較淡當中帶輕微的甜度，點海南雞食非常夾。天天石鍋雞飯 ($38) 餐廳特意用了石鍋保持油飯🍚既溫度，一路食既時侯飯都是暖暖的！無變凍、變硬或者令口感變差，實在貼心。 每粒米飯都均勻地沾上雞油，香之餘，飯都很軟糯， 對本身唔鐘意食飯既我黎講因此比平時食得多。馬來風光 ($88) 馬來通菜一向都係我喜歡的菜式，哩個馬來風光夠惹味，菜很嫩

新加坡天天海南雞一直都係長龍排隊店，今日趁著午餐人潮前，終於可以唔使排長隊，但都等了20分鐘。點了招牌海南雞飯套餐、肉骨茶湯麵套餐，飲品係年代奶茶及甜蜜雙莓。🥳前菜是涼拌木耳，主菜到了，招牌海南雞飯，名不虛傳，肉質鮮嫩，有雞味，帶皮有肉連骨，雞油飯不油膩，餐牌上亦有輕量版，不過我覺得有點不夠！😅肉骨茶湯麵有2條大大的豬排，配上腐皮及豆卜，湯底是胡椒豬肚湯，其實個人比較喜歡馬來西亞式的藥材湯，以脆脆的油條浸在藥材湯中加白飯同食，滋味無窮，不過新加坡的胡椒豬肚湯又是另一番風味！食完之後，有充滿能量的感覺！😋另一樣不可不提的是拉茶，在門口已經見到茶水吧的師傅在拉茶，果然，奶茶味香濃幼滑，沒有奶茶的苦澀味，只有淡淡甘甜。甜蜜雙莓是意料之外的大杯，應該甜甜蜜蜜兩人共享！🥰